ព័ត៌មាន

សម្តេច​ពិជ័យ​សេនា ​ទៀ ​បាញ់ ​ជួប​ពិភាក្សា​ការ​ងារ​ជាមួ​យ ​​ឯកអគ្គ​រដ្ឋ​ទូត​ឡាវ​តែង​តាំង​ថ្មី​ប្រចាំ​កម្ពុជា​
នាយកដ្ឋានព័ត៌មាន(៣)
74
2840 សម្តេច​ពិជ័យ​សេនា ​ទៀ ​បាញ់ ​ជួប​ពិភាក្សា​ការ​ងារ​ជាមួ​យ ​​ឯកអគ្គ​រដ្ឋ​ទូត​ឡាវ​តែង​តាំង​ថ្មី​ប្រចាំ​កម្ពុជា​

       នៅ​រសៀលថ្ងៃ​ទី​២៩​ ខែ​មេសា ​ឆ្នាំ​២០២២​ដដែល​នេះ​ដែរ​ សម្ដេច​ពិជ័យ​សេនា​ ទៀ ​បាញ់​ ឧបនា​យករដ្ឋ​​មន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ បាន​អនុញ្ញាតិ​ឱ្យ ឯកឧត្តម​ Buakeo ​PHUMVONGSAY ឯកអគ្គ​រដ្ឋទូត ​វិសា​មញ្ញ ​និង​ពេញ​សមត្ថភាព​ នៃ​សាធារណ​រដ្ឋ ​ប្រជាធិប​តេយ្យ ​ប្រជា​មានិត​ឡាវ ​ចូល​ជួប​សម្តែង​ការ​គួរ​សម​។​

សម្ដេច​ពិជ័យ​សេនា​ ទៀ ​បាញ់​ ឧបនា​យករដ្ឋ​​មន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ និងឯកឧត្តម​ Buakeo ​PHUMVONGSAY ឯកអគ្គ​រដ្ឋទូត ​វិសា​មញ្ញ ​និង​ពេញ​សមត្ថភាព​ នៃ​សាធារណ​រដ្ឋ ​ប្រជាធិប​តេយ្យ ​ប្រជា​មានិត​ឡាវ


       នៅ​ក្នុង​ឱកាស​នោះ ​ឯកឧត្តម ​ឯកអគ្គ​រដ្ឋទូត​ឡាវ​ បាន​វាយ​តម្លៃ​ខ្ពស់​ ចំពោះ​កិច្ច​សហប្រតិបត្តិការ ​រវាង​ រដ្ឋាភិបាល ​ក្រសួង​ការ​ពារ​ជាតិ ​និង​ប្រជាជន​ នៃ​ប្រទេស​ទាំង​ពីរ​ ដែល​បាន​អនុវត្ត​បាន​យ៉ាង​ល្អ​ប្រសើរ​ ក្នុ​ង​នាម​ជា​បង​ប្អូន ​និង​ជា​ប្រទេស​ជាប់​ភូមិផង​របង​ជា​មួយ​គ្នា​។​ ឯកឧត្តម ​ក៏បា​នលើក​ឡើងថា​៖ កម្ពុជាគឺ​ជា​ប្រទេស​មួយ ​ដែល​បាន​ទទួល​ជោគ​ជ័​យក្នុង​ការ​គ្រប់​គ្រង​ និង​ទប​ស្កាត់​ការ​រីក​រាល​ដាល​ នៃ​ជម្ងឺកូវីដ​១៩​ បាន​យ៉ាង​ល្អ​ ពិសេស​បាន​ថ្លែង​អំណ​រគុណ ​ចំពោះ​រដ្ឋាភិបាល ​ប្រជាជន ​ប្រទេស​កម្ពុជា​ ដែល​បាន​ជួយ​គាំទ្រ​ជួយ​ដល់​ប្រទេស​ និង​ប្រជាជន​ឡាវ​ នា​ពេល​កន្ល​ង​មក​ ពិសេស​កា​រជួយ​ឧបត្ថម្ភ​នូវ​វ៉ាក់​សាំង​ការ​ពារ​ជម្ងឺកូ​វី​ដ​-១​៩ ​ដល់​ប្រជា​ជន​ឡាវ។​ ​ក្នុងនា​ម​ឯកអ​គ្គរដ្ឋ​ទូត ​នៃ​សាធារណៈរដ្ឋ​ ប្រជាធិប​តេយ្យ ​ប្រជាមានិត​ឡាវ ​ប្រចាំ​កម្ពុ​ជា ​ឯកឧត្តម ​បាន​ប្តេជ្ញា​ពង្រឹង​ពង្រីក​ទំនាក់​ទំនង​ និង​កិច្ច​សហប្រតិបត្តិ​ការ​ រវាង​ប្រទេស​ទាំង​ពីរ​ និង​ប្រជាជន​ទាំង​ពីរ​ ឲ្យ​កាន់​តែ​ជីត​ស្និត ​និង​រឹង​មាំង​ថែម​ទៀត​ទៅ​ថ្ងៃអ​នាគត។​

        ជាកិច្ច​ឆ្លើយ​តប ​សម្ដេច​ពិជ័យ​សេនា​ ទៀ បាញ់ ​បាន​វា​យតម្លៃ​ខ្ពស់​ចំពោះ​ការ​វិវត្តន៍​រីក​ចម្រើន​ នៃ​ចំណង​មិត្តភាព ​សាមគ្គីភាព​ប្រទេស​ទាំង​ពី​រ កម្ពុជា​ឡាវ​។ សម្ដេច​ពិជ័យ​សេនា​ ទៀ បាញ់ ​បាន​បញ្ជាក់​ថា ​៖ ខា​ង​មុខ​នេះ​កម្ពុជា​រៀបចំ​កិច្ច​ប្រជុំ​រដ្ឋមន្ត្រី​ការ​ពារ​ជាតិ​អាស៊ាន ​នៅ​ពាក់ក​ណ្តាល​​ឆ្នាំ​នេះ​ នឹង​អញ្ជើញ​រដ្ឋមន្ត្រី​ការ​ពារ​ប្រទេស​ឡាវ​មក​ចូល​រួម​ក្នុង​កិច្ច​ប្រជុំ​នេះ ​ហើយ​យើង​នឹង​បន្ត​ពង្រឹង​ពង្រីក​កិច្ច​សហប្រតិបត្តិការ​ដ៏​ល្អ​ជា​មួយ​គ្នា​ត​ទៅ​ទៀត​។​ ទន្ទឹម​នឹង​នេះ ​សម្ដេច​ពិជ័យ​សេនា​ ទៀ បាញ់ ក៏​បាន​បញ្ជាក់​អំពី​ជំហរ​ រប​ស់​កម្ពុជា​ ក្នុង​នាម​ជា​ប្រធាន​អាស៊ាន​ប្តូរ​វេន​ឆ្នាំ​២០២២​នេះ​ លើប​ញ្ហា​សមុទ្រ​ចិន​ខាង​ត្បូង​ ក៏​ដូច​ជា​ បញ្ហា​វិបត្តិ​សង្គ្រាម​នៅ​ប្រទេស​អ៊ុយ​ក្រែន​ផងដែ​រ​ ៕ 


អត្ថបទថ្មីៗ

សេចក្តីប្រកាស

សារជូនពរ

វីដេអូ