ឯ.ឧ មាស សាវ៉ន ចូលរួមកិច្ចប្រជុំអតីតយុទ្ធជនអាស៊ានលើកទី២៨ នៅសាធារណៈរដ្ឋសហភាពមីយ៉ាន់ម៉ា - ព័ត៌មានក្នងស្រុក

ព័ត៌មាន

ឯ.ឧ មាស សាវ៉ន ចូលរួមកិច្ចប្រជុំអតីតយុទ្ធជនអាស៊ានលើកទី២៨ នៅសាធារណៈរដ្ឋសហភាពមីយ៉ាន់ម៉ា

    កិច្ចប្រជុំគណៈប្រតិបត្តិរបស់សហព័ន្ធអតីតយុទ្ធជនអាស៊ានលើកទី២៨ត្រូវបានប្រារព្ធធ្វើនៅទីក្រុងយ៉ាងហ្គូនសាធារណរដ្ឋ សហភាពមីយ៉ាន់ម៉ាចាប់ពីថ្ងៃទី២១ ដល់ថ្ងៃទី២៤ ខែតុលា ឆ្នាំ២០១៥។
   នៅក្នុងកិច្ចប្រជុំនេះ គណៈប្រតិភូសមាគន៍អតីតយុទ្ធជនកម្ពុជាត្រូវបានដឹកនាំដោយ ឯ.នាយឧត្តមសេនីយ៍ មាស សាវ៉ន អគ្គនាយក អគ្គនាយកដ្ឋានយោធសេវា ក្រសួងការពារជាតិ និងជាអគ្គលេខាធិការងសមាគមន៍អតីតយុទ្ធជនកម្ពុជាបានដឹកនាំប្រតិភូទៅចូលរួមនាឪកាសនោះផងដែរ។ កិច្ចប្រជុំគណៈប្រតិបត្តិរបស់សហព័ន្ធ អតីតយុទ្ធជនអាស៊ានលើកទី២៨ បានប្រារព្ធធ្វើនៅក្នុងសណ្ឋាគារចាទ្រូម ទីក្រុងយ៉ាងហ្គោន បានប្រព្រឹត្តិក្រោមអធិបតីភាព ឯ.ឧត្តមសេនីយ៍ឯក សាន អូ (H. San Oo)ប្រធានសហព័ន្ធអតីតយុទ្ធជនអាស៊ាន និងជាប្រធានអង្គការអតីត យុទ្ធជនតស៊ូក្នុងសង្គ្រាមមីយ៉ាន់ម៉ា និង ឯកឧត្តមឧត្តមសេនីយ៍ ទោ ហ្ស៊ានីវីន(Zar Ni Winn) អគ្គលេខាធិការសហព័ន្ធអតីតយុទ្ធជនអាស៊ាន ព្រមទាំងមានការចូលរួមពីប្រតិភូសហព័ន្ធយុទ្ធជនអាស៊ានចំនួន១០ប្រទេស មកពីប្រទេសប្រុយណេ ,ឥណ្ឌូណេស៊ី, ម៉ាឡេស៊ី ,ហ្វីលីពីន, ឡាវ ,សិង្ហបុរី ,ថៃ ,និងវៀតណាម។
   នាឳកាសនោះអង្គប្រជុំបានពិនិត្យមើលឡើងវិញនូវការបង់ថវិការ ជូនសហព័ន្ធ ការប្រើប្រាស់ថវិការរបស់អគ្គលេខាធិការសហព័ន្ធ អតីតយុទ្ធជនអាស៊ាន និងសំណើរសុំបង្កើតគេហទំព័រ របស់សហព័ន្ធអតីតយុទ្ធជនអាស៊ានព្រមទាំងពិនិត្យមើលនូវសេចក្តីសំរេចមហាសន្និបាតសហព័ន្ធអតីតយុទ្ធជនអាស៊ានលើកទី១៥ នៅមីយ៉ាន់ម៉ាកាលពីឆ្នាំ2014 កន្លងទៅផងដែរ។ សូមបញ្ជាក់ថាកិច្ចប្រជុំនេះរៀបចំឡើងក្នុងគោលបំណងបង្កើត និងជុំរុញកិច្ចសហប្រតិបត្តិការអោយកាន់តែជិតស្និតថែមទៀតរបស់សមាគមន៍អតីតយុទ្ធជនអាស៊ានទាំងអស់។