ប្រតិភូអគ្គស្នងការនយោបាយ កងទ័ពប្រជាជនវៀតណាម អញ្ជើញដាក់កំរងផ្កានៅស្តូបមិត្តភាពកម្ពុជា-វៀតណាម
គណៈប្រតិភូ អគ្គស្នងការនយោបាយ កងទ័ពប្រជាជនវៀត ណាម ដឹកនាំដោយ ឯកឧត្តម ឧត្តមសេនីយឯកបំរុង លឿង គឿង លេខាមជ្ឈឹមបក្ស និងជាប្រធានអគ្គស្នងការនយោបាយ នៃកងទ័ពប្រជាជនវៀត ណាមដែលអមដំណើរដោយ ឯកឧត្តម ឧត្តមសេនីយ៍ឯក អ៊ុង មុន្នី អគ្គនាយករង អគ្គនាយកដ្ឋានយោធសេវា ក្រសួងការពារជាតិ និងនាយទាហានជាន់ខ្ពស់ចំណុះក្រសួងការពារជាតិ ជាច្រើនរូប បានអញ្ជើញទៅដាក់កម្រងផ្កា នៅស្តូបមិត្តភាពកម្ពុជា-វៀតណាម នាព្រឹកថ្ងៃទី២១ ខែកញ្ញា ឆ្នាំ២០១៨។
ក្នុងឱកាសដាក់កម្រងផ្កានោះគណៈប្រតិភូ អគ្គស្នងការនយោបាយ កងទ័ពប្រជាជនវៀតណាម បានសំដែងនូវការដឹងគុណចំពោះវីរភាព ដ៏អង់អាចក្លាហានរបស់ប្រជាជនកម្ពុជា និងគំរូវីរភាពអង់អាចក្លាហានរបស់កងទ័ព ប្រជាជនវៀត ណាម ដែលបានបូជាជីវិត ក្នុងការចូលមកបំពេញកាត្វកិច្ចអន្តរជាតិ ដោយបានជួយវាយ រំដោះប្រជាជនកម្ពុជា ឲ្យរួចផុតពីសេចក្ដីស្លាប់ ក្រោមរបបប្រល័យពូជសាសន៏ខ្មែរក្រហម ដែលកំពុងធ្វើការកាប់សម្លាប់ខ្មែរគ្នាឯងយ៉ាងរង្គាល អល់រាប់លាននាក់ក្នុងរយៈពេល៣ឆ្នាំ៨ខែ និងទទួលបានជ័យជំនះ នាថ្ងៃ៧ មករា ឆ្នាំ១៩៧៩ ៕ 
