ក្រោយពីបានបញ្ជូនកម្លាំងទ័ព ក្រុមការងារសម្របសម្រួលការត្រៀមរៀបចំឆ្លើយតបការសង្គ្រោះគ្រោះមន្តរាយ ក្រសួងការពារជាតិ ភ្ជាប់ជាមួយម៉ាស៊ីនបូមទឹក និងសម្ភារៈ ភស្តុភា ទៅពង្រាយតាមតំបន់រីងស្ងួត ខ្វះទឹក ស្រោចស្រព ស្រូវរដូវប្រាំង នៅក្នុងស្រុកខេត្តស្វាយរៀងកាលពីថ្ងៃទី០២ ខែកុម្ភៈ ឆ្នាំ២០២៥កន្លងទៅ ឯកឧត្តម នាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ និងជាប្រធានក្រុមការងារសម្របសម្រួលការត្រៀមរៀបចំឆ្លើយតបការសង្គ្រោះគ្រោះមន្តរាយ ក្រសួងការពារជាតិ នៅថ្ងៃទី១៣ ខែកុម្ភៈ ឆ្នាំ២០២៥នេះ បានអញ្ជើញចុះត្រួតពិនិត្យតំបន់រីងស្ងួត ខ្វះទឹក ស្រោចស្រពស្រូវរប្រាំង ដែលកម្លាំងក័ព ក្រុមការងារសម្របសម្រួលការត្រៀមរៀបចំឆ្លើយតបការសង្គ្រោះគ្រោះមន្តរាយ ក្រសួងការពារជាតិ ឈរជើងចុះបូមទឹកសង្រ្គោះស្រូវប្រាំងរបស់ពលរដ្ឋ នៅស្រុកចន្រ្ទា ខេត្តស្វាយរៀង។
សូមបញ្ជាក់ថា៖ យុទ្ធនាការបូមទឹក របស់កម្លាំងទ័ពក្រុមការងារសម្របសម្រួលការត្រៀមរៀបចំឆ្លើយតបការសង្គ្រោះគ្រោះមន្តរាយ ក្រសួងការពារជាតិ រយៈពេលប៉ុន្មានថ្ងៃនេះ បានធ្វើការបូមទឹកស្រោចស្រពផ្ទៃដីស្រែប្រាំង ចំនួន៦៥៧ហិកតា ក្នុងចំណោមស្រែប្រាំង សរុបចំនួន៤៧៤២ហិកតា ស្ថិតនៅក្នុងឃុំសំរោង ឃុំទួលស្តី និងឃុំច្រេស ស្រុកចន្ទ្រា ខេត្តស្វាយរៀង ៕
