ឯកឧត្ដម មាស សាវ៉ន ជូនពរអនុព័ន្ធយោធាចិននិងវៀតណាម - ព័ត៌មានក្នងស្រុក

ព័ត៌មាន

ឯកឧត្ដម មាស សាវ៉ន ជូនពរអនុព័ន្ធយោធាចិននិងវៀតណាម

ក្នុងឱកាសបុណ្យចូលឆ្នាំថ្មីប្រពៃណីជាតិចិន-វៀតណាមឈានចូលមកដល់ខាងមុខនេះឯកឧត្ដម នាយឧត្ដមសេនីយ៍ មាស សាវ៉ន អគ្គនាយកអគ្គនាយកដ្ឋានយោធសេវាក្រសួងការពារជាតិបានដឹកនាំគណៈប្រតិភូអគ្គនាយកដ្ឋានយោធសេវា អញ្ជើញនាំយកកាដូនិងកន្ត្រកផ្កាទៅជូនពរការិយាល័យអនុព័ន្ធយោធាសាធារណៈរដ្ឋប្រជាមានិតចិន នាព្រឹកថ្ងៃទី២៣ខែមករាឆ្នាំ២០១៧នេះ។
លោកវរៈសេនីយ៏ឯកLi Ning Yaប្រធានអនុព័ន្ធយោធាសាធារណៈរដ្ឋប្រជាមាណិតចិននិងសហការីបានសម្តែងនូវការអំណរគុណចំពោះឯកឧត្ដមនាយឧត្ដមសេនីយ៍ មាស សាវ៉ន និងគណៈប្រតិភូអគ្គនាយកដ្ឋានយោធសេវា ក្រសួងការពារជាតិដែលបានចុះមកសួរសុខទុក្ខនិងជូនពរដល់ការិយាល័យអនុព័ន្ធយោធាសាធារណៈរដ្ឋប្រជាមានិតចិននាពេលនេះ។ លោកបានលើកឡើងថាប្រជាមានិតចិននិងព្រះរាជាណាចក្រកម្ពុជាធ្លាប់មានប្រពៃណីទំនាក់ទំនងមិត្តភាពនិងកិច្ចសហប្រតិបត្តិការដ៏ល្អជាគ្នាជាយូរលុងណាស់មកហើយ តាំងពីប្រមុខរដ្ឋនៃសាធារណៈរដ្ឋប្រជាមាណិតចិននិងព្រះមហាក្សត្រនៃព្រះរាជាណាចក្រកម្ពុជា។ប៉ុន្មានឆ្នាំមកនេះកិច្ចសហប្រតិបត្តិការរវាងប្រទេសនិងប្រជាជនទាំងពីរ ជាពិសេសក្រសួងការពារជាតិកងទ័ពទាំងពីរចិននិងកម្ពុជាត្រូវបានពង្រឹងពង្រីកនិងឈានទៅសម្រេចគ្រប់ជ្រុងជ្រោយ។
នាព្រឹកថ្ងៃដដែលនេះដែរគណៈប្រតិភូអគ្គនាយកដ្ឋានយោធសេវាដែលដឹកនាំដោយឯកឧត្ដមនាយឧត្ដមសេនីយ៍ មាស សាវ៉ន អគ្គនាយកអគ្គនាយកដ្ឋានយោធសេវា ក្រសួងការពារជាតិបានអញ្ជើញយកកាដូ និងបាច់ផ្កាជូនពរការិយាល័យអនុព័ន្ធយោធាវៀតណាមប្រចាំព្រះរាជាណាចក្រកម្ពុជាផងដែរ។
លោកវរៈសេនីយ៏ឯកងៀន អាញ់យ៉ុងប្រធានអនុព័ន្ធយោធាសាធារណៈរដ្ឋសង្គមនិយមវៀតណាមនិងសហការីក៏បានសម្តែងនូវការអំណរអគុណចំពោះឯកឧត្ដមនាយឧត្ដមសេនីយ៍ មាស សាវ៉ននិងគណៈប្រតិភូអគ្គនាយកដ្ឋានយោធសេវា ក្រសួងការពារជាតិ ដែលបានចុះមកសួរសុខទុក្ខនិងជូនពរដល់ការិយាល័យអនុព័ន្ធយោធាវៀតណាមប្រចាំព្រះរាជាណាចក្រកម្ពុជា។លោកវរៈសេនីយ៏បានចាត់ទុកថាកម្ពុជាជាប្រទេសជិតខាងដ៏ល្អរបស់វៀតណាមដែលធ្លាប់រួមសុខរួមទុក្ខស្មាគៀកស្មាសាមគ្គីតស៊ូប្រយុទ្ធប្រឆាំងសត្រូវរួមជាមួយគ្នាគ្រប់នៅគ្រាការលំបាកដើម្បីសុខសន្តិភាពឯករាជ្យជាតិនិងការអភិវឌ្ឍប្រទេសជាតិ។
ក្នុងឱកាសនោះឯកឧត្ដមនាយឧត្ដមសេនីយ៍ មាស សាវ៉នក្នុងនាមអគ្គនាយកដ្ឋានយោធសេវានិងថ្នាក់ដឹកនាំក្រសួងការពារជាតិក៏បានថ្លែងនូវអណរគុណយ៉ាងជ្រាវជ្រៅចំពោះក្រសួងការពារជាតិចិននិងក្រសួងការពារជាតិវៀតណាមក៏ដូចជាអនុព័ន្ធយោធាសាធារណៈរដ្ឋប្រជាមានិតចិន និងអនុព័ន្ធយោធាវៀតណាមប្រចាំកម្ពុជា ដែលជានិច្ចកាលរួមសហការយ៉ាងជិតស្និតជាមួយក្រសួងការពារជាតិកម្ពុជាខ.ភ.មជាពិសេសជាមួយនិអគ្គយោធសេវា។កន្លងមកនេះកិច្ចសហប្រតិបត្តិការទំនាក់ទំនងមិត្តភាព សមគ្គីភាពរវាងប្រជាជាតិនិងកងទ័ពទាំងពីរកម្ពុជាចិនក៏ដូចកម្ពុជាវៀតណាមត្រូវបានពង្រឹងនិងពង្រីកដោយឥតឈប់ឈរ។សង្ឃឹមថាចំណងមិត្តភាពសាមគ្គីភាព និងកិច្ចសហប្រតិបត្តិការដ៏ល្អនេះនឹងបន្តរឹងមាំតទៅអនាគតទៀត។