មេបញ្ជាការកងទ័ពជើងគោកភូមិន្ទថៃតែងតាំងថី្មចូលជួប សំដែងការគួរសម ឯកឧត្តម ឧបនាយករដ្ឋមន្រ្តី ទៀ បាញ់ - ព័ត៌មានក្នងស្រុក

ព័ត៌មាន

មេបញ្ជាការកងទ័ពជើងគោកភូមិន្ទថៃតែងតាំងថី្មចូលជួប សំដែងការគួរសម ឯកឧត្តម ឧបនាយករដ្ឋមន្រ្តី ទៀ បាញ់

ក្នុងឱកាសអញ្ជើញមកបំពេញទស្សនៈកិច្ចជាមិត្តភាពជាងជាផ្លូវការនៅកម្ពុជាកាលពីថ្ងៃទី១៩ ខែឆ្នូ ឆ្នាំ២០១៦ ឯកឧត្តមនាយឧត្តមសេនីយ៏ ចាឡឺមឆៃ ស៊ីធីសាតម មេបញ្ជាការកងទព័ជើងគោកភូមិន្ទថៃបានចូលជួបសំដែងការគួរសមឯកឧត្តមនាយឧត្តមសេនីយ៏ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។
តាមរយៈជំនូបនេះឯកឧត្តម ទៀបាញ់ បានសំដែងការស្វាគមន៏ចំពោះឯកឧត្តមនាយឧត្តមសេនីយ៏ ចាឡឺមឆៃ ស៊ីធីសាត ដែលត្រូវបានតែងតាំងជាមេបញ្ជាការកងទព័ជើងគោកភូមិន្ទថៃ។ក្នុងនាមក្រសួងការពារជាតិនិងប្រជាជនកម្ពុជាឯកឧត្តមនាយឧត្តមសេនីយ៏ ទៀ បាញ់ បានសំដែង ការសោកស្តាយចំពោះការសោយទីវង្គតរបស់ព្រះមហាក្សត្រថៃ។មានមតិឆ្លើយតបវិញឯកឧត្តមមេបញ្ជាការកងទព័ជើងគោកភូមិន៏ថៃបានថ្លែងអំណរគុណដល់កងទ័ព និងប្រជាជនកម្ពុជាដែលបានចូលរួមរំលែកទុក្ខចំពោះការចូលទីវង្គតរបស់ព្រះមហាក្សត្រថៃ។ឯកឧត្តមក៏បានពាំនាំនូវការផ្តាំផ្ញើរសាកសួរសុខទុក្ខពីឯកឧត្តម រដ្ឋមន្រ្តីការពារជាតិថៃផ្ញើរជូនដល់ឯកឧត្តមឧបនាយករដ្ឋមន្ត្រីផងដែរ។ឯកឧត្តមបានបញ្ជាក់អោយដឹងថាកងទព័ទាំង២កម្ពុជា-ថៃដែលឈរជើងតាមបណ្តោយព្រំដែន ប្រទេសទាំងបានរួមគ្នាដោះស្រាយបញ្ហាបានយ៉ាងដោយសន្តិវិធីនាំមកនូវសេចក្តីសុខសនិ្តភាពសំរាប់ការរស់នៅរបស់ប្រជាជននៃប្រទេសទាំងពីរតាមបណ្តោយព្រំដែន ។ ឯកឧត្តមបានសង្គត់ធ្ងន់ថាកងទ័ពជើងគោកថៃសូមគាំទ្រការបើកច្រកចំនួន៤ជាអចិន្រ្តៃយ៏សំរាប់ការចេញចូលប្រកបមុខរបររកស៊ីនៃ ប្រជាជនប្រទេសទាំង២ព្រមទាំងបន្តការរួមសហការគ្នាដាំដើមឈើរនៅតាមបណ្តោយព្រំដែនផងដែរ។
មានមតិឆ្លើយតបវិញនាឱកាសនោះឯកឧត្តម ទៀ បាញ់ បានវាយតំលៃខ្ពស់ចំពោះទំនាក់ទំនងកិច្ចសហការល្អរវាងកងទ័ពប្រទេសទាំងពីរនៅតាមបណ្តោយព្រំដែន ក្នុងនោះក៏មាននៅបញ្ហាសេសសល់មួយចំនួនដូចជានៅច្រកអានសេះឯកឧត្តម ទៀ បាញ់ បានសំណូមពរដល់កងទព័ទាំងពីរ បន្តដោះស្រាយជាមួយគ្នាដើម្បីនាំមកនូវផលប្រយោជន៏ដល់ប្រជាជនទាំងពីរ។ឆ្លៀតក្នុងឱកាសនោះឯកឧត្តម ទៀ បាញ់ ក៏បានលើកឡើងពីបញ្ហាសន្តិសុខក្នុងតំបន់ បញ្ហាភេរវកម្មបញ្ហាទប់ស្កាត់គ្រឿងញៀនដែលក្នុងនោះទាក់ទងទៅនឹងបញ្ហាធ្វើអោយមានសន្តិភាពស្ថេរភាពក្នុង ប្រទេសនីមួយៗឯកឧត្តម ទៀ បាញ់ និងឯកឧត្តមមេបញ្ជាការកងទព័ជើងគោកថៃបានចាត់ទុកកងទ័ពគឺជាកំលាំងស្នូលក្នុងការធើ្វអោយមានសន្តិភាពស្ថេរភាពល្អ ប្រសើរសំរាប់ការរស់នៅរបស់ប្រជាពលរដ្ឋ៕