ព័ត៌មាន

អគ្គស្នង​ការ​នយោ​បាយ​​កង​ទ័ព​ប្រជាជន​វៀតណាម​ ទស្សនកិច្ច​នៅ​កង​ពល​តូច​ថ្មើរ​ជើង​លេខ​៧០​
នាយកដ្ឋានព័ត៌មាន(៣)
412
595 អគ្គស្នង​ការ​នយោ​បាយ​​កង​ទ័ព​ប្រជាជន​វៀតណាម​ ទស្សនកិច្ច​នៅ​កង​ពល​តូច​ថ្មើរ​ជើង​លេខ​៧០​

     នៅ​ព្រឹក​ថ្ងៃ​ទី​២១ ​ខែ​កញ្ញា ​គណៈប្រតិភូ​អគ្គស្នង​ការ​​នយោបាយ​កង​ទ័ព​ប្រជាជន​វៀត​ណាម ​ដឹក​នាំ​ដោយ​ ឯកឧត្តម​ ឧត្តម​សេនីយ៍​ឯក​បម្រុង​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គស្នង​ការ​នយោ​បាយ​កង​ទ័ព​ប្រជាជន​វៀត​ណាម ​អម​ដំណើរ​​ដោយ​ ឯកឧត្ដម​ ឧត្ដមសេនីយ៍​ឯក​ អ៊ុង មុន្នី​ អគ្គនាយក​រង ​អគ្គ​នាយកដ្ឋាន​យោធ​សេវា​ ក្រសួង​​ការពារ​ជាតិ ​បាន​អញ្ជើញ​ទស្សនកិច្ច​ នៅ​កង​ពល​តូច​ថ្មើរ​ជើង​លេខ​៧០​ (ចោម​ចៅ ​រាជ​ធានី​​ភ្នំពេញ)​។ឯកឧត្តម​ ឧត្តម​សេនីយ៍​ឯក​បម្រុង​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គស្នង​ការ​នយោ​បាយ​កង​ទ័ព​ប្រជាជន​វៀត​ណាម និងឯកឧត្ដម​ ឧត្ដមសេនីយ៍​ឯក​ អ៊ុង មុន្នី​ អគ្គនាយក​រង ​អគ្គ​នាយកដ្ឋាន​យោធ​សេវា​ ក្រសួង​​ការពារ​ជាតិ

     ក្នុង​ឱកាស​នោះ​ ឯកឧត្តម ​ឧត្តមសេនីយ៍​ឯក​បម្រុង​ លឿង ​គឿង ​លេខា​មជ្ឈឹម​បក្ស​ ប្រធាន​​អគ្គ​ស្នងការ​ នយោ​បាយ​កង​ទ័ព​ប្រជាជន​វៀត​ណាម ​ត្រូវ​បាន​ការ​ទទួល​បដិ​សណ្ឋា​កិច្ច​ស្វាគមន៍​​យ៉ាង​កក់​ក្តៅ​ ពី​សំណាក់​ឯកឧត្ដម​ ឧត្ដមសេនីយ៍​ឯក​ ម៉ៅ ​សុផាន់ ​មេបញ្ជាការ​ កង​ពល​តូច​​ថ្មើរ​ជើង​លេខ​៧០​ និង​នាយ​ទាហាន​ ពល​ទាហាន​ ជា​ច្រើន​រូប​ទៀត​។​ កង​ពល​តូច​ថ្មើរ​ជើង​លេខ​៧០​ បាន​បង្កើត​ឡើង​នៅ​ថ្ងៃ​ទី​១៥ ​ខែតុលា​ ឆ្នាំ​១៩៩៤​ ហើយ​មាន​​ភារ​កិច្ច​​កាពារ ​សុវត្ថិភាព​ទូទាំង​រាជធានី​ភ្នំពេញ ​ក៏​ដូច​ជា​សុវត្ថិភាព​ថ្នាក់​ដឹក​នាំ​ព្រឹទ្ធសភា​ រដ្ឋសភា​ ប្រមុខ​រាជរដ្ឋាភិបាល​ និង​ស្ថាប័ន​ក្រសួង​ការពារ​ជាតិ ​អគ្គ​បញ្ជាការ​ដ្ឋាន​​ បញ្ជាការ​ដ្ឋាន​​កង​ទ័ព​ជើង​គោក ​និង​អាកាស​យាន​ដ្ឋាន​អន្តរជាតិ​ភ្នំពេញ​។​ឯកឧត្ដម​ ឧត្ដមសេនីយ៍​ឯក​ ម៉ៅ ​សុផាន់ ​មេបញ្ជាការ​ កង​ពល​តូច​​ថ្មើរ​ជើង​លេខ​៧០ 

      ក្នុង​រយៈ​ពេល​កន្លង​មក​នេះ ​កង​ពល​បាន​ខិត​ខំ​បំពេញ​តួនាទី​ភារកិច្ច​របស់​ខ្លួន​ លើ​ការ​កសាង​អភិវឌ្ឍន៍​អង្គភាព ​ការ​ហ្វឹក​​ហ្វឺន​​រៀន​សូត្រ​លើក​កម្ពស់​សមត្ថភាព​ និង​ជីវភាព​រស់​​នៅ​របស់​កង​ទ័ព​។​ ក្រៅ​ពី​បាន​​ចូល​រួម​​ចំណែក​នៅ​លើ​ការ​ងារ​សង្គម​កិច្ច​ជា​ច្រើ​នផង​ដែរ​។​ ឯកឧត្ដម ម៉ៅ សុផាន់ ​បាន​ជម្រាប់​គណៈប្រតិ​ភូ​ថា៖​ ប៉ុន្មាន​ឆ្នាំ​​ចុង​​ក្រោយ​នេះ​​ទំនាក់​ទំនង​រវាង​កង​ពល​ ក៏​ដូច​ជា​កង​ទ័ព​ និង​ក្រសួង​ការពារ​ជាតិ​ប្រទេស​ទាំង​ពីរ​​កម្ពុជា​-​វៀតណាម​ ត្រូវ​បាន​ពង្រឹង​ និង​ពង្រីក​ឥត​ឈប់​ឈរ ​តាម​ពាក្យ​ស្លោក​ ភាព​ជា​អ្នក​ជិត​ខាង​ល្អ​ មិត្ត​ភាព​ជា​ប្រពៃណី ​សហប្រតិបត្តិការ​ លើ​គ្រប់​វិស័យ​ ហើយ​បន្ត​បាន​និរន្តរភាព​យូរ​អង្វែង​ បាន​​នាំ​មក​នូវ​ផល​ប្រយោជន៍ ​ជាក់​ស្តែង​ ឲ្យ​ប្រជាជន​ទាំង​ពីរ ​និង​បាន​រួម​ចំណែក​យ៉ាង​សកម្ម​​ដល់​​សន្តិភាព ​ស្ថិរភាព​ និង​កិច្ច​សហប្រតិបត្តិការ​នៅ​ក្នុង​តំបន់​ និង​ពិភព​លោក។​​ឯកឧត្តម​ ឧត្តម​សេនីយ៍​ឯក​បម្រុង​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គស្នង​ការ​នយោ​បាយ​កង​ទ័ព​ប្រជាជន​វៀត​ណាម

     ឯកឧត្តម​ លឿង គឿង ​លេខា​មជ្ឈឹម​បក្ស​ ប្រធាន​អគ្គស្នង​ការ​​នយោបាយ​កង​ទ័ព​ប្រជាជន​វៀត​ណាម​ បាន​សម្តែង​ការ​កោត​សរសើរ​ចំពោះ​ស្នា​ដៃ​​ និង​​សមិទ្ធ​​ផ​លនា​នា​ របស់​កង​ពល​តូច​លេខ​៧០​ នៃខ.ភ.ម​ ដែល​បាន​ខិត​ខំ​ និង​សម្រេច​​បា​ននៅ​​ក្នុង​​រយៈ​​ពេល​​កន្លង​មក​នេះ។​ ឯកឧត្តម​ បាន​បញ្ជាក់​ថា៖​ បក្ស​រដ្ឋ​កង​ទ័ព ​និង​ប្រជាជន​​វៀត​​ណាម ​តែង​​បាន​វាយ​តម្លៃ​ខ្ពស់​ចំពោះ​រាជរដ្ឋាភិបាល ​ខ.ភ.ម​ និង​ប្រជាពល​រដ្ឋ​កម្ពុជា ​ដែល​​បាន​​ជួយ​​គាំទ្រ​​ដល់​កង​ទ័ព​ប្រជាជន​វៀត​ណាម ​នៅ​ក្នុង​សម័យ​សង្គ្រាម​ លើ​​ការ​​រំដោះ​ប្រទេស​​ជាតិ​ និង​​ការ​​កសាង​ប្រទេស​ជាតិរហូត​​បច្ចុប្បន្ន​។ ​ឯកឧត្តម​ បាន​សង្ឃឹម​ថា៖​ តាម​រយៈ​ នៃ​ទំនាក់​​ទំនង​ ​និង​​កិច្ច​សហ ប្រតិបត្តិការ ​ដ៏​ល្អ​រវាង​កង​ទ័ព​ប្រជាជន​ទាំង​ពីរ ​យើង​បន្ត​អប់រំ​​រៀន​សូត្រ​​ដល់​​នាយ​​ទាហាន ​ពល​ទាហាន ​ជំនាន់​ក្រោយៗ​ បាន​យល់​ដឹង​ពីចំណង​មិត្ត​ភាព​ សាមគ្គី​ភាព ​ជា​​ប្រពៃណី​​ប្រទេស​ទាំង​ពីរ​ ដើម្បី​រក្សា​សុខ​ សន្តិភាព ​និង​ការ​កសាង​អភិវឌ្ឍន៍​​ប្រទេស​ជាតិ​​ទាំង​​ពីរ​ ៕

អត្ថបទថ្មីៗ

សេចក្តីប្រកាស

សារជូនពរ

វីដេអូ