ព័ត៌មាន

ក្រុម​មន្ត្រី​វាយ​តម្លៃ​គុណ​ភាព​​អប់រំ​ឧត្តម​សិក្សា ​នៃ​គណៈ​កម្មាធិការ​ទទួលស្គាល់​គុណ​ភាព​អប់រំ​ នៃ​កម្ពុជា បាន​ទទួល​ស្គាល់​គុណ​ភាព​អប់រំ​លើ​គ្រឹះ​ស្ថាន​ឧត្តម​សិក្សា ​នៅ​វិទ្យា​ស្ថាន​សុខា​ភិបាល​​ នៃ​កង​យោធ​ពល​ខេមរ​ភូមិន្ទ​
នាយកដ្ឋានព័ត៌មាន(៣)
264
2663 ក្រុម​មន្ត្រី​វាយ​តម្លៃ​គុណ​ភាព​​អប់រំ​ឧត្តម​សិក្សា ​នៃ​គណៈ​កម្មាធិការ​ទទួលស្គាល់​គុណ​ភាព​អប់រំ​ នៃ​កម្ពុជា បាន​ទទួល​ស្គាល់​គុណ​ភាព​អប់រំ​លើ​គ្រឹះ​ស្ថាន​ឧត្តម​សិក្សា ​នៅ​វិទ្យាស្ថាន​សុខា​ភិបាល​ នៃ​កង​យោធ​ពល​ខេមរ​ភូមិន្ទ​

       គណៈកម្មា​ធិការ​ទទួល​ស្គាល់​គុណ​ភាព​អប់រំ​នៃ​កម្ពុជា​ ដឹ​ក​នាំ​ដោយ​ លោក​បណ្ឌិត ​រ័ត្ន​ ឆាង ​អគ្គ​លេខា​ធិការ​រង​ ប្រធាន​ក្រុម​មន្ត្រី​វាយ​តម្លៃ​គុណ​ភាព​​អប់រំ​ឧត្តម​សិក្សា ​នៃ​គណៈ​កម្មាធិការ​ ទទួលស្គាល់​គុណ​ភាព​អប់រំ​ នៃ​កម្ពុជា ​រួម​នឹង​សមាជិក ​មាន​មន្ត្រី​សម្រប​សម្រួល ​ជំនួយ​ការ​បច្ចេក​ទេស​ សរុប​ចំនួន​១០​រូប បាន​ចុះ​មក​វាយ​តម្លៃ​ផ្តល់​ការ​ទទួល​ស្គាល់​ គុណ​ភាព​អប់រំ​លើ​គ្រឹះ​ស្ថាន​ឧត្តម​សិក្សា ​នៅ​វិទ្យាស្ថាន​សុខា​ភិបាល​ នៃ​កង​យោធ​ពល​ខេមរ​ភូមិន្ទ​នា​ព្រឹក​ថ្ងៃ​ទី០២​ ខែ​ធ្នូ ​ឆ្នាំ​២០២១​នេះ​។

       ឧត្តម​សេនីយ៍​ឯក​ សាស្ត្រា​ចារ្យ​ នឹម​ មាលា ​នាយក​វិទ្យាស្ថាន​ បាន​លើក​ឡើង​នូវ​ប្រវត្តិ​សង្ខេប​របស់​វិទ្យាស្ថាន​វិទ្យាសាស្ត្រ​សុខា​ភិបាល​ខ.ភ.ម​ បង្កើ​ត​ឡើងតាម​សេចក្ដី​សម្រេច​របស់​ក្រសួង​ការ​ពារ​ជាតិ​ អតីត​សាធារណៈ​ប្រជាមានិត​កម្ពុជា​ នៅ​ថ្ងៃ​ទី​២០​ ខែ​សីហា​ ឆ្នាំ​១៩៧៩ ​ជា​មជ្ឈមណ្ឌល​សិក្សា​ពេទ្យ​យោធា​មជ្ឈឹម​ ដែល​មាន​ទីតាំង​នៅ​រាជ​ធានី​ភ្នំពេញ​ ​ដែល​មាន​តួនាទី​ភារៈ​កិច្ច​បណ្តុះ​បណ្តាល​គ្រូ​ពេទ្យ​មធ្យម​ ឱសថការី​មធ្យម​ ពេទ្យ​បឋម​ ឱសថ​បឋម។ ​​ មជ្ឈមណ្ឌល​សិក្សា​ពេទ្យ​យោធា​មជ្ឈឹម​ បាន​​ប្រែក្លា​យ​ជា​សាលា​ពេទ្យ​យោធា​នៅ​ឆ្នាំ​១៩៨០​ ​សាលា​ពេទ្យ​យោធា​បាន​ប្រែ​ក្លាយ​ម​ក​ជា​ សាលា​មធ្យម​សិក្សា​ពេទ្យ​យោធា​នៅ​ឆ្នាំ​១៩៨៣​ បាន​ប្តូរ​ទី​តាំង​ ម​ក​នៅ​អតីត​ពេទ្យ​ចិន​ (ពោធិ៍​ចិន​តុង​) ​ស្ថិត​នៅ​ភូមិ​ទឹក​ថ្លា ​ឆ្នាំ​១៩៨៩​។​ បន្ទាប់​មក​ជា​សាលា​ពេទ្យ​កង​យោធ​ពល​ខេមរ​ភូមិន្ទ​ឆ្នាំ​១៩៩៥ ​និង​បាន​ក្លាយ​ជា​វិទ្យាស្ថា​ន វិទ្យា​សាស្ត្រ​សុខា​ភិបាល​ ថ្ងៃ​ទី​២១​ ខែ​កញ្ញា ​ឆ្នាំ​២០០៤ ​បច្ចុប្បន្ន​ជា​គ្រឹះ​ស្ថាន​សាធារណៈ​រដ្ឋបាល ​តាម​អនុ​ក្រឹត្យ​លេខ​៩៧​ អន​ក្រ.បក ​ចុះ​ថ្ងៃ​ទី​​២១​ ខែ​មិថុនា ​ឆ្នាំ​២០០៩​ ក្រុម​ប្រឹក្សា​អាណត្តិ​ទី​១​ ត្រូវ​បាន​បង្កើត​តាម​អនុក្រឹត្យ​ ចុះ​ថ្ងៃ​ទី​១៥​ ខែ​សីហា ​ឆ្នាំ​២០០៩​។

        ឯកឧត្តម ​បាន​បញ្ជាក់​ថា៖​ ដើម្បី​ត្រៀម​ខ្លួន​ទទួល​ការ​វាយ​តម្លៃ ​និង​ទទួល​ស្គាល់​គុណ​ភាព​អប់រំ​ ពី​ក្រសួង​អប់រំ ​វិទ្យាស្ថា​ន​បាន​បង្កើត​ការិយា​ល័យ​ធានា​គុណ​ភាព​អប់រំ​ផ្ទៃ​ក្នុង​ រប​ស់​គណៈ​កម្មា​ធិការ​ធានា​គុណ​ភាព​អប់រំ​ផ្ទៃ​ក្នុង​​វិទ្យា​ស្ថាន​ ត្រូវ​បាន​បង្កើត​ឡើង។​

         លោក​បណ្ឌិត​ រ័ត្ន​ ឆាង ​បាន​សំ​ដែង​នូវ​ការ​កោត​សរសើរ ​និង​វាយ​តម្លៃ​ខ្ពស់​ចំពោះ​ការ​វិវត្ត​ន៍​រីក​ចម្រើន​របស់​វិទ្យាស្ថា​ន​នា​ពេល​នេះ​។​ លោក​បណ្ឌិត​ រ័ត្ន​ ឆាង​ បាន​បញ្ជាក់​ថា៖ ​យោង​តាម​ផែន​ការ​ប្រតិបត្តិ​ប្រចាំ​ឆ្នាំ​២០២១​ របស់​អគ្គ​លេខា​ធិការ​ដ្ឋាន​ នៃ​គណៈ​កម្មាធិការ​ទទួល​ស្គាល់​គុណភាព​អប់រំ​ នៃ​កម្ពុជា​ ក្រុម​មន្ត្រី​វាយ​តម្លៃ ​បាន​ចុះ​មក​វិទ្យាស្ថាន​ ចាប់​ពី​ថ្ងៃទី០១​ ធ្នូ​ ដល់​ថ្ងៃ​ទី​១០​ ធ្នូ ​​ឆ្នាំ​២០២១​ ដើម្បី​ពិនិត្យ​វាយ​តម្លៃ​គុណ​ភាព​អប់រំ​ឧត្តម​សិក្សា​។ បើ​តាម​ការ​​ទទួល​ស្គាល់​គុណភាព​រប​ស់​ឧត្តម​សិក្សា ​ប្រែ​ក្លាយ​ជា​គោល​ការណ៍​តម្រូវ​មក​ជា​គោល​ការណ៍​ស្ម័គ្រ​ចិត្ត​ថ្នាក់​ដឹក​​នាំ​វិទ្យាស្ថាន​បាន​ស្នើ​សុំ​ការ​វាយ​តម្លៃ ​ដល់​ការ​ទទួល​ស្គាល់​គុណភាព​អប់រំ​លើ​គ្រឹះ​ស្ថាន​ឧត្តម​សិក្សា​នេះ​បញ្ជាក់​ឲ្យ​​ឃើញ​ថា​៖ ថ្នា​ក់​ដឹក​នាំ​គ្រប់​ជាន់​ថ្នាក់​វិទ្យាស្ថាន​បាន​យក​ចិត្ត​ទុក​ដាក់​យ៉ាង​ខ្លាំង​ ទៅ​លើ​កា​រធានា​គុណភាព​អប់រំ​ផ្ទៃ ​ក្នុង​របស់​ខ្លួន​។​

         ក្នុង​ឱកាស​នោះ ​ឧត្តម​សេនីយ៍​ឯក​ សាស្ត្រា​ចារ្យ​ លន់ ​សុខុន ​ទី​ប្រឹក្សា​ក្រសួង​ការ​ពារ​ជាតិ ​ជា​ប្រធាន​ក្រុម​ប្រឹក្សា​ភិបាល ​វិទ្យាស្ថាន​វិទ្យាសាស្ត្រ​សុខាភិបាល ​បាន​សំ​ដែង​នូ​វ​ក្តី​សង្ឃឹម​ និង​ជៀ​ជាក់​ជាមួយ​មន្ត្រី​វាយ​តម្លៃ​គុណភាព​អប់រំ​ឧត្តម​សិក្សា​ ក្នុង​ការ​ពិនិត្យ​វាយ​តម្លៃ​ផ្តល់​ការ​ទទួល​ស្គាល់​គុណ​ភាព​អប់រំ​ លើ​គ្រឹះ​ស្ថាន​ឧត្ត​ម​សិក្សា​របស់​វិទ្យាស្ថាន​សុខា​ភិបាល​ នៃ​កង​យោធ​ពល​ខេមរ​ភូមិន្ទ ​ប្រកប​ដោយ​លទ្ធផល​នៃ​ការ​វាយ​តម្លៃ​របស់​ក្រុម​ការ​ងារ​យ៉ាង​មាន​សុក្រឹ​ត​ភាព​ ដោយ​អាច​ទទួល​យក​បាន​ទាំង​អស់​គ្នា​ ជា​ប្រយោជន៍​ដល់​គ្រូ​ និង​និស្សិត​ប្រកប​ដោយ​ធន​ធាន​មនុស្ស​ពិត​ប្រាកដ​ លើ​វិស័យ​អប់រំ​ ក្នុង​ជំនាញ​សុខាភិបាល​ ក្នុង​បុព្វ​ហេតុ​បម្រើ​ជាតិ​ និង​ប្រជាជន​ប្រកប​ដោយ​ក្រម​សីលធម៌​ខ្ពស់​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ