ព័ត៌មាន

ក្រុម​ការ​ងារ​ស្រាវ​ជ្រាវ​យុទ្ធ​សាស្ត្រ​យោធា​ថ្នាក់​អគ្គ​បញ្ជា​ការ​បើក​កិច្ច​ប្រជុំ​ផ្សព្វ​ផ្សាយ​សភាព​ការ​ណ៍​ថ្មីៗ​
នាយកដ្ឋានព័ត៌មាន(៣)
41
2855 ក្រុម​ការ​ងារ​ស្រាវ​ជ្រាវ​យុទ្ធ​សាស្ត្រ​យោធា​ថ្នាក់​អគ្គ​បញ្ជា​ការ​បើក​កិច្ច​ប្រជុំ​ផ្សព្វ​ផ្សាយ​សភាព​ការ​ណ៍​ថ្មីៗ​

        សន្តិភាព​ពិត​ជា​មាន​តម្លៃ​សម្រាប់​ជីវិត​មនុស្ស ​បើ​គ្មាន​សន្តិភាព ​អ្វីៗ​ក៏​គ្មាន​ដែរ ​នេះ​ជា​ប្រសាសន៍​របស់ ​ឧត្តម​សេនីយ៍​ឯក​ ​មាស ​វណ្ណា ​ប្រធាន​ក្រុម​ស្រាវ​ជ្រាវ​យុទ្ធ​សាស្ត្រ​យោធា​ថ្នាក់​អគ្គ​បញ្ជាការ ​ដែល​បាន​ថ្លែង​ក្នុង​ពិធី​សំណេះ​សំណាល ​ផ្សព្វ​ផ្សាយ​សភាព​​ការណ៍​ថ្មីៗ​ ប​ទ​បញ្ជា​អគ្គ​មេប​ញ្ជាការ​ ប្រកាស​តែង​តាំង​ផ្លាស់​ប្ដូរ​មុខ​ងារ​ ប្រគល់​ប័ណ្ណ​សរសើរ​ និង​លិខិត​សរសើរ​ក្រសួង​ការ​ពារ​ជាតិ​ និង​អគ្គ​បញ្ជាការ​ជូន​ដល់​នាយ​ទាហាន​ ដែល​មាន​ស្នាម​ដៃ​ក្នុង​ក្រុម​ការ​ងារ​ស្រាវ​ជ្រាវ​យុទ្ធ​សាស្រ្ត​យោធា​ថ្នាក់​អគ្គ​បញ្ជាការ​ឆ្នាំ​ ២០២១​​ កាល​ពី​ព្រឹក​ថ្ងៃ​ទី១០​ ខែ​ឧសភា​ ឆ្នាំ២០២២​ កន្លង​ទៅ​នេះ​ នៅ​សាល​ប្រជុំ​ខុទ្ទ​កាល័យ​អគ្គ​បញ្ជាការ​ដ្ឋាន​។

         នៅ​ក្នុង​ឱកាស​នោះ​ អង្គ​ពិធី​ទាំង​មូល​ក៏​បាន​សម្រួម​កាយ​ចិត្ត​ស្មឹ​ង​ស្មាត​១​នាទី​ ដើម្បី​គោរព​វិញាណក្ខន្ធ​ សម្តេច​ឧត្តម​ទេព​ញាណ ​ហ៊ុន ​ណេង​ សមាជិក​អចិន្ត្រៃយ៍​រដ្ឋ​សភា ​និង​ជា​អ្នក​តំណាង​រាស្ត្រ​មណ្ឌល​ខេត្ត​កំពង់​ចាម ​ដើម្បី​រំលឹក​ដឹង​គុណ​ដល់​វីរភាព​ដ៏​ធំ​ធេង​របស់​សម្តេច​ ក្នុងការ​រួម​ចំ​ណែក​អភិវឌ្ឍន៍​ប្រទេសជា​តិរយៈ​ពេល​កន្លង​មក​ និង​គោរព​វិញាណ​ក្ខន្ធ​ ឧត្តម​សេនីយ៍​ទោ​ រៀល​ មា​លី​ សមាជិក​ក្រុម​ការ​ងារ​ស្រាវ​ជ្រាវ​យុទ្ធ​សាស្ត្រ​យោធា​ថ្នាក់​អគ្គ​បញ្ជាការ​ផង​ដែរ​។

          បន្ទាប់​ពី​ផ្សព្វ​ផ្សាយ​ក្រម​សីលធម៌​សម្រាប់​យោធិន​ នៃ​កង​យោធ​ពល​ខេមរ​ភូមិន្ទ​ ក្នុង​ដំណើរ​ការ​បោះ​ឆ្នោត​ ស្តាប់​សម្លេង​ប្រសាសន៍​ណែ​នាំ​របស់​ នាយ​ឧត្តម​សេនីយ៍ ​អគ្គ​មេ​បញ្ជាការ ​ពិធី​ប្រគល់​ប័ណ្ណ​សរសើរ​ និង​លិខិត​សរសើរ​ក្រសួង​ការ​ពារ​ជាតិ​ និង​អគ្គ​បញ្ជាការ​ជូន​ដល់​នាយ​ទាហាន​ ដែល​មាន​ស្នា​ដៃ​ក្នុង​ក្រុម​ការ​ងារ​ស្រាវ​ជ្រាវ​យុទ្ធសាស្រ្ត​យោធា​ថ្នាក់​អគ្គ​បញ្ជា​ការ​ឆ្នាំ​ ២០២១​ រួច​មក​ ឯកឧត្តម ​មាស ​វណ្ណា ​បាន​ពាំ​នាំ​នូវ​ការ​ផ្តាំ​ផ្ញើ​សាក​សួរ​សុខ​ទុក្ខ​ពី​សំណាក់​ថ្នា​ក់​ដឹក​នាំ​អគ្គ​មេ​បញ្ជាការ​ នៃ​កង​យោធ​ពល​ខេមរ​ភូមិន្ទ​ ក្នង​ដំណាក់​កាល​ ដែល​ប្រទេស​ជាតិ​បាន​ឆ្ល​ង​កាត់​ជម្ងឺ​កូវីដ​១៩​ អស់​រយៈ​ពេល​ជាង​២ឆ្នាំ​កន្លង​មក​នេះ​។ ឯកឧត្តម​បាន​លើក​ឡើងថា​៖ សន្តិភាព​ដែល​បាន​កើត​មា​នអស់​រយៈ​ពេល​ជាង​ ​២​ទស្សវត្ស​រ៍​មក​នេះ​ បាន​ផ្តល់​ឱកាស​ឲ្យ​កម្ពុជា​ធ្វើ​ការ​អភិវឌ្ឍ​លើ​គ្រប់​វិស័យ ​ហើយ​ពល​រដ្ឋ​រួម​រ​ស់ប្រកប​ដោយ​ភាព​សុខ​ដុមរមនា។ ឯកឧត្តម ​បាន​ថ្លែង​ការ​កោត​សរសើរ​ដល់​នាយ​ទាហាន​ ក្នុង​ក្រុម​ការ​ងារ​ស្រាវ​ជ្រាវ​យុទ្ធសាស្ត្រ​យោធា​ថ្នាក់​អគ្គ​បញ្ជាការ​ទាំង​អស់​ ដែល​បាន​ខិត​ខំ​បំពេញ​តួនាទី​ភារកិច្ច​របស់​ខ្លួន​ ទទួល​បាន​លទ្ធផល​ល្អ​គួរ​ជា​ទី​មោទនៈ​។ ឯកឧត្តម បាន​បញ្ជាក់​ពី​ការ​ចង​ចាំ​ជា​និច្ច ​ចំពោះ​គុណូបការៈដ៏​ឧត្តង្គ​ឧត្តម​របស់​ថ្នាក់​ដឹ​កនាំ ​ជា​ពិសេស​ សម្តេច​តេជោ ​ហ៊ុន​ សែន ​ដែល​បាន​យក​ជីវិត​ធ្វើ​ដើម​ទុន ​រំដោះ​មាតុភូមិ​កម្ពុ​ជាចេញ​ពី​របប​ប្រល័យ​ពូជ​សាសន៍​ រហូត​ទទួល​បាន​សន្ដិភាព​ និង​ការ​អភិវឌ្ឍ​ដូច​ពេល​បច្ចុប្បន្ន ​ក្រោម​គោល​នយោ​បាយ​ ឈ្នះ ឈ្នះ ​របស់​ សម្តេច​តេជោ ​ហ៊ុន​ សែន​។ ឯកឧត្តម ​បាន​បន្ត​ថា​៖ ក្នុង​បរិបទ​ នៃ​ការ​រីក​រា​លដាល​សកល​ នៃ​ជំងឺ​កូវីដ-១៩​ សម្តេច​តេជោ ​ហ៊ុន ​សែន​ បាន​បន្ត​ស្រោ​ច​ស្រង់​ និ​ង​សង្គ្រោះ​អាយុ​ជីវិ​ត​ប្រជាជ​ន​កម្ពុជា​ពី​មាត់​ជ្រោះ​មរណៈ​ជា​លើក​ទី៣​ បន្ទាប់​ពី​ថ្ងៃ​ជ័យ​ជម្នះ​ ៧​មក​រា ឆ្នាំ​១៩៧៩​ តាម​រយៈ​ការ​ដាក់​ចេញ​វិធាន​ការ​សម​ស្រប​ និង​ការ​ស្វែង​រក​វ៉ាក់​សាំង​បង្ការ​ជំងឺ​កូវីដ​១៩​ ចាក់​ជូន​ពលរដ្ឋ​ បង្កើត​ភាព​សាំ​ ដែល​គុណ​បំណាច់​ និង​សមិទ្ធផល​ដ៏​ធំ​ធេងនេះ ពិ​ត​ជា​មាន​តម្លៃ ​សំរា​ប់​ប្រជាពលរដ្ឋ​ និង​ប្រទេស​ជាតិ​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ