ព័ត៌មាន

ឯកឧត្តម ​សឹង ​សំណាង ​ទទួល​ជួប​ប្រតិភូ​អគ្គ​មេ​បញ្ជា​ការ​កង​ទ័ព​អាកាស​ភូមិន្ទ​ថៃ​
នាយកដ្ឋានព័ត៌មាន(៣)
42
865 ឯកឧត្តម ​សឹង ​សំណាង ​ទទួល​ជួប​ប្រតិភូ​អគ្គ​មេ​បញ្ជា​ការ​កង​ទ័ព​អាកាស​ភូមិន្ទ​ថៃ​

     ដើម្បី​ពង្រឹង​នូវ​កិច្ច​សហ​ប្រតិបត្តិ​ការ​ រវាង​ប្រទេស​ទាំង​ពីរ​ ព្រះ​រាជា​ណាចក្រ​កម្ពុជា និង​ព្រះ​រាជាណា​ចក្រ​ថៃ​ ឲ្យ​កាន់​តែ​ល្អ​ប្រសើរ​ឡើង​ទៀត​នា​ព្រឹក​ថ្ងៃ​អង្គារ ​ទី​១២​ ខែ​មីនា ​ឆ្នាំ​២០១៩ គណៈ​ប្រតិភូ​កង​ទ័ព​អាកាស​ភូមិន្ទ​ថៃ​ដឹក​នាំ​ដោយ​ ឯកឧត្តម ​នាយ​ឧត្តម​សេនីយ៍ ​ឆា​យា​ព្រឹក​ ឌី​ត​យ៉ា​សា​រីន​ (CHAIYAPRUK DIDYASARIN) ​ អគ្គ​មេ​បញ្ជាការ​កង​ទ័ព​អា​កាស​ភូមិន្ទ​ថៃ ​បាន​អញ្ជើញ​មក​បំពេញ​ទស្សន​កិច្ច​ជា​ផ្លូវ​ការ​ ​នៅ​ព្រះ​រាជា​ណាចក្​រកម្ពុជា​ រយៈ​ពេល​២​ថ្ងៃ​ ពី​ថ្ងៃ​ទី​១២​-​១៣​ ខែ​មីនា​។​

     ពេល​អញ្ជើញ​ដល់​មូល​ដ្ឋាន​កង​ទ័ព​អាកាស​ពោធិ៍​ចិន​តុង ​រាជ​ធានី​ភ្នំពេញ​ គណៈ​ប្រតិភូ​កង​ទ័ព​ជើង​​អាកាស​​ភូមិន្ទ​​ថៃ​ ត្រូវ​បាន​​ ឯកឧត្តម​ ឧត្តម​សេនីយ៍​ឯក គង់ មុនី មេ​បញ្ជា​ការ​រង​កង​ទ័ព​ជើង​អាកាស​ ​នៃ​កង​យោធ​ពល​​ខេមរ​ភូមិន្ទ ព្រម​ទាំង​នាយ​ទាហាន ​ជាន់​ខ្ពស់​ក្នុង​បញ្ជា​ការ​ដ្ឋាន​កង​ទ័ព​ជើង​​អាកាស​កម្ពុជា ​ជា​ច្រើន​រូប​ទៀត​ទទទួល​ស្វាគមន៍​យ៉ាង​ស្និទ្ធ​ស្នាល​បំផុត​។​ ក្នុង​ដំណើរ​ទស្សន​កិច្ច​ នៅ​ក្នុង​ព្រះ​រាជា​ណា​ចក្រ​កម្ពុជា​ គណៈ​ប្រតិភូ​កង​ទ័ព​​អាកាស​ភូមិន្ទ​ថៃ ​ដែល​ដឹក​នាំ​ដោយ​ ​ឯកឧត្តម ​​នាយ​ឧត្តម​សេនីយ៍ ​ឆា​យា​ព្រឹក ឌីត​យ៉ា​សា​រីន​ (CHAIYAPRUK DIDYASARIN) អគ្គ​មេ​បញ្ជាការ​កង​ទ័ព​អាកាស​​ភូមិន្ទ​ថៃ ​បាន​អញ្ជើញ​​ចូល​ជួប​សម្តែង​ការ​គួរ​សម​ និង​ពិភាក្សា​​​ការ​ងារ​មួយ​​ចំនួន​ ដែល​ទាក់​ទង​ទៅ​នឹង​កិច្ច​សហប្រតិ​បត្តិ​ការ​រវាង​កង​ទ័ព​អា​កាស​​ ​​នៃ​ប្រទេស​ទាំង​ពីរ​ ជា​មួយឯ​ក​ឧត្តម​ ​​នាយ​ឧត្តម​សេនីយ៍ ​សឹង សំណាង ​អគ្គ​មេ​បញ្ជាការ​រង​ មេ​បញ្ជាការ​​កង​ទ័ព​ជើ​ង​អា​​កាស ​នៅ​ក្នុង​មូល​ដ្ឋាន​កង​ទ័ព​​ជើង​អា​កាស​ពោធិ៍​ចិន​តុង ​ ដោយ​​មា​ន​​វត្ត​មាន ​ឯកឧត្តម​ ឯក​អគ្គ​រាជ​ទូត​វិសាមញ្ញ​ និង​ពេញ​សមត្ថ​ភាព​ និង​អនុព័ន្ធ​យោធា​ថៃ ​ប្រចាំ​ព្រះ​រាជា​ណាចក្រ​កម្ពុជា ​ខាង​ភាគី​​កម្ពុជា​​មាន​វត្ត​​មាន​​ មេ​បញ្ជាការ​រង​ ព្រម​ទាំង​​នាយ​ទា​​ហាន​​ជាន់​ខ្ពស់ ​ក្នុង​បញ្ជា​ការ​ដ្ឋាន ​កង​ទ័ព​​ជើង​អាកាស ​ជា​ច្រើន​រូប​ទៀត​។ 

      ឯកឧត្តម​ នាយ​ឧត្តម​សេនីយ៍ សឹង ​សំ​ណាង​ ក្នុង​នាម​ សម្តេច​ពិជ័យ​សេនា​ ឧប​នាយក​រដ្ឋមន្ត្រី រដ្ឋ​មន្ត្រីក្រសួង​ការ​ពារ​ជាតិ​ និង​​ឯកឧត្តម​ អគ្គ​មេ​បញ្ជា​ការ​ នៃ​កង​យោធ​ពល​ខេមរ​ភូមិន្ទ ​ព្រម​ទាំង​នាយ​ទាហាន​ក្នុង​បញ្ជាការ​​ដ្ឋាន​​កង​ទ័ព​​ជើង​​អាកាស​ទាំងអ​ស់ ​បាន​​សំដែង​នូវ​ការ​ស្វាគមន៍​យ៉ាង​កក់​ក្តៅ​ ចំពោះ​គណៈ​ប្រតិភូ​កង​ទ័ព​អាកាស​ភូមិន្ទ​ថៃ ​ដែល​បាន​អញ្ជើញ​មក​បំពេញ​ទស្សន​​កិច្ច​នៅ​ព្រះ​រាជា​​ណា​ចក្រ​កម្ពុជា​​​ និង​សូម​ជូន​ពរ​ក្នុង​ដំណើរ​ទស្សន​កិច្ច​ នៅ​ព្រះ​រាជាណាចក្រ​កម្ពុជា ​ប្រកប​ដោយ​ជោគ​ជ័យ​។​ ឯកឧត្តម ​នាយ​ឧត្តម​សេនីយ៍ ​សឹង ​ សំ​ណាង ក៏​បាន​លើក​ឡើង​ផង​ដែរ​ ពី​កិច្ច​សហ​ប្រតិបត្តិ​ការ​យ៉ាង​ល្អ​ប្រសើរ ​រវាង​ទ័ព​អាកាស​​ទាំង​ពីរ​ នា​រយៈ​ពេល​កន្លង​មក​ ដោយ​កង​ទ័ព​អាកាស​ភូមិន្ទ​ថៃ ​បាន​ផ្តល់​នូវ​អាហា​រូប​ករណ៍​ជា​ច្រើន​ ដើម្បី​ជួយ​បណ្តុះ​បណ្តា​លនាយ​ទាហាន​ទ័ព​អាកាស​កម្ពុជា​។​ល​។​ ពិសេស​ទំនាក់​ទំនង​ដ៏​ល្អ​របស់​ថ្នាក់​ដឹក​នាំ​កង​ទ័ព​អាកាស​ទាំង​ពីរ​ តាម​រយៈ​ទស្សន​កិច្ច​របស់​អគ្គ​មេ​បញ្ជាការ​កង​ទ័ព​អាកាស​ភូមិន្ទ​ថៃ ​គ្រប់​ជំនាន់​មក​កម្ពុជា​ បន្ទាប់​ពី​បាន​ទទួល​នូវ​តំណែង ​កិច្ច​ប្រជុំ​ក្រុម​ការ​ងារ​កង​ទ័ព​អាកាស​ប្រទេស​ទាំង​ពីរ​ កិច្ច​ប្រជុំ​នាយ​ទាហាន​វ័យ​ក្មេង​ និង​ការ​ផ្លាស់​ប្តូរ​ទស្សន​កិច្ច​សិក្សា​ជា​រៀង​រាល់​ឆ្នាំ​ របស់​នាយ​ទាហាន ​ដែល​ទាំង​អស់​នេះ​បាន​នាំ​មក​នូវ​ភាព​ជិត​ស្និទ្ធ​ និង​យោគ​យល់​គ្នា ​ឈាន​ទៅ​​ពង្រីក​កិច្ច​សហប្រតិបត្តិការ​ជា​មួយ​គ្នា​​គ្រប់​រូប​ភាព​ និង​គ្រប់​កម្រិត ​ដើម្បី​ឲ្យ​ប្រទេស​យើង​ទាំង​ពីរ​ មាន​សុខ​សន្តិ​ភាព​ មិត្ត​ភាព ​កិច្ច​សហ​​ប្រតិ​បត្តិ​ការ ​និង​ការ​អភិ​វឌ្ឍន៍​ឲ្យ​កាន់​តែ​ប្រសើរ​ឡើង​។​

     ឯកឧត្តម​ នាយ​ឧត្តម​សេនីយ៍ ឆា​យា​ព្រឹក​ ឌីត​យ៉ា​សា​រីន​ (CHAIYAPRUK DIDYASARIN) អគ្គ​មេ​បញ្ជា​ការ​ កង​ទ័ព​អាកាស​​ភូមិន្ទ​ថៃ ​បាន​ថ្លែង​អំណរ​​គុណ​យ៉ាង​​ជ្រាល​ជ្រៅ ​ចំពោះ​ការ​ទទួល​ស្វាគមន៍​យ៉ាង​រាក់​ទាក់​ ពី​សំណាក់​ ឯកឧត្តម​ អគ្គ​មេ​បញ្ជាការ​រង​ មេ​បញ្ជា​ការ​កង​ទ័ព​ជើង​អាកាស,​ ឯកឧត្តម ​មេ​​បញ្ជាការ​​រង​ និង​នាយ​ទាហាន​ជា​ច្រើន​រូប​​​នា​ពេល​នេះ​ ដូច្នេះ​ដំណើរ​ទស្សន​កិច្ច​របស់​ឯកឧត្តម​នា​ពេល​នេះ​​ នឹង​នាំ​មក​នូវ​ការ​​ពង្រឹង​នូវ​កិច្ច​សហ​ប្រតិ​​បត្តិ​ការ​ រវាង​កង​ទ័ព​អាកាស​យើង​ទាំង​ពីរ​ ឲ្យ​កាន់​តែ​ល្អ​ប្រសើរ​ឡើង​។ ឯកឧត្តម ​នាយ​​ឧត្តម​​សេនីយ៍​ សឹង ​សំ​ណាង ក៏​បាន​ជូន​ពរ​ដល់​ដំណើរ​ទស្សន​កិច្ច​របស់​គណៈ​ប្រតិភូ ​កង​​ទ័ព​អាកាស​ភូមិន្ទ​ថៃ ​នៅ​ក្នុង​ព្រះ​រាជា​ណាចក្រ​កម្ពុជា ​សូម​ទទួល​បាន​ជោគ​ជ័យ​ និង​ប្រកប​ដោយ​សុវត្ថិ​ភាព​។

      បន្ទាប់​មក​គណៈ​ប្រតិភូ​ ដែល​ដឹក​នាំ​ដោយ​ ឯកឧត្តម​ នាយ​ឧត្តម​សេនីយ៍ ​ឆា​យា​ព្រឹក​ ឌីត​យ៉ាសា​​រីន​ (CHAIYAPRUK DIDYASARIN)​ អគ្គ​មេ​បញ្ជា​ការ​កង​​ទ័ព​​អាកាស​​ភូមិន្ទ​ថៃ ​អម​ដំណើរ​ដោយ ​ឯកឧត្តម​ ឧត្តមសេនីយ៍​ឯក គង់ មុនី ​មេ​បញ្ជាការ​រង​កង​ទ័ព​ជើង​អាកាស បាន​អញ្ជើញ​ចូល​ជួប​សំ​ដែង​​ការ​គួរ​សម​​ជា​មួយ ​ឯក​ឧត្តម​ អគ្គ​​​មេ​បញ្ជា​ការ​ នៃ​​កង​​យោធ​​ពល​ខេមរ​ភូមិន្ទ ​ និង​ឯកឧត្តម​ នាយ​ឧត្តម​សេនីយ៍ ​នាង​ ផាត ​រដ្ឋ​លេខា​ធិការ​ ក្រសួង​ការ​ពារ​ជាតិ​ផង​ដែរ​។ ក្នុង​ដំណើរ​ទស្សន​កិច្ច​រយៈ​ពេល​២​ថ្ងៃ​ គណៈ​ប្រតិភូ​នឹង​អញ្ជើញ​ចូល​រួម ក្នុង​ពីធី​ជប់​លៀង​រៀប​ចំ​ទទួល​ដោយ ​ឯកឧត្តម​ នាយ​ឧត្តម​សេនីយ៍ ​សឹង ​សំណាង ​អគ្គ​មេ​បញ្ជាការ​រង​ មេ​បញ្ជា​ការ​កង​ទ័ព​ជើង​អាកាស​​ និង​អញ្ជើញ​​​ទៅ​ខេត្ត​សៀម​រាប ​ទស្សនា​ប្រាសាទ​បូរាណ​ខ្មែរ​ផង​ដែរ​ ៕​

អត្ថបទថ្មីៗ

សេចក្តីប្រកាស

សារជូនពរ

វីដេអូ