ព័ត៌មាន

ឯកឧត្តម​ នាយ​ឧត្តមសេនីយ៍ ​នាង ផាត ​អញ្ជើញ​ចូល​កិច្ច​ប្រជុំ​វេទិកា​អនុ​រដ្ឋមន្ត្រី​ការពារ​ជាតិ​ ជប៉ុន​-​អាស៊ាន ​លើក​ទី​១០​ នៅ​ប្រទេសជ​ប៉ុន​
នាយកដ្ឋានព័ត៌មាន(៣)
414
580 ឯកឧត្តម​ នាយ​ឧត្តមសេនីយ៍ ​នាង ផាត ​អញ្ជើញ​ចូល​កិច្ច​ប្រជុំ​វេទិកា​អនុ​រដ្ឋមន្ត្រី​ការពារ​ជាតិ​ ជប៉ុន​-​អាស៊ាន ​លើក​ទី​១០​ នៅ​ប្រទេសជ​ប៉ុន​

      នៅ​ទី​ក្រុង​ណា​ហ្គោយ៉ា​ ប្រទេស​ជប៉ុន​ ថ្ងៃ​ទី៩​ ខែ​កញ្ញា​ មុន​កិច្ច​ប្រជុំ​វេទិកា​អនុ​រដ្ឋមន្ត្រី​​ការពារ​ជាតិ ​ជប៉ុន​-​អាស៊ាន​ លើក​ទី១០​, គ​ណៈ​ប្រតិភូ​យោធា​ជាន់​ខ្ពស់​កម្ពុជា​ ដឹក​នាំ​ដោយ​ ឯ.ឧ​ នាយ​ឧត្តមសេនីយ៍ ​នាង ផាត​ រដ្ឋ​លេខា​ធិការ ​ក្រសួង​ការពារ​ជាតិ ​បាន​អញ្ជើញ​ជួប​​ប្រជុំ​ការ​ងារ​​ទ្វេរ​​ភាគី​​​ជា​មួយ​ និង​ឯ.ឧ​ រ៉ូ​ ម៉ា​ណា​បេ ​(Ro Manabe)​ អនុរដ្ឋ​មន្ត្រី​ការពារ​ជាតិ ​ជប៉ុន ​ទទួល​​បន្ទុក​ទំនាក់​ទំនង​អន្តរជាតិ ​នៅ​ក្នុង​បន្ទប់​ម៉ា​តស៊ូ ​(Matsu)​ នៃ​សណ្ឋាគារ​ណា​ហ្គោយ៉ា ​(Hotel Nagoya Castle)​ ប្រទេស​ជប៉ុន។​ នៅ​​ក្នុង​​ជំនួប​​នេះ​​ដែរ​ ឯ.ឧ ​នាយឧត្តមសេនីយ៍​ នាង​ ផាត​ និង​ ឯ.ឧ ​រ៉ូ ​ម៉ា​ណា​បេ ​(Ro Manabe)​ បាន​ពិភាក្សា​គ្នា​អំពី ​ការ​ពង្រឹង​បន្ថែម​ទៀត​​នូវ​ទំនាក់​​ទំនង​​យ៉ាង​ស្អិត​រមួត ​រវាង​ភាគី​ទាំង​ពីរ​តាម​រយៈ​ស្ថាប័ន​យោធា ការ​ផ្តល់​ជំនួយ​​ក្នុង​វិស័យ​​ប្រតិបត្តិ​ការ​រក្សា​សន្តិភាព​តាម​រយៈ​ការ​កសាង​សមត្ថភាព​ និង​ការ​ផ្តល់​ជំនួយ​បច្ចេក​ វិទ្យា​យោធា​ដល់​ខ.ភ.ម​​​។ បន្ថែម​​លើស​ពី​នេះ​ទៀត​ភាគី​ទាំង​ពីរ ​ក៏​បាន​ពិភាក្សា​គ្នា​ផង​ដែរ ​អំពី​កិច្ច​​សហប្រតិ​បត្តិការ ​​រក្សា​សន្តិសុខ​លើ​លម្ហ​សមុទ្រ​។​ ប្រទេស​ជប៉ុន​ដើរ​តួនាទី​យ៉ាង​សំខាន់​ ក្នុង​ការ​អភិវឌ្ឍ​​ប្រទេស​​កម្ពុជា ​និង​ជា​ដៃ​គូរ​ដែល​ជឿ​ជាក់​បំផុត ​សម្រាប់​ការ​ធ្វើ​សមាហរណកម្ម​ប្រទេស​កម្ពុជា​ ចូល​ទៅ​​ក្នុង​សេដ្ឋកិច្ច​អាស៊ាន ​និង​ពិភព​លោក ​ជា​ប្រទេស​ជួយ​បញ្ចប់​សង្គ្រាម​ដ៏​រាំ​រ៉ៃ​របស់​កម្ពុជា ​ដោយ​​​នាំ​​មក​នូវ​សន្តិភាព​ដ៏​ពេញ​លេញ ​និង​ការ​កសាង​សមត្ថភាព​ដល់​បុគ្គលិក​ស៊ី​វិល ​និង​យោធា​​កម្ពុជា​ ក្នុង​វិស័យ​ដោះមី​ន ​និង​យុទ្ធ​ភណ្ឌ​មិន​ទាន់​ផ្ទុះ​។​ឯ.ឧ​ នាយ​ឧត្តមសេនីយ៍ ​នាង ផាត​ រដ្ឋ​លេខា​ធិការ ​ក្រសួង​ការពារ​ជាតិ ​​ជួប​​ប្រជុំ​ការ​ងារ​​ទ្វេរ​​ភាគី​​​ជា​មួយ​ និងឯ.ឧ​ រ៉ូ​ ម៉ា​ណា​បេ ​(Ro Manabe)​ អនុរដ្ឋ​មន្ត្រី​ការពារ​ជាតិ​ជប៉ុន

     បន្ទាប់​មក​នៅ​ថ្ងៃ​ទី១០​ ខែ​កញ្ញា​ ឆ្នាំ​២០១៨​ ឯ.ឧ​ នាយ​ឧត្តមសេនីយ៍​ នាង ផាត ​រដ្ឋ​លេខា​ធិការ​ ក្រសួង​ការពារ​ជាតិ ​បាន​អញ្ជើញ​ចូល​រួម​​បើក​ជា​ផ្លូវ​ការ​ នៃ​កិច្ចប្រជុំ​វេទិកា​​អនុ​រដ្ឋ​មន្ត្រី​​ការពារ​ជាតិ ​ជប៉ុន​-​អាស៊ាន ​លើក​ទី​១០​។​ គោល​បំណង​ចម្បង​នៃការ​​រៀប​ចំ​​វេទិកា​​នេះ​ ​គឺ​ដើម្បី​ផ្លាស់​ប្តូរ​ទស្សន​ ប្រកប​ដោយ ​ភាព​ស្មោះ​ត្រង​លើ​បញ្ហា​ប្រឈម​​ផ្នែក​សន្តិសុខ​ក្នុង​​តំបន់​ ដើម្បី​លើក​កម្ពស់​ ទំនាក់​ទំនង​ឲ្យ​កាន់​តែ​ជិត​ស្និត​ រវាង​មន្ត្រី​ជាន់​ខ្ពស់​ក្នងវិស័យ​យោធា​។​ វេទិកា​​នេះ​​បាន​បែង​ចែក​ជា​បី​សម័យ​ប្រជុំ​ ដោយ​ផ្តោត​សំខាន់ ​លើ​បញ្ហា​បី​យ៉ាង ​រួម​មាន​៖​ បញ្ញាប្រឈម​​ និង​កិច្ច​ខិត​ខំ​ប្រឹង​ប្រែង ​ក្នុង​ការចែក​រំលែក​គុណ​តម្លៃ​ជា​សាកល ​ដែល​ផ្តោត​លើ​នីតិរដ្ឋ​,​ បញ្ហា​​ប្រឈម​​ និង​កិច្ច​ប្រឹង​ប្រែង​ក្នុង​ការ​ប្រឈម​មុខ​ និង​គ្រោះ​មហន្តរាយ,​ និង​ទស្ស​សម្រាប់​​កិច្ច​សហ​ប្រតិបត្តិការ​ការ​ពារ​ជាតិ​ជប៉ុន​-​អាស៊ាន​ កាន់​តែ​ស៊ី​ជម្រៅ។​ នៅ​ក្នុង​វេទិកា​នេះ ​ឯ.ឧ​ នាយ​ឧត្តម​សេនីយ៍​ នាង ផាត ​រដ្ឋលេខាធិការ​ ក្រសួង​ការពារ​ជាតិ ​ក៏​បាន​ធ្វើ​បង្ហាញ​នូវ​លើ​​ប្រធាន​បទ​​ស្តី​​ពី ​បញ្ហា​ប្រឈម ​និង​កិច្ច​ប្រឹង​ប្រែង​ក្នុង​ការ​ប្រឈម​មុខ​នឹង​គ្រោះ​​មហន្តរាយ​​ជូន​​អង្គ​វេទិកា​​បាន​​​ជ្រាប​។​កិច្ចប្រជុំ​វេទិកា​​អនុ​រដ្ឋ​មន្ត្រី​​ការពារ​ជាតិ ​ជប៉ុន​-​អាស៊ាន ​លើក​ទី​១០​

      ក្រោយ​ពី​វេទិកា​បាន​បញ្ចប់​ នៅ​រសៀល​ថ្ងៃ​ដដែល​នោះ​ដែរ ​ក៏​មាន​ថ្លែង​សន្ទរក​ថា​ពិសេស ​ដែល​បាន​ធ្វើ​ឡើង​ដោយ​រដ្ឋមន្ត្រី​ការ​ពារ​ជាតិ​ម៉ា​ឡេស៊ី​ ឯ.ឧ​ ហាជី ​ម៉ូហា​ម៉ាត់ ​ប៊ីន​សាប៊ូ ​(Haji​ Mohamad​ Bin​ Sabu)​។​ ហើយ​បន្ទាប់​មក ​ឯ.ឧ ​នាយ​ឧត្តមសេនីយ៍ ​នាង ផាត ​រដ្ឋលេខាធិការ ​ក្រសួង​ការ​ពារ​ជាតិ ​និង​សហការី ​ក៏​បាន​អញ្ជើញ​ចូល​រួម​ពិធី​ជប់​លៀង ​ដែល​បាន​រៀប​ចំ​ដោយ ​ឯ.ឧ ​គីតារ៉ូ ​អូណូ ​(Keitaro Ohno) ​អនុរដ្ឋមន្ត្រី​ការ​ពារ​ជាតិ​ជប៉ុន ​ជូន​ដល់​សមាជិក​ជា​អនុរដ្ឋមន្ត្រី​​ការ​ពារ​ជាតិ​​អាស៊ាន​​ទាំង​អស់​ផង​ដែរ​ ៕

អត្ថបទថ្មីៗ

សេចក្តីប្រកាស

សារជូនពរ

វីដេអូ