ព័ត៌មាន

ឯកឧត្តម​ នាង​ ផាត​ ជួប​ប្រជុំ​ទ្វេ​ភាគី​ជា​មួយ​ឯកឧត្តម​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គ​ស្នង​ការ​នយោបាយ ​កង​ទ័ព​ប្រជាជន​វៀតណាម​
នាយកដ្ឋានព័ត៌មាន(៣)
378
589 ឯកឧត្តម​ នាង​ ផាត​ ជួប​ប្រជុំ​ទ្វេ​ភាគី​ជា​មួយ​ឯកឧត្តម​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គ​ស្នង​ការ​នយោបាយ ​កង​ទ័ព​ប្រជាជន​វៀត ណាម

     មន្រ្តី​ជាន់​ខ្ពស់​ក្រសួង​ការពារជាតិ​កម្ពុជា​ និង​ក្រសួង​ការ​ពារ​ប្រទេស​វៀតណាម​ បាន​សន្យា​​រួម​​គ្នា​​បង្កើន​ កិច្ច​សហប្រតិបត្តិការ​ ទ្វេភាគី​រវាង​កង​ទ័ព​ នៃ​ប្រទេស​ទាំង​ពីរ​ ឲ្យ​កាន់​តែ​ល្អ​ប្រសើ​រ​បន្ថែម​​ទៀត​ បើ​ទោះ​បី​មាន​ការ​ញុុះ​ញង់​ពី​ជន​អគតិ​មួយ​ក្តាប់​តូច​យ៉ាង​ណា​ក៏​ដោយ​នោះ។​ ការ​សន្យា​របស់​មន្រ្តី​ជាន់​ខ្ពស់​យោធា​ នៃ​ប្រទេស​ទាំង​ពីរ​នេះ​ គឺ​បាន​ធ្វើ​ឡើង​នៅ​ក្នុង​​កិច្ច​ប្រជុំ​​ពិភាក្សា​ទ្វេរ​ភាគី ​នៅ​ក្រសួង​ការពារ​ជាតិ​កម្ពុជា​ នា​រសៀល​ថ្ងៃ​ទី២០​ ខែ​កញ្ញា​ ឆ្នាំ២០១៨​ រវាង​ ​ឯកឧត្តម​ នាយ​ឧត្តមសេនីយ៍ ​នាង ផាត ​រដ្ឋលេខាធិការ​ ក្រសួង​ការពារជាតិ​កម្ពុជា​ និង​ឯកឧត្តម​ ឧត្តម​​សេនីយ៍ឯក​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គ​ស្នង​ការ​នយោបាយ ​នៃ​កង​ទ័ព​​ប្រជាជន​​វៀត​ ណាម​។​ឯកឧត្តម​ នាយ​ឧត្តមសេនីយ៍ ​នាង ផាត ​រដ្ឋលេខាធិការ​ ក្រសួង​ការពារជាតិ​កម្ពុជា

      ថ្លែង​នៅ​ក្នុង​កិច្ច​ប្រជុំ​នោះ​ ឯកឧត្តម​ នាយឧត្តមសេនីយ៍ ​នាង ផាត ​បាន​លើក​ឡើង​ថា៖​ ប្រទេស​​វៀត​ណាម​គឺ​ជា​មិត្ត​ ភូមិ​ផង​របង​តែ​មួយ​ជា​មួយ​កម្ពុជា ​ដូច្នេះ​ប្រទេស​ទាំង​ពីរ​នៅ​តែ​រក្សា​កិច្ច​​សហ​ប្រតិបត្តិ​ការ​ទ្វេ​ភាគី ​ឲ្យ​កាន់​តែ​ល្អ​ប្រសើ​បន្ថែម​ទៀត ​បើ​ទោះ​បី​ជា​មាន​ជន​អគតិ​មួយ​ចំនួន​​ ធ្វើ​ការ​ញុះ​ញង់​បំបែក​បំបាក់​ និង​បំផុស​បំផុល​ឲ្យ​មាន​ការ​ស្អប់​ខ្ពើម​គ្នា​ក៏​ដោយ​នោះ។​ ឯកឧត្តម​បាន​បន្ត​ថា​៖ «​នៅ​ពេល​មាន​សភាពការណ៍​ព្រំដែន​ យើង​រក្សា​បាន​នូវ​គោល​ជំហរ​​សតិ​​អារម្មណ៍​ និង​សកម្មភាព​​រឹង​មាំ​របស់​កង​ទ័ព​ និង​ប្រជាជន​យើង​ទាំង​ពីរ​ ជា​ប្រទេស​ជិត​ខាង​ល្អ​​ បង្កើន​ជំនឿ​ជឿ​ជាក់​ចំពោះ​ការ​ដឹក​នាំ​របស់​រដ្ឋាភិបាល​យើង​ទាំង​ពីរ​ បង្កើន​ និង​​ពង្រឹង​​ជំនឿ​​ជឿ​ជាក់​​ចំពោះ​ការ​ដឹក​នាំ​របស់​រដ្ឋា​ភិបាល​យើង​ទាំង​ពីរ​ បង្កើន​ និង​ពង្រឹង​ជំនឿ​​ទុក​ចិត្ត​របស់​​ប្រជាជន​មក​លើ​ការ​ដឹក​នាំ​ដ៏​​ត្រឹម​ត្រូវ​របស់​រាជរដ្ឋាភិបាល​យើង​ទាំង​ពីរ​ផង​ដែរ​»​។ឯកឧត្តម​ ឧត្តម​​សេនីយ៍ឯក​ លឿង ​គឿង ​លេខា​មជ្ឈឹម​បក្ស​ ប្រធាន​អគ្គ​ស្នង​ការ​នយោបាយ ​នៃ​កង​ទ័ព​​ប្រជាជន​​វៀត​ណាម​

      ថ្លែង​នៅ​ក្នុង​កិច្ច​ប្រជុំ​នោះ​ដែរ​ ឯកឧត្តម​​ ឧត្តមសេនីយ៍​ឯក​ លឿង ​គឿង ​បាន​អះអាង​ថា៖ ​វៀតណាម​ នៅ​តែ​ជួយ​កម្ពុជា​ជា​និច្ច​ ជា​ពិសេស​លើក​ស្ទួយ​វិស័យ​ការ​ពារ​ជាតិ​ និង​គាំទ្រ​​គោល​នយោបាយ​​របស់​កម្ពុជា​ និង​បន្ត​ផ្តល់​អាហា​រូប​ករណ៍​ដល់​កង​ទ័ព​កម្ពុជា​ដដែល​ផង​ដែរ​។​ ឯកឧត្តម​ ​លឿង គឿង ​បាន​បន្ត​ថា៖​ «​មិត្ត​ភាព​ នៃ​ប្រទេស​យើង​ទាំង​ពីរ​គ្មាន​ថ្ងៃ​បែក​បាក់​នោះ​ឡើយ ​ហើយ​យើង​នឹង​ខិត​ខំ​​ជំរុញ​ចំណង​មិត្ត​ភាព​ សាមគ្គី​ភាព ​និង​កិច្ច​សហប្រតិបត្តិការ​​កង​ទ័ព​​ទាំង​​ពីរ​ ដើម្បី​ផល​ប្រយោជន៍​រួម​ លើក​ស្ទួយ​នូវ​ជីវភាព​​ប្រជាជនយើង​ទាំង​ពីរ​​ឲ្យ​កាន់​តែ​ល្អ​​ប្រសើរ​​បន្ថែម​ទៀត ​និង​រួម​គ្នា​ថែរក្សា​សុខ​សន្តិភាព​នៅ​តាម​ព្រំដែន​យើង​ទាំង​ពីរ​»។​ 

      នៅ​ក្នុង​ជំនួប​នោះ​ដែរ​ ភាគី​ទាំង​ពីរ​បាន​ផ្លាស់​ប្តូរ​ទស្សនៈ​សភាព​ការណ៍​ និង​បទ​ពិសោធន៍​ល្អៗ​ ឆ្លុះ​បញ្ចាំង​ពី​ទស្សនៈ​វិស័យ​នយោបាយ​ និង​ការ​វិវត្តន៍​ នៃ​សភាព​ការណ៍​ថ្មីៗ​ជាតិ​-​អន្តរជាតិ​ ក៏​​ដូច​​​ជា​​​ការ​ពង្រឹង​ ​និង​​ពង្រីក​ទំនាក់​ទំនង​កិច្ច​សហប្រតិបត្តិ​ការ​លើ​វិស័យ​នយោបាយ ​ការ​ពារ​ជាតិ ​នៃ​កង​ទ័ព​​ប្រទេស​​ទាំង​ពីរ​ ​កម្ពុជា​-​វៀត ណាម​ កាន់​តែ​រឹង​មាំ​ថែម​ទៀត​ ជា​ពិសេស​​ការ​អនុវ​ត្ត​​យ៉ាង​​ត្រឹម​ត្រូវ​ និង​​មាន​ប្រសិទ្ធភាព​តាម​ពិធី​សារ​ និង​ផែន​ការ​កិច្ច​សហប្រតិបតិ​ការ​​ប្រចាំ​ឆ្នាំ​ ​ដែល​​បាន​​ដាក់​ចេញ​។​ ទន្ទឹម​នឹង​នេះ​កិច្ច​ប្រជុំ​ក៏​បាន​ឯកភាព​គ្នា​ លើ​​ការងារ​បណ្តុះ​បណ្តាល​​ធន​ធាន​​មនុស្ស​ ការ​ផ្លាស់​ប្តូរ​​គណៈ​ប្រតិភូ ​ពង្រឹង​ប្រព័ន្ធ​ផ្សព្វ​ផ្សាយ​ព័ត៌​មាន ​រួម​មាន​៖ វិទ្យុ​ ទូរ​ទស្សន៍​ និង​ទស្សនា​វដ្ឋី​កង​ទ័ព ​បាន​​ចូល​ជ្រៅ​គ្រប់​ស្រទាប់​មហា​ជន​ប្រជាជន​ ផ្សព្វ​ផ្សាយ​បាន​ទាន់​​ហេតុ​​ការណ៍​ នូវ​រាល់​សារ​ ​គោល​នយោ​បាយ​របស់​រាជ​រដ្ឋាភិបាល ​សភាព​ការណ៍​ព្រំ​ដែន ​ក៏​ដូច​ជា​​សកម្មភាព​ស្នា​ដៃ​​ និង​​សមិទ្ធ​ផល​របស់​កង​ទ័ព​ទាំង​ពីរ​ សំដៅ​បង្កើន​ជំនឿ​ទុក​ចិត្ត​ពី​ប្រជា​ពល​រដ្ឋ​ និង​រក្សា​​បាន​ការ​​រឹត​ចំណង​មិត្ត​ភាព​ សាមគ្គីភាព ​និង​កិច្ច​សហប្រតិបត្តិ​ការ​ ឲ្យ​ល្អ​ប្រសើរ​​ឡើង​​ថែម​ទៀត​ ៕​

អត្ថបទថ្មីៗ

សេចក្តីប្រកាស

សារជូនពរ

វីដេអូ