ឯកឧត្តមទៀ.បាញ់ជួបពិភាក្សាការងារជាមួយរដ្ឋមន្ត្រីការពារជាតិសហពន្ធ័រុស្ស៊ី - ព័ត៌មានក្នងស្រុក

ព័ត៌មាន

ឯកឧត្តមទៀ.បាញ់ជួបពិភាក្សាការងារជាមួយរដ្ឋមន្ត្រីការពារជាតិសហពន្ធ័រុស្ស៊ី

បន្ទាប់ពីបានចូលរួមក្នុងកិច្ចប្រជុំរដ្ឋមន្ត្រីការពារជាតិអាស៊ាននិងរដ្ឋមន្ត្រីការពារជាតិរុស្ស៊ីក្រៅផ្លូវការរួចមកនាល្ងាចថ្ងែទី២៦ខែមេសាឯកឧត្តមនាយឧត្តមសេនីយ៍ទៀ.បាញ់ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជាព្រមទាំងសមាជិកគណៈប្រភូអមតំណើរបានអញ្ជើញចូលជួបពិភាក្សាការងារជាមួយឯកឧត្តមនាយឧត្តមសេនីយ៍សឺហ្គេសយហ្គូរដ្ឋមន្ត្រីក្រសួងការពារប្រទេសសហពន្ធ័រុស្ស៊ីនៅក្រសួងការពារប្រទេសរុស្ស៊ីនាទីក្រុងម៉ូស្គូ ។
នៅក្នុងជំនួបឪកាសនោះឯកឧត្តមសឺហ្គេសយហ្គូរដ្ឋមន្ត្រីក្រសួងការពារប្រទេសសហពន្ធ័រុស្ស៊ីបានសំដែងការស្វាគមន៍និងបានថ្លែងអំណរគុណចំពោះឯកឧត្តមទៀ.បាញ់ដែលបានដឹកនាំគណៈប្រតិភូក្រសួងការពារជាតិកម្ពុជាមកចូលរួមក្នងកិច្ចប្រជុំរដ្ឋមន្ត្រីការពារជាតិអាស៊ាននិងរដ្ឋមន្ត្រីការពារជាតិរុស្ស៊ីក្រៅផ្លូវការនិងចូលរួមក្នុងសន្និសិទ្ធទីក្រុងម៉ូស្គូលើកទី៥ស្តីពីសន្តិសុខអន្តជាតិនៅទីក្រុងម៉ូស្គូ។ឯកឧត្តមរដ្ឋមន្ត្រីក្រសួងការពារប្រទេសរុស្ស៊ីបានចាត់ទុកកិច្ចប្រជុំនេះគឺជាការចាប់ផ្តើមកិច្ចសហប្រតិបត្តិការរវាងសហពន្ធ័រុស្ស៊ីនិងអាស៊ាន។ឯកឧត្តមសយហ្គូក៏បានចាត់ទុកជំនួបនាពេលនេះជាជំនួបប្រវត្តិសាស្ត្រពីព្រោះជំនួបរវាងរដ្ឋមន្ត្រីការពារប្រទេសរុស្ស៊ីនិងរដ្ឋមន្ត្រីការពារជាតិកម្ពុជាមិនដែលធ្លាប់មានសោះនារយៈពេលកន្លងមក។ឯកឧត្តមបានបន្តថា៖ក្នុងខែឧសភាឆ្នាំ២០១៦ខាងមុខគឺគំរប់ខួប៦០ឆ្នាំនៃទំនាក់ទំនងការទូតរវាងប្រទេសទាំងពីរ។ដើម្បីអបអរសាទរខួប៦០ឆ្នាំនៃទំនាក់ទំនងការទូតនេះឯកឧត្តមរដ្ឋមន្ត្រីបានបញ្ជាក់ថា៖យើងនិងពង្រឹងកិច្ចសហប្រតិបត្តិការរបស់យើងអោយបានកាន់តែប្រសើរឡើងថែមទៀត។ក្រៅពីកិច្ចសហប្រតិបត្តិការវិស័យបច្ចេកទេសយោធារវាងកងទ័ពទាំងពីរយើងអាចពួតដៃគ្នាបានក្នុងការប្រយុទ្ធប្រឆាំងអំពើភេរវកម្មផងដែរ។ឯកឧត្តមរដ្ឋមន្ត្រីក្រសួងការពារប្រទេសរុស្ស៊ីក៏បានសំដែងនូវក្តីសោមនស្សរីករាយចំពោះការចូលចតនាវាកងទ័ពជើងទឹករុស្ស៊ីនៅកំពង់ផែក្រុងព្រះសីហនុហើយត្រូវបានទទួលការធ្វើបដិសណ្ឋាកិច្ចយ៉ាងកក់ក្តៅពីភាគីកម្ពុជាស្របពេលដែលគណៈប្រតិភូក្រសួងការពារជាតិកម្ពុជាកំពុងបំពេញទស្សនៈកិច្ចនៅសហពន្ធ័រុស្ស៊ី។ទាក់ទងទៅនឹងការបណ្តុះបណ្តាលសិក្ខាកាមមយោធាកម្ពុជាឯកឧត្តមបានបញ្ជាក់ថា៖បច្ចុប្បន្ននេះមានសិក្ខាកាមខភមកំពុងសិក្សានៅរុស្ស៊ីចំនួនជាង២០០នាក់ហើយរុស្ស៊ីកំពង់ពិចារណាផ្តល់អាហាររូបករណ៍ដល់សិក្ខាកាមខភមបន្ថែមទៀតនៅក្នុងឆ្នាំនេះ។
នៅក្នុងជំនួបនោះឯកឧត្តមទៀ.បាញ់បានបញ្ជាក់ថា៖កិច្ចប្រជុំរដ្ឋមន្ត្រីការពារជាតិអាស៊ាននិងរុស្ស៊ីក្រៅផ្លូវការនាពេលនេះគឺជាកិច្ចប្រជុំលើកទី១និង

ជាកិច្ចប្រជុំសំខាន់ផងដែរដែលបានឆ្លើយតបពីអាស៊ាននិងរៀបចំឡើងដោយរុស្ស៊ី។ឯកឧត្តមបានបន្តថា៖ការចូលចតនាវាកងទ័ពជើងទឹករុស្ស៊ីនៅកម្ពុជានោះបានអនុវត្តទៅតាមកម្មវិធីដែលបានគ្រោងទុកបានយ៉ាងល្អប្រសើរ។ឯកឧត្តមទៀ.បាញ់បានថ្លែងអំណរគុណដល់ក្រសួងការពារប្រទេសរុស្ស៊ីចំពោះការទទួលយកសិក្ខាកាមខភមមកបណ្តុះបណ្តាលនៅរុស្ស៊ីក្រោមការយកចិត្តទុកដាក់ពីរុស្ស៊ី។ឯកឧត្តមឧបនាយករដ្ឋមន្ត្រីបានបញ្ជាក់បន្ថែមថា៖តាមរយៈការជួយបណ្តុះបណ្តាលរបស់រុស្ស៊ីដល់ខភមនាពេលកន្លងមកបានរួមចំណែកបង្កើនសមត្ថភាពដល់ខភមក្នុងការបំពេញភារកិច្ចការពារបូរណភាពទឹកដីរបស់ខ្លួនក៏ដូចជាការចូលរួមចំណែកបំពេញបេសកកម្មរក្សាសន្តិភាពលើពិភពលោកផងដែរ៕