នាព្រឹកថ្ងៃទី១៩ ខែឧសភា ឆ្នាំ២០២៥ ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការ ក្រសួងការពារជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់ អញ្ជើញចូលរួមការតាំងពិព័រណ៍លម្ហសមុទ្រ និងដែនអាកាសអន្តរជាតិឡាំងកាវី ប្រទេសម៉ាឡេស៊ី ចាប់ពីថ្ងៃទី១៩ ដល់ថ្ងៃទី២៤ ខែឧសភា ឆ្នាំ២០២៥។ អញ្ជើញជូនដំណើរប្រតិភូដល់ព្រលានយន្តហោះអន្តរជាតិភ្នំពេញ មានឯកឧត្តមជាអគ្គលេខាធិការ, អគ្គនាយក, អគ្គនាយករង និងនាយទាហាន នៅក្នុងក្រសួងការពារជាតិជាច្រើនរូបទៀត។
ក្នុងដំណើរការចូលរួមតាំងពិព័រណ៍លម្ហសមុទ្រ និងដែនអាកាសអន្តរជាតិ ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការ ក្រសួងការពារជាតិ នឹងចូលរួមទស្សនាពិព័រណ៍លម្ហអាកាស និងដែនសមុទ្រអន្តរជាតិ លីម៉ា ២០២៥(LIMA-25) ដែលប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែឧសភា ឆ្នាំ២០២៤ នៅកោះឡាំងកាវី (Langkawi )ប្រទេសម៉ាឡេស៊ី។ សូមបញ្ជាក់ថា៖ ប្រទេសម៉ាឡេស៊ី បានរៀបចំការតាំងពិព័រណ៍ លីម៉ា(LIMA) នេះ រៀងរាល់២ឆ្នាំម្តង ដើម្បីបង្ហាញនូវសព្វាវុធ យន្តហោះ នាវា និងសម្ភារៈ ឧបករណ៍បច្ចេកវិទ្យាទំនើបៗ ដោយមានការចូលរួមពីបណ្តាក្រុមហ៊ុនធំៗលើពិភពលោក មកចូលរួមតាំងពិព័ណ៌ទាក់ទងទៅនឹងវិស័យការពារជាតិ ៕
