ព័ត៌មាន

ទី​បំផុត​!​ នាវា​ចម្បាំង​លិច​ក្នុង​សម័យ​​សង្គ្រាម​ស៊ីវិ​ល​ នៅ​ទន្លេ​ខេត្ត​កំពង់​ចាម​ ត្រូវ​ស្រង់​មក​លើ​គោក ​ក្រោយ​ប្រតិបត្តិ​ការ​រយៈ​ពេល​៦​ខែ​
នាយកដ្ឋានព័ត៌មាន(៣)
54
2193 ទី​បំផុត​!​ នាវា​ចម្បាំង​លិច​ក្នុង​សម័យ​​សង្គ្រាម​ស៊ីវិ​ល​ នៅ​ទន្លេ​ខេត្ត​កំពង់​ចាម​ ត្រូវ​ស្រង់​មក​លើ​គោក ​ក្រោយ​ប្រតិបត្តិ​ការ​រយៈ​ពេល​៦​ខែ​

       ឯកឧត្តម ​នាយ​ឧត្តមសេនីយ៍​ នាង ផាត​ រដ្ឋលេខា​ធិការ​ប្រចាំការ​ក្រសួង​ការ​ពារ​ជាតិ ​និង​ជា​ប្រធាន​ក្រុម​ការ​ងារ​អន្តរ​ក្រសួង ​ដើម្បី​ចុះ​សិក្សា​ និ​ងដោះ​ស្រាយ​ករណី​រក​ឃើញគ្រាប់​យុទ្ធភណ្ឌ​មិន​ទាន់​ផ្ទុះ​ ក្នុង​នាវា​ដែល​លិច​ក្នុង​ទន្លេ​ តំណាង​​សម្តេច​ក្រឡា​ហោម ​ស ​ខេង ឧបនាយក​រដ្ឋមន្រ្តី ​រដ្ឋមន្ត្រី​ក្រសួង​មហា​ផ្ទៃ​ បាន​អញ្ជើញ​ជា​អធិបតី​ក្នុ​ង​ពិធី​ស្រង់​​នា​វា​ម៉ារី​ន ​​ដែល​លិច​អំឡុង​សម័យ​សង្គ្រាម​នៅ​កម្ពុជា ​នា​ទស​វត្ស​ឆ្នាំ​១៩៧០​ ដែលប្រព្រឹត្តិទៅនា​​ថ្ងៃ​​​ទី​០​៧ ខែ​មសា ​ឆ្នាំ​២០២១​ ដោយ​មាន​ការ​ចូល​រួម​ពី​ ឯកឧត្តម ​ហ៊ឺ បា​វី ​ប្រតិភូ​រា​ជ​រដ្ឋាភិបាល ​ទទួល​បន្ទុក​ជា​អគ្គនាយក​កំពង់​ផែ​ស្វយ័ត​ភ្នំពេញ, ​ថ្នាក់​ដឹក​នាំ​ក្រ​សួង​មហា​ផ្ទៃ​, ថ្នាក់ដឹកនាំ​ក្រសួង​ការ​ពារ​ជាតិ​, លោក អ៊ុន ចាន់​ដា ​អភិបាល​ខេត្ត​កំពង់​ចាម,​ តំណាង​អភិបាលខេត្ត​កណ្តាល​ ព្រម​ទាំង​ថ្នាក់​​ដឹក​នាំ​មួយ​ចំនួន​ទៀត​​។

      បើ​តាម​របាយ​ការ​ណ៍​របស់ ​ឧត្តម​សេនីយ៍​ទោ ​ម៉ី ​សុភា ​មេ​បញ្ជាកា​រ ទី​បញ្ជាការ​ដ្ឋាន​កង​បោស​សំអាត​ គ្រាប់​យុទ្ធ​ភណ្ឌ​មិន​ទាន់​ផ្ទះ​ក្រោម​ទឹក​ បាន​ឱ្យ​ដឹង​ថា៖​ នាវា​ម៉ារីន​ដែល​លិច​ក្នុង​កំឡុង​សង្គ្រាម​ស៊ីវិល​នៅ​កម្ពុជា​ កាល​ពី​ទសវត្ស​ឆ្នាំ​១៩៧​០​នេះ ​បាន​លិច​កប់​ក្នុង​បាត​ទន្លេ​ មាន​ជម្រៅ​រហូត​ដល់​ ២៧,៥​ម៉ែត្រ ព្រម​ទាំង​គ្រប់​​ដណ្តប់​ដោយ​ដី​ខ្សាច់​​នៅ​លើ​យ៉ាង​ច្រើន​ផង​ដែរ​។​  លោក​បា​​ន​បន្ត​​ថា​​៖​ គ្រាប់​យុទ្ធ​ភ័ណ្ឌ​ប្រមាន ​៩០​ភាគ​រយ​ ដែល​មាន​ទ្រង់ទា្រយ​ល្អ ​និង​ត្រូវ​ដោះ​បន្សាប  សមា្រប់​​ទុ​កដាក់​តាំង​ក្នុង​សារមន្ទីរ​ និង​១០​ភាគរយ​ ដែល​ជា​គ្រាប់​ខូច​ទ្រង់ទា្រយ ​ពុក​ផុយ ​មិន​អាច​ធ្វើ​ការ​ដោះ​បន្សាប​បាន ​នឹង​ធ្វើ​ការ​កំទេច​ចោល​។ ឧត្តម​សេនីយ៍​ទោ​ ម៉ី ​សុភា ​បាន​បញ្ជាក់​ផង​ដែរ​ថា៖​ រយៈ​​ពេ​ល​​៦​​​ខែ​​មក​​នេះ ​​កម្លាំង​ជំនាញ​បាន​ប្រមូល ​និង​ស្រង់គា្រប់​យុទ្ធ​ភ័ណ្ឌ​ម​ក​លើ​គោ​​កជា​បន្ត​បន្ទាប់​​ បើ​​តាម​របាយ​ការណ៍​ គឺ​ចាប់​ពី​ខែតុលា​ ឆ្នាំ​២០២០​ រហូត​ដល់​ដើមខែ​មីនា​ ឆ្នាំ​២០២១​​ ក្រុម​ការ​ងារ​ស្រង់​បាន​គ្រាប់​យុទ្ធ​ភណ្ឌ​ សរុប​ប្រមាណ​ ១៦​តោន​ ព្រ​មទាំង​បំណែក​ឆ្អឹង​​សព​មនុស្ស​ចំនួន​​៦​ និង​សម្ភារៈ​សឹក​មួយចំនួន​ទៀត​។ 

       ឯកឧត្តម នាយ​ឧត្តម​សេនីយ៍ ​នាង​ ផាត​ បានមានប្រសាសន៍ក្នុងឱកាសនោះ​ដែល​ថា៖​ ​នាវា​ចម្បាំង​ដែល​បាន​លិច​អំឡុង​សម័យ​សង្គ្រាម​នៅ​កម្ពុជា​ នា​ទស​វត្ស​ឆ្នា​១៩៧០​នោះ ​ទី​បំផុតតូ្រ​វ​បានស្រង់​មក​ហើយ​ ដែល​មាន​ទីតាំង​​ស្ថិ​ត​នៅ​ភូមិ​វាល​ ឃុំ​មាន​ជ័យ​ ស្រុក​ស្រី​សន្ធរ​ ខេត្ត​កំពង់​ចាម​ កម្លាំង​ជំនាញបានស្រង់នាវា​ម​ក​លើ​គោក​ ​នៅ​ព្រឹកថ្ងៃទី០៧​ ខែ​មេសា​ ឆ្នាំ​២០២១​នេះ​ ក្រោយ​ប្រតិបត្តិការ​រយៈ​ពេល​ ៦​ខែ​។ ​ស្ថាន​ភាព​​នាវា​​ចម្បាំង​លិច​​ក្នុង​ទន្លេ​ខាង​លើនេះ​ ​គឺ​មាន​សភាព​ចាស់​ទុ្រឌ​ទ្រោម​ខ្លាំង​ និង​មាន​ស្នាម​ឆ្លុះ​ធ្លាយ​ជា​ច្រើន​កន្លង​ដោយ​ការ​បាញ់​ពន្លិ​ច ក្នុង​ពេល​ប្រយុទ្ធ​គ្នា​។ នា​យ​ឧត្តមសេនីយ៍ ​នាង ​ផាត ​ក៏​បាន​បញ្ជាក់​ផង​ដែរ​ថា៖ ​ប្រតិបត្តិការ​បោស​សម្អាត​ គ្រាប់​យុទ្ធ​ភណ្ឌ​មិន​ទាន់​ផ្ទុះ ​ដែល​បាន​កប់​នៅ​ក្រោមផ្ទៃ​ទឹក​នៅ​​ចំណុចនេះ គឺ​ជា​ស្នាដៃ​ប្រវត្តិសាស្រ្ត​​មិ​នធ្លាប់​​មាន​​កន្លង​មក​ សម្រាប់​កម្ពុជា​ ហើយ​ចំពោះ​ប្រតិបត្តិ​ការ​នេះ ​ក៏​បាន​បង្ហាញ​ថា​កម្ពុជា​មាន​សមត្ថភាព​គ្រប់​គ្រាន់​មិន​ត្រឹម​តែ​បោស​សម្អាត​គ្រាប់​យុទ្ធភណ្ឌ​មិន​ទាន់​ផ្ទុះ​នៅ​លើ​ដី​គោក​នោះ​ទេ​​ ដូច្នេះ​វា​ជា​មោទន​ភាព​មួយ​ទៀត​ សម្រាប់​ប្រជា​ជាតិ​កម្ពុជា​ ៕ 


អត្ថបទថ្មីៗ

សេចក្តីប្រកាស

សារជូនពរ

វីដេអូ