ព័ត៌មាន

បញ្ជា​ការដ្ឋាន​កង​ទ័ព​ជើង​គោក​ ចាប់​ដំណើរ​ការ​ចាក់​វ៉ាក់​សាំង​ការ​​ពារ​ជំងឺ​កូវីដ-១៩​ ម្ជុ​ល​ទី​៤​( ដូស​ជម្រុញ​)​ ដល់​កង​ទ័ព​ និង​គ្រួសារ​
នាយកដ្ឋានព័ត៌មាន(៣)
444
2727 បញ្ជា​ការដ្ឋាន​កង​ទ័ព​ជើង​គោក​ ចាប់​ដំណើរ​ការ​ចាក់​វ៉ាក់​សាំង​ការ​​ពារ​ជំងឺ​កូវីដ-១៩​ ម្ជុ​ល​ទី​៤​( ដូស​ជម្រុញ​)​ ដល់​កង​ទ័ព​ និង​គ្រួសារ​

      កង​ទ័ព​ និង​គ្រួសារ​កង​ទ័ព​ ចំណុះ​បញ្ជាការ​ដ្ឋាន​កង​ទ័ព​ជើង​គោក​ បាន​ទទួល​វ៉ាក់​សាំង​ការ​ពារ​ជំងឺ​កូវីដ-១៩​ ម្ជុល​ទី​៤​ (ដូស​ជម្រុញ​) បន្ទាប់​ពី​គាត់​បាន​ទទួល​វ៉ាក់​សាំង​ការ​ពារ​ជំងឺ​កូវីដ-១៩​ ទាំង​០៣​ដូស​រួច​រាល់​គ្រប់ៗ​គ្នា​។ យុទ្ធនា​ការ​ចាក់​វ៉ាក់​សាំង​ការ​ពារ​ជំងឺ​កូវីដ-១៩​នេះ ​បាន​ធ្វើ​នៅ​កង​អនុសេនាធំ​ដឹក​ជញ្ជូន​ ការិយាល័យទី​៤ ​កង​ទ័ព​ជើង​គោក​ ទទួល​ចាក់​ដោយ​ក្រុម​គ្រូ​ពេទ្យ​ចាក់​វ៉ាក់​សាំង​ការ​ពារ​ជំងឺ​កូវីដ​-​១៩ ​ទ័ព​ជើង​គោក​ នា​ព្រឹក​ថ្ងៃទី​២៤ ​ខែ​មករា​ ឆ្នាំ​២០២២​ ក្រោម​អធិបតី​ភាព​ ឧត្ត​មសេនីយ៍​ឯ​ក ខឹម​ជា​ សា​ឃឿន ​មេ​បញ្ជាការ​រង​ នាយ​សេនា​ធិការ​កង​ទ័ព​ជើង​គោក​។

        អញ្ជើញ​មាន​ប្រសាសន៍​នា​ឱកាស​នោះ​ ឧត្តម​សេនីយ៍​ឯ​ក ខឹ​ម​ជា សា​ឃឿន ​បាន​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះ​ សម្តេច​តេជោ ​ហ៊ុន​ សែន​ នាយក​រដ្ឋមន្ត្រី​ ដោយ​សម្តេច​បា​នគិត​គូរ​ពី​សុខ​ទក្ខ​ សុខ​មាល​ភាព​របស់​កង​ទ័​ព គ្រួសារ​កង​ទ័​ព ប្រជា​ពល​រដ្ឋ​ កម្មក​រ កម្មកា​រិនី​ និយោ​ជិ​ត មន្ត្រី​រា​ជការ​ទាំង​អស់​ឲ្យ​រួច​ជៀស​ផុត​ពី​ជំងឺ​រាត​ត្បាត​កូវីដ​-១​៩ ដោយ​សម្តេច​បាន​ខិត​ខំ​ស្វះ​ស្វែង​រក​វ៉ាក់​សាំង​ តាម​រយៈ​ការ​បញ្ជា​ទិញ ​និង​ដោយ​ជំនួយ​វ៉ាក់​សាំង​ពី​បរទេស​បាន​ចាក់​ជូន​កង​ទ័ព​ គ្រួសារ ​ប្រជា​ពលរដ្ឋ ​កម្មករ​ កម្មការិនី​ និយោ​ជិត​ មន្ត្រីរាជ​ការ​មាន​វ៉ាក់​សាំង​ដូស​ទី​១​ ដូស​ទី​២ ​វ៉ាក់​សាំង​កុមារ ​និង​ដូស​ទី​៣ និង​ដូស​ទី​៤​ (​ដូស​ជម្រុញ​) ដែល​កំពុង​ចាប់​ផ្តើម​ដំណើរ​ការ​នា​ពេល​នេះ។​

        ឧត្តម​សេនីយ៍​ឯ​ក ខឹម​ជា​ សា​ឃឿន ​បាន​បន្ត​ទៀត​ថា​៖ អនុវត្ត​តាម​បទ​បញ្ជា​ប្រធាន​អនុ​គណៈកម្មការ​ចំពោះ​កិច្ច​ក្រសួង​ការ​ពារ​ជាតិ​ និង​ប​ទបញ្ជា​មេ​បញ្ជាការ​កង​ទ័ព​ជើង​គោក​ បាន​ប្រគល់​ភារកិច្ច​ឲ្យ​ក្រុម​គ្រូ​ពេទ្យ​ចាក់​វ៉ាក់​សាំង​ការ​ពារ​ជំងឺ​កូវីដ-១៩​ ទ័​ពជើង​គោ​ក ទទួល​ខុស​ត្រូវ​ ហើយ​ចាក់​វ៉ាក់​សាំង​ការ​ពារ​ជំងឺ​កូវីដ​-​១៩ ​ដូស​ទី​៤ នា​ពេល​នេះ ​ក៏បា​ន​នឹង​កំពុង​តែ​ចាប់​ផ្តើម​ទៅ​តាម​ការ​គ្រោង​ទុក​ និង​ប្រកប​ដោយ​ការ​ទទួល​ខុស​ត្រូវ​ខ្ពស់ ​រហូត​ដល់​នាយ​ ព​ល​ទាហាន​ និង​គ្រួសារ​ទ័​ពទទួល​វ៉ាក់​សាំង​កូវីដ-​១៩​ នេះ​គ្រ​ប់​ៗ​គ្នា​រួច​រា​ល់ និង​បាន​សំណូមពរ​ដល់​នាយ​ទាហាន​ នាយ​ទាហាន​រ​ង និង​ពល​ទាហាន​ ព្រម​ទាំង​គ្រួសារ​ ថ្វីត្បិ​តបាន​ទទួល​ចាក់​វ៉ាក់​សាំង​ដូស​ទិ​៤ ហើយ​ក្តី ​ត្រូវ​ប្រកាន់​ភ្ជាប់​ ៣​កុំ​ ៣​ការ​ពា​រ និង​វិធាន​នានា​ រប​ស់ក្រសួង​សុខា​ភិបាល​ជាប់​ជា​ប្រចាំ​​។

        នៅ​ក្នុង​ឱកាស​នោះ​កង​ទ័​ព គ្រួសារ​កង​ទ័​ព នៃ​បញ្ជាការ​ដ្ឋាន​កង​ទ័ព​ជើង​គោក​ទាំង​អស់​បាន​សំ​ដែ​ងក្តី​សប្បាយ​រីក​រា​យយ៉ា​ង​ខ្លាំង​ និង​សូម​ថ្លែង​អំណរគុណ​យ៉ាង​ជ្រាល​ជ្រៅ​ចំពោះ ​សម្ដេច​តេជោ ​ហ៊ុន​ សែន​ ដែល​នៅ​ក្នុង​កាលៈ​ទេសៈ​ដ៏​លំបា​ក​នេះ​ សម្ដេ​ច​បានស្វះ​ស្វែង​រក​ជំនួយ​វ៉ាក់​សាំង​ និង​ទិញ​វ៉ាក់​សាំង​មក​ចាក់​ជូន​កង​កម្លាំង​ប្រដាប់​អាវុធ ​មន្ត្រី​រាជ​ការ​ស៊ីវិល ​និង​ប្រជា​ពលរដ្ឋ​ កម្មករ​ កម្មកា​រិនី​ និយោ​ជិត​ ដោយ​ឥត​គិត​ថ្លៃ​។ សូម​បញ្ជាក់​ថា​៖ ពេល​វេលាដំ​ណើរ​ការ​ចាក់​វ៉ាក់​សាំង​ការ​ពារ​ជំងឺ​កូវីដ-១៩ ​ម្ជុល​ទី​៤​ (ដូស​ជម្រុញ​) ដល់​កង​ទ័ព​ និង​គ្រួសារ ​ចាប់​ដំណើរ​ការ​ពី​ថ្ងៃ​ទី​២៤​ ដល់​ថ្ងៃ​ទី​៣០ ​ខែម​ករា ​ឆ្នាំ​២០២២​ ពេល​ព្រឹក​ចា​ប់ពី​ម៉ោង​៦ៈ៤០​នាទី​ និង​ពេល​ល្ងាច​ចាប់​ពី​ម៉ោង​១២ៈ​៣០​នាទី ​ថ្ងៃត្រង់​ជា​កំណត់​ ៕