ព័ត៌មាន

ឯកឧត្តម​ មាស ​សា​វ៉ន​ គោរព​វិញ្ញាណ​ក្ខន្ធ​សព​ ឧបាសិកា ​ដុក​ ខែន​ ជា​ម្តាយ​បង្កើត ​ឯកឧត្តម​ ជៀង​ អំ​ រដ្ឋ​លេខា​ធិការ​ ក្រសួង​ការ​ពារ​ជាតិ​ ២០២២​
នាយកដ្ឋានព័ត៌មាន(៣)
188
2919 ឯកឧត្តម​ មាស ​សា​វ៉ន​ គោរព​វិញ្ញាណ​ក្ខន្ធ​សព​ ឧបាសិកា ​ដុក​ ខែន​ ជា​ម្តាយ​បង្កើត ​ឯកឧត្តម​ ជៀង​ អំ​ រដ្ឋ​លេខា​ធិការ​ ក្រសួង​ការ​ពារ​ជាតិ​ ២០២២​

       ដើម្បី​ចូល​រួម​រំលែក​មរណ​ទុក្ខ​ដ៏​ក្រៀម​ក្រំ​ជា​មួយ ​នាយឧត្តមសេនីយ៍ ជៀង អំ រដ្ឋ​លេខា​ធិកា​រ ក្រសួង​ការ​ពារ​ជាតិ​ និ​​ង​លោក​ជំទាវ​ នាង​ សេដ្ឋា ​ ​ព្រ​ម​ទាំង​បុត្រ ​និង​ចៅៗ​ នៅ​ព្រឹក​ថ្ងៃច​ន្ទ​ ទី១​ ខែ​​សីហា​ ឆ្នាំ២០២២​ កន្លង​ទៅ​នេះ ​នាយ​ឧត្តម​សេនីយ៍​ មាស​ សា​វ៉ន​ អគ្គនាយក ​អគ្គនាយក​ដ្ឋាន​យោធ​សេវា​ ក្រសួង​ការ​ពារ​ជាតិ​ បាន​ដឹ​ក​នាំ​គណៈ​ប្រតិភូ​នាយ​ទាហាន​ក្នុង​អគ្គនាយក​​ដ្ឋាន​យោធ​សេវា ​អញ្ជើញ​​ដាក់​កម្រង​ផ្កា ​អុជ​ធូប​គោរព​វិញ្ញាណ​ក្ខន្ធសព ​ឧបា​សិកា ​ដុក​ ខែន​ ​​ជាម្តាយ​បង្កើត​របស់​ ឯកឧត្តម ជៀង អំ ដល់​គេហដ្ឋាន​តម្កល់​សព​ស្ថិត​នៅ​ ភូមិ​ទួល​តាកែវ​ ឃុំ ព​ង​ទឹក​ ស្រុក​រំដួល ​ខេត្ត​ស្វាយ​រៀង ​និង​បាន​នាំ​យក​បច្ច័យ​ចូល​រួម​ក្នុង​ពិធី​បុណ្យ​សព​ចំនួន​ ១០​លាន​រៀល​ ផ​ង​ដែរ​​។ ឯកឧត្តម ​មាស ​សា​វ៉ន​ បាន​លំឱន​កាយ​វាចា​ចិត្ត​គោរព​ចំពោះ​ដួង​វិញ្ញាណក្ខសព​ឧបាសិកា ​ដុក​ ខែន ដែល​បាន​ទទួល​មរណភាព​ លា​ចាក​លោក​យើង​នេះ​ទៅ​កាន់​លោក​ខា​ង​មុខ​ ក្នុង​ជន្មាយុ​៨៩​ឆ្នាំ ​ដោយ​ជរាពាធ​។ 

       ឯកឧត្តម​ អគ្គនាយក ​បាន​ចូល​រួម​សំដែ​ង​នូវ​សមាន​ចិត្ត​ចូល​រួម​​រំលែ​ក​ទុក្ខ​ជា​មួយ​ ឯកឧត្តម​ ជៀង ​អំ​ និង​លោកជំទាវ នាង សេដ្ឋា ​ព្រម​ទាំង​បុត្រ ​និង​ចៅៗ​ យ៉ាង​ក្រៀម​ក្រំ និង​សោក​ស្តាយជា​ទីបំផុត​ចំពោះ​ការ​បាត់​​ប​ង់នូវ​លោក​​យាយ​ឧបាសិកស​ ​ជា​ម្តាយ ​ម្តាយ​ក្មេក ​និងជាជី​ដូន​ ជា​ទីគោរ​ព​ស្រឡាញ់​ប្រកប​ដោយ​ព្រហ្មវិហារ​ធ៌ម​ និង​ជាការ​បាត់​បង់​នូវ​ចាស់​ទុំដ៏​កក់​ក្តៅ​​ម្នាក់​ក្នុង​​ក្រុ​ម​គ្រួសារ​ប្រកប​ដោយ​​ព្រហ្មវិហា​ធ៌ម​ ក្រៅពី​ការងារ​​អប់​រំ​​បុត្រធិ​តា ​ឧបាសិកា​ក៏​ជា​ពុទ្ធ​​សាស​នូបឋម​​មួយ​រូប​តែង​​បា​ន​ចូល​​រួ​មប្រតិបត្តិ​នូវ​​វិស័​យ​ព្រះ​ពុទ្ធ​សាសនា ​ដែល​​​ជា​សាសនា​របស់​រដ្ឋ ​ឲ្យ​មាន​ការ​វិវត្តន័​​រីក​​ចម្រើន​។ 

       ក្នុង​ឱកាស​នោះ ​ឯកឧត្តម​ មាស ​សា​វ៉ន​ និង​ប្រតិភូ​អម​​ដំណើរ​ទាំង​អស់​ បាន​ឧទ្ទិស​បួង​សួង​ដល់​ដួង​វិញ្ញាណក្ខន្ធ ​ឧបាសិកា ​ដុក ​ខែន​ ឆាប់​បាន​​ចា​ប់​បដិ​សន្ធិ​កើត​ក្នុង​សុគតិ​ភព​គ្រប់ៗ​ជាតិ​ កុំ​បី​ឃ្លាង​ឃ្លាត​ឡើយ​។ ​គ្រប់​ប្រតិភូ​នានា​ចំណុះ​ អគ្គនាយក​ដ្ឋាន​យោធ​សេវា ​មាន​ប្រតិភូ​​នា​យក​ដ្ឋាន​អប់រំ​ នាយក​ដ្ឋាន​​កិច្ចការ​យោធា​ស៊ីវិល​ តំណាង​​​នា​យក​ដ្ឋាន​​សោធន​និវត្តន៍​ និង​នាយក​ដ្ឋាន​ព័ត៌មាន​ ព្រម​ទាំង​ប្រតិភូ​​គណៈ​​បញ្ជាការ​ឯកភាព​ខេត្ត​ស្វាយ​រៀង ​និង​មន្ទីរ​ចំណុះក៏​បាន​អញ្ជើញ ​ដាក់​កម្រង​ផ្កា ​អុជ​ធូប​គោរព​វិញ្ញាណក្ខន្ធសព​ ឧបាសិកា ​ដុក​ ខែន ដោយ​បាន​សំដែង​នូវ​ការ​​ចូ​លរួម​រំលែក​​ទុក្ខយ៉ា​ង​​ក្រៀម​​ក្រំជាទី​បំផុត​ជា​មួយ​​ក្រុម​គ្រួសារ​នៃ​សព​។​

        សូម​​បញ្ជាក់ថា៖​ ភ្លាម​ៗ​បន្ទាប់​ពី​ទទួល​បាន​នូវ​ដំណឹង​ដ៏​ក្រៀម​ក្រំ​បំផុត​នោះ ​សម្តេច​តេជោ ​ហ៊ុន ​សែន ​នាយក​រដ្ឋមន្ត្រី នៃ​ព្រះ​រាជាណាចក្រ​កម្ពុជា​បាន​ផ្ញើសា​រ​រំលែក​ទុក្ខ​ជូន​ ឯកឧត្តម​ ជៀង ​អំ ​រដ្ឋ​លេខា​ធិការ​ ក្រសួង​ការ​ពារ​ជាតិ​ និងលោក​ជំទាវ​ ដែល​ក្នុង​សារលិខិត​រំលែក​ទុក្ខរ​បស់​សម្តេច​តេជោ​បាន​គូស​បញ្ជាក់​ថា​ ខ្ញុំ ​និង​ភរិយា​ មាន​សេចក្តី​ក្តុក​ ក្តួល​ និង​សោក​ស្តាយ​ឥ​ត​ឧបមា​ បន្ទាប់​ពី​បាន​ទទួល​ដំណឹង​ដ៏​ក្រៀម​ក្រំ​ថា​៖​ ឧបាសិកា ​ដុក​ ខន​ ត្រូវ​ជា​ម្តាយ ​ម្តាយ​ក្មេក​ រប​ស់ ឯកឧត្តម​ និង​លោក​ជំទាវ​ បាន​ទទួល​មរណ​ភាព​ វេលា​ម៉ោង ​០៩:៤៥ ព្រឹកនៅថ្ងៃអាទិត្យ ៣កើត ខែ​ស្រាពណ៍ ​ឆ្នាំខា​ល ​ចត្វាស័ក​ ពស​២៥៦៦​ ត្រូវ​នឹង​ថ្ងៃ​ទី​៣១ ​ខែ​កក្កដា ​ឆ្នាំ​២០២២​ ក្នុង​ជន្មាយុ ​៨៩​ឆ្នាំ ​ដោយ​ជរាពាធ​។​ ស្ថិត​ក្នុង​វេលា​ដ៏​សោក​សង្រេង ​និង​ក្រៀម​ក្រំ​នេះ​ ខ្ញុំ ​និង​​ភរិយា​ សូម​ចូល​រួម​រំលែក​មរណ​ទុក្ខ ​ជា​មួយ​ឯកឧត្ត​ម និង​លោក​ជំទាវ​ ព្រម​ទាំង​ក្រុម​គ្រួសារ ​និង​សូម​បួង​សួង​ដល់​ដួង​វិញ្ញាណ​ក្ខន្ធ​ឧបាសិកា ​ដុក ខន បាន​ទៅ​កាន់​ឋាន​បរម​សុខ​ក្នុង​សុគតិភ​ព​កុំ​បី​ឃ្លៀង​ឃ្លាត​ឡើយ​។​ ក្នុង​នាម​ក្រុម​គ្រួសារ​ នៃ​សព​ឧបាសិកា ​ដុក ខែន, ឯកឧត្តម ជៀង អំ សូម​ថ្លែ​អំណរ​គុណ​យ៉ាង​ជ្រាល​ជ្រៅ​បំផុត​ចំពោះ​សណ្តានចិ​ត្តរបស់​ឯកឧត្តម​ លោក​​ជំទា​វ អស់លោក​ លោក​ស្រី ​មន្ត្រីរា​ជកា​រ កង​​កម្លាំ​ង​ប្រដាប់​អាវុធ​ ពិសេស​សូម​លំ​ឱន​កាយគោរព​ថ្លែង​​អំណរគុណ​ដ៏​ខ្ពង់​ខ្ពស់បំ​ផុត​ជូន​ចំពោះ​សម្តេចតេជោ ​និង​សម្តេច​​កិត្តិ​ព្រឹទ្ធបណ្ឌិត​ ​បាន​ផ្ញើ​​សារ​​ចូ​លរួម​រំលែ​ក​ទុក្ខ​ដ៏​សោក​សង្រេង ​និង​ក្រៀមក្រំ​ចំពោះម​រណភាពឧ​បាសិកា ​ដុក ខន ។ បច្ចុប្បន្នសព​ឧបាសិកា ​ដុក ខែន បាន​រៀប​ចំ​តម្កល់​​ធ្វើ​បុណ្យ​​ទក្ខិណានុបទាន​​​ទៅតាម​ប្រពៃណី​​សាសនា​​ខ្មែរ​​យើ​ង នៅ​គេហដ្ឋាន​របស់​ ឯកឧត្តម ជៀង អំ និង​លោក​ជំទាវ នាង សេដ្ឋា ​ ស្ថិត​នៅ​ភូមិ​ទួល​តាកែវ​ ឃុំ ​ពង​ទឹ​ក ស្រុក​រំដួល​ រហូត​ដល់​ថ្ងៃពុធទី​ ៣ ខែ សីហា នៅ​វេលា​ម៉ោង​៩ៈ៣០​នាទី ​ក្រុម​គ្រួសារ​ញាតិ​នឹង​រៀប​ចំ​ពិធីបូជាសព​ឧបាសិកា ​ដុក ខែន ទៅ​តាម​ប្រពៃណី​ព្រះ​ពុទ្ធ​សាសនា​​ខ្មែ​រយើង​​​ជាលើក​​ចុ​ងក្រោយ ៕



អត្ថបទថ្មីៗ

សេចក្តីប្រកាស

សារជូនពរ

វីដេអូ