ព័ត៌មាន

កិច្ច​ប្រជុំ​សហ​ប្រតិបត្តិការ​ គណៈ​កម្មធិការ​ព្រំ​ដែន​ថ្នាក់​ភូមិ​ភាគ​ កម្ពុជា​-​ថៃ ​រវាង​យោធ​ភូមិ​ភាគ​ទី៤​ ​(កម្ពុជា)​ និង​យោធ​ភូមិ​ភាគ​២​ (ថៃ)​ លើក​ទី​២៣​ នៅ​សណ្ឋាគារ ​ដ្រាហ្កុ​នរ៉ូ​យ៉ាល់​ ខេត្ត​សៀម​រាប​ ព្រះ​រាជាណាចក្រ​កម្ពុជា​
នាយកដ្ឋានព័ត៌មាន(៣)
215
2913 កិច្ច​ប្រជុំ​សហ​ប្រតិបត្តិការ​ គណៈ​កម្មធិការ​ព្រំ​ដែន​ថ្នាក់​ភូមិ​ភាគ​ កម្ពុជា​-​ថៃ ​រវាង​យោធ​ភូមិ​ភាគ​ទី៤​ ​(កម្ពុជា)​ និង​យោធ​ភូមិ​ភាគ​២​ (ថៃ)​ លើក​ទី​២៣​ នៅ​សណ្ឋាគារ ​ដ្រាហ្កុ​នរ៉ូ​យ៉ាល់​ ខេត្ត​សៀម​រាប​ ព្រះ​រាជាណាចក្រ​កម្ពុជា

        កិច្ច​ប្រជុំ​គណៈកម្មាធិការ​ព្រំដែន​ ថ្នាក់​ភូមិ​ភាគ​ កម្ពុជា​-​ថៃ ​រវាង​យោធ​ភូមិ​ភាគ​ទី​៤(​កម្ពុជា) ​និង​ភូមិ​ភាគ​ទី​២ ​(ថៃ) ​លើក​២៣​ ប្រចាំ​ឆ្នាំ​២០២២​ បាន​ប្រារព្ធ​ឡើងនៅ​ថ្ងៃទី​២៥​ ខែ​កក្កដា​ ឆ្នាំ​២០២២ ​នៅ​សណ្ឋាគារ​ដ្រាហ្កុន​រ៉ូយ៉ាល់​ ខេត្ត​សៀម​រាប​។​ គណៈ​កម្មាធិការ​ព្រំ​ដែន​ ខាង​ភាគី​កម្ពុជា​ដឹក​នាំ​ដោ​យ ឯកឧត្តម​ ឧត្តមសេនីយ៏​ឯក​ ពៅ ​ហេង​ មេ​បញ្ជា​ការ​រង​កង​ទ័ព​ជើង​គោក​ មេ​បញ្ជាការ​យោធ​ភូមិ​ភាគ​ទី៤​​ គណៈ​កម្មា​ធិការ​ព្រំ​ដែន​ខាង​ភាគី​ថៃ​ដឹក​នាំ​ដោយ​ ឯកឧត្តម ​ឧត្តម​សេនីយ៏​ទោ​ សវៈ​រ៉ាត ​សែន​ផុន​ មេ​បញ្ជាការ​ភូមិ​ភាគ​ទី២ នៃកង​ទ័ព​ភូមិន្ទ​ថៃ។​ 

       មេ​បញ្ជា​ការ​យោធ​ភូមិភាគទី​៤ សហ​ប្រធាន​ភាគី​កម្ពុជា ​ថ្លែង​​ម​តិ​ស្វាគមន៏ ​និ​ងសម្ដែង​ភាព​រីករាយ​ ក្នុង​ឱ​កាស​ដែល​ភាគី​កម្ពុជា​ធ្វើ​ជា​ម្ចាស់​ផ្ទះ​រៀប​ចំ​កិច្ច​ប្រជុំ ​ជា​មួយ​ភាគីថៃ​នា​ពេល​នេះ​ ព្រម​ទាំង​លើក​ឡើង​ពី​គោល​បំណង​នៃ​កិច្ច​ប្រជុំ​ ដើម្បី​លើក​ស្ទួយ ​និង​រិត​ចំណង​ទំនាក់​ទំនង​មិត្ត​ភាព​ដ៏​ល្អ​ រវាង​កម្ពុជា-ថៃ អោ​យមា​ន​ភាព​រឹង​មាំ ​ក្នុង​បំណង​ពង្រឹង​ពង្រីក​ សន្តិសុខ ​ស្ថិរភាព ​សុវត្ថិភាព​ និង​ការ​អភិវឌ្ឍន៏​ ជូនដល់​ប្រជាជន​ នៃ​ប្រទេស​ទាំង​ពីរ​ដែ​ល​រស់​នៅ​តាម​បណ្ដោយ​ខ្សែរ​បន្ទាត់​ព្រំ​ដែន។​ ឯកឧត្តម​បាន​ថ្លែង​ការ​កោត​សរសើរ​ ដល់​កិច្ច​សហប្រតិបត្តិ​ការ​យ៉ាង​ជិត​ស្និត ​ដែល​សមត្ថកិច្ច​ នៃ​ប្រទេស​ទាំង​ពីរ​ បាន​ផ្ដល់​ផល​ល្អ​ ចំពោះ​ការ​អភិវឌ្ឍន៏ ​ស្ថិរភាព​ សន្តិភាព ​របៀប​រៀប​រយ​តាម​បណ្តោយ​ខ្សែ​របន្ទាត់​ព្រំ​ដែន ​ព្រ​មទាំង​បាន​សំណូមពរ​អោយ​ភាគី​ទាំង​ពី​រ​បង្កើន​កិច្ច​សហប្រតិបត្តិ​ការ​យ៉ាង​ជិត​ស្និត​ ក្នុ​ង​ការ​ដោះ​ស្រាយ​បញ្ហា​ដែល​នៅ​សេស​សល់​ តាម​បណ្ដោយ​ខ្សែ​រ​បន្ទាត់​ព្រំ​ដែន ​អោយ​កាន់​តែ​មាន​ភាព​ល្អ​ប្រសើរ​។ ​

        ក្នុង​នោះ​ផង​ដែរ​ មេ​បញ្ជាការ​ភូមិ​ភាគ​ទី២​ សហ​ប្រធាន​ខាង​ភាគី​ថៃ ​បាន​ថ្លែង​មតិ​ស្វាគមន៏ ​និង​អំណរ​គុណ​យ៉ាង​ជ្រៀល​ជ្រៅ​ ចំពោះ​ការ​ធ្វើ​បដិសណ្ឋារ​កិច្ច​ស្វាគមន៏​របស់​ភាគី​កម្ពុជា ​និង​សម្ដែង​នូវ​ក្ដី​សោមនស្ស​ក្រៃ​លែង​ ក្នុង​ឱកាស​ដែល​បាន​មក​ចូល​រួម​កិច្ច​ប្រជុំ​ជា​មួយ​ភាគី​កម្ពុជា​ ហើយ​អបអរសាទរ​ចំពោះ​ភាព​ជឿន​លឿន​លើ​កិច្ច​សហប្រតិបត្តិការ​ទាំង​ទ្វេ​ភាគី ​ក្នុង​ការ​ដោះ​ស្រាយ​បញ្ហា​ការ​ងា​រសន្តិសុខ​នៅ​ក្នុង​តំបន់​ព្រំ​ដែ​ន ដើម្បី​លើក​ស្ទួយ​ដល់​កា​រទំនាក់​ទំន​ងល្អ​ជា​មួយ​គ្នា​ និង​អបអរសាទរ​ចំពោះ ​កិច្ច​ស​ហប្រតិបត្តិការ​ក្នុង​ការ​ជួយ​គ្នា​ទៅ​វិញ​ទៅ​មក​។​ ភាគី​ទាំង​ពីរ​បាន​សន្យា​បន្ត​ជម្រុញ ​និង​គាំទ្រ​កិច្ច​សហប្រតិបត្តិការ​ទ្វេភាគី ​លើ​គ្រប់​វិស័យ​អោយ​កាន់​តែ​មាន​ភាព​ល្អ​ប្រសើ។​ ក្នុង​ឱកាស​ដ៏​ថ្លៃថ្លា​ ភាគី​ទាំង​សង​ខាង​​ បា​ន​ឯកភាព​គ្នា​រៀបចំ​ឱ្យ​មាន​កិច្ច​ប្រជុំ​ គណៈ​កម្មការ​ព្រំដែន​ថ្នាក់​យោធ​ភូមិ​ភាគ​ កម្ពុជា​-​ថៃ ​រវាង​យោធភូ​មិភា​គទី៤​ ​(កម្ពុជា) និងភូមិ​ភាគ​ទី​២ (ថៃ) លើក​ទី​២៤ ​ប្រចាំ​ឆ្នាំ​២០២៣​ នៅ​ព្រះ​រាជាណាចក្រ​ថៃ។​ ភាគី​ទាំង​ពីរ​បាន​ឯកភាព​ចុះ​ហត្ថលេខា​រួម​គ្នា​លើ​កំណត់​ហេតុ​កិច្ច​ប្រជុំ​សហប្រតិបត្តិ​ការ​ គណៈ​កម្មាធិការ​ព្រំ​ដែន​ថ្នា​ក់​យោធ​ភូមិ​ភាគ​ កម្ពុជា​-​ថៃ ​លើក​ទី​២​៣ រវាង​យោធ​ភូមិ​ភាគ​ទី​៤ (កម្ពុជា)​ និង​ភូមិ​ភាគ​ទី២​ (ថៃ)​​ ប្រចាំ​ឆ្នាំ​២០២៣ ហើយ​បាន​ប្រគល់​ជូន​វត្ថុ​អនុស្សាវរីយ៍​អោយ​គ្នា​ទៅ​វិញ​ទៅ​មក​ផង​ដែរ​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ