ព័ត៌មាន

ទេស​រដ្ឋមន្រ្តី​ គន់​ គីម​ ប្រកាស​តែង​តាំង​ប្រធាន​កិត្តិយស​សមាគម​អតី​យុទ្ធជន​កម្ពុជា​ខេត្ត​ពោធិ៍​សាត់​, ​ឯកឧត្តម​ ជាវ​ តាយ​ ជំនួស​ឯកឧត្ត​ម ម៉ៅ ​ធនិន​
នាយកដ្ឋានព័ត៌មាន(៣)
319
2658 ទេស​រដ្ឋមន្រ្តី​ គន់​ គីម​ ប្រកាស​តែង​តាំង​ប្រធាន​កិត្តិយស​សមាគម​អតី​យុទ្ធជន​កម្ពុជា​ខេត្ត​ពោធិ៍​សាត់​, ​ឯកឧត្តម​ ជាវ​ តាយ​ ជំនួស​ឯកឧត្ត​ម ម៉ៅ ​ធនិន​

      ឯកឧត្តម ​ទេស​រដ្ឋមន្ត្រី​ គន់ ​គីម​ អនុ​ប្រធាន​ និង​ជា​អគ្គ​លេខា​ធិការ​សមាគម​អតីត​យុទ្ធជន​កម្ពុជា​ បាន​អញ្ជើញ​ជា​អធិបតី​ ក្នុង​ពិធី​ប្រកាស​តែង​តាំង​ ឯកឧត្តម ​ជាវ​ តាយ​ គណៈ​អភិបាល​ខេត្ត​ ជា​ប្រធាន​កិត្តិយស​សមាគម​អតី​ត​យុទ្ធជន​ខេត្ត​ពោធិ៍​សាត់​ ជំនួស ​​ឯកឧត្តម ​ម៉ៅ ​ធនិន ​ដែល​ត្រូវ​បាន​ផ្ទេរ​ទៅ​ខេត្ត​កំពត​។

       ពិធី​ប្រកាស​ទទួល​ស្គាល់​នេះ​ ត្រូវ​បាន​ធ្វើ​ឡើង​កាល​ពីរសៀល​ថ្ងៃ​ទី​២៤​ ខែ​វិច្ឆិកា ​កន្លង​ទៅ​នេះ​នៅ​បរិវេណ​វេទិកា​ក្នុង​សាលា​ខេត្ត​ ដោយ​មាន​ការ​ចូល​រួម​ពី​ ឯកឧត្តម ​ម៉ក់​ រ៉ា​ ប្រធាន​ក្រុម​ប្រឹក្សា​ខេត្ត ​ឯកឧត្តម​​អគ្គ​លេខា​ធិការ​រង​ សមាគម​អតីត​យុទ្ធជន​កម្ពុ​ជា និង​ប្រតិភូ​អម​ដំណើរ ​ព្រម​ទាំង​អភិបាល​រង​ នៃ​គណៈ​អភិបាល​ខេត្ត​ ថ្នាក់​ដឹក​នាំ​ មន្ត្រី​រាជ​ការ​ កង​កំលាំង​ប្រដាប់​អាវុធ​ទាំង​៣​ អាជ្ញាធរ​មូល​ដ្ឋាន​ពាក់​ព័ន្ធ​ និង​អតីត​យុទ្ធជន​ ប្រមាណ​ជាង ​២០០​នាក់។​

 ឯកឧត្តម ​ទេស​រដ្ឋមន្ត្រី​ គន់ ​គីម​ អនុ​ប្រធាន​ និង​ជា​អគ្គ​លេខា​ធិការ​សមាគម​អតីត​យុទ្ធជន​កម្ពុជា និង ឯកឧត្តម ​ជាវ​ តាយ​ គណៈ​អភិបាល​ខេត្ត​ ជា​ប្រធាន​កិត្តិយស​សមាគម​អតី​ត​យុទ្ធជន​ខេត្ត​ពោធិ៍​សាត់​ ជំនួស ​​ឯកឧត្តម ​ម៉ៅ ​ធនិន


​        ក្នុង​ឱកាស​នោះ ​ឯកឧត្តម ​គន់ ​គីម​ បាន​ផ្តាំ​ផ្ញើការ​សួរ​សុខ​ទុក្ខ​ពី​សំណាក់​ សម្តេច​តេជោ ​ហ៊ុន​ សែន ​នាយក​រដ្ឋមន្ត្រី ​និង ​សម្តេច​កិត្តិ​ព្រឹទ្ធ​បណ្ឌិត​ ប៊ុន ​រ៉ានី ​ហ៊ុន​សែន ​ប្រធាន​កាក​បាទ​ក្រហម​កម្ពុជា ​ជូន​ចំពោះ​មន្រ្តី​រាជ​ការ​ ​ក៏​ដូច​ជា​សមាជិក​អតីត​យុទ្ធជន​ទាំង​អ​ស់ គឺ​សម្ដេច​ទាំង​ទ្វេរ​ មិន​ដែល​ភ្លេច​ ឬ​បោះ​បង់​ចោល​បង​ប្អូន​អតីត​យុទ្ធជន​ទេ ​ហើយ​សម្តេច​នឹក​ឃើញជា​និច្ច​ចំពោះ​អតីកាល​ ដែល​ធ្លាប់​រួម​អាវុធ​ជា​មួយ​គ្នា​ព្រោះ​សម្តេច​ក៏​ជាជន​ពិការ ​ដោយ​សារ​សង្គ្រា​មម្នាក់​ផង​ដែរ​។​

        ឯកឧត្ត​ម គន់​ គីម ​បា​នបញ្ជាក់​ថា ​ដើម្បី​ជាកា​រឆ្លើយ​តប​ទៅ​នឹង​គុណ​បំណាច់​មិន​អាច​កាត់​ថ្លៃ​បាន ​របស់​បង​ប្អូន​អតីត​យុទ្ធជន​ ក្នុង​បុព្វ​ហេតុ​ស្វែង​រក​សុខ​សន្តិភាព​ជូន​ប្រទេស​ជាតិ​មាតុភូមិ​ ឯកឧត្តម​ តែង​តែ​បានណែនាំ ​និង​ស្នើដល់​អាជ្ញាធរ សមត្ថ​កិច្ច មន្ទីរជំនាញ​ពាក់​ព័ន្ធ​ត្រូវ​បង្កើន​ការ​យក​ចិត្ត​ទុក​ដាក់​ ចំពោះ​សុខ​ទុក្ខការ​លំបាក ​ក្នុង​ជីវភាព​រ​ស់នៅ​របស់​បង​ប្អូន​ក្រុម​គ្រួសារ​របស់​អតីត​យុទ្ធជន​ឲ្យបាន​ល្អ​ថែម​ទៀត​។​

        ឆ្លៀត​ក្នុង​ឱកាស​នោះ ​ឯកឧត្តម គន់ គីម ក៏​បាន​ស្នើ​ដល់​អាជ្ញាធ​រ​ដែន​ដី​ សមត្ថកិច្ច ​មន្ទីរ​ជំនាញ​ពាក់​ព័ន្ធ​ ត្រូវ​បន្ត​បង្កើ​ន​ការ​យក​ចិត្ត​ទុក​ដាក់​ខ្ពស់​ ចំពោះ​សុខ​ទុក្ខ​ ការ​លំបាក ​ក្នុង​ជីវភាព​រ​ស់នៅ​របស់​បង​ប្អូន ​ក្រុម​គ្រួសារ​អតីត​យុទ្ធជន​ឲ្យ​បាន​ល្អ​ថែម​ទៀត​ ជា​ពិសេស​មេ​ប៉ុស្តិ៍​រដ្ឋបាល ​មេឃុំ ​សង្កាត់​ ត្រូវ​ចាត់​មន្ត្រី​របស់​ខ្លួន​ណា​ម្នាក់​ឲ្យ​កាន់​ការងារ​ អតីត​យុទ្ធជន​ និង​ក្តាប់​ស្ថា​នភាព​ ជីវភាព​រស់នៅ​របស់​បង​ប្អូន​អតី​ត​យុទ្ធជន ​ឲ្យ​បាន​ច្បាស់​លាស់​ ដើម្បី​ធានា​ថា​បង​ប្អូន​យើង​ទទួល​បាន​ នូវ​ការ​យ​កចិត្ត​ទុក​ដាក់​ និង​ភាព​កក់​ក្តៅ​ពី​ប្រមុខ​រាជ​រដ្ឋា​ភិបាល​ ពី​ព្រោះ​ការ​លះបង់​សាច់​ស្រស់ ​ឈាម​ស្រស់ ​របស់​បង​ប្អូន​អតីត​យុទ្ធជន​ មាន​គុណ​បំណាច់​មិន​អាច​កាត់​ថ្លៃ​បាន​ឡើយ​ ចំពោះ​ប្រជាជន​កម្ពុជា​ ក្នុ​ង​បុព្វ​ហេតុ​ស្វែង​រ​កសុខ​សន្តិភាព​ជូន​ជាតិ​មាតុ​ភូមិ។​

         សូម​បញ្ជាក់​ផង​ដែរ​ថា​៖ ក្នុង​ពិធី​ប្រកាស​ទទួល​ស្គាល់​ប្រធាន​កិត្តិយស​សមាគម​អតីត​យុទ្ធជន​កម្ពុជា​ ខេត្ត​ពោធិ៍សាត់ ​ឯកឧត្តម​ ម៉ៅ ​ធ​និន​ ដែល​ត្រូវ​ផ្ទេរ​ភារកិច្ច​ពី​ប្រធាន​កិត្តិយស​សមាគម​អតីត​យុទ្ធជន​កម្ពុជា​ ខេត្ត​ពោធិ៍​សាត់​ ទៅ​បំពេញ​ភារកិច្ច​ ជា​ប្រធាន​កិត្តិ​យស​សមាគម​អតីត​យុទ្ធជ​ន​កម្ពុជា​ ខេត្ត​កំពត ​រី​ឯ ​ឯកឧត្តម ជាវ តាយ ​ដែល​ត្រូវ​ផ្ទេរ​ភារកិច្ច ​ពី​ប្រធាន​កិត្តិយស​សមាគម​អតីត​យុទ្ធជន​កម្ពុជា ​ខេត្ត​កំពត​ ផ្ទេ​រ​មក​បំពេញ​ភារកិច្ច​ ​ជា​ប្រធាន​កិត្តិយស​សមាគម​អតីត​យុទ្ធជន​កម្ពុជា​ ខេត្ត​ពោធិ៍​សាត់​វិញ ​៕​


អត្ថបទថ្មីៗ

សេចក្តីប្រកាស

សារជូនពរ

វីដេអូ