ព័ត៌មាន

ឧត្តម​សេនីយ៍​ឯក​ ស៊ិន​ សូ​ផា​ន្នី​ អញ្ជើញ​ជា​អធតិបតី​ភាព​ ក្នុង​ពិធី​ប្រកាស​តែង​តាំង​មុខ​តំ​ណែង ​មេ​បញ្ជាការ​រង​ កង​រាជ​អាវុធ​ហត្ថ​ខេត្ត​កែប​
នាយកដ្ឋានព័ត៌មាន(៣)
454
2717 ឧត្តម​សេនីយ៍​ឯក​ ស៊ិន​ សូ​ផា​ន្នី​ អញ្ជើញ​ជា​អធតិបតី​ភាព​ ក្នុង​ពិធី​ប្រកាស​តែង​តាំង​មុខ​តំ​ណែង ​មេ​បញ្ជាការ​រង​ កង​រាជ​អាវុធ​ហត្ថ​ខេត្ត​កែប​

      កាល​ពី​ព្រឹ​ក​ថ្ងៃចន្ទ​ ទី​១៧​ ខែ​មករា​ ឆ្នាំ​២០២២​ នៅ​បញ្ជាការ​ដ្ឋាន​ កង​រាជ​អាវុធ​ហត្ថ​ខេត្ត​កែប​ ឧត្តមសេនីយ៍​ឯក​ ស៊ិន សូ​ផាន្នី ​មេ​បញ្ជាការ​រង​ តំណាង ​នាយ​ឧត្ត​ម​សេនីយ៍​ សៅ​ សុខា ​អគ្គ​មេ​បញ្ជាការ​រង​ នៃ​កង​យោធ​ពល​ខេមរ​ភូមិន្ទ ​និ​ងជា​មេ​បញ្ជាការ​ កង​រាជ​អាវុធ​ហត្ថ​លើ​ផ្ទៃ​ប្រទេស ​បាន​អញ្ជើញ​ជា​អធតិបតី​ភាព​ ក្នុង​ពិធី​ប្រកាស​តែង​តាំង​មុខ​តំ​ណែង​ លោក​​ វរសេនីយ៍​ទោ ​ហ៊ត​ សីហា ​ជា​មេ​បញ្ជាការ​រង​ កង​រាជ​អាវុធ​ហត្ថ​ខេត្ត​កែប​។  ពិធី​នេះ​ដោយ​មាន​ការ​អញ្ជើញ​ចូល​រួម​ ពី​សំណាក់​លោក​ស្ន​ង​ការ​ ស្នង​ការ​រង​ នាយ​ការយា​ល័យ​ មេ​បញ្ជាការ​ មេ​បញ្ជាការ​រង​ ព្រម​ទាំង​នាយ​ នាយ​រង​អាវុធ​ហត្ថ​ខេត្ត​កែប​ ជា​ច្រើន​រូប​ទៀត​។​

ឧត្តមសេនីយ៍​ឯក​ ស៊ិន សូ​ផាន្នី ​មេ​បញ្ជាការ​រង​ តំណាង ​នាយ​ឧត្ត​ម​សេនីយ៍​ សៅ​ សុខា ​អគ្គ​មេ​បញ្ជាការ​រង​ នៃ​កង​យោធ​ពល​ខេមរ​ភូមិន្ទ ​និ​ងជា​មេ​បញ្ជាការ​ កង​រាជ​អាវុធ​ហត្ថ​លើ​ផ្ទៃ​ប្រទេស ​


       ក្នុ​ងឱកា​ស​នោះ ​ឧត្តម​សេនីយ៍​ឯ​ក ស៊ិន​ សូផាន្នី ​បាន​មាន​ប្រសាសន៍​ថា៖​ ដោយ​មាន​ការ​អនុញ្ញា​ត​ពី​សំណាក់ ​នាយ​ឧត្តម​សេនីយ៍​ សៅ ​សុខា ​អគ្គ​មេ​បញ្ជាការ​រង​ នៃ​កង​យោ​​ធ​ពល​ខេមរ​ភូមិន្ទ​ មេ​បញ្ជាការ​ កង​រាជ​អាវុធ​ហត្ថ​លើ​ផ្ទៃ​ប្រទេស​ បាន​ចាត់​តាំង​ឱ្យ ​ឯកឧត្តម​ ធ្វើ​ជា​អធិបតី​ក្នុង​ពិធី​ប្រកាស​តែង​តាំង​មុខ​តំ​ណែង​ថ្មី​នេះ ​ហើយ ​ឯកឧត្តម ​ស៊ិន ​សូ​ផា​ន្នី​ បាន​សំ​ដែង​ការ​អបអរ​សាទរ​ចំពោះ ​លោក ​វរសេនីយ៍​ទោ ​ហ៊ត​ សីហា ​ដែល​ត្រូវ​បាន​តែង​តាំង​ជា​មេ​បញ្ជាការ​រង​ កង​រាជ​អាវុធ​ហត្ថ​ខេត្ត​កែប​ នា​ពេល​នេះ។​ ​ឯកឧត្តម ស៊ិន សូផាន្នី បាន​បញ្ជាក់​ថា៖ ​ក្នុង​រយៈ​ពេល​កន្លង​មក​ លោក ​វរសេនីយ៍​ទោ ​ហ៊ត ​សីហា ​បាន​ខិត​ខំ​បំពេញ​តួនាទី​ភារកិច្ច​ សម្រេ​ចបា​នលទ្ធផល​យ៉ាង​ល្អ​ប្រសើរ​ ក្នុ​ង​ពេល​ដែល​លោក​ធ្វើ​ជា​មេ​បញ្ជាការ​មូល​ដ្ឋាន ​កង​រាជ​អាវុធ​ហត្ថ​ក្រុង ​ព្រះ​សីហនុ ​នៃ​បញ្ជាការ​ដ្ឋាន​ កង​រាជ​អាវុធ​ហត្ថ​ខេត្ត​ព្រះ​សីហនុ ​ដោយ​បាន​ខិត​ខំ​បង្កើ​ត​បាន​ស្នាដៃជា​ច្រើន​លើ​ការ​ដឹ​កនាំ​កម្លាំង​ក្រោម​ឱវាទ​​ ប្រតិបត្តិ​តួនាទី​ភារកិច្ច ​និង​បេសក​កម្ម​របស់​កង​រាជ​អាវុធ​ហត្ថ​ទាំង​ការ​ងារ​ បង្ការ​ បង្ក្រាប​ និង​សង្គ្រោះ ​និង​ការ​អនុវត្ត​តួនាទី​ភារកិច្ច ជានគរបាល​រដ្ឋបាល​ នគរបាល​យុត្តិធម៌ ​តម្រួត​យោធា ​និង​ការ​ផ្តល់​កម្លាំង​ទៅជួយ​អន្តរ​ក្រសួង ​តាម​ការ​ស្នើ​សុំ​ ដើម្បី​ពង្រឹង​ការ​អនុវត្ត​ច្បាប់​ រួម​ចំ​ណែក ​ការ​ពារ ​រក្សា​សុខ​សន្តិភាព​ជូន​ប្រជាពលរដ្ឋ​ក្នុ​ងមូល​ដ្ឋាន​ដែល​ខ្លួន​ទទួល​ខុស​ត្រូវ​ និង​បាន​ដឹក​នាំ​កសាង​អង្គភាព​ជំរុំ​ជម្រក​ កន្លែង​ស្នា​ក់នៅ ​កន្លែង​ធ្វើការ​ អគារ​អប់រំ​បន្សាប​សារ​ធាតុ​ញៀន ​ព្រម​ទាំង​បាន​ចូល​រួម​ការងារ​សង្គម​ជា​ច្រើន​តាម​លទ្ធភាព​ជាក់​ស្តែង​ ហើយ​ត្រូវ​បាន​មេ​បញ្ជាការ ​កង​រាជ​អាវុធ​ហត្ថ​លើ​ផ្ទៃ​ប្រទេស ​មាន​ជំនឿ​ទុក​ចិត្ត​ ព្រម​ទាំង​បាន​ប្រជុំ​ពិនិត្យ​សម្រេច​ស្នើ​ទៅ​អគ្គ​បញ្ជាការ​ដ្ឋា​ន ដើម្បី​តែង​តាំង​ផ្លាស់​ប្តូរ​មុខ​តំ​ណែង ​ពី​មេ​បញ្ជាការ​មូល​ដ្ឋាន​កង​រាជ​អាវុធ​ហត្ថ​ក្រុង​ព្រះ​សីហនុ ​នៃ​បញ្ជាការ​ដ្ឋាន​កង​រាជ​អាវុធ​ហត្ថ​ខេត្ត​ព្រះ​សីហនុ ​មក​ធ្វើជា​មេ​បញ្ជាការ​រង​ កង​រាជ​អាវុហត្ថ​ខេត្ត​កែប​។

        ឧត្តម​សេនីយ៍​ឯ​ក ស៊ិន​ សូផាន្នី ​បាន​បន្ថែម​ថា​៖ កង​រាជ​អាវុធហត្ថ​កំពុង​ចូល​រួម​អនុវត្ត​កំណែ​ទម្រ​ង់​ស៊ីជម្រៅ​របស់​រាជ​រដ្ឋាភិបាល ​និង​កំណែ​ទម្រង់​របស់​កង​យោធ​ពល​ខេម​រ​ភូមិន្ទ​ ក្នុ​ង​នោះ​កង​រាជ​អាវុធ​ហត្ថ​បាន​ធ្វើ​កំ​ណែ​ទម្រង់​ស៊ី​ជម្រៅ​ទៅ​តាម​អ្វី​ដែល​ជា​កំណែ​ទម្រង់​ថ្នាក់​ជាតិ ​កំណែ​ទម្រង់​ទាំង​អស់​នេះ ​គឺ​ជា​គំនិត​ផ្តួច​ផ្តើម​របស់ ​នាយ​ឧត្តម​សេនីយ៍ ​មេ​បញ្ជាការ​កង​រាជ​អាវុធ​ហត្ថ​លើ​ផ្ទៃប្រទេស ​នឹង​កំពុង​ត្រូវ​បាន​អនុវត្ត​ និង​មានបទ​ដ្ឋាន​គតិយុត្ត​ជា​ផ្លូវ​ការណ៍​រួច​ហើយ​ដែរ​ ហើយ​កំណែ​ទម្រង់​ គឺ​ដើម្បី​ពង្រឹង​ស្ថាប័ន​ អង្គភាព ​ការ​រៀបចំ​ធនធាន​មនុស្ស​។ ​ជា​ចុង​ក្រោយ ​ឧត្តម​សេនីយ៍​ឯ​ក ស៊ិន ​សូផាន្នី ​មេ​បញ្ជាការ​រង​ បាន​ធ្វើការ​ផ្តាំ​ផ្ញើ​ដល់​នាយ​ នាយ​រង និង​ពលអាវុធ​ហត្ថខេត្ត​កែប​ទាំង​អស់​ ត្រូវ​អនុវត្ត​ការ​ងារ​បង្ការ​ បង្ក្រាប និងសង្គ្រោះ គោរព​បទ​បញ្ជា​ ច្បាប់​លក្ខតិកៈ ​បទ​វិន័យ​ទូទៅ ​មាន​ក្រម​សីលធម៌​វិជ្ជាជីវៈ​ គោរព​តួនាទី​ភារកិច្ច ​ពង្រឹង​ការ​អនុវត្ត​ច្បាប់​ រួ​មចំណែក​ការពារ​ រក្សាសុខ​សន្តិសុខ​ ជូ​ន​ប្រជាពលរដ្ឋ​ឱ្យ​បាន​កាន់​តែ​ល្អ​ប្រសើរ​ថែម​ទៀត​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ