ឯកឧត្តម ឧត្តមសេនីយ៍ឯក សៀក សុជាតិ បានដឹកនាំប្រតិភូយោធាជាន់ខ្ពស់ ចូលរួមបំពេញទស្សនកិច្ច នៅទីក្រុងទីណាននឹង ខេត្តគួងស៊ី នៃសាធារណរដ្ឋប្រជាមានិតចិន

         នៅអាកាសយានដ្ឋានអន្តរជាតិភ្នំពេញ ថ្ងៃទី០៧ ខែមិថុនា ឆ្នាំ២០២៥ ឯកឧត្តម ឧត្តមសេនីយ៍ឯក សៀក សុជាតិ រដ្ឋលេខាធិការ ក្រសួងការពារជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់នៃកងយោធពលខេមរភូមិន្ទ អញ្ជើញចូលរួមបំពេញទស្សនកិច្ច និងត្រួតពិនិត្យការងារនៅក្រុមហ៊ុន Guangxi Courtri Satellite Technology System Co.Ltd និងសាកលវិទ្យាល័យ Guangxi University for Nationalities ទីក្រុងទីណាននឹង ខេត្តគួងស៊ី នៃសាធារណរដ្ឋប្រជាមានិតចិន។

         សូមបញ្ជាក់ថា៖ ទីក្រុងណាននីង នៃប្រទេសចិន គឺជាទីកន្លែងដែលកម្ពុជាបានចូលរួមក្នុងពិព័រណ៍ចិន-អាស៊ានជាច្រើនលើកច្រើនសារ។ ជាមួយគ្នានេះទាំង សម្តេចតេជោ ហ៊ុន សែន អតីតនាយករដ្ឋមន្រ្តី និងជាប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក៏ធ្លាប់បានអញ្ជើញបំពេញទស្សនកិច្ចមិនតិចដងនោះឡើយ នៅទីក្រុងធំមួយនេះ ហើយក្រសួងស្ថាប័នពាក់ព័ន្ធរបស់កម្ពុជា តែងតែបានបង្ហាញផលិតផលរបស់ខ្លួន នៅទីនោះផងដែរ។ ដើម្បីធ្វើការផ្សព្វផ្សាយផលិតផល និងស្វែងរកដៃគូពាណិជ្ជកម្ម ជាពិសេសសម្រាប់ទីផ្សារចិន ព្រមទាំងលើកកម្ពស់វិស័យសេដ្ឋកិច្ច ទេសចរណ៍ និងវប្បធម៌ជាតិ ៕