ព័ត៌មាន

ពិធី​ជួប​ប្រាស្រ័យ​មិត្តភាព​ការ​ពារ​ជាតិ​ព្រំដែ​ន​គោក ​កម្ពុជា-វៀតណាម ​ថ្នាក់​រដ្ឋមន្ត្រី​ការពារ​ជាតិ ​លើក​ទី​១​ នៅ​ស្រុក​ឡុក​និ​ញ​ ខេត្ត​ប៊ិញ​ភឿក ​វៀត​ណាម
នាយកដ្ឋានព័ត៌មាន(៣)
108
2863 ពិធី​ជួប​ប្រាស្រ័យ​មិត្តភាព​ការ​ពារ​ជាតិ​ព្រំដែ​ន​គោក ​កម្ពុជា-វៀតណាម ​ថ្នាក់​រដ្ឋមន្ត្រី​ការពារ​ជាតិ ​លើក​ទី​១​ នៅ​ស្រុក​ឡុក​និ​ញ​ ខេត្ត​ប៊ិញ​ភឿក ​វៀត​ណាម

         ក្រសួង​ការពារ​ជាតិ​ កម្ពុជា​ វៀត​ណាម​ បាន​ប្រារព្ធ​ពិធី​ជួប​ប្រាស្រ័​យ​មិត្តភាព​ការ​ពារ​ជាតិ​ព្រំដែន​គោក ​កម្ពុជា​ វៀត​ណា​ម ថ្នាក់​រដ្ឋមន្ត្រី​ការ​ពារ​ជាតិ​ លើក​ទី​១​ នៅ​ថ្ងៃ​ទី១​៥​ ខែ​ឧសភា ​ឆ្នាំ​២០២២​។ ក្នុងជំនួប​នេះ សម្ដេចពិជ័យសេនា ទៀ បាញ់ ឧបនាយក​​រដ្ឋមន្ត្រី រដ្ឋមន្ត្រី​ក្រសួងកា​រពារ​ជាតិ​ និង នាយ​ឧត្ត​ម​សេនីយ៍ ​ហ្វាន​ វ៉ា​ន់​ហ្សាង ​រដ្ឋមន្ត្រី​ក្រសួង​ការពារ​ប្រទេស​វៀត​ណាម​ បាន​ជួប​ប្រជុំ​ទ្វេភាគី​ រវាង​រដ្ឋមន្ត្រី​ក្រសួង​ការពារ​ជាតិ​ នៃ​ប្រទេស​ទាំង​ពីរ​ កម្ពុជា​វៀតណាម​ នៅ​មជ្ឈមណ្ឌល​បំពាក់​បំប៉ន​ផ្នែក​នយោ​បាយ​ ស្រុក​ឡុក​និញ​ ខេត្ត​ប៊ិញ​ភឿក ​ប្រទេស​វៀត​ណាម​។​

         មុននឹ​ង ​ប្រារព្ធពិ​ធីជួបប្រាស្រ័​យ​មិត្តភាព​ការ​ពារ​ជាតិ​ព្រំដែន​គោក​ កម្ពុជា​ វៀតណាម ​ថ្នាក់​រដ្ឋមន្ត្រី​ការ​ពារ​ជាតិ​ លើក​ទី​១ រដ្ឋមន្ត្រី​ក្រសួង​ការពា​រជា​តិ​ប្រទេស​ទាំង​ពី​រកម្ពុជា​ វៀត​ណាម​ បាន​​ជួប​ស្វាគមន៍​គ្នា​ទៅ​វិញទៅ​មក​ នៅ​បង្គោល​ព្រំដែន​ លេខ​ ៦៩​ ច្រក​អន្តរជាតិ​ត្រពាំង​ស្រែ​ - ហ័​រ​លឺ​ ព្រំដែន​កម្ពុជា វៀត​ណា​ម ក្នុង​ស្រុក​ស្នួល ខេត្ត​ក្រចេះ ​និង​ ស្រុក​ឡុក​និញ​ ខេត្ត ​ប៊ិញ​ភឿក ​ប្រទេស​វៀត​ណា​ម​។ នៅក្នុង​ឱកា​ស​នោះ ​សម្ដេចពិជ័យសេនា ទៀ បាញ់ និង ​នាយឧត្តមសេនីយ៍ ហ្វាន វ៉ាន់ហ្សាង បាន​គោរព​បង្គោល​ព្រំ​ដែន​ ដាំដើមឈើ​មិត្តភា​ព​ និង​ ថត​រូប​អនុស្សាវរីយ៍​ រវា​ងគណៈប្រតិភូ​ក្រសួង​ការ​ពារ​ជាតិ​ប្រទេស​ទាំង​ពីរ​ ​កម្ពុជា​ វៀត​ណាម​ ក្នុ​ង​មនោ​សញ្ចេត​នារីក​រាយ ​រាក់ទាក់យ៉ាង​ក្រៃលែង​ រវា​ង​កង​ទ័ព​ទាំង​ពីរ​កម្ពុជា​ និង​វៀតណាម​។ ក្នុងពិធី នោះ​រដ្ឋមន្ត្រី​ការពារ​ជាតិ​ប្រទេស​ទាំង​ពីរ​ ក៏​បាន​ទស្សនា​ការ​ល្បា​ត​រួម​គ្នា​ រវាង​កង​ការពារ​ព្រំ​ដែន​គោក​ ប្រទេស​ទាំង​ពីរ​ កម្ពុជា​ វៀតណាមផងដែរ​។

        នៅក្នុង​កិច្ចប្រជុំ ​សម្ដេចពិជ័យ​សេនា ទៀ បាញ់ បានថ្លែងកា​រ​អបអរសាទរ​ចំពោះ ​កិច្ច​សន្ទនា​ ថ្នាក់​អនុរដ្ឋមន្ត្រី​ក្រសួងកា​រពា​រ​ជាតិ​ កម្ពុជា​វៀតណាម ​លើកទី​៥​ ​ដែល​បា​នប្រព្រឹត្ត​ទៅ​ប្រកប​ដោយ​ជោគ​ជ័​យ និង​លទ្ធផលជាផ្លែ​ផ្កា​។ ក្នុង​នាម​ក្រសួង​ការ​ពារ​ជាតិ​កម្ពុជា ​សម្តេចពិជ័យសេនា បាន​វាយ​តម្លៃ​ខ្ពស់​ចំពោះ​សមិទ្ធផល​នៃ​កិច្ច​សហប្រតិបត្តិការ​ រវា​ងក្រសួង​ការ​ពារ​ជាតិ​ នៃ​ប្រទេស​ទាំង​ពីរ​ កម្ពុជា​វៀត​ណាម​ ក្នុង​ការ​សម្រេច​បាន​ក្នុង​ឆមាសទី​ ​១ ​ឆ្នាំ​២០២២​។​ សម្តេចពិជ័យសេនា បានបន្ត​ថា​ ផែនការសកម្មភាព និ​ង​កិច្ចសហប្រតិបត្តិការ​ឆ្នាំ​២០២២​នេះ​ ក្រសួកា​រពារជាតិ​ទាំង​ពីរ​បាន​បន្ត​ធ្វើជា​មួ​យ​គ្នា​យ៉ាង​ជិ​តស្និត​ និង​លើក​កម្ពស់​បន្ថែម​ទៀត​ ក្នុង​ការប្រើប្រាស់​ប្រកប​ដោយ​សក្តិ​សិទ​ភាព​នូវ​យន្តការ​ទ្វេភាគី​ ដែ​ល​មាន​ស្រាប់​។ ក្រសួងកា​រពារ​ជាតិ​ទាំង​ពីរ​ បន្ត​ពង្រឹងកិច្ច​សហប្រតិបត្តិការ​ប្រចាំ​ឆ្នាំ​ រវាង​កង​ទ័ព​ជើង​គោក​ កង​រាជ​អាវុធ​ហត្ថលើផ្ទៃ​ប្រទេស​ នៃ​ខ.ភ.ម ជា​មួយបញ្ជាការ​ដ្ឋាន​ការពារ​ព្រំដែន ​កង​ទ័ព​ប្រជាជន​វៀត​ណាម​ សំដៅ​បង្កើន​បន្ថែម​នូវ​ទំនាក់​ទំនង​យោធា ​សន្តិសុខ​ កសាង​ខ្សែ​ព្រំ​ដែន​សន្តិភាព ​មិត្​តភា​ព ស្ថេរភាព ​សហ​ប្រតិបត្តិការ ​និង​ការ​អភិវឌ្ឍន៍ ដើ​ម្បី​លើក​កម្ពស់​ប្រសិទ្ធ​ភាព​នៃ​កិច្ច​សហប្រតិបត្តិការ​សេដ្ឋកិច្ច វិ​និយោគ ​ពាណិជ្ជកម្ម ទេសចរណ៍ វប្បធម៌ វិទ្យាសាស្ត្រ​បច្ចេកទេស និងលើកស្ទួយ​ជីវភាព​រស់​នៅ​រប​ស់ប្រជាជន ពិសេសប្រជាជន​រស់​នៅតំបន់​ព្រំ​ដែ​ន​។

           នាយឧត្តមសេនីយ៍ ហ្វាន វ៉ាន់ហ្សាង បានវាយត​ម្លៃខ្ពស់​ ចំពោះ​ការរៀបចំ​ជំនួបប្រាស្រ័យ​មិត្តភាព​ការពារ​ជាតិ​ព្រំដែន​គោក ​កម្ពុជាវៀត​ណា​ម ថ្នាក់​រដ្ឋមន្ត្រីការពា​រជា​តិ លើក​ទី​១នេះ​ ហើយ​វៀតណាមនឹ​ង​រួម​សហការរៀប​ចំ​ពិធីជារៀងរា​ល់​ឆ្នាំ​។ ឯកឧត្តម បា​នវាយ​តម្លៃផង​ដែរ​ ចំពោះ​ទំនាក់​ទំនង​មិត្តភាព​ នៃ​ប្រទេស​ទាំង​ពីរ វៀតណាម​ និង​កម្ពុជា​ ហើយ​កន្លង​មក​ទោះបី​មាន​ជម្ងឺរា​ត​ត្បាល​នៃ​ជម្ងឺកូវីដ-១៩ ក៏ដូចជាកា​រវិ​វត្តន៍​ស្ថានភាពស្មុគ​ស្មាញ​ពិភព​លោក​ និង​ក្នុងតំបន់ក៏​ដោយ​ ប៉ុន្តែ​វៀតណាម​ និង​កម្ពុជា​នៅតែ​ប​ន្ត​កិច្ចសហប្រតិបត្តិការ​លើវិស័យ​ការពារ​ជាតិ​ និងរឹ​ងមាំ។

          នៅក្នុង​ឱកាស​នោះ​ដែរ ​សម្ដេចពិជ័យសេនា ទៀ បាញ់ និង ឯកឧត្តម ហ្វាន វ៉ាន់ហ្សាង រដ្ឋមន្ត្រី​ក្រសួងការពារ​ប្រទេស​វៀត​ណាម ​បានអ​ញ្ជើញ​ជា​អ​ធិបតី​ភាព​ ក្នុង​ពិ​ធីចុះហ​ត្ថលេខាលើ​ក​កិច្ច​សហប្រតិបត្តិការ​ រវាង​នាយឧត្តមសេនីយ៍ សៅ សុខា មេបញ្ជាការ​កង​រាជ​អាវុធ​ហត្ថលើ​ផ្ទៃ​ប្រទេស និងឧត្តម​សេនីយ៍​ទោ​ ឡេ ឌឹ​ក​ថាយ​មេ​បញ្ជាការកាពារ​ព្រំ​ដែន​វៀត​ណាម​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ