ព័ត៌មាន

ឯកឧត្តម​ លី ​កុសល ​ផ្សព្វ​ផ្សាយ​ប្រកាស​បែង​ចែក​ថវិកា​ ឆ្នាំ​២០២១​
នាយកដ្ឋានព័ត៌មាន(៣)
137
2082 ឯកឧត្តម​ លី ​កុសល ​ផ្សព្វ​ផ្សាយ​ប្រកាស​បែង​ចែក​ថវិកា​ ឆ្នាំ​២០២១​

       នាយក​ដ្ឋាន ​ហិរញ្ញវត្ថុ​ ក្រសួ​ង​ការ​ពារ​ជាតិ​ បាន​ធ្វើ​ការ​ផ្សព្វ​ផ្សាយ​ប្រកាស​បែង​ចែក​ថវិកា​ជំនាញ ​ឆ្នាំ​២០២១ ​និង​ណែនាំ​ពី​ការ​រៀប​ចំ​ផែន​ការ​យុទ្ធ​សាស្ត្រ​ថវិកា​ឆ្នាំ​២០២២​ ដល់ ​២០២៤ ​និង​​គោល​ការណ៍​អនុវត្ត​ថវិកា​កម្មវិធី​ឆ្នាំ​២០២១ ​និង​ឆ្នាំ​បន្ត​ ជូន​​ដល់​បណ្តា​កង​ឯក​ភាព​ នៃ​ខ.ភ.ម​ នា​ព្រឹក​ថ្ងៃ​ទី​២២ ​ខែ​មក​រា​នេះ ​នៅ​សាល​ប្រជុំ​នា​ទីស្តី​ការគណៈរដ្ឋមន្ត្រី។

       ក្នុង​ឱកាស​នោះ ​ឧត្តម​សេនីយ៍​ឯ​ក លី ​កុសល ​អគ្គ​នាយក​រង​ អគ្គ​នាយក​ដ្ឋាន​ភស្តុភារ ​ហិរញ្ញវត្ថុ​ និ​ង​ជា​នាយក ​នាយក​ដ្ឋាន ​ហិរញ្ញវត្ថុ​ ក្រសួង​ការ​ពារ​ជាតិ​ បាន​មាន​ប្រសាសន៍​ថា​៖ ដោយ​បាន​កា​រអ​នុញ្ញាតិ​ពី ​ឯកឧត្តម ​អគ្គនាយក ​អគ្គ​នាយក​ដ្ឋាន​ភស្តុភារ ​និង​ហិរញ្ញវត្ថុ​,​ និង​ថ្នាក់​ដឹ​កនាំ ​ក្រសួង​ការ​ពារ​ជាតិ,​ នាយក​ដ្ឋាន ​ហិរញ្ញវត្ថុ ​បាន​ធ្វើ​ការផ្សព្វ​ផ្សាយ​ និង​ប្រកាស​ផែន​ការ​បែង​ចែក​ថវិកា​ ឆ្នាំ​២០២១​ ជូន​ដ​ល់បណ្តា​កង​ឯកភាព ​និង​បាន​យល់​ដឹង​នូវ​ខ្លឹម​សា​រ និង​នីតិវិធី​នៃ​ការ​ប្រើ​ប្រាស់ ​និង​ការ​អនុវត្ត​នូវ​វិធាន​ការ​ផ្សេងៗ​ឲ្យ​មាន​ប្រសិទ្ធ​ភាព​ខ្ពស់​។ ឯកឧត្តម ​បាន​បញ្ជាក់​ថា​៖ ថ្ងៃ​នេះ​គឺ​ជា​ពេល​វេលាដ៏​សម​ស្រប​មួយ ​ដែល​គ្រប់​ស្ថាប័ន​ជំនាញ​ហិរញ្ញវត្ថុ​ នៃ​ខ.ភ.ម នៅ​ទូទាំងប្រទេស ​បាន​មក​ជួប​ជុំគ្នា​ទទួលការផ្សព្វផ្សាយ​នេះ។​ ឯកឧត្តម​ បាន​បន្ត​ថា​៖ ទំរាំ​បាន​កញ្ចប់​ថវិកា​មកផ្សព្វ​ផ្សាយ​ជូន​ដល់​ស្ថាប័ន​នា​ពេល​នេះ ​គឺ​វា​មាន​ដំណាក់​កាល​ជា​ច្រើន​ណាស់​។ ឯកឧត្តម​ ​លី ​កុសល ​បាន​ថ្លែង​អំណរ​គុណ​ និង​កោត​សរសើរ​ចំពោះ​ក្រុម​ការងា​រ​ថវិកា​របស់​ក្រសួង​ការ​ពារ​ជាតិ​ ដែល​បាន​ខិត​ខំ​បំពេញ​ការ​ងារ​យ៉ាង​សកម្ម ​និង​ដ៏​មមា​ញឹក ​ដើម្បី​អនុវត្ត​ភារកិច្ច​តាម​ជំហ៊ាន​នី​មួយៗ។​ ជំហ៊ានទី​១ ​នៅ​ពេល​បាន​ទទួល​គម្រោង​ពី​ស្ថាប័ន​ជំនាញ ​ត្រូវ​បាន​កំណត់​ថា​ ធ្វើ​យ៉ាងណា​ឲ្យ​បាន​ខែ​បី​មក​ដល់​ដៃ​ ដើម្បី​ក្រុម​ការ​ងារ​ថវិកា​រៀប​ចំ​យុទ្ធសាស្ត្រ ​ពិនិត្យ​គម្រោង ​និង​ប្រៀប​ធៀប​ថវិកា​ប្រចាំ​ឆ្នាំ ​ឲ្យ​សម​ស្រប​​តាម​ថវិកា​របស់​ជាតិ ​និង​តម្រូវ​ការ​ជាក​ស្តែង​ផង​ដែរ​។​ ជំហ៊ានទី​២ ត្រួត​ពិនិត្យ​ផ្ទៀង​ផ្ទាត់​ឡើង​វិញ ​ទន្ទឹម​នឹង​នោះ​ក៏​បាន​អញ្ជើញ​ជំនាញ​នី​មួយៗ​មក​ប្រជុំ​ពិនិត្យ​សារ​ចុះ​សារ​ឡើង ​ប្រើ​ពេល​វេលា​ជា​ច្រើន​ថ្ងៃ​។​ ក្រៅ​ពី​នោះ​រៀប​ចំ​ប្លង់​គណនី​បញ្ចូល​ទៅ​តាម​ខ្លឹម​សារ​និមួយៗ ​គឺ​ជា​របប​កែ​ទម្រង់​ថ្មី​ ដូច​នេះ​មិ​ន​មែន​ជា​ការ​ងាយ​ស្រួល​នោះ​ទេ​ គឺ​ជា​ការ​លំបាក​។ ​តែ​ទោះបី​យ៉ាង​ណា​ក៏​ដោយ ​ក្រុម​ការងារ​រៀបចំ​ថវិកា​រប​ស់យើង ​បាន​ខិត​ខំ​ដោយ​យក​អស់​ពី​លទ្ធភាព​ និង​ធ្វើ​ប្រកប​ដោយ​ជោគ​ជ័យ។​ ក្រោយ​ពី​បាន​រៀបចំ​រួច​ហើយ​ ក្រុម​ការងារ​ក៏​បាន​ដាក់​ឆ្លង​ទៅ​ក្រសួង​ការ​ពារ​ជាតិ​ ដើម្បី​ពិនិត្យ​ និង​សម្រេច​ រួចហើយ​បាន​ដាក់​ឆ្លង​ទៅ​ក្រសួង​សេដ្ឋកិច្ច​ និងហិរញ្ញវត្ថុ ដាក់​ជូន​ទៅ​អន្តរ​ក្រសួង​ បន្ត​ដាក់​ជូន​ទៅ​គណៈ​រដ្ឋមន្ត្រី ​និង​បន្ត​ជូន​រដ្ឋសភា ​និង​ព្រឹទ្ធសភា ​ដើម្បី​ពិនិត្យ​ និ​ងសម្រេច​អនុម័ត ទើ​ប​យើង​បាន​កញ្ចប់​ថវិកា​យក​មក​ប្រើប្រាស់​បាន​។​

       ឧត្តមសេនីយ៍ឯក លី កុសល បាន​ផ្តាំ​ផ្ញើរ​ថា​៖ ក្រោយ​ពី​បាន​ទទួល​ការ​ប្រកាស​ឥណទាន​ហើយ​ សូម​ឲ្យ​ស្ថាប័ន​នីមួយៗ​ ត្រូវ​សហការ​ល្អ​ជា​មួយ​នាយ​ទាហាន ​នាយ​ទាហាន​រង​ នាយក​ដ្ឋាន​ហិរញ្ញវត្ថុ ​ដែល​មាន​ការ​ពាក់​ព័ន្ធ​គ្រប់​ផ្នែក​គ្រប់​ថ្នាក់​ ឲ្យ​បាន​ជិត​ស្និ​ត ដើម្បី​ឲ្យ​ការងារ​អនុវត្ត​ធ្វើ​គម្រោង​ចំណាយ​ និង​ទូទាត់​ឡើង​វិញ​បាន​ឆាប់​រហ័ស ​តាម​ទម្រង់​បែប​ប​ទ ដើម្បី​អនុវត្ត​តាម​ពេល​វេលា​ ដែល​បាន​កំណត់ ​មាន​តម្លាភាព​ គណ​នីភាព ​និង​ប្រសិទ្ធ​ភាព​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ