កិច្ចប្រជុំក្រុមការងាររៀបចំ ប្រាព្ធពិធីជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ដ្រីលើកទី១ ចំនួន ៣ប្រទេស កម្ពុជា-ឡាវ-វៀតណាម នៅវៀតណាម
ក្រុមការងាររៀបចំ ប្រាព្ធពិធីជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ដ្រីលើកទី១ ចំនួន ៣ ប្រទេស កម្ពុជា-ឡាវ-វៀតណាម បានជួបប្រជុំគ្នានៅសណ្ឋាគារ ឥណ្ឌូឆាយណ (Indochine)ក្នុង ខេត្ត កន ទុំ (Kon Tum) សាធារណរដ្ឋសង្គមនិយមវៀតណាម កាលពីរសៀលថ្ងៃទី១៨ ឧសភា ឆាំ២០២៣ ដែលមានភាគីកម្ពុជា ចូលរួមដោយ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងសមាជិកក្រុមការងារ ,ភាគីម្ចាស់ផ្ទះវៀតណាមដឹកនាំដោយ ឧត្តមសេនីយ៍ឯកបម្រុង ហ័ង ស៊ុនជៀន (Hoang Xuon Chien) អនុរដ្ឋមន្ត្រីក្រសួងការពារប្រទេស វៀតណាម ,និងភាគីកងទ័ពប្រជាជនឡាវ ដឹកនាំដោយ ឧត្តមសេនីយ៍ទោ វង្សខាំ ភូម៉ាកន អនុរដ្ឋបន្ត្រី ក្រសួងការពារប្រទេសឡាវ។
ក្នុងកិច្ចប្រជុំនាពេលនោះ ភាគីក្រុមការងារ ទាំងបីប្រទេស បានពិភាក្សាគ្នាយ៉ាងលម្អិត អំពីការត្រៀមរៀបចំប្រារព្ធពិធីជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ត្រីលើកទី១ វៀតណាម-កម្ពុជា-ឡាវ ដែលមានរបៀបវរៈ នៃការកំណត់ ការចុះសិក្សាទីតាំងលើកទី ២ ដើម្បីត្រៀមប្រារព្ធពិធីជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ត្រីលើកទី ១ ចំនួន ៣ ប្រទេសកម្ពុជា-ឡាវ-វៀតណាម នៅបរិវេណតំបន់ត្រីកោណមរកត ចាប់ពីថ្ងៃទី១៨ ដល់ថ្ងៃទី២០ ឧសភា ឆ្នាំ២០២៣ ការកំណត់ពេលវេលា នៃការរៀបចំពិធីជំនួបប្រាស្រ័យមិត្តភាពការពារជាតិ នាចុងខែវិច្ឆិកា ឆ្នាំ២០២៣ ខាងមុខ.របៀបវរៈ នៃកម្មវិធីលំអិតសម្រាប់ពិធីជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ត្រីលើកទីមួយ កម្ពុជា-ឡាវ-វៀតណាម។ កិច្ចប្រជុំបានស្នើឲ្យភាគីវៀតណាម គឺជាអ្នករៀបចំទីកន្លែង.ទីតាំង ចុះឧទ្ធម្ភភាគចក្រទាំងបីប្រទេសរួមគ្នា ស្ថិតនៅចំណុចមួយ ក្នុងស្រុកង៉ុកហូយ ខេត្តកនទុំ ដែលមានចម្ងាយប្រមាណជា ២៥ គីឡូម៉ែត្រ ទៅកាន់បង្គោលព្រំដែនតំបន់កន្ទុយនាគ។ ទីតាំងកន្លែងសម្រាប់ជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ត្រីលើកទីមួយ ៣ ប្រទេសកម្ពុជា-ឡាវ-វៀតណាម នៅទីតាំងត្រីកោណមរកត ស្ថិតក្នុងស្រុកតាវែង ខេត្តរតនគិរី កម្ពុជា.ការកំណត់អំពីកន្លែងស្នាក់នៅ.ដែលមានចម្ងាយប្រមាណជា ៣០ គីឡូម៉ែត្រ ពីទីតាំងជំនួបប្រាស្រ័យមិត្តភាព. ទីតាំងចែកអំណោយ នៅសាលាបឋមសិក្សាវ៉ាន់ដាន់ ក្នុងឃុំដាក់ប៉ា ស្រុកទុកហ៊ួយ ក្នុងខេត្តកនទុំ វៀតណាម .ការកំណត់ពិធីចែកអំណោយប្រព្រឹត្តទៅក្រោមវត្តមានរដ្ឋមន្ត្រីការពារជាតិ ប្រទេសទាំងបី។ ការកំណត់ទីតាំងសម្រាប់ក្រុមគ្រូពេទ្យស្ម័គ្រចិត្តចុះជួយពិនិត្យព្យាបាលសុខភាពជូនប្រជាជន នៅក្បែរសាលាបឋមសិក្សាវ៉ាន់ដាន់ ដែលមានចំងាយប្រមាណ ៣០០ ម៉ែត្រ ដែលនឹងបិទបញ្ចប់ការងារសុខាភិបាលយោធា ជូនប្រជាជនក្នុងរយៈពេល ៣ ថ្ងៃ ដោយគ្រោងលើចំនួនប្រជាជនមកទទួលការពិនិត្យព្យាបាល ពី ១០០០ នាក់ ទៅ ១៥០០ នាក់។ ការដាំកូនឈើ ជាលក្ខណ:មិត្តភាព វៀតណាម-កម្ពុជា-ឡាវ ដែលភាគីមិត្ត យោធភូមិភាគទី ៥ វៀតណាម ផ្ដល់ឲ្យសម្រាប់កម្ពុជា-និងឡាវ ចំនួន ៥០០០ ដើម សម្រាប់ប្រទេសនីមួយៗ ដើម្បីដាំជាលក្ខណៈមិត្តភាពនៅជុំវិញបរិវេណនៃតំបន់ព្រំដែនត្រីកោណមរកត។ ភាគីទាំងបី បានឯកភាពគ្នាលើរបៀប វីរៈដែលបានព្រមព្រៀងគ្នា ហើយក៍នឹងចុះត្រួតពិនិត្យមើលទីតាំងដោយផ្ទាល់ នៅចំណុចព្រំដែនត្រីកោណមរកត នៃ ចំណុចប្រសព្វ ខ្សែបន្ទាត់ព្រំដែនប្រទេសទាំងបី ជាក់ស្តែងបន្ត នាព្រឹកថ្ងៃទី ១៩ ខែឧសភា ឆ្នាំ ២០២៣ បន្តទៀត។
ឧត្តមសេនីយ៍ឯកបម្រុង ហ័ង ស៊ុនជៀន អនុរដ្ឋមន្ត្រីក្រសួងការពារប្រទេសវៀតណាម ដែលជាប្រធាននៃកិច្ចប្រជុំ បានថ្លែងនូវអំណរគុណ ចំពោះសមភាគីកម្ពុជា នឹងឡាវ ដែលបានអញ្ជើញមកកាន់ខេត្ត កនទុំ សាធារណរដ្ឋសង្គមនិយម វៀតណាម ដើម្បីជួបប្រជុំគ្នាពិភាក្សាលម្អិត អំពីការប្រុងប្រៀបត្រៀមរៀបចំប្រារព្ធធ្វើពិធីជំនួបប្រាស្រ័យមិត្តភាពការពារជាតិ ថ្នាក់រដ្ឋមន្ដ្រីលើកទី១ ចំនួន ៣ ប្រទេស កម្ពុជា-ឡាវ-វៀតណាម នៅបរិវេណតំបន់ព្រំដែនត្រីកោណមរកត និងធ្វើនៅចុងឆ្នាំ ២០២៣ ខាងមុខនេះ ។
ឯកឧត្តម ហ័ង ស៊ុនជៀន ក៏បានថ្លែងនូវអំណរគុណផងដែរ ដល់សមភាគីមិត្តកម្ពុជា ចំពោះការរៀបចំប្រគួតកីឡាស៊ីហ្គេម ឆ្នាំ ២០២៣ ប្រកបដោយជោគជ័យ ហើយបានទទួលស្វាគមន៍យ៉ាងរាក់ទាក់បំផុតចំពោះក្រុមកីឡាករគ្រប់ប្រភេទ របស់វៀតណាម ក៏ដូចជាក្រុមកីឡាករបណ្ដាប្រទេសជាបងប្អូនក្នុងសមាគមប្រជាជាតិ អាស៊ាន ដែលបានទៅចូលរួមក្នុងការប្រកួត ទាំងការស្នាក់នៅ ហូបចុក ដោយមិនគិតកម្រៃ ។ ឯកឧត្តម បានបញ្ជាក់ ច្បាស់ៗថា កាយវិការទាំងនេះ របស់មិត្តកម្ពុជា គឺបានបញ្ជាក់ឲ្យឃើញពីការយកចិត្តទុកដាក់ដើម្បីពូនជ្រុំ ពង្រឹងពង្រីកចំណងមិត្តភាព កិច្ចសហប្រតិបត្តិការ គ្រប់ជ្រុងជ្រោយរវាងកម្ពុជា-វៀតណាម-និងឡាវ កាន់តែរឹងមាំស្ថិតស្ថេអមតៈ ។
នាយឧត្តមសេនីយ៍ ឥត សារ៉ាត់ ក៏បានសំដែងនូវអំណរគុណ វិញផងដែរដល់ឯកឧត្តម ហ័ង ស៊ុនចៀន ពិសេសឯកឧត្តមអភិបាលខេត្តកនទុំ និងថ្នាក់ដឹកនាំយុទ្ធភូមិភាគទី ៥ នៃកងទ័ពប្រជាជនវៀតណាម ដែលបានទទួលស្វាគមន៍ប្រតិភូកងទ័ពកម្ពុជា មកកាន់ប្រទេសវៀតណាមពេលនេះដើម្បីបំពេញការងារត្រៀមរៀបចំប្រារព្ធពិធីជំនួបមិត្តភាពការពារជាតិថ្នាក់រដ្ឋមន្ត្រីលើកទីមួយ បីប្រទេស កម្ពុជា-វៀតណាម-ឡាវ នាពេលនេះ ។ តាមរយៈនៃការជួបពិភាក្សាគ្នានេះ ឯកឧត្តមអគ្គមេបញ្ជាការរងនាយសេនាធិការចម្រុះនៃកងយោធពលខេមរៈភូមិន្ទសង្ឃឹមយ៉ាងមុតមាំថា ក្រុមការងារប្រទេសយើងទាំងបី និងបំពេញការងារនេះប្រកបទៅដោយជោគជ័យ ក្នុងនាម ជាបងប្អូន ដែលធ្លាប់មានប្រពៃណីតស៊ូចេះជួយគ្នាតាំងពីយូរលុងណាស់មកហើយ ហើយនិងកាន់តែកសាងបានកាន់តែរឹងមាំ នៅខ្សែបន្ទាត់ព្រំដែនប្រទេសទាំងបី ជាខ្សែបន្ទាត់ព្រំដែនសន្តិភាព ស្ថេរភាពនយោបាយ និងការអភិវឌ្ឍន៍សេដ្ឋកិច្ចប្រទេសតាមបណ្ដោយព្រំដែនកាន់តែមានវឌ្ឍនភាពរីកចម្រើន ។
ឯកឧត្តម ឧត្តមសេនីយ៍ទោ វង់ខាំ ភូម៉ាកន ក៏បានថ្លែងក្នុងកិច្ចប្រជុំនោះដែរថា ភាគីកងទ័ពឡាវ ឯកភាពចំពោះគំនិតផ្ដួចផ្ដើម និងការរៀបចំប្រារព្ធពិធីជំនួបប្រាស្រ័យមិត្តភាពការពារជាតិថ្នាក់រដ្ឋមន្ត្រីលើកទី ១ បីប្រទេសឡាវ-កម្ពុជា-និងវៀតណាម ហើយសង្ឃឹមយ៉ាងមុតមាំថា ប្រទេសយើងទាំងបី នៅឥណ្ឌូចិន និងកាន់តែមានភាពរឹងមាំថែមទៀត លើការពង្រឹងពង្រីកចំណងមិត្តភាព សាមគ្គីភាព កិច្ចសហប្រតិបត្តិការលើគ្រប់វិស័យ ក្នុងនាមជាប្រទេសបងប្អូនភូមិផងរបងជាប់គ្នា ហើយចេះជួយដោះស្រាយបញ្ហាការលំបាកដល់គ្នាទៅវិញទៅមកតាំងពីយូលុងណាស់មកហើយ ៕
