មេបញ្ជាការកងកម្លាំងMINUSMAប្រចាំប្រទេសម៉ាលីកោតសរសើរកម្លាំងមួកខៀវកម្ពុជា - ព័ត៌មានក្នងស្រុក

ព័ត៌មាន

មេបញ្ជាការកងកម្លាំងMINUSMAប្រចាំប្រទេសម៉ាលីកោតសរសើរកម្លាំងមួកខៀវកម្ពុជា

មេបញ្ជាការកងកម្លាំរក្សាសន្តិភាពអង្គការសហប្រជាជាតិប្រចាំប្រទេសម៉ាលីហៅកាត់ថា(MINUSMA)បានសំដែងនូវការកោតសរសើរដល់កម្លាំងមួកខៀវកម្ពុជា ដែលកំពុងបំពេញបេសកកម្មរក្សាសន្តិភាពក្រោមឆ័ត្ររបស់អង្គការសហប្រជាជាតិក្នុងប្រទេសម៉ាលី។មេបញ្ជារMINUSMA បានថ្លែងដូច្នេះ ក្នុងខណះពេលដែលថ្នាក់ដឹកនាំជាន់ខ្ពស់របស់មជ្ឈមណ្ឌលជាតិរក្សាសន្តិភាពកម្ពុជាទៅបំពេញទស្សនកិច្ចជាផ្លូវការកាលពីថ្ងៃទី២៥ខែមិថុនានៅប្រទេសម៉ាលី។
ឯកឧត្តមឧត្តមសេនីយ៍ឯកតន់សាលីអគ្គនាយករងមជ្ឈមណ្ឌលជាតិរក្សាសន្តិភាពនៅកម្ពុជាក្នុងដំណើរទស្សនកិច្ចជាផ្លូវការរយៈពេល១សប្តាហ៍នៅប្រទេសម៉ាលីនោះ បានបញ្ជាក់អោយដឹងនៅថ្ងៃទី៨ខែកក្តដាឆ្នាំ២០១៦នេះថា“ឧត្តមសេនីយ៍ទោMichale Anke Lolleជាមេបញ្ជាអង្គការសហប្រជាជាតិប្រចាំប្រទេសម៉ាលី កោតសរសើរដល់កម្លាំងមួកខៀវកម្ពុជាយ៉ាងខ្លាំងក្នុងការចូលរួមបំពេញបេសកកម្មដ៏មានន័យនេះ ហើយកម្លាំងកម្ពុជា តែងតែទទួលបាននូវជោគជ័យរាល់ពេលបំពេញបេកកម្ម ថែទាំព្រលានយន្តហោះ,ជម្រកស្នាក់នៅ,រកគ្រឿងផ្ទុះកែច្នៃនិងបំពេញការងារវិស្វ័កម្ម”។ដោយបេកកម្មMINUSMAត្រូវការចាំបាច់កម្លាំងកម្ទេចគ្រឿងផ្ទុះដូច្នេះMINUSMA នឹងពិចារណាលើកងកម្លាំងកម្ពុជាដែលមានឆន្ទះនិងជំនាញពិតប្រាកដសំរាប់បេសកកម្មនេះ។
ក្នុងដំណើរទស្សនកិច្ច១សប្តាហ៍នាចុងខែមុននេះឯកឧត្តម តន់ សាលីបញ្ជាក់ថា“នៅតាមទីបញ្ជាការតំបន់ខាងកើតទីក្រុងGOA នៃប្រទេសម៉ាលី មានកម្លាំងប្រទេសផ្សេងៗឈរជើងនៅតាមមូលដ្ធានដោយលែកៗពីគ្នាក្នុងនោះរួម មានមន្ទីរពេទ្យកំរិត២ចិនបញ្ជាការដ្ឋានវរសេនាតូចSenegalបញ្ជាការដ្ឋានកងវិស្វ័កម្មចិន បញ្ជាការដ្ឋានកងកម្លាំងការពារចិនបញ្ជាការដ្ឋានកងកម្លាំងការពារអាឡឺម៉ង់”ដែលនៅក្នុងតំបន់ខាងកើតនោះឯកឧត្តម បានស្នើរទៅបណ្តាប្រទេសខាងលើនេះឲ្យជួយការពារ ដល់កម្លាំងជំនាញកម្ពុជាដែលកំពុងបំពេញបេសកកម្មនៅក្នុងតំបន់ផងដោយសារកម្លាំងកម្ពុជាមិនមែនជាកម្លាំងប្រយុទ្ធនោះទេ។ចំពោះការបោះទីតាំងឈរជើងរបស់កម្លាំងរក្សាសន្តិភាពកម្ពុជាឯកឧត្តមតន់ សាលី បានបញ្ជាក់ថា“កម្ពុជាមានបីកន្លែងធំៗរួមមានកងកម្ទេចគ្រឿងផ្ទុះឈរជើងនៅតំបន់ភាគខាងកើតទីក្រុង GOA កងវិស្វ័កម្មឈរជើងនៅតំបន់ខាងជើងគីដាល់ និងតេសាលីត។
ក្រៅពីទស្សនកិច្ចក្នុងក្របខណ្ឌរបស់អង្កការសហប្រជាជាតិនេះប្រតិភូបានតៅទស្សនកិច្ចនៅសាលាសន្តិភាពម៉ាលី និងសាលាចំណេះដឹងទូទៅសម្តេច ហ៊ុន សែន នៅទីក្រុងបាម៉ាកូ។ឯកឧត្តម តន់ សាលី បានបញ្ជាក់ថាសាលាចំណេះដឹងទូទៅសម្តេចហ៊ុន សែន ត្រូវបានសម្ពោធកាលពីខែមករាឆ្នាំ២០១៤ដោយឯកឧត្តម រដ្ឋមន្រ្តីក្រសួងអប់រំយុវជននិងកីឡា ហង់ ជូនណារ៉ុន និងរដ្ឋមន្រ្តីក្រសួងអប់រំប្រទេសម៉ាលី។ ដែលរហូតមកដល់ពេលនេះមានសិស្សានុសិស្សចំនួន១១៥នាក់ពីកំរិតមតេយ្យ ដល់អនុវិទ្យាល័យ។
លោកស្រីEVAជានាយកសាលាចំណេះដឹងទូទៅសម្តេចហ៊ុនសែនប្រទេសម៉ាលី បានបញ្ជាក់ថា“នៅថ្ងៃអនាគតកំណើនសិស្សនឹងមានការកើនឡើង ដោយយោងលើគុណភាពនៃការអប់រំមានកំរិតខ្ពស់ បើធៀបទៅនឹងសាលារៀនក្នុងតំបន់ដ៏ទៃទៀត”។លោកស្រីបន្ថែមថា“ដោយសារសម្តេចសិស្សអាចចេះអាន អាចចេះសរសេរ និងអាចនិយាយភាសាបារាំងដោយសារសម្តេចពួកគេមានសម្លៀកបំពាក់ល្អនិងមានអាគារសិក្សាល្អផងដែរ៕