នៅព្រឹកថ្ងៃទី៩ ខែកុម្ភៈ ឆ្នាំ២០២៥ ឯកឧត្តម នាយឧត្តមសេនីយ៍ ឃឹម ប៊ុនសុង រដ្ឋលេខាធិការ ក្រសួងការពារជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹកនាំគណៈប្រតិភូជាន់ខ្ពស់ក្រសួងការពារជាតិ និងអគ្គបញ្ជាការដ្ឋាន នៃកងយោធពលខេមរភូមិន្ទ អញ្ជើញទៅចូលរួមក្នុងព្រឹត្តិការណ៍តាំងពិព័រណ៍អាកាសឥណ្ឌាលើក១៥ ឆ្នាំ២០២៥(Areo India 2025) និងចូលរួមកិច្ចប្រជុំរដ្ឋមន្រ្ដីការពារជាតិឆ្នាំ២០២៥ “BRIDGE-Defense Ministers Conclave 2025” នៅទីក្រុង បឹងហ្គាលូរូ (Bengaluru) រដ្ឋកាណាតាកា (Karnataka) ប្រទេសឥណ្ឌាចាប់ពីថ្ងៃទី០៩ ដល់ថ្ងៃទី១៤ ខែកុម្ភៈ ឆ្នាំ២០២៥។
អញ្ជើញជូនដំណើរប្រតិភូដល់ព្រលានយន្តហោះអន្តរជាតិភ្នំពេញ មានឯកឧត្តម ជាអគ្គនាយករង អគ្គនាយកដ្ឋានយោធសេវា អគ្គនាយករង អគ្គនាយកដ្ឋានភស្តុភារហិរញវត្ថុ និងនាយទាហាននៅក្នុងក្រសួងការពារជាតិជាច្រើនរូបទៀត។
ដំណើរទស្សនកិច្ចរបស់ ឯកឧត្តម ឃឹម ប៊ុនសុង រដ្ឋលេខាធិការក្រសួងការពារជាតិ ចូលរួមក្នុងព្រឹត្តិការណ៍តាំងពិព័រណ៍អាកាសឥណ្ឌាលើក១៥ ឆ្នាំ២០២៥ និងចូលរួមកិច្ចប្រជុំរដ្ឋមន្រ្ដីការពារជាតិឆ្នាំ២០២៥ នៅប្រទេសឥណ្ឌា នឹងនាំមកនូវការរឹតចំណងមិត្តភាព សាមគ្គីភាព និងកិច្ចសហប្រតិបត្តិការរវាងកងទ័ពទាំងពីរកម្ពុជា និងឥណ្ឌា អោយបានកាន់តែល្អប្រសើរ លើវិស័យការពារជាតិ ៕
