ឯ.ឧ នាយឧត្តមសេនីយ៍ ទៀ បាញ់ ជួប ឯកអគ្គរដ្ឋទូតអូស្ត្រាលីតែងតាំងថ្មី - ព័ត៌មានក្នងស្រុក

ព័ត៌មាន

ឯ.ឧ នាយឧត្តមសេនីយ៍ ទៀ បាញ់ ជួប ឯកអគ្គរដ្ឋទូតអូស្ត្រាលីតែងតាំងថ្មី

លោកជំទាវ អ៊ែន ជឺឡា ខ.ខូ.រែន (Angela Corcoran)ត្រូវបានរដ្ឋាភិបាល អូស្រ្តាលីតែងតាំងជាឯកអគ្គរដ្ឋទូតថ្មីប្រចាំនៅកម្ពុជា។ នៅក្នុងជំនួបសំដែងការគួរសមកាលពីរសៀលថ្ងៃទី៥ ខែសីហា ឆ្នាំ២០១៦ ឯ. ទៀ បាញ់ ឧបនាយករដ្ឋមន្ត្រី រដ្ឋមន្រ្តីក្រសួងការពារជាតិបានសំដែងការស្វាគមន៍ចំពោះលោកជំទាវ អ៊ែន ជីឡា ដេលបានអញ្ជើញមកបំពេញបេសកកម្មការទូតនៅកម្ពុជា ដើម្បីបន្តបំពញការងារសំខាន់ដែលប្រទេសទាំងពីបានធ្វើកិច្ចសហប្រតិបត្តិការជាមួយគ្នាកន្លងមក។ ឯ. ទៀ បាញ់ បានបញ្ជាក់ថាកម្ពុជានឹងអូស្ត្រាលីមានទំនាក់ទំនងគ្នាល្អណាស់ហើយក៏មានយន្តការជាច្រើនដែលបានធ្វើកិច្ចសហប្រតិបត្តិការជាមួយគ្នាទទួលបានជោគជ័យជាបន្តបន្តាប់។ ឯ. ទៀ បាញ់ ក៏បានថ្លែងអំណរគុណដល់ប្រទេសអូស្ត្រាលីដែលបានជួយដល់ ខ.ភ.ម ជាបន្តបន្ទាប់កន្លងមកជាពិសេសបានជួយដល់គណៈកម្មាការជាតិសន្តិសុខលំហរសមុទ្រ ដែលបច្ចុប្បន្ននេះបានកំពុងអនុវត្តន៍ភារកិច្ចរបស់ខ្លួន នៅក្នុងទិសជួរមុខនៃដែនសមុទ្រសំរេចបានលទ្ធផលល្អដោយលែកលើការបណ្តុះបណ្តាលធនធានមនុស្សដល់ ខ.ភ.ម ទទួលបានលទ្ធផលល្អផងដែរ។
មានមតិឆ្លើយតបមកវិញលោកជំទាវ អ៊ែន ជីឡា ខ.ខូ.រែន បានបញ្ជាក់ថាទំនាក់ទំនងរបស់ប្រទេសទាំង២ កម្ពុជា.អូស្ត្រាលីគឺមានប្រវត្តិតាំងពីយូលុងណាស់មកហើយ ហើយបច្ចុប្បន្ននេះប្រទេសទាំង២បានបន្តកិច្ចសហប្រតិបត្តិការជាមួយគ្នាធ្វើការងារផ្សេងៗជាច្រើនទៀត។ លោកជំទាវបានបញ្ជាក់ថា៖ រហូតមកដល់ឆ្នាំ២០១៦គឺជាខួបលើកទី ២៥ នៃកិច្ចព្រមព្រៀងសន្តិភាពទីក្រុងប៉ារីសហើយប្រទេសអូស្ត្រាលីក៏ជាផ្នែក១នៃកិច្ចព្រមព្រៀងនេះដែរ។ លោកជំទាវបានបញ្ជាក់ថា កម្ពុជា.អូស្ត្រាលីបានទំនាក់ទំនងជាមួយគ្នាតាំងពីយូរយារណាស់មកហើយលើវិស័យការពារជាតិ ហើយអូស្ត្រាលីក៏បានធ្វើការងារជាច្រើនលើវិស័យការពារជាតិជាមួយ ខ.ភ.ម របស់កម្ពុជា។ លោកជំទាវ អ៊ែន ជីឡាបានសង្កត់ធ្ងន់ថា នៅក្នុងកម្មវិធីកិច្ចសហប្រតិបត្តិការលើវិស័យការពារជាតិរបស់អូស្ត្រាលីជាមួយកម្ពុជាបានផ្តោតសំខាន់ទៅលើកិច្ចប្រតិបត្តិការថែរក្សាសន្តិភាពសន្តិសុខលំហរសមុទ្រ ការបណ្តុះបណ្តាលវិជ្ជាជីរៈនិងផ្នែកប្រឆាំងភេរវកម្ម។ ជាចុងក្រោយលោកជំទាវបានកោតសរសើរដល់កងទ័ពមួកខៀវកម្ពុជាដែលបានចូលរួមចំនែកថែរក្សាសន្តិភាពរបស់អង្គការសហប្រជាជាតិនាកាលកន្លងមក៕