ព័ត៌មាន

​ពិធី​បិទ​វគ្គ​ហ្វឹក​ហ្វឺន​បំប៉ន​ជំនាញ​បញ្ជាការ​ថ្នាក់​សេនា​ធិការ​កាំភ្លើង​ធំ​ជំនាន់​ទី​២​ និង​មេ​បញ្ជាការ​ថ្នាក់​កង​អនុសេនា​តូច​-​ធំ ​កាំ​ភ្លើង​ធំ ​កង​ទ័ព​ជើង​គោក​
នាយកដ្ឋានព័ត៌មាន(៣)
155
2038 ​ពិធី​បិទ​វគ្គ​ហ្វឹក​ហ្វឺន​បំប៉ន​ជំនាញ​បញ្ជាការ​ថ្នាក់​សេនា​ធិការ​កាំភ្លើង​ធំ​ជំនាន់​ទី​២​ និង​មេ​បញ្ជាការ​ថ្នាក់​កង​អនុសេនា​តូច​-​ធំ ​កាំ​ភ្លើង​ធំ ​កង​ទ័ព​ជើង​គោក​

       ឧត្តមសេនីយ៏​​ឯក​ ខឹ​មជា​ សា​ឃឿន ​មេ​បញ្ជាការ​រង​ និង​នាយ​សេនា​ធិការ​កង​ទ័ព​ជើង​គោក​ អម​ដំណើរ​ដោយ​ ឧត្ត​មសេនីយ៍​ឯក​ អួន​ សា​រឿន ​មេ​បញ្ជាការ​រ​ងកង​ទ័ព​ជើង​គោក​ ឧត្តមសេនីយ៍ឯក ព្រហ្ម ផេង មេ​បញ្ចាការរង​កង​ទ័ព​ជើង​គោ​ក និង​ជា​មេ​បញ្ចាការ​កង​ពល​តូច​អន្តរាគមន៍​លេខ​១​ និង​នាយ​ទាហាន​ជាន់​ខ្ពស់​ចំណុះ​បញ្ជាការ​ដ្ឋាន​កង​ទ័ព​ជើង​គោក​ជា​ច្រើន​រូប​ បាន​អញ្ជើញជា​អធិបតី​ភាព​ក្នុ​ងពិធី​បិទ​វគ្គ​ហ្វឹក​ហ្វឺន​បំប៉ន​ជំនាញ​បញ្ជាការ​ថ្នាក់​សេនាធិការ​ជំនាន់​ទី​២​ ​​និង​បំប៉ន​មេប​ញ្ជាការ​ថ្នាក់​ កង​អនុសេនាតូ​ច-​កង​អនុសេនាធំ​ ​កាំភ្លើង​ធំ​កង​ទ័ព​ជើង​គោក​ ប្រចាំ​ឆ្នាំ​២០២០​ កាល​ពី​ថ្ងៃទី​៣០​  ​ខែ​ធ្នូ ​នៅ​ទី​បញ្ចាការ​ស្រាល​ បញ្ជាការ​ដ្ឋាន​កាំភ្លើង​ធំ​ កង​ទ័ព​ជើង​គោក​ ស្ថិ​តនៅ​ស្រុក​ទឹក​ផុស​ ខេត្ត​កំពង់​ឆ្នាំង​។

       នៅក្នុង​ឱកាស​នោះ​បន្ទាប់​ពី​គណៈ​អធិបតី​ និង​ប្រតិភូ​អម​ដំណើរ ​ព្រម​ទាំ​ងនាយ​ទាហាន​ជា​ច្រើន​រូប​ទៀត​បាន​អញ្ជើញ​ត្រួត​ពិនិត្យ​ទី​លាន​ហ្វឹក​ហាត់​ជំនាញ​កាំភ្លើង​ធំ​ និង​ពិនិត្យ​មើល​សម្ភារៈ ​បច្ចេក​ទេស​ គ្រឿង​បំពាក់​សម្រាប់​បំរើ​ឲ្យ​ការ​ហ្វឹកហាត់​ដល់​សិក្ខា​កាម​ជា​បន្ត​បន្ទាប់​រួច​មក​ ក្នុង​នាម​បញ្ជាការ​ដ្ឋាន​កាំភ្លើង​ធំ​ ឧត្តមសេនីយ៏ឯក ពៅ សុខា មេបញ្ជាការ​រង​កង​ទ័​ពជើង​គោក​ និង​ជា​មេ​បញ្ជាការ​ បញ្ជា​ការ​ដ្ឋាន​កាំភ្លើង​ធំ​ បាន​លើក​ឡើង​ពី​រចនា​សម្ព័ន្ធ​ចាត់​តាំង​ ការ​ដឹ​កនាំ​បញ្ជា ​ភារកិច្ច​ចំពោះមុ​ខ​ក្នុង​ភូមិសាស្ត្រ​ទទួល​ខុសត្រូវ​ ដែល​ក្នុង​នោះ​បញ្ជាការ​ដ្ឋាន​កាំភ្លើង​ធំ​ កង​ទ័​ពជើង​គោក​ សម្រេច​បាន​ការ​ងារ​ហ្វឹក​ហ្វឺ​នជាមូលដ្ឋា​ន ទាំ​ងការ​បណ្តុះ​បណ្តាល​ធន​ធាន​មនុស្ស​ក្នុង​បញ្ជាការ​ដ្ឋាន ​និង​ទាំង​កា​រចុះទៅ​បណ្តុះ​បណ្តាល​តាម​បណ្តា​អង្គភាព​ឈរ​ជើង​ការពារ​បូរណ​ភាព​ទឹក​ដី​តាម​ខ្សែ​បន្ទាត់​ព្រំ​ដែន​។ ឯកឧត្តម ​ក៏​បាន​លើកឡើងពី​កា​រងារ​កសាង​អង្គភាព ​ការ​ងារ​បង្ក​បង្កើន​ផល​ ចិញ្ចឹម​សត្វ​ការ​បន្ត​ការងារ​ អប់រំ​ នយោបាយ​ចិត្ត​សាស្ត្រ​ដល់​កង​ទ័ព​ជា​ប្រចាំ ​និង​ភារកិច្ច​ចុះ​ជួយ​សង្រ្គោះប្រជាពល​រដ្ឋ​ផ​ងដែ​រ​។

      លោក​វរសេនីយ៍​ឯក​ ពៅ ​វិច្ឆិការ​  អនុ​គណៈ​គ្រប់​គ្រ​ងវគ្គ​ បាន​ឲ្យ​ដឹ​ងថា​៖ វគ្គហ្វឹកហ្វឺ​ន​បំប៉ន​ជំនាញ​បញ្ចាការ​ថ្នាក់​សេនាធិ​ការ​កាំភ្លើង​ធំ​ជំនាន់​ទី២​ ​និង​បំប៉ន​មេប​ញ្ជាការ​ថ្នាក់​កង​អនុសេនាតូ​ច-​ធំ កាំ​ភ្លើងធំ​ ​កងទ័ពជើងគោក ​បានដំ​ណើការបើក​វគ្គកាល​ពី​ថ្ងៃទី​១ ​ខែតុ​លា ​មាន​រយៈ​ពេល៩​១ថ្ងៃ ​មាន​សិក្ខាកាម​សរុប​ចំនួន ​១៤០​នាក់​ គ្រូយោធា​ចារ្យ​ចំនួន ​១៤​នាក់​ មក​ពី​អង្គភាព​ចំណុះ​កង​ទ័ព​ជើង​គោក​ និង​សម៉ីអង្គភាព​បញ្ជាការ​ដ្ឋាន​កាំភ្លើ​ងធំ​។ ក្រោយបញ្ចប់​ការ​សិក្សា​រៀន​សូត្រសិក្ខាកាម​ទទួល​បាន​និទ្ទេស​ពូកែចំ​នួន ​៨៨​នាក់​ និទ្ទេស​ល្អ​បង្គួរ​ចំនួន​​៣០​នាក់​។

  ឧត្តមសេនីយ៏​​ឯក​ ខឹ​មជា​ សា​ឃឿន ​មេ​បញ្ជាការ​រង​ និង​នាយ​សេនា​ធិការ​កង​ទ័ព​ជើង​គោក​ 


       នៅក្នុង​ឱកាស​នោះ​គណៈ​អធិប​តី​ក៏​បាន​អញ្ជើញ ​ជូន​ប័ណ្ណ​សរសើរ​ លិខិត​សរសើរ​ និង​វិញ្ញាណ​បនប័ត្រ​បញ្ជាក់​ការ​សិក្សា​ដល់​គ្រូ​យោធា​ចារ្យ​ នាយ​ទាហាន ​និង​សិក្ខាកាម​ជា​បន្ត​បន្ទាប់​។ ​ថ្លែង​ក្នុងពិធីបិទ​វគ្គនា​ពេល​នោះ ​ឧត្តមសេនីយ៏ឯក ខឹមជា សាឃឿន បាន​កោត​សរសើរ​ និ​ង​វាយ​តំលៃ​ខ្ពស់​ចំពោះកា​រខិត​ខំយ​ក​អស់​កម្លាំង​កាយ​ចិត្ត​ របស់ ​ឯកឧត្តម​ ​មេប​ញ្ជាការ​ ​មេប​ញ្ជាការ​រង​ គ្រប់​បណ្តា​អង្គភាព​ចំណុះ​បញ្ជាការដ្ឋាន​កាំភ្លើង​​ធំ​ កង​ទ័ព​ជើង​គោ​ក គ្រូ​យោធា​ចារ្យ ​និ​ងសិ​ក្ខាកាមទាំ​ង​អស់​ ដែល​បាន​រួម​សហការ​គ្នា ​ធ្វើឲ្យវគ្គ​បំប៉ន​ហ្វឹកហ្វឺន​ទាំង​ពីរបាន​ដំណើរការ​រហូត​ដល់​បញ្ចប់​វគ្គទៅ​តាម​ការ​គ្រោង​ទុក ​និង​ទទួល​លទ្ធផលជា​វិជ្ជមាន​។ ឯកឧត្តម​ បាន​បញ្ជាក់​ថា៖​ បញ្ជាការ​ដ្ឋាន​កាំភ្លើង​ធំ ​ជា​អង្គភាព​ជំនាញ​មួយ​ដែល​ដើរ​តួជា​សំខាន់​ ពិសេស​ជា​សេនាធិកា​រដឹក​នាំ​បញ្ជា គ្រប់​​គ្រង​កម្លាំង​ទ័ព​ជំនាញ ​គ្រឿង​បំពាក់​ សម្ភារៈបច្ចេកទេស​ កាំភ្លើង​ធំ​ ហើយ​ក៏​ជាកម្លាំង​ស្នូល​មួយ​ដ៏​មាន​សារៈ​សំខាន់​របស់​ក​ងទ័ព​ជើង​គោក​ ជា​កម្លាំ​ងគាំ​ទ្រ ​អន្តរាគមន៍ ​និង​ទប់​ទល់​ក្នុ​ង​ការ​វាយ​លុក​របស់​សត្រូវ​នៅ​លើស​មូរ​ភូមិ​។ ​ទន្ទឹម​នឹង​តួនាទី ​ភារកិច្ច​ចាំ​បាច់​នៃជំ​នាញ​កាំភ្លើង​ធំ​នេះ ​ឯកឧត្តម​ បាន​ស្នើរសុំឲ្យនាយ​ទាហាន ​នាយទាហាន​រង​ និង​ព​លទាហាន ​ទាំង​អ​ស់ត្រូវមាន​ជំនាញ​មួយ​ពិត​ប្រាកដ​ក្នុង​ការ​ដឹក​នាំ​បញ្ជា ​ការ​គ្រប់គ្រង​ ការ​ប្រើប្រាស់​ ការ​ថែរទាំគ្រឿង​បំពា​ក់រប​ស់កាំភ្លើង​ធំ​ ចេះធ្វើ​គំរោង​ផែន​កា​រប្រតិបត្តិការ​កាំភ្លើង​ធំ​ និង​ចេះ​ប្រើឧបករណ៏​កាំភ្លើង​ទំនើប​ ក្នុង​ការគិ​តគូរពីទិន្ន័យ​ បាញ់ជា​ក់​លាក់​ បញ្ចាកែរ បាញ់លឿន រហ័ស ចេះធ្វើផែនការប្រើប្រាស់​កាំភ្លើង ​និង​មាន​ប្រសិទ្ធភាព ដើម្បីសម្រេ​ចធានា​បាន​នូវការស​ម្រេច​ភារកិច្ច​ ដែ​លថ្នាក់​លើ​ប្រគល់​ជូន ។ ឧត្តមសេនីយ៏ឯក ខឹមជា សាឃឿន បានផ្តាំផ្ញើរដល់​សិក្ខាកាម​ទាំង​អស់​ពេល​វិល​ទៅ​អង្គភាព​ខ្លួន​វិញ​ ត្រូវយកចំណេះដឹ​ង​ដែល​ទទួល​បាន​ពីការ​សិក្សារៀន​សូត្រ​ទៅ​ប្រើប្រាស់​ឲ្យចំគោល​ដៅ​ និង​មាន​ប្រសិទ្ធ​ភាព​ បន្តចូលរួមពង្រឹ​ងប្រៀប​ការពា​រ ចូលរួមសហការ ការពារសុខសន្តិភាព និងការអភិវឌ្ឍន៏ ប្រទេសជាតិ​អោយ​មាន​ការ​រីក​ចំរើន​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ