ព័ត៌មាន

ឯកឧត្តម​ នាយឧត្តម​សេនីយ៍ ​នាង ផាត​ កិច្ច​សន្ទនា​អនុរដ្ឋមន្ត្រី​ការពារ​ជាតិ ​អាស៊ាន​-​កូរ៉េ ​លើកទី១​ នៅ​ទីក្រុង​សេអូល​​ ប្រទេស​​កូរ៉េ​​
នាយកដ្ឋានព័ត៌មាន(៣)
387
583 ​ឯកឧត្តម​ នាយឧត្តមសេនីយ៍ នាង ផាត រដ្ឋលេខា​ធិការ ​ក្រសួង​ការពារ​ជាតិ និងលោក ​ស៊ូស ​ចូស៊ូក ​(SUH Choo Suk) ​អនុរដ្ឋមន្ត្រី​ការ​ពារ​ជាតិ​កូរ៉េ

      នៅ​ទី​ក្រុង​សេអូល ​សា​ធារណ​រដ្ឋ​កូរ៉េ ​នា​ថ្ងៃ​ទី១២ ​ខែកញ្ញា​ ឆ្នាំ២០១៨ ​​ឯកឧត្តម​ នាយ​ឧត្តម​សេនីយ៍​ នាង​ ផាត​ រដ្ឋលេខា​ធិការ ​ក្រសួង​ការពារ​ជាតិ ​បាន​ដឹក​នាំ​​គណៈ​ប្រតិភូ​​យោធា​​ជាន់​​ខ្ពស់​​កម្ពុជា​ ​អញ្ជើញ​​ចូល​រួម​កិច្ច​សន្ទនា ​ថ្នាក់​អនុរដ្ឋមន្ត្រី​​ការ​ពារ​ជាតិ ​អាស៊ាន​-​កូរ៉េ ​លើក​ទី៧ ​ដែល​​សាធារណរដ្ឋ​កូរ៉េ​ បាន​រៀប​ចំ​ធ្វើ​ជា​ម្ចាស់​ផ្ទះ​នៅ​ក្នុង​ឆ្នាំ​នេះ​។​ កិច្ច​សន្ទនា​អនុរដ្ឋមន្ត្រី​ការពារ​ជាតិ ​អាស៊ាន​-​កូរ៉េ ​លើកទី១​ នៅ​ទីក្រុង​សេអូល​​ ប្រទេស​​កូរ៉េ​​

       ថ្លែង​បើក​កិច្ច​សន្ទនា​នោះ,​ លោក​ ស៊ូស​ ចូស៊ូក ​(SUH Choo Suk)​ អនុរដ្ឋមន្ត្រី​ការ​ពារ​ជាតិ​កូរ៉េ ​បាន​លើក​ឡើង​​អំ​ពី​​នយោបាយ​​របស់​​រដ្ឋាភិបាល​កូរ៉េ​ ក្នុង​ការ​ផ្តល់​អត្ថប្រយោជន៍​ទៅ​វិញ​ទៅ​មក ​អាស៊ាន​-​កូរ៉េ ​ទៅ​​លើ​​​កិច្ច​សហ​ប្រតិបត្តិការ​ ការ​ពារ​ជាតិ​ ព្រម​ទាំង​កិច្ច​សហប្រតិបត្តិការ​បណ្តា​ប្រទេស​​ក្នុង​តំបន់​ ​សម្រាប់​​អត្ថ​ប្រយោជន៍​រួម​ ដូច​ជា៖​ សន្តិសុខ​លម្ហ​សមុទ្រ​ ជំនួយ​មនុស្ស​ធម៌ ​ការ​សង្រ្គោះ​គ្រោះ​​មហន្តរាយ ​សន្តិសុខ​តាម​ប្រព័ន្ធ​អ៊ិន​ធឺរ​ណែត ​និង​ការ​ប្រឆាំង​អំពើ​ភេរវកម្ម​ ព្រម​ទាំង​ស្នើ​សុំ​​ឲ្យ​​មាន​ការ​​ឯកភាព​​គ្នា​​ មិន​ឲ្យ​មាន​អាវុធ​នុយ​ក្លែ​អ៊ែរ​ និង​បង្កើត​នយោបាយ​សន្តិភាព​លើ​​ឧបទ្វីប​​កូរ៉េ​។​ជំនួប​ទ្វេ​ភាគី​រវាង ​ឯកឧត្តម​ នាយឧត្តមសេនីយ៍ នាង ផាត រដ្ឋលេខា​ធិការ ​ក្រសួង​ការពារ​ជាតិ និងលោក ​ស៊ូស ​ចូស៊ូក ​(SUH Choo Suk) ​អនុរដ្ឋមន្ត្រី​ការ​ពារ​ជាតិ​កូរ៉េ

      នៅ​រសៀល​ថ្ងៃ​ទី១២​ ខែ​កញ្ញា​ដដែល​នេះ​ដែរ​ ឯកឧត្តម នាយឧត្តមសេនីយ៍ នាង ផាត រដ្ឋលេខា​ធិការ ​ក្រសួង​ការពារ​ជាតិ ​និង​សហការី ​បាន​អញ្ជើញ​ជួប​ពិភាក្សា​ការ​ងារ​ជា​មួយ​នឹង​ លោក ​ស៊ូស ​ចូស៊ូក ​(SUH Choo Suk) ​អនុរដ្ឋមន្ត្រី​ការ​ពារ​ជាតិ​កូរ៉េ​។​ ក្នុង​ជំនួប​នោះភាគី​​ទាំង​ពីរ​ ក៏​បាន​ចុះហត្ថលេខា​លើ​អនុស្សារណៈ​យោគ​យល់​គ្នា​ រវាង​ក្រសួង​ការ​ពារ​ជាតិ​ព្រះ​រាជាណាចក្រ​កម្ពុជា ​និង​សាធារណ​រដ្ឋ​កូរ៉េ ​ស្តី​ពី​កិច្ច​សហប្រតិបត្តិការ​​លើ​វិស័យ​យោធា​​ប្រទេស​​ទាំង​​ពីរ​។​ អនុស្សារណៈ​បាន​លើ​ឡើង​ចំនួន​​៦​ចំណុច ​រួម​មាន​៖​ ការ​ផ្លាស់​ប្តូរ​បទ​ពិសោធន៍​ និង​ពត៌​មាន​​ផ្នែក​​ការពារ​ជាតិ​,​ ជំរុញ​ឲ្យ​មាន​ការ​ផ្លាស់​ប្តូរ​ទស្សនកិច្ច​គ្នា​ទៅ​វិញ​ទៅ​មក​ រវាង​កង​ទ័ព​ទាំង​ពីរ​, លើក​​កម្ពស់​កិច្ច​សហប្រតិបត្តិការ​ផ្នែក​អប់រំ​ និង​ហ្វឹក​ហ្វឺន​កង​ទ័ព​, បង្កើន​កិច្ច​សហប្រតិបត្តិការ​​ផ្នែក​​ភស្តុភារ​ និង​ការ​ថែ​ទាំ​, បង្កើន​កិច្ច​សហប្រតិបត្តិការ​លើ​ផ្នែក​ជំនួយ​មនុស្សធម៌ ​ព្រម​ទាំង​ជំរុញ​​ការ​​ផ្លាស់​ប្តូរ​ផ្នែក​កីឡា​ និង​វប្បធម៌​កង​ទ័ព​ ៕​

អត្ថបទថ្មីៗ

សេចក្តីប្រកាស

សារជូនពរ

វីដេអូ