ព័ត៌មាន

បញ្ជាការ​ដ្ឋាន​តំបន់​ប្រតិបត្តិ​ការ​សឹក​រ​ង​កំពង់​ធំ​ បាន​បើក​កិច្ច​ប្រជុំផ្សព្វ​ផ្សាយ​ ស្តី​ពី​ការ​អប់រំ ​និង​និតិស្តី​ពី​គ្រឿង​ញៀន
នាយកដ្ឋានព័ត៌មាន(៣)
101
2079 បញ្ជាការ​ដ្ឋាន​តំបន់​ប្រតិបត្តិ​ការ​សឹក​រ​ង​កំពង់​ធំ​ បាន​បើក​កិច្ច​ប្រជុំផ្សព្វ​ផ្សាយ​ ស្តី​ពី​ការ​អប់រំ ​និង​និតិស្តី​ពី​គ្រឿង​ញៀន

       នៅ​សាល​ប្រជុំ​ទី​បញ្ជាការ​ដ្ឋាន​តំបន់​ប្រតិបត្តិ​ការ​សឹក​រ​ង​កំពង់​ធំ​ បាន​បើក​កិច្ច​ប្រជុំផ្សព្វ​ផ្សាយ​ ស្តី​ពី​ការ​អប់រំ ​និង​និតិស្តី​ពី​គ្រឿង​ញៀន ​លើកទី​បី​ ​ជូន​ដល់​នាយ​ទាហាន ​នាយ​ទាហាន​រ​ង និង​ពល​ទាហាន​ចំនួន​១១៥​នាក់ ​កាល​ពី​ថ្ងៃ​ទី​២១​ ខែ​មករា​ ឆ្នាំ២០២១។ ឧត្តម​សេនីយ៍​ទោ សោម ​ស៊ុន ​មេ​បញ្ជាការ​តំបន់​ប្រតិបត្តិ​ការ​សឹក​រង​កំពង់​ធំ​ បាន​អញ្ជើញជា​អ​ធិបតី​ភាព​ ដោយ​មាន​ការ​ចូល​រួម​ មេ​បញ្ជាការ​រង​ នាយ​សេនា​ធិការ​រង​ និង​កង​កម្លាំង​ចំណុះ​ឲ្យ​ទី​បញ្ជាការ​តំបន់​ប្រតិបត្តិ​ការ​សឹក​រង​កំព​ង់ធំ​។ ការ​ផ្សព្វ​ផ្សាយ​នេះ​ គឺ​ក្នុង​គោល​បំណង ​បង្កើន​ចំណេះ​ដឹង​ពាក់​ព័ន្ឋ​ និង​ទោស​​កំហុស​ នៃ​ផល​ប៉ះ​ពាល់​គ្រឿង​ញៀន ដើ​ម្បី​យ​កទៅ​ បន្ត​ផ្សព្វ​ផ្សាយ​ជូន​ប្រជា​ពលរដ្ឋនៅ​ក្នុង​សហគមន៍​បន្ត​ទៀត​។

      នៅក្នុង​វគ្គ​សិក្សា​រៀន​សូត្រ ​របស់​សិក្ខាម​ បាន​ផ្តោត​សំខាន់​ទៅ​លើ​ទោស​ និង​ផល​វិបាក​ នៃ​ការ​ប្រើ​ប្រាស់​ការ ​ចែក​ចាយ​ និង​ការ​រក្សា​ទុក​គ្រឿង​ញៀន ដែល​ជា​អំពើ​ខុស​ច្បាប់​ ​គ្រឿង​ញៀន​គឺ​ជា​ឃាតករ​ដ៏​សាហាវ​ ក្នុង​ការ​បំផ្លាញ​អាយុ​ជីវិ​ត អ្នក​​ដែល​បាន​ប្រើ​ប្រាស់ ​និង​បាន​ធ្វើ​ឲ្យ​ប៉ះ​ពាល់​យ៉ាង​ខ្លាំង​ដល់​កិត្តិយស់ ​សុភមង្គល ​និង​សេដ្ឋ​កិច្ច​គ្រួសារ ​ហើយ​បំផ្លាញ​ដល់​សេចក្តី​សុខ​ក្នុង​សង្គម​ជាតិ​។

       ឯកឧត្តម សោម ស៊ុន បាន​សំណូម​ពរ​ដល់​កង​កម្លាំង​ទាំង​អស់​ចំណុះ​ឲ្យ​បញ្ជាការ​ដ្ឋាន​តំបន់​ប្រតិបត្តិការ​សឹក​រង​កំពង់​ធំ​ និង​ក្រុម​គ្រួសារ​ ត្រូវ​ជៀស​ឲ្យ​ឆ្ងាយ​ពី​គ្រឿង​ញៀន ​ដោយ​អនុវត្ត​ទិស​ស្លោក​ គ្រឿង​ញៀន​បំផ្លា​ញអនាគត​អ្នក​ គ្រួសារ​អ្នក​ និង​ជីវិត​អ្នក​។ ឯកឧត្តម ​បាន​បន្ថែម​ថា​៖ ក្នុង​ករណី​យោធិន​ម្នាក់​ បើ​ត្រួត​ពិនិត្យ​ឃើញ​ថា​​មាន​ការ​ប្រើ​ប្រាស់​ ឬមា​ន​ការ​ពាក់​ព័ន្ធ​បញ្ហា​គ្រឿង​ញៀន ​និង​ត្រូវ​បាន​សុំ​ការ​សម្រេច​ពី​ថ្នាក់​លើ ​ដើម្បី​លុប​ឈ្មោះ​ចេញ​ពី​ក្នុង​បញ្ជី​កង​យោធ​ពលខេម​រភូមិន្ទ។ ក្នុង​ឱកាស​បើក​វគ្គ​ផ្សព្វ​ផ្សាយ​ច្បាប់​ស្ដី​ពី​ការ​គ្រប់​ពិនិត្យ​គ្រឿង​ញៀន​នេះ​ផង​ដែ​រ ឯកឧត្តម​ សោម ស៊ុន ​បាន​ក្រើន​រំលឹក​ដល់​យោធិន​គ្រប់​រូប​ និង​ក្រុម​គ្រួសារ​ត្រូវ​ប្រុង​ប្រយ័ត្ន​ការ​ពារ​ទប់​ស្កាត់​ ការ​ឆ្លង​មេរោ​គ​កូវីដ​-១៩​ ដោយ​អនុវត្ត​ឱ្យ​បាន​ត្រឹម​ត្រូវ​ តាម​ការ​ណែនាំ​របស់​ក្រសួង​សុខា​ភិបាល​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ