ព័ត៌មាន

ពិធី​បំពាក់​ឋានន្តរ​ស័ក្តិ​នាយ​ទាហាន​ នាយ​ទាហាន​ជាន់​ខ្ពស់​ សាកល​វិទ្យាល័យ​ការ​ពារ​ជាតិ​
នាយកដ្ឋានព័ត៌មាន(៣)
444
789 ពិធី​បំពាក់​ឋានន្តរ​ស័ក្តិ​នាយ​ទាហាន​ នាយ​ទាហាន​ជាន់​ខ្ពស់​ សាកល​វិទ្យាល័យ​ការ​ពារ​ជាតិ​

     នាយ​ទាហាន​​ នាយ​ទា​ហាន​រង​ ក្នុង​សកល​វិទ្យាល័យ​ការ​ពារ​ជាតិ​ ចំនួន​៩៦​នាក់​ ត្រូវ​បាន​ព្រះ​មហា​ក្សត្រ​ ប្រមុខ​រាជរដ្ឋា​ភិបាល​ និង​ក្រសួង​ការ​ពារ​ជាតិ​ នៃ​ព្រះ​រាជាណា​ចក្រ​កម្ពុជា​ បាន​សម្រេច​ប្រកាស​តម្លើង​ឋានន្តរស័ក្តិ​រួម​មាន​​ ថ្នាក់​ឧត្តមសេនីយ៍​ឯក​ ថ្នាក់​ឧត្តម​សេនីយ៍​ទោ ​ឧត្តម​សេនីយ៍​ត្រី​ ថ្នាក់​វរសេនីយ៍​​ និង​អនុសេនីយ៍ ​ជូន​ឲ្យ​សាក​សម​ទៅ​នឹង​គុណ​បំណាច់​ ដែល​នាយ​ទាហាន​ទាំង​អស់​ ដែល​ធ្លាប់​បាន​លះ​បង់​ទាំង​កម្លាំង​កាយ​កម្លាំង​ចិត្ត​ ដើម្បី​ចូល​រួម​ក្នុង​បុព្វ​ហេតុ​ការ​ពារ​ជាតិ​មាតុ​ភូមិ​កម្ពុជា​ ក្នុង​រយៈ​ពេល​កន្លង​ម​ក​ ​​នៅ​សកល​វិទ្យាល័យ​ការ​ពារ​ជាតិ​​ ​នា​ព្រឹក​ថ្ងៃ​ទី​២០​ ខែ​កុម្ភៈ​​ ឆ្នាំ​២០១៩​នេះ។ឯកឧត្តម​​ ឧត្តម​សេនីយ៍​ទោ​​ យិន​​ ​ឆៃ​លី​​ ​អាន​ព្រះ​រាជក្រិត្យ​របស់ ​ព្រះ​មហា​ក្សត្រ​ និង​អនុ​ក្រិត្យ​របស់​រាជរដ្ឋាភិបាល​កម្ពុជា​ ស្តី​ពី​ការ​តែង​តាំង​ផ្លាស់​ប្តូរ​មុខ​ងារ​ និងតម្លើងឋាន​ន្តរស័ក្តិ​នាយ​ទាហាន​ក្នុង​ខ.ភ.ម

   ​ ឯកឧត្តម​​ ឧត្តម​សេនីយ៍​ទោ​​ យិន​​ ​ឆៃ​លី​​ បាន​អាន​ព្រះ​រាជក្រិត្យ​របស់ ​ព្រះ​មហា​ក្សត្រ​ និង​អនុ​ក្រិត្យ​របស់​រាជរដ្ឋាភិបាល​កម្ពុជា​ ស្តី​ពី​ការ​តែង​តាំង​ផ្លាស់​ប្តូរ​មុខ​ងារ​ និងតម្លើងឋាន​ន្តរស័ក្តិ​នាយ​ទាហាន​ក្នុង​ខ.ភ.ម​ ដែល​ក្នុង​នោះ​ព្រះ​រាជ​ក្រិត្យ​របស់​ព្រះ​មហាក្សត្រ​ នៃ​ព្រះ​រាជាណាចក្រ​កម្ពុជា​បាន​ឡាយ​ព្រហស្ថ​លេខា ​សម្រេច​តម្លើង​ឋានន្តរស័ក្តិ​ថ្នាក់​ឧត្តមសេនីយ៍​ឯក​ចំនួន​២​រូប ​ថ្នាក់​ឧត្តម​សេនីយ៍​ទោ​ចំនួន​៣០​​រូប​​ ថ្នាក់​ឧត្តសេនីយ៍​ត្រី​ចំនួន​១១​រូប ​ ថ្នាក់​វរសេនីយ៍​ និង​អនុសេនយ៍​ចំនួន​៥៣​រូប​ ដែល​ឯកឧត្តម​​​ នាយ​ឧត្តម​សេនីយ៍​​ ជា​​ តារា​​ សកល​វិទ្យា​ធិការ​​  សកល​វិទ្យាល័យ​ការ​ពារ​ជាតិ​ ក៏​បាន​អញ្ជើញជា​អធិបតី​​ ផ្តល់​ជា​កិត្តិយស​​ក្នុង​ពិធី​បំពាក់​ឋានន្តរ​ស័ក្តិ​ ក្នុង​ឱកាស​នោះ​ផង​ដែរ​។​ឯកឧត្តម​​​ នាយ​ឧត្តម​សេនីយ៍​​ ជា​​ តារា​​ សកល​វិទ្យា​ធិការ​​  សកល​វិទ្យាល័យ​ការ​ពារ​ជាតិ

    មាន​ប្រសាសន៍​សំណេះ​សំណាល​ និង​ផ្តាំ​ផ្ញើ​ដល់​នាយ​ទាហាន​ជាន់​ខ្ពស់​ដែល​ទើប​ត្រូវ​បាន​តម្លើង​ឋានន្តរ​ស័ក្តិ​ថ្មី​ ក្នុង​សកល​វិទ្យាល័យ​ការ​ពារ​ជាតិ​នា​ពេល​នេះ​​ ឯកឧត្តម​​ នាយ​ឧត្តមសេនីយ៍ ​ជា​​ តារា​​ ជំនួស​មុខ​ប្រមុខ​រាជរដ្ឋាភិបាល ​ក្រសួង​ការ​ពារ​ជាតិ​​ ពិសេស​ថ្នាក់​ដឹក​នាំ​សកល​វិទ្យាល័យ​ការ​ពារ​ជាតិ​​ បាន​សំដែង​នូវ​ក្តី​សប្បាយ​រីក​រាយ​  លើក​សរសើរ​ និង​វាយ​តំលៃ​ខ្ពស់​ចំពោះ​កិច្ច​ខិត​ខំ​ប្រឹង​បំពេញ​ការ​ងារ​ប្រកប​ដោយ​កិច្ច​សហការ​ និង​ការ​សាមគ្គី​ជា​ធ្លុង​មួយ​របស់​នាយ​ ពល​ទាហាន​របស់​យើង​ ក្នុង​ការ​ចូល​រួម​ចំណែក​ការ​បណ្តុះ​បណ្តាល​ផ្នែក​វិស័យ​យោធា​ក៏​ដូច​ជា​សកម្ម​ភាព​បំរើ​ជាតិ​មាតុ​ភូមិ​កម្ពុជា​យើង​ រហូត​ប្រទេស​ជាតិ​មាន​សន្តិ​ភាព​យ៉ាង​ពិត​ប្រាកដ​ មាន​ការ​អភិវឌ្ឍន៍​រីក​ចម្រើន​លើ​គ្រប់​វិស័យ​។ ឯកឧត្តម​ ជា​​ តារា​​ បាន​បញ្ជាក់​ថា៖ ការ​តម្លើង​ឋានន្តរ​ស័ក្តិ​ជូន​នាយ​ទា​ហាន​របស់​យើង​នា​ពេល​នេះ​ គឺ​ស្រប​ពេល​ដែល​ប្រទេស​ជាតិ​យើង​មាន​សន្តិភាព ​ហើយ​ប្រទេស​ជាតិ​ក៍​កំពុង​មាន​ការ​អភិវឌ្ឍន៍​រីក​ចម្រើន​ជា​លំដាប់ ខ.ភ.ម​ក៍​​បាន​​នឹង​កំពុង​ធ្វើ​ការ​កែ​ទម្រង់​កង​កម្លាំង​របស់​ខ្លួន​ឲ្យ​មាន​ទាំ​បរិមាណ​ និង​គុណ​ភាព​ សមត្ថ​ភាព​ ក្នុង​ការ​ចូល​រួម​បំពេញ​ភារកិច្ច​ការ​ពារ​សណ្តាប់​ធ្នាប់​សង្គម​ ពិសេស​ចូល​រួម​ជួយ​ជា​មួយ​រាជ​រដ្ឋាភិបាល​ក្នុង​ការ​ស្តារ​ និង​អភិវឌ្ឍន៍​ប្រទេស​ឲ្យ​កាន់​តែ​រីក​ចម្រើន​។ ឯកឧត្ត ​នាយ​ឧត្តម​សេនីយ៍ ​ជា​​ តារា​​ ក៍​បាន​ជុំ​រុញ​ឲ្យ​នាយ​ទាហាន​ដែល​ទើប​ទទួល​តម្លេីង​ឋានន្តរ​ស័ក្កិ​ទាំង​អស់​ ឲ្យ​ខិត​ខំ​បំពេញ​ការ​ងារ​ គោរព​ឲ្យ​បាន​នូវ​ក្រិត្យ​វិន័យ​ និង​បទ​បញ្ជា​របស់​ខ.ភ.ម ​ត្រូវ​ចេះ​សាមគ្គី​ផ្ទៃ​ក្នុង​រវាង​មិត្ត​រួម​ការ​ងារ​ និង​មិត្ត​រួម​អាវុធ​ឲ្យ​បាន​ល្អ ​ពិសេស​គោរព​ឲ្យ​បាន​ម៉ឺង​ម៉ាត់​នូវ​បទ​បញ្ជា​ និង​អនុសាសន៍​របស់​ប្រមុខ​រាជ​រដ្ឋាភិបាល​ក្នុង​ការ​ចូល​រួម​ពង្រឹង​ប្រៀប​ការ​ពារ​ជាតិ​ ការ​ពារ​អធិបតេយ្យ ​បូរណៈ​ភាព​ទឹក​ដី​ ​នៃ​ព្រះ​រាជាណាចក្រ​កម្ពុជា​ ឲ្យ​បាន​គង់​វង្ស​ និង​រីក​ចម្រើន​ ៕

អត្ថបទថ្មីៗ

សេចក្តីប្រកាស

សារជូនពរ

វីដេអូ