ឯ.ឧ ទៀ បាញ់ បើកសន្និបាតកងកម្លាំងរក្សាសន្តិភាព - ព័ត៌មានក្នងស្រុក

ព័ត៌មាន

ឯ.ឧ ទៀ បាញ់ បើកសន្និបាតកងកម្លាំងរក្សាសន្តិភាព

សន្និបាតបូកសរុបលទ្ធផលការងារបញ្ជូនកងកម្លាំងរក្សាសន្តិភាពរបស់អង្គការសហប្រជាជាតិនៃខ.ភ.មរយៈពេលពេល១០ឆ្នាំ(២០០៦-២០១៦)បានប្រារព្ធពិធីបើកនាព្រឹថ្ងៃទី០១ខែមិនានេះនៅវិមានសន្តិភាពនៃទីស្តីការគណៈរដ្ឋមន្ត្រីដែលពិធីនេះបានប្រព្រឹត្តទៅស្ថិតក្រោអធិបតីភាពឯ.ឧនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិនិងដោយមានវត្តមានចូលរួមពីឯកឧត្តមលោកជំទាវលោកលោកស្រីជាសមាជិកគណៈកម្មាធិការជាតិនិងមន្ត្រីតាមក្រសួង-ស្ថាប័នពាក់ព័ន្ធជាច្រើនរូបទៀត។
ឯ.ឧនាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាពបោសសំអាតមីននិងកាកសំណល់សង្គ្រាមបានមានប្រសាសន៍ថាអង្គសន្និបាតបូកសរុបលទ្ធផលការងារបញ្ជូនកងកម្លាំងរក្សាសន្តិភាពរបស់អង្គការសហប្រជាជាតិរយៈពេលពេល១០ឆ្នាំបានប្រារព្វពិធីជាផ្លូវការមានរយៈពេល០១ថ្ងៃនាថ្ងៃទី០១ខែមិនា ឆ្នាំ២០១៦ដោយគណៈកម្មាធិការជាតិសម្រួបសម្រួលកិច្ចការបញ្ជូនកងកម្លាំងចូលរួមបេសកកម្មរក្សាសន្តិភាពរបស់អង្គការសហប្រជាជាតិនិងមជ្ឈមណ្ឌលជាតិគ្រប់គ្រងកម្លាំងរក្សាសន្តិភាពបោសសំអាតមីននិងកាកសំណល់សង្គ្រាមរួមសហការជាមួយក្រុមការងារនៃក្រសួងស្ថាប័នពាក់ព័ន្ធមួយចំនួនទៀត។
បន្ទាប់ពីលោកស្រីក្លែរ.វ៉ាន់ឌឺវ៉ារេនមន្ត្រីសម្របសម្រួលអង្គការសហប្រជាជាតិប្រចាំកម្ពុជានិងជាតំណាងអគ្គលេខាធិការអង្គការសហប្រជាជាតិឡើងមានមតិរួចមកឯ.ឧនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិបានមានប្រសាសន៍ថាប្រទេសកម្ពុជាមានប្រវត្តិដ៏ជូរចត់ធ្លាប់បានឆ្លងកាត់សង្គាមបំផ្លិចបំផ្លាញអស់ជាង៣ទស្សវត្ស។ទំរាំមានថ្ងៃនេះយើងបានយល់ដឹងច្បាស់ណាស់អំពីការលំបាកចំពោះប្រទេសនិងប្រជាជនដែលជួបសង្គ្រាម។កម្ពុជាផ្ទាល់ក៏បានទទួលកងថែរក្សាសន្តិភាពអ៊ុនតាក់ផងដែរនៅឆ្នាំ១៩៩១។នៅពេលកម្ពុជាបានទទួលសន្តិភាពកម្ពុជាក៏ចង់ចូលរួមថែរក្សាសន្តិភាពនៅលើពិភពលោកហើយធ្វើយ៉ាងណាកុំឲ្យមានសង្គ្រាមដូចកម្ពុជា។ឆ្នាំ២០១៦នេះគឺជាខួបលើកទី១១នៃការសម្រេចចិត្តខាងនយោបាយដ៏ត្រឹមត្រូវនិងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាកាលពីឆ្នាំ២០០៥ក្នុងការអនុញ្ញាតឲ្យកងយោធពលខេមរភូមិន្ទចេញទៅបំពេញបេសកកម្មរក្សាសន្តិភាពរបស់អង្គការសហប្រជាជាតិដែលជាការឆ្លើយតបទៅនឹងការអំពាវនាវរបស់អគ្គលេខាធិការអង្គការសហប្រជាជាតិហើយជាឆ្នាំទី១០នៃការបញ្ជូនកងកម្លាំងចេញទៅបំពេញបេសកកម្មរបស់អង្គការសហប្រទេសជាជាតិដែលកងអនុសេនាធំផ្នែកបោសសំអាតមីនលេខ១៣៥ជាកងទី១មានយោធិនចំនួន១៣៥នាក់បាចេញដំណើរកាលពីថ្ងៃទី១២ខែមេសា ឆ្នាំ២០០៦។
នៅក្នុងរយៈពេល១០ឆ្នាំកន្លងមកនេះកម្ពុជាបានបញ្ជូនកម្លាំងទៅចូលរួមបេសកកម្មរក្សាសន្តិភាពរបស់អង្គសហប្រជាជាតិសរុបចំនួន៣,៥៥៧នាក់/នារី១១៨នាក់នៅសាធារណរដ្ឋស៊ូដង់ ស៊ូដង់ខាងត្បូង លីបង់ សាយប្រឹស សាធារណរដ្ឋអាហ្វ្រិកកណ្តាល ឆាដ ស៊ីរី និងម៉ាលី។បច្ចុប្បន្នកងកម្លាំងមួកខៀវកម្ពុជាកំពុងបំពេញបេសកកម្មរក្សាសន្តិភាពនៅ០៦ប្រទេស៨៨៨នាក់ក្នុងនោះនារីមានចំនួន៤៦នាក់។នៅក្នុងរយៈពេល១០ឆ្នាំនៃការពំពេញបេសកកម្មមនុស្សធម៌នេះទោះបីមានឧបសគ្គនិងហានិភ័យខ្ឃស់ក៏ដោយប៉ុន្តែកងកម្លាំងកម្ពុជាតែងតែសម្រេចជោគជ័យភារកិច្ចរបស់ខ្លួននិងទទួលបានការកោតសរសើរពីសំណាក់អគ្គលេខាធិការនិងមន្ត្រីអង្គការសហប្រជាជាតិទាំងនៅក្រុងញូយ៉កនិងប្រចាំនៅកម្ពុជាថាជាកងកម្លាំងមួយមានជំនាញប្រកបដោយវិជ្ជាជីវៈមានភាពអង់អាចក្លាហានមានស្មារតីទទួលខុសត្រូវគោរពវិន័យនិងក្រមសីលធម៌ក្នុងការអនុវត្តតួនាទីរបស់ខ្លួនគ្រប់ពេលវេលា។
នារសៀលថ្ងៃដដែលនេះដែរអង្គសន្និបាតបានប្រារព្ធពិធីបិទស្ថិតក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។