ដំណើរទស្សនកិច្ចរបស់ ឯកឧត្តម ឧត្តមសេនីយ៍ឯកបម្រុង លឿង គឿង នៅព្រះរាជាណាចក្រកម្ពុជា
តបតាមការអញ្ជើញរបស់ក្រសួងការពារជាតិ នៃព្រះរាជាណាចក្រកម្ពុជា គណៈប្រតិភូជាន់ខ្ពស់ ដឹកនាំដោយ ឯកឧត្តម ឧត្តមសេនីយ៍ឯកបម្រុង លឿង គឿង លេខាមជ្ឈឹមបក្ស ប្រធានអគ្គស្នងការនយោបាយ នៃកងទ័ពប្រជាជនវៀតណាម បានអញ្ជើញមកបំពេញទស្សនកិច្ចមិត្តភាពផ្លូវការ នៅព្រះរាជាណាចក្រកម្ពុជា ពីថ្ងៃទី២០ ដល់ថ្ងៃទី២២ ខែកញ្ញា ឆ្នាំ២០១៨។
ឯកឧត្តម ឧត្តមសេនីយ៍ឯកបម្រុង លឿង គឿង លេខាមជ្ឈឹមបក្ស ប្រធានអគ្គស្នងការនយោបាយ នៃកងទ័ពប្រជាជនវៀតណាម
ក្នុងកំឡុងពេលបំពេញទស្សនកិច្ច ឯកឧត្តម ឧត្តមសេនីយ៍ឯកបម្រុង លឿង គឿង ព្រមទាំងប្រតិភូ បានចូលរួមក្នុងកិច្ចប្រជុំទ្វេភាគីជាមួយ ឯកឧត្តម នាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ នៅទីស្តីការក្រសួងការពារជាតិ នាថ្ងៃទី២០ ខែកញ្ញា ឆ្នាំ២០១៨។
កិច្ចប្រជុំទ្វេភាគីរវាង ឯកឧត្តម ឧត្តមសេនីយ៍ឯកបម្រុង លឿង គឿង លេខាមជ្ឈឹមបក្ស ប្រធានអគ្គស្នងការនយោបាយ នៃកងទ័ពប្រជាជនវៀតណាម និងឯកឧត្តម នាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ
គណៈប្រតិភូជាន់ខ្ពស់ នៃកងទ័ពប្រជាជនវៀតណាម អញ្ជើញចូលជួបសំដែងការគួរសម សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅរសៀលថ្ងៃទី២១ ខែកញ្ញា ឆ្នាំ២០១៨ នៅទីស្តីការគណៈរដ្ឋមន្ត្រី(វិមានមត្តិភាព) បន្ទាប់មកគណៈប្រតិភូវៀត ណាម ក៏ត្រូវបានអនុញ្ញាតិផងដែរ អញ្ជើញចូលជួបសំដែងការគួរសមជាមួយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព ៕
