ឯ.ឧ នាង ផាត ជួបអនុរដ្ឋមន្ត្រីការពារជាតិជប៉ុន - ព័ត៌មានក្នងស្រុក

ព័ត៌មាន

ឯ.ឧ នាង ផាត ជួបអនុរដ្ឋមន្ត្រីការពារជាតិជប៉ុន

ក្នុងឱកាសចូលជួបសំដែងការគួរសមនិងពិភក្សាការងារជាមួយឯ.ឧនាយឧត្តមសេនីយ៏នាង.ផាតរដ្ឋលេខាធិការក្រសួងការពារជាតិកាលពីរសៀលថ្ងៃទី១១ខែសីហាឆ្នាំ២០១៦ ឯ.ឧរ៉ូម៉ា.ណាបេអនុរដ្ឋមន្រ្តីការពារជាតិជប៉ុនទទួលបន្ទុកការបរទេសនិងប្រតិភូបានថ្លែងអំណរគុណចំពោះក្រសួងការពារជាតិកម្ពុជាដែលបានយកចិត្តទុកដាក់និងផ្ដល់ឱកាសដល់ដំណើរទស្សនកិច្ចរបស់ប្រតិភូឯ.ឧក្នុងព្រះរាជាណាចក្រកម្ពុជាទទួលបានជោគជ័យ ។
ឯ.ឧរ៉ូម៉ាណាបេបានជំរាបដល់ឯ.ឧរដ្ឋលេខាធិការថា៖ក្នុងដំណើរទស្សនកិច្ចរបស់ប្រតិភូឯឧនាពេលនេះគឺនាំមកនាំមកនូវការពង្រឹងនិងពង្រីកសាមគ្គីភាពមិត្តភាពនិងកិច្ចសហប្រតិបត្តិការរវាងកងទ័ពទាំង២កម្ពុជា.ជប៉ុនអោយកាន់តែរឹងមាំថែមទៀត។ឯ.ឧបានជំរាបទៀតថា៖នាខែកញ្ញាខាងមុខកិច្ចប្រជុំប្រចាំឆ្នាំរវាងអនុរដ្ឋមន្ត្រីការពារជាតិជប៉ុននឹងអនុរដ្ឋមន្ត្រីការពារជាតិអាស៊ានគឺភាគីជប៉ុននឹងត្រៀមនូវទស្សនទានមួយចំនួនស្ដីពីកិច្ចសហប្រតិបត្តិការថែរក្សាសន្តិភាពនៅក្នុងតំបន់រវាងជប៉ុន.អាស៊ានដើម្បីឲ្យភាគីទាំងអស់ចូលរួមក្នុងការពិភក្សាគ្នាស្វែងរកយន្តការរួមមួយសំរាប់ដាក់ជូនឲ្យកិច្ចប្រជុំរដ្ឋមន្ត្រីការពារជាតិជប៉ុននឹងរដ្ឋមន្ត្រីការពារជាតិអាស៊ានធ្វើការសំរេច។ឯ.ឧបានបន្តទៀតថា៖កិច្ចការពារជាតិរបស់ប្រទេសជប៉ុនគឺចាំបាច់ណាស់ត្រូវមានការគាំទ្រពីបណ្តាប្រទេសនានាពិសេសពីបណ្តាប្រទេសក្នុងតំបន់និងអាស៊ានដោយបច្ចុប្បន្នមានការគំរាមកំហែងពីការសាកល្បងមីស៊ីលរបស់ប្រទេសកូរ៉េខាងជើងជំលោះប្រជុំកោះជាមួយនឹងប្រទេសចិនហើយជាពិសេសបញ្ហាសមុទ្រចិនខាងត្បូងរវាងប្រទេសចិនជាមួយបណ្តាប្រទេសអាស៊ានមួយចំនួនហើយមានការរំលោភច្បាប់សមុទ្រនិងច្បាប់អាកាសទៀតផង។
មានប្រសាសន៏ឆ្លើយតបក្នុងឱកាសនោះឯ.ឧនាយឧត្តមសេនីយ៏នាងផាតបានឯកភាពលើទស្សនទានរបស់ភាគីជប៉ុនរាល់ការប្រឈមចំពោះមុខពិសេសក្នុងតំបន់អាស៊ីប៉ាស៊ីហ្វិក និងតំបន់អាស៊ាននាពេលបច្ចុប្បន្ននេះ។ឯ.ឧក៏បានបញ្ជាក់ដែរថា៖ចំពោះបញ្ហាភេរវកម្មក្នុងតំបន់ក៏ជាបញ្ហាធ្ងន់ធ្ងរផងដែរហើយកម្ពុជាក៏មិនគាំទ្រដល់ការសាកល្បងអាវុធរបស់កូរ៉េខាងជើងឡើយ។ចំពោះបញ្ហាជំលោះប្រជុំកោះចិននឹងជប៉ុនគឺកម្ពុជាគាំទ្រឲ្យមានការចរចាដោយសន្តិវិធីដោយឡែកបញ្ហាសមុទ្រចិនខាងត្បូងនៅតែមានការស្មុគ្រស្មាញទាំងនេះហើយដែលនាំឲ្យកិច្ចប្រជុំរដ្ឋមន្ត្រីការបរទេសអាស៊ានកន្លងមកនៅទីក្រុង
វៀងច័ន្ទពុំអាចឈានទៅដល់ការចេញសេចក្តីសំរេចរួមណាមួយបានឡើយ។ឯ.ឧ រដ្ឋលេខាធិការក៏បានថ្លែងអំណរគុណដល់ក្រសួងការពារជាតិជប៉ុនផងដែរដែលកន្លងមកជប៉ុនបានជួយបណ្ដុះបណ្ដាលកងទ័ពកម្ពុជាឲ្យទទួលបានជោគជ័យល្អក្នុងការបំពេញបេសកកម្មរក្សាសន្តិភាពជូនអង្គការសហប្រជាជាតិ
មិនត្រឹមតែជួយលើការបណ្តុះបណ្តាលធនធានមនុស្សប៉ុណ្ណោះទេជប៉ុនក៏បានជួយជាសំភារៈនិងបច្ចេកទេសថែមទៀតផង ។