នាយករដ្ឋមន្ត្រីឡាវ ៖ ជោគជយ័រយៈពេល ៤០ ឆ្នាំរបស់ឡាវ មិនអាចកាត់ផ្តាច់បានការជួយឧបត្ថម្ភពីកងទ័ព និង ប្រជាជនកម្ពុជា - ព័ត៌មានក្នងស្រុក

ព័ត៌មាន

នាយករដ្ឋមន្ត្រីឡាវ ៖ ជោគជយ័រយៈពេល ៤០ ឆ្នាំរបស់ឡាវ មិនអាចកាត់ផ្តាច់បានការជួយឧបត្ថម្ភពីកងទ័ព និង ប្រជាជនកម្ពុជា

ក្នុងជំនួបរវាង ឯ.នាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការជាតិកម្ពុជា ជាមួយ ឯ. ថងស៊ីន ថាមវង្ស នាយករដ្ឋមន្ត្រីនៃសាធារណរដ្ឋប្រជាធិបតេយ្យ ប្រជាមានិតឡាវ នៅថ្ងែទី៣ ខែធ្នូ ឆ្នាំ ២០១៥ ឯ. ថងស៊ីន ថាមវង្ស បានថ្លែងថា៖ជោគជយ័រយៈពេល ៤០ ឆ្នាំ ដែលសាធារណៈរដ្ឋប្រជាធិបតេយ្យ ប្រជាមានិតឡាវសំរេចបានគឺមិនអាចកាត់ផ្តាច់បានពីការ សាមគ្កីសហការគ្នា និង ការជួយឧបត្ថម្ភគ្នាទៅវិញទៅមកពីសំណាក់កងទ័ព និង ប្រជាជនកម្ពុជាបានឡើយ ។ ឯ. បានថ្លែងងអំណរគុណដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្តីនៃព្រះរាជាណាចក្រកម្ពុជា ដែលបានចាត់បញ្ជូនគណៈប្រតិភូជាន់ខ្ពស់កម្ពុជាមកចូលរួមក្នុងពីធីរំលឹកខួបអនុស្សវរីយ៍លើកទី ៤០ ថ្ងៃបង្កើតសាធារណរដ្ឋប្រជាធិបតេយ្យប្រជាមានិតឡាវ ថ្ងៃទី ២ធ្នូ ឆ្នាំ ១៩៧៥ ២ធ្នូ - ២០១៥ ។ ឯ. ថងស៊ីន ថាមវង្ស ក៏បានលើក ឡើងពីប្រពៃណីតស៊ូ សាមគ្គី សហការគ្នា រវាង កងទ័ពនិង ប្រជាជននៃប្រទេសទាំងពីរ កម្ពុជា ឡាវ ជាបងប្អូនដែលបាននាំមកនូវសុខ សន្តិភាព ស្ថេរភាព និង ការអភិវឌ្ឍន៍ប្រទេសនីមួយៗអោយមានការរីចំរើនមកដល់សព្វថ្ងៃនេះ ។ឯ. ថងស៊ីន ថាមវង្ស បានបញ្ជាក់ថា៖ រយៈពេល ៤០ ឆ្នាំកន្លងមកនេះប្រទេសឡាវបានខិតខំប្រឹងប្រែងកសាងប្រទេសជាតិរបស់ខ្លួនទទួលបានជោគជ័យយ៉ាងត្រចះត្រចង់ ដែលលទ្ធផលនេះបានឆ្លុះបញ្ចាំងអោយឃើញពីការដឹកនាំដ៏ត្រឹមត្រូវ របស់បក្សប្រជាជន បក្សដិវត្តន៍ឡាវ ដែលបានធ្វើអោយជីវភាពរស់នៅរបស់ប្រជាជនឡាវពី មួយថ្ងៃទៅមួយថ្ងៃកាន់តែប្រសើរឡើង ហើយទទឹមនេះក៍បានពង្រឹងពង្រីក វិសយ័ការពារជាតិ ការពារសន្តិសុខ សណ្តាប់ធ្នាប់រស់នៅជូនប្រជាពលរដ្ឋឡាវ បានយ៉ាងល្អប្រសើរ ។ ឯ. ថងស៊ីន ថាមវង្ស ក៏បានសំណូមពរអោយប្រទេសទាំងពីរបន្តធ្វើការផ្លាស់ប្តូរប្រតិភូ
ទស្សនៈកិច្ចគ្នាទៅវិញទៅមក ពីព្រោះការទៅមករកគ្នា ការជជែកគ្នានឹងនាំមកនូវកិច្ចសហប្រតិបត្តិការល្អប្រសើរសំរាប់ប្រទេសទាំងពីរ ។មានមតិឆ្លើយតបវិញ ឯ.ទៀ បាញ់ បានកោតសរសើរ និង វាយតំលៃខ្ពស់ចំពោះការរដឹកនាំរបស់ ថ្នាក់ដឹកនាំបក្ស រដ្ឋ រដ្ឋាភិបាលនៃសាធារណរដ្ឋប្រជាធិបតេយ្យ ប្រជាមានិតឡាវ ដែលសំរេចបានជោគជយ័ក្នុងការដឹកនាំប្រទេស នារយៈពេល ៤០ ឆ្នាំកន្លងមកនេះ ។ឯ.ទៀ បាញ់ ក៏បានសំដែងការអបអរសាទរដល់ប្រទេសឡាវផងដែរ ដែលនឹងត្រូវធ្វើជាម្ចាស់ផ្ទះនៃកិច្ចប្រជុំអាស៊ានក្នុងឆ្នាំ ២០១៦ ខាង មុខ ហើយក្នុងនោះក៏បានសំដែងអបអរសាទរចំពោះប្រទេសឡាវ ដែលបានបញ្ជូនផ្កាយរណបទៅតារាវិថី ដែលនេះជាជោគជយ័មួយរបស់ប្រទេសឡាវ និងប្រទេសក្នុងតំបន់ផងដែរ ។