ថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០
ត្រូវនឹង ថ្ងៃទី២៧ ខែកក្កដា ឆ្នាំ២០២៦
លោកជំទាវ នាយឧត្តមសេនីយ៍ ដាំ ដារីនី រដ្ឋលេខាធិការ និងជាប្រធានក្រុមការងារយេនឌ័រ ក្រសួងការពារជាតិ បានដឹកនាំក្រុមការងារយេនឌ័រ ចុះសំណេះសំណាល សួរសុខទុក្ខគ្រួសារកងទ័ព និងនិវត្តន៍ជន ព្រមទាំងត្រួតពិនិត្យវឌ្ឍនភាពការងារយេនឌ័រ និងផ្សព្វផ្សាយផែនការយុទ្ធសាស្ត្របញ្ជ្រាបយេនឌ័រ ក្រសួងការពារជាតិ ឆ្នាំ២០២៤-២០២៨ នៅបញ្ជាការដ្ឋានយោធភូមិភាគទី៥។
ក្នុងឱកាសនោះដែរ លោកជំទាវ នាយឧត្តមសេនីយ៍ បាននាំយកអំណោយសម្ភារៈ និងថវិកាមួយចំនួន និងការផ្តែផ្តាំការសាកសួរសុខទុក្ខ ពីឯកឧត្ដម ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ឧបត្ថម្ភជូនដល់ យោធភូមិភាគទី៥, មន្ទីរពេទ្យយោធភូមិភាគទី៥, មន្ទីរពេទ្យសំពៅលូន, ក្រុមការងារយេនឌ័រចំណុះយោធភូមិភាគទី៥ ព្រមទាំងគ្រួសារកងទ័ព និងនិវត្តន៍ជនចំនួន ២០គ្រួសារផងដែរ។
-អរគុណសន្តិភាព !
-អរគុណនយោបាយឈ្នះឈ្នះ !
-ដឹងគុណស្ថាបនិក មគ្គុទ្ទេសក៍ឯក និងប្រតិបតិ្តករ នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ !
