ព័ត៌មាន

បញ្ជា​ការ​ដ្ឋាន​កង​ទ័ព​ជើង​ទឹក​ ដំណើរ​ការ​ចាក់​វ៉ាក់​សាំង​ការ​ពារ​ជំងឺ​កូវីដ-១៩​ ដូសទី​៤ ដល់​កង​ទ័ព​ជើង​ទឹ​ក និង​គ្រួសារ​
នាយកដ្ឋានព័ត៌មាន(៣)
446
2729 បញ្ជា​ការ​ដ្ឋាន​កង​ទ័ព​ជើង​ទឹក​ ដំណើរ​ការ​ចាក់​វ៉ាក់​សាំង​ការ​ពារ​ជំងឺ​កូវីដ-១៩​ ដូសទី​៤ ដល់​កង​ទ័ព​ជើង​ទឹ​ក និង​គ្រួសារ​

        នាយ​នាវី ​នាយ​នាវី​រង​ ពល​នា​វឹក​ កង​ទ័ព​ជើង​ទឹក​ ​និង​គ្រួសារ​កង​ទ័ព​ ចំណុះ​បញ្ជាការ​ដ្ឋាន​កង​ទ័ព​ជើង​ទឹក​ កាល​ពី​ថ្ងៃទី​២៤​ ខែ​មក​រា ឆ្នាំ​២០២២ ​បាន​ចាក់​វ៉ាក់​សាំង​ការ​ពារ​ជំងឺ​កូវីដ-១៩ ​ដូស​ទី​៤ ប​ន្ទាប់​ពី​បាន​ទទួល​វ៉ាក់​សាំង​ការ​ពារ​ជំងឺ​កូវីដ-១៩ ទាំង​៣​ដូស​រួច​រាល់​គ្រប់​ៗ​គ្នា​កន្លង​មក​។ ​យុទ្ធនា​ការ​ចាក់​វ៉ាក់​សាំង​ការ​ពារ​ជំងឺ​កូវីដ ​១៩ ​ដូសទី​៤​នេះ ​បាន​ប្រព្រឹត្តិ​ទៅ​​នៅ​បញ្ជាការ​ដ្ឋាន​កង​ទ័ព​ជើង​ទឹក​ ជ្រោយ​ចង្វារ​ ដោយ​មាន​ការ​ចូល​រួម​ពី​ នាយ​ឧត្ដម​នាវី​ ទៀ ​វិញ​ អគ្គ​មេ​បញ្ជាការ​រង​ នៃ​កង​យោធ​ពល​ខេមរ​ភូមិន្ទ​ មេ​បញ្ជាការ​កង​ទ័ព​ជើង​ទឹក​ និង​ជា​អគ្គ​លេខា​ធិការ​ នៃ​គណៈ​កម្មាធិការ​ជាតិ​សន្តិ​សុខ​លម្ហសមុទ្រ​ ព្រម​ទាំង ​ឯកឧត្ដម​ មេ​បញ្ជាការ​រង​ កង​ទ័ព​ជើង​ទឹក ​និង​គ្រួសារ​កង​ទ័ព​​ជើង​ទឹ​ក យ៉ាង​ច្រើន​កុះ​ករ​។

         ក្នុង​ឱកាស​អញ្ជើញ​ចុះ​ពិនិត្យ​ដំណើរ​ការ​ចាក់​វ៉ាក់​សាំង​ការ​ពារ​ជំងឺ​កូវីដ-១៩​ ដូស​ទី​៤​ ជូន​ដល់ ​នាយ​នាវី ​នាយ​នាវី​រង​ ពល​នាវឹ​ក​ កង​ទ័​ពជើង​ទឹក​ និង​គ្រួសារ​កង​ទ័ព​ ចំណុះ​បញ្ជាការ​ដ្ឋាន​កង​ទ័ព​ជើង​ទឹក​ឱកាស​នោះ ​ឯកឧត្តម​ ទៀ ​វិញ ​ក្នុង​នាម​នាយ​នាវី​ នាយ​នាវី​រង​ ពល​នា​វឹក ​កង​ទ័ព​ជើង​ទឹក​ និង​គ្រួសារ​កង​ទ័​ព បាន​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះ​ សម្តេច​តេជោ ​ហ៊ុន​ សែន​ នាយក​រដ្ឋមន្ត្រី ​ដែល​សម្តេច​តែង​តែបា​ន​គិត​គូរ​ពី​សុខ​ទក្ខ ​សុខ​មាល​ភាព​របស់​កង​ទ័ព​ គ្រួសារ​កង​ទ័ព​ ក៏​ដូច​ជា​​ប្រជាពលរដ្ឋ​ កម្មករ​ កម្មកា​រិនី​ និយោ​ជិត​ មន្ត្រី​រាជ​ការ​ទាំង​អស់​ឲ្យ​រួច​ជៀស​ផុត​ពី​ជំងឺ​រាត​ត្បាត​កូវីដ-១៩​ ដោយ​សម្តេច​បាន​ខិត​ខំ​ស្វះ​ស្វែង​រក​វ៉ាក់​សាំង​ តាម​រយៈ​ការ​បញ្ជា​ទិញ ​និង​ជំនួយ​វ៉ាក់​សាំង​ពី​បរទេស ​យក​ម​ក ចាក់​ជូន​ក​ងទ័ព​ គ្រួសារ​កង​ទ័ព​ ប្រជា​ពលរដ្ឋ​ ចាប់​តាំង​ពី ​ដូស​ទី​១ ​ដូសទី​២ ដូស​ទី៣ ​និង​ដូស​ទី​៤​ ដែល​កំពុង​ចាប់​ផ្តើម​ដំណើរ​ការ​នា​ពេល​នេះ។

         ឆ្លៀត​ក្នុង​ឱកាស​នោះ ​ឯកឧត្តម​ ទៀ ​វិញ ​បាន​ក្រើន​រំលឹក​ដល់​ នាយ​នាវី ​នាយ​នាវី​រង​ ពល​នា​វឹក​ កង​ទ័ព​ជើង​ទឹក​ និង​គ្រួសារ​កង​ទ័ព​ ចំណុះ​បញ្ជា​ការ​ដ្ឋាន​កង​ទ័ព​ជើង​ទឹក​ទាំង​អស់​ បើ​ទោះបី​ជា​បាន​ចាក់​វ៉ាក់សំាង​ដូស​ជំរុញ​លើក​ទី​៣ ​និង​លើក​ទី៤​នេះ​ហើយ​យ៉ាង​ណាក្តី​ សូម​បង​ប្អូន​បន្ត​អនុវត្ត​វិធាន​ការ​សុខាភិបាល ​“បីការពារ​ បីកុំ”​ ឱ្យ​បាន​ខ្ជាប់​ខ្ជួន​ជា​ប្រចាំ ​ទើប​អាច​ទប់​ស្កា​ត់​កុំ​ឱ្យ​ជំងឺ​កូវី​ដ​-១​៩​នេះ ​រីក​រាល​ដាល​នៅ​ក្នុង​គ្រួសារ ​អង្គភាព​ និង​សង្គម​ជាតិ​ទាំង​មូល​។ នៅ​ក្នុង​ឱកាស​នោះ​កង​ទ័​ព គ្រួសារ​កង​ទ័​ពជើង​ទឹ​ក​ទាំង​អស់​ បាន​សំ​ដែង​ក្តី​សប្បាយ​រីក​រាយ​ និង​បាន​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះ សម្ដេច​តេជោ ​ហ៊ុន​ សែន​ ក៏​ដូច​ជា​ សម្តេច​ពិជ័យ​សេនា ​ទៀ ​បាញ់ ​ឧបនាយក​រដ្ឋមន្ត្រី ​រដ្ឋមន្រ្តី​ក្រសួង​ការ​ពារ​ជាតិ​ ដែល​បាន​ខិ​តខំ​ប្រឹ​ង​ប្រែង​ ស្វះ​ស្វែង​រ​កវ៉ាក់​សាំង​បង្ការ​ជំងឺ​កូវីដ-​១៩​ ម​ក​ចាក់​ជូន​ ដើម្បី​ការពារ​អាយុ​ជីវិត​ កង​ទ័​ព ប្រជា​ពលរដ្ឋ​ ពី​ជំងឺ​ដ៏​កាច​សាហាវ​នេះ​ ហើយ​ការ​អនុវត្ត​គោល​នយោ​បាយ​វ៉ាក់​សំាង ​រហូតម​ក​ដល់​ពេល​នេះ​ទទួល​បាន​ ជោគ​ជ័​យ នឹង​ឈាន​ដល់​ការ​បើក​សង្គម ​និង​សេដ្ឋកិច្ច​បាន​ឡើង​វិញ​ជា​ប្រក្រតី​នៅ​ពេល​នេះ។​ ជា​ចុង​ក្រោយ ​ឯកឧត្តម​ ទៀ ​វិញ​ បាន​អំពាវ​នាវ​ បង​ប្អូន​ក្រុម​គ្រួសារ​កង​ទ័ព​ជើង​ទឹក​ ដែល​មិន​ទាន់​បាន​អញ្ជើញ​ទៅ​ចាក់​វ៉ាក់​សាំង​ក្នុង​ពេល​កន្លង​មក​ ដោយ​សារ​មាន​បញ្ហា​សុខ​ភាព​ ឬ​ដោយ​កត្តា​ផ្សេងៗ ​សូម​អញ្ជើញ​ទៅ​ចាក់​វ៉ាក់​សាំង​នៅ ​តាម​មណ្ឌល​សុខភាព ​ឬក​ន្លែង​ដែល​ភ្នាក់​ងារ​សុខាភិបាល​បាន​កំណត់​ឲ្យ​បាន​គ្រប់​ៗ​គ្នា​ ដើម្បី​ការ​ពារ​ជំងឺ​កូវីដ​-​១៩​ ពិសេស​មេរោគ​បំប្លែង​ថ្មី​(អូមីក្រុង) ​ព្រម​ទាំង​ត្រូវ​បន្ត​អនុវត្ត​ន៍​ឲ្យ​ខ្ជាប់​ខ្ជួន​នូវ​វិធានការ​ ៣​ការពា​រ និ​ង​៣​កុំ ​របស់​ សម្ដេច​​តេជោ​ ហ៊ុន​ សែន​ ជាប់​ជានិច្ច​ថែម​ទៀត​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ