ឯកឧត្តម ទៀ បាញ់ ប្រជុំប្រកាសចូលកាន់តំណែងរដ្ឋលេខាធិការក្រសួងការពារជាតិ២រូប និងអនុរដ្ឋលេខាធិការ១រូប - ព័ត៌មានក្នងស្រុក

ព័ត៌មាន

ឯកឧត្តម ទៀ បាញ់ ប្រជុំប្រកាសចូលកាន់តំណែងរដ្ឋលេខាធិការក្រសួងការពារជាតិ២រូប និងអនុរដ្ឋលេខាធិការ១រូប

នៅព្រឹកថ្ងៃទី០៣ ខែឧសភា ក្រសួងការពារជាតិបានប្រជុំប្រកាសចូលកាន់តំណែង រដ្ឋលេខាធិការក្រសួងការពារជាតិ២រូប និងអនុរដ្ឋលេខាធិការក្រសួងការពារជាតិ១រូប ក្រោម អធិបតីភាព ឯកឧត្តម នាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្រ្តីក្រសួងការពារ ជាតិ ឯកឧត្តម នាយឧត្តមសេនីយ៍ ប៉ុល សាវឿន អគ្គមេបញ្ជាការ ខ.ភ.ម ព្រមទាំងឯកឧត្តម រដ្ឋលខាធិការ អនុរដ្ឋលេខាធិការ អគ្គនាយក អគ្គនាយករងជាច្រើនរូបទៀត ។
   សូមបញ្ជាក់ថា៖ នៅក្នុងព្រះរាជក្រិត្យបានត្រាស់បង្គាប់តែងតាំង ឯកឧត្តម ជៀង អំ និង ឯកឧត្តម អ៊ី ឈាន ជារដ្ឋលេខាធិការក្រសួងការពារជាតិ ដោយឡែក ឯកឧត្តម ឧត្តមសេនីយ៍ឯក ឌូ ឈា ត្រូវបានតម្លើងឋានន្តរស័ក្តិជានាយឧត្តមសេនីយ៍ផ្កាយមាសបួន និងមានតួនាតីជាអនុរដ្ឋលេខាធិការក្រសួងការពារជាតិ ។
   នៅក្នុងពិធីប្រកាសចូលកាន់តំណែងថ្មី រដ្ឋលេខាធិការអនុរដ្ឋលេខាធិការក្រសួងការពារជាតិ នាពេលនោះ ឯកឧត្តម ទៀ បាញ់ បានជម្រាបជូនអំពីតួនាតីភារកិច្ចរបស់បណ្តា ស្ថាប័នមួយចំនួនក្នុងក្រសួងការពារជាតិ ឲ្យរដ្ឋលេខាធិការទាំងពីរដែលទើបចូលបំពេញការ ងារឲ្យបានយល់ពីដំណើរការ ការអនុវត្តន៍ភារកិច្ចនៅតាមស្ថាប័ននីមួយៗ តាំងពីពេលមុនៗ រហូតដល់បច្ចុប្បន្ននេះ ។
   ឯកឧត្តម ទៀ បាញ់ បានសម្តែងនូវក្តីសង្ឃឹមថាបន្ទាប់ពីការចូលកាន់មុខតំណែងរបស់ ឯកឧត្តមរដ្ឋលខាធិការទាំងពីរ នឹងរួមចំណែកធ្វើឲ្យក្រសួងការពារជាតិសម្រេចបាននូវស្នាដៃ ធំៗជាច្រើនទៀតជូនរាជរដ្ឋាភិបាល ដែលបានប្រគល់ឲ្យ ។ ឯកឧត្តមឧបនាយករដ្ឋមន្ត្រីបាន សំណូមពរឲ្យថ្នាក់ដឹកនាំគ្រប់ស្ថាប័ន ចំណុះឲ្យក្រសួងការពារជាតិក៏ដូចជា អគ្គបញ្ជាការ ខ.ភ.ម ត្រូវធ្វើការសហការ សាមគ្គីគ្នា ឲ្យបានជិតស្និតដើម្បីបម្រើដល់កិច្ចការការពារជាតិមាតុ ភូមិរបស់យើងឲ្យទទួលបានជោគជ័យ ៕