ព័ត៌មាន

នាយ​​ឧត្តម​សេនីយ៍​ នាង ​ផាត​ ជួប​សំណេះ​​សំណាល​កង​ពល​តូច​លេខ​៥២​
នាយកដ្ឋានព័ត៌មាន(៣)
753
3002 នាយ​​ឧត្តម​សេនីយ៍​ នាង ​ផាត​ ជួប​សំណេះ​​សំណាល​កង​ពល​តូច​លេខ​៥២​

       បន្ទា​ប់​ពី​បាន​ជួប​សំណេះ​សំណាល​ជា​មួយ ​នាយ​ទាហាន​ នាយ​ទាហាន​រង​ និ​ងពល​ទាហាន​ យោធភូមិ​ភាគ​ទី៥​ រួច​មក​នាយ​ឧត្តម​សេនីយ៍ ​នាង ផាត រដ្ឋលេខា​ធិការ​ប្រចាំ​ការ​ ក្រសួង​ការ​ពារ​ជាតិ​ ក៏​បាន​បន្ត​ដំណើរ​ទៅ​ជួប​សំណេះ​សំណាល​ជា​មួយ​ នាយ​ទាហាន​ នាយ​ទាហាន​រង​ និ​ង​ពល​ទាហាន​ កង​ពល​តូច​លេខ​៥២​ បន្ត​ទៀត​។

        ក្នុង​ឱកាស​នោះ​ នាយ​ឧត្តម​សេនីយ៍​ នាង ផាត រដ្ឋ​លេខា​ធិការ​ប្រចាំ​ការ​ ក្រសួង​ការ​ពារ​ជាតិ​ បាន​ផ្តាំផ្ញើរ​ថា​ ត្រូវ​រួប​រួម​សាមគ្គី​ក្រោម​រដ្ឋធម្មនុញ្ញ​ និង​ក្រោម​ដំបូលដ៏​ត្រជាក់​ នៃ​ព្រះ​មហាក្សត្រ​ជា​ទីសក្ការៈ​ដ៏​ខ្ពង់​ខ្ពស់​ និង​ការ​ដឹក​នាំ​របស់​ សម្តេច​អគ្គ​​ម​ហាសេនា​បតី​តេជោ​ ហ៊ុន សែន ប្រមុខ​រាជ​រដ្ឋាភិបាល ​ហើយ​យើង​គាំទ្រ​ពេញ​ទំហឹង​សម្តេចតេ​ជោជា​នាយក​រដ្ឋមន្ត្រី ​និង​បេក្ខ​ភាព​ ឯកឧត្តម​ ហ៊ុន ម៉ា​ណែត​ ជា​នាយក​រដ្ឋមន្ត្រី​បន្ត​វេន​នា​ពេល​អនាគត​។ នាយ​ឧត្តមសេនីយ៍ ​បាន​ថ្លែង​ផ្តាំផ្ញើ​ដូច​នេះ ​ក្នុង​ឱកាស​អញ្ជើញ​ជួប​សំណេះ​សំណាល​ នាយ​ទាហាន​ នាយ​ទាហាន​រង​ និង​ពល​ទាហាន​ កង​ពល​តូច​ថ្មើរ​ជើង​លេខ​៥២​ (នៅ​ស្រុក​សំឡូត)​ នា​ថ្ងៃ​ទី​០៣ ​ខែ​មករា ​ឆ្នាំ​២០២៣ ​ស្ថិត​ក្នុង​ឱកាស​អបអរសារទរ​ខួប​អនុស្សាវរីយ៍​លើក​ទី​៤៤​ ទិវា​ជ័យ​ជំនេះ​៧​មករា​ (៧​មករា​ ១៩៧៩ ​- ៧​មករា​ ២០២៣​)​។

        ក្នុ​ងរបាយការណ៍​ស្វាគមន៍​របស់​ ឧត្តម​សេនីយ៍​ត្រី​ គុជ​ នាង​ មេ​បញ្ជាការ​ កង​ពល​តូច​លេខ​ ៥២​ បាន​ថ្លែង​នូវ​អំណរគុណ​យ៉ាង​ជ្រាល​ជ្រៅ​ចំពោះ​ប្រមុខ​រាជ​រដ្ឋាភិបាល​ សម្តេច​តេជោ ​ហ៊ុន សែន​ ដែល​មាន​ការ​យក​ចិត្ត​ទុក​ដាក់​លើ​ជីវភាព​រស់​នៅរ​បស់​ប្រជាជន​ និង​ធ្វើ​ឲ្យ​កង​ម្លាំង​ប្រដាប់​អាវុធ​ ទទួល​បាន​នូវ​ទឹក​ភ្លើង​ផ្លូវ​ គ្រឿង​ចក្រ​ អគារ​ស្នាក់​នៅ​ កន្លែង​ធ្វើការ​ និង​សម្ភារៈ​សំណង់​គ្រប់​ប្រភេទ​ សម្ភា​រៈ​ឧបករណ៍​ប្រើ​ប្រាស់​ បម្រើ​ឲ្យ​ការងារ​ប្រយុទ្ធ ​ត្រៀម​ប្រយុទ្ធ​ និង​ឧបត្ថម្ភ​ប្រាក់​បុណ្យ ​ប្រាក់​ហូប​បន្ថែម​ដល់​កម្លាំង​ជួរ​មុខ​ ហើយ​ការ​សម្រេច​ចិត្ត​របស់​សម្តេច​តេជោ ​បាន​ធ្វើ​ឲ្យកម្ពុជា​ឈ្នះលើ​ជម្ងឺកូវីដ​១៩​ តាម​ការ​ចាក់​វ៉ាក់​សាំង​ស្រោច​ការ​ពារ​ជំម្ងឺ​កូវីដ-១៩​ បន្សាំ​ក្នុង​សហគមន៍​នៅ​ទូទាំង​ប្រទេស​ និង​បា​នដោះ​ស្រាយ​គោល​នយោបាយ​ផ្សេងៗ​ទៀត ​ដល់​ជន​រង​គ្រោះ​ជម្ងឺកូវី​ដ​១៩ ​ជន​រង​គ្រោះ​ក្នុង​គ្រោះ​មហន្តរា​យ ជន​ក្រីក្រ​ក្នុង​ព្រះ​រាជាណាចក្រ​កម្ពុជា​។​

         ក្នុង​នាម​រាជ​រដ្ឋាភិបាល ​ថ្នាក់​ដឹក​នាំ​ក្រសួង​ការ​ពារ​ជាតិ​ អគ្គ​បញ្ជាការ​ដ្ឋាន​ និង​មេ​បញ្ជាការ​ កង​ទ័ពជើង​គោក​, នាយ​ឧត្តម​សេនីយ៍​ នាង ផាត បាន​សម្តែង​នូវការ​កោត​សរសើរ​ចំពោះ​នាយ​ និ​ងពល​ទាហាន​ទាំង​អស់ នៃ​កង​ពល​តូច​លេខ​៥២​ ដែល​កន្លង​មក​បាន​ខិត​ខំ​ពុះពារ​អនុវត្ត​តួនាទី​ភា​រកិច្ច​ ក្នុង​កិច្ច​ការ​ជាតិ​បូរណ​ភាពទឹកដី​កម្ពុជា ​និង​ការ​ចូល​រួម​យ៉ាង​សកម្ម​នៅ​ក្នុង​ការ​ថែ​រក្សា​សុខ​សន្តិភាព​ ការ​ការ​ពារ​សន្តិសុខ ​សណ្តាប់​ធ្នាប់​សាធារណៈ ​និង​ការ​ពារ​ទប់​ស្កា​ត់​បទ​ល្មើស​ផ្សេងៗ​នៅ​តាម​ខ្សែ​បន្ទាត់​ព្រំ​ដែន​ ពិសេស​កា​រធ្វើឲ្យ​ថ្ងៃ​៧ម​ករា ​មាន​ន័យ​ និង​រស់​រាន​មក​ដល់​ពេល​នេះ។​ នាយ​ឧត្តមសេ​នីយ៍ ​បាន​មាន​ប្រសាសន៍​ថា​៖ ផ្តើម​ចេញ​ពីថ្ងៃជ័យ​ជំនះ​៧​មករា​ ក្នុ​ងរយៈ​ពេល​៤៤​ឆ្នាំ​កន្លង​មក​នេះ ​យើង​បាន​ធ្វើ​ដំណើរ​លើ​ផ្លូវ​មួយ​ប្រកប​ដោយ​ភាព​បត់​បែន​ និង​គ្រោះថ្នាក់​ជា​ទី​បំផុត ​តែ​ជាផ្លូវ​ដ៏​ត្រឹ​ម​ត្រូវ​ ដែល​ធានា​បាន​ដល់​ការ​ស្ថិត​ស្ថេរ​គង់​វង្ស​ និង​រីក​ចម្រើ​ន​ នៃ​មាតុភូមិ​កម្ពុជា​។​ យើង​មាន​មោទ​ន​ភាព​ ក្នុង​ការ​ធានា​ដ​ល់ការ​ស្ថិ​ត​ស្ថេរ​គង់​វង្ស​ និង​រីក​ចម្រើន​នៃ​មាតុ​ភូមិ​កម្ពុជា​យើង។​ ដោយ​ក្តាប់​ជាប់​នូវ​បទ​ពិសោធន៍ ​និង​ប្រវត្តិ​សាស្ត្រ​របស់​ខ្លួន​ ប្រជា​ជាតិ​របស់​យើង​បាន​ជ្រើស​រើស​យក​របប​នយោបា​យ ​និង​សង្គម​របស់​ខ្លួន​ប្រកប​ដោយ​ឯករាជ្យ ​និង​ស្រប​ទៅ​នឹង​លក្ខណៈ​ជា​ប្រវត្តិ​សាស្ត្រ​ ស្ថាន​ភាព​សង្គម​ សេដ្ឋ​កិច្ច វប្បធម៌​កម្ពុជា​ ព្រម​ទាំង​ការ​វិវត្តន៍ នៃ​សភាព​ការណ៍​ក្នុង​ប្រទេស​ និង​ក្រៅ​ប្រទេស​ ដោយ​មិន​រា​ថយ​ចំពោះ​ឧបសគ្គ​ និង​ការ​សាក​ល្បង​គ្រប់​បែប​យ៉ាង​ និង​មិន​ឱន​ក្បាល​ចំពោះ​ការ​គាប​សង្កត់​ គំរាម​គំហែង​នានា​ពី​ខាង​ក្រៅ​។ មូលដ្ឋាន​នេះ​បាន​ធ្វើឲ្យ​មាតុភូមិ​យើង​អាច​ងើប​ឈរ​ឡើង​វិញ​ និង​ឈាន​ទៅ​មុខ​ជា​ជំហ៊ានៗ​ឆ្លង​ផុត​ដំណាក់កាល​ដែល​លំបាក​បំផុត​មក​កាន់​ដំណាក់​កាល​ពង្រឹង​ពង្រីក​ខ្លួន​ និង​សម្រេច​បាន​ការ​ផ្លាស់​ប្តូរ​ដ៏​ធំធេង​ជា​ប្រវត្តិ​សាស្ត្រ ប្រកប​​ដោ​យ​មោទន​ភាព​។

         ឯកឧត្តម នាង ផាត បញ្ជាក់​ថា​៖ កាល​ពី​មុន​កម្ពុជា ​ជា​វាល​ពិឃាដ្ឋ​ នៃ​របប​ប្រល័យ​ពូជ​សាសន៍​ ជា​សមរភូមិ​ផ្ទៃ​ក្នុង​រាំង​រៃ​ ជា​កន្លែង​ដណ្តើម​ប្រជែង​ រវាង​មនោគមន៍​វិជ្ជា​នយោបាយ​នានា ​ជា​ប្រទេស​ក្រីក្រ​ និ​ងអន់​ថយបំផុត​ផ្នែក​សេដ្ឋកិច្ច​។ ឥឡូវនេះ​បា​នក្លាយ​ជា​ព្រះ​រាជា​ណាចក្រ​ ដែល​ប្រកាន់​នូវ​គោល​ការណ៍​ប្រជា​ធិប​តេយ្យ ​និង​នីតិរដ្ឋ​។ ជា​ប្រទេស​មាន​សន្តិភាព​ ឯកភាព​ជាតិ និង​ឯកភាព​ទឹក​ដី​ទាំង​ស្រុង​ ដែល​មាន​សេដ្ឋកិ​ច្ច​កំពុង​លូតលាស់​ដោយ​បាន​ចាក​ផុត​ពី​ប្រទេស​ដែល​មា​នចំណូល​ទា​ប ក្លាយ​ជា​ប្រទេស​មាន​ចំណូល​មធ្យម​មាន​កម្រិត​ទាប ​ហើយ​ជីវភា​ពប្រជាជន​មាន​ភាព​កាន់​តែ​ប្រសើ​រ​ឡើង។​ កម្ពុជា​បាន​ក្រោក​ឈរ​ស្មើ​មុខ​មាត់​ជា​មួយ​បណ្តា​ប្រទេស ដោយ​បាន​ចូល​រួម​ដោយ​ស្មើរ​ភាព​ និង​សិទ្ធ​រា​ល់កិច្ច​ការ​អន្តរជាតិ ​ជាពិសេស​បាន​ធ្វើ​ឲ្យ​ដែល​មា​នការ​ប្រឈមជា​មួយ​គ្នា​បាន​មក​អង្គុយ ​និងជ​ជែក​ពិភាក្សា​គ្នា​ផង​ដែរ​ ហើយ​បាន​ទទួល​ជោគ​ជ័យ​ខាង​នយោបាយ ​ការ​ចាក់ស្រោច​វ៉ាក់​សាំង​ សុវត្ថិភាព​សង្គម​ និង​សេដ្ឋកិច្ច​ និង​ជីវភាព​ដោយ​បា​នការ​ចូល​រួ​មពី​ប្រជា​ពលរដ្ឋ​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ