ព័ត៌មាន

ឯកឧត្តម​ នាង​ ផាត​ ជួប​អនុព័ន្ធ​យោធា​ភូមា​ជំរាប​លា ​និង​អនុព័ន្ធ​យោធា ​កង​ទ័ព​ជើង​អាកាស​ភូមិន្ទ​ថៃ​ថ្មី​
នាយកដ្ឋានព័ត៌មាន(៣)
163
1998 ឯកឧត្តម​ នាង​ ផាត​ ជួប​អនុព័ន្ធ​យោធា​ភូមា​ជំរាប​លា ​និង​អនុព័ន្ធ​យោធា ​កង​ទ័ព​ជើង​អាកាស​ភូមិន្ទ​ថៃ​ថ្មី​

      កាល​ពី​សៀល​ថ្ងៃ​ទី​២៦​ ខែ​វិច្ឆិកា ​ឆ្នាំ២០២០ នាយ​ឧត្តម​សេនីយ៍​ នាង ​ផាត ​រដ្ឋ​លេខា​ធិការ​ ប្រចាំ​ការ ​ក្រសួង​ការ​ពារ​ជា​តិ បាន​អនុញ្ញាត្ត​ឲ្យ ​ឧត្តម​សេនីយ៏​ត្រី​ វីន​ កូកូ ​នាយ​ការិយា​ល័យ​អនុព័ន្ធ ​យោធា​សាធារណ​រដ្ឋ ​សហ​ភាព​មី​យ៉ា​ម៉ា​ ប្រចាំ​ព្រះ​រាជា​ណាចក្រ​កម្ពុជា ​ចប់​អាណត្តិ​បេសក​កម្ម​ការ​ទូត ​ចូល​ជួប​សម្តែង​ការ​គួរ​សម​ និង​ជម្រាប​លា​នៅ​បន្ទប់​សវនា​ការ​ទីស្តី​ការ​គណៈ​រដ្ឋមន្ត្រី​។ 

នាយ​ឧត្តម​សេនីយ៍​ នាង ​ផាត ​រដ្ឋ​លេខា​ធិការ​ ប្រចាំ​ការ ​ក្រសួង​ការ​ពារ​ជា​តិ និងឧត្តម​សេនីយ៏​ត្រី​ វីន​ កូកូ ​នាយ​ការិយា​ល័យ​អនុព័ន្ធ ​យោធា​សាធារណ​រដ្ឋ ​សហ​ភាព​មី​យ៉ា​ម៉ា​ ប្រចាំ​ព្រះ​រាជា​ណាចក្រ​កម្ពុជា ​ចប់​អាណត្តិ​បេសក​កម្ម​ការ​ទូត


       ឧត្តម​សេនីយ៏​ត្រី​ វី​ន កូកូ បាន​ថ្លែង​ថា៖​ នៅ​ក្នុង​ការ​បំពេញ​បេសក​កម្ម​របស់​លោក​ នៅ​ក្នុង​ព្រះ​រាជា ​ណា​ចក្រ​កម្ពុជា​ នា​ពេល​កន្លង​ម​ក លោក​ទទួល​បាន​ការ​ជួយ​ជ្រោម​ជ្រែង ​និង​សម្រួល​ដល់​ការ​ងារ​របស់​លោក ​ពី​សំណាក់​ក្រសួង​ការ​ពារ​ជាតិ​ ក៏​ដូច​ជា​បណ្តា​កង​ឯក​ភាព​នានា ​ទូទាំង​ខ.ភ.ម​ និង​ជួយ​បង្ក​លក្ខណៈ​ងាយ​ស្រួល​ ព្រម​ទាំង​មាន​កិច្ច​សហការ​ល្អ ​ដើម្បី​ឲ្យ​លោក​បំពេញ​ភារកិច្ច​ទទួល​បាន​លទ្ធផល​ ទទួល​បាន​ជោគ​ជ័យ។​ លោក​សង្ឃឹម​ថា៖​ ក្រសួង​ការ​ពារ​ជាតិ​កម្ពុជា​ នឹង​បន្ត​ជួយ​ដល់​លោក​អនុព័ន្ធ​យោធា ​ដែល​ទើប​មក​ទទួល​បេសក​កម្ម​បន្ទាប់​ ​នឹង​ទទួល​បាន​ការ​ជួយ​ឧបត្ថម្ភ​នឹង​គាំទ្រ​ដូច​លោក​ផ​ង​ដែរ​​។​ លោក​បាន​បន្ត​ទៀតថា​៖​ តាង​នាម​រដ្ឋាភិបាល​សាធារណរដ្ឋ​សហភាព​មី​យ៉ា​ម៉ា​ សូម​ថ្លែង​អំណរ​គុណ ​ចំពោះ​សម្តេច​តេជោ ​ប្រមុខ​ដឹក​នាំ​រាជ​រដ្ឋាភិបាល​កម្ពុជា ​ដែល​បាន​ជួយ​ផ្តល់​សម្ភារៈ​ដូច​ជា​ ​ម៉ាស់​ចំនួន ​២​លាន ​និង​សម្ភារៈ​វេជ្ជសាស្ត្រ​មួយ​ចំនួន ​សំរាប់​ការ​ទប់​ទល់​ជា​មួយ​ជំងឺ​កូវីដ​​១៩​​។ 

       ក្នុង​ឱកាស​នោះ ឯ​កឧត្តម​ នាង​ ផាត ​បាន​ថ្លែង​ជួស​មុខ​ក្រសួង​ការ​ពារ​ជាតិ ​និង​បណ្តា​កង​ឯក​ភាព​ទូទាំង​ ខ.ភ.ម​ សូម​ជូន​ពរ​​ចំពោះ ឧត្តម​សេនីយ៏​ត្រី​ វីន​ កូកូ ​នាយ​ការិយាល័យ​អនុព័ន្ធ ​យោធា​សាធារណ​រដ្ឋ​ សហ​ភាព​មី​យ៉ា​ម៉ា ​ប្រចាំ​កម្ពុជា​ ដែល​បាន​បញ្ចប់​ការ​បំពេញ​ភារកិច្ច​នៅ​កម្ពុ​ជា នា​ពេល​នេះ​ ទទួល​បាន​ជោគ​ជ័យ​នៅ​ពេល​ត្រឡប់​ទៅ​មាតុ​ប្រទេស​វិញ​។ ឯកឧត្តម​បាន​បន្ត​ទៀត​​ថា៖​ ក្នុង​អំឡុង​បំពេញ​ភារកិច្ច​នៅ​កម្ពុជា​ លោក​អនុពន្ធ័​យោធា​បាន​ខិត​ខំ​ពង្រឹង​ និង​ពង្រី​ក​ចំណង​សាមគ្គី​ភាព​, មិត្តភាព​ និង​បង្កើន​កិច្ច​សហប្រតិបត្តិ​ការ​ រវាង​    ប្រទេស​ទាំង​២ ​ពិសេស​កង​ទ័ព​ទាំង​២ ​កម្ពុជា-មីយ៉ាន់​ម៉ា​ ឲ្យ​កាន់​តែ​រឹង​មាំទៀ​ត​ផង​។

       បន្ទាប់​មក​​នៅ​រសៀល​ថ្ងៃ​ដដែល​នោះ​ដែរ​ ឯកឧត្តម ​នាង ​ផាត ​ក៏​​បាន​អនុញ្ញាត្ត​ឲ្យ​ លោក​វរសេនីយ៍​ឯក ​អនិរុទ្ទ​ រដ្ឋៈផន ​ដែល​ទើប​បាន​តែង​តាំង​ថ្មី​ ជា​សេនានុព័ន្ធ​កង​ទ័ព​ជើង​អាកាស​ និង​ជា​នាយ​រង​ការិយា​ល័យ​សេនា​នុ​ព័ន្ធ​កង​ទ័ព​ភូមិន្ទ​ថៃ​ ប្រចាំ​កម្ពុជា​។​ ក្នុង​ជំនួប​នោះ​ដែរ​ ឯកឧត្តម​ នាង ​ផាត​ បាន​ថ្លែង​នូវ​ការ​ស្វាគមន៍ ​ចំពោះ ​វរសេនីយ៍​ឯក​ អនិរុទ្ទ ​រដ្ឋៈ​ផន​ ដែល​ទើប​តែង​តាំង​ថ្មី​មក​បំពេញ ​បេសក​កម្មការ​ទូត ​នៅ​កម្ពុជា ​ដោយ ​ឯកឧត្តម​ បាន​មាន​ជំនឿ​យ៉ាង​មុត​មាំ​ថា​៖ តាម​រយៈ​បេសក​កម្ម​ការ​ទូត​រប​ស់​លោក ​ពិត​ជា​បាន​រួម​ចំ​ណែក​យ៉ាង​ធំ​ធេង ​ក្នុង​ការ​ពង្រឹង​ពង្រីក​ ចំណង​មិត្ត​ភាព​ និង​កិច្ច​សហប្រតិបត្តិ​ការ​ រវាង​កង​ទ័ព​ប្រទេស​ពីរ​ ឲ្យ​កាន់​តែ​ប្រសើរ​ឡើង​ថែម​ទៀត​។​ ឯកឧត្តម ​នាង​ ផាត​ បាន​បញ្ជាក់​ថា​៖​ កន្លង​មក​ក៏​ដូច​ជា​បច្ចុប្បន្ន ​កង​ទ័ព​ប្រទេស​ទាំង​ពីរ​ តែង​បាន​រួម​គ្នា​បង្កើន​នូវ​កិច្ច​សហប្រតិបត្តិការ​​ជា​មួយ​គ្នា ​បា​នយ៉ាង​ល្អ​ប្រសើរ​ចាប់​តាំង​ ពី​ថ្នាក់​ដឹក​នាំ​កំពូល​រហូត​ដល់​ថ្នាក់​ក្រោម​ ជា​ពិសេស​កិច្ច​ទំនាក់​ទំន​ងនៅ​តាម​បន្ទាត់​ព្រំ​ដែន​ ដើម្បី​ប្រែ​ក្លាយ​តំបន់​ព្រំ​ដែន​ជា​តំបន់​សន្តិភាព ​មិត្តភាព​ កិច្ច​សហប្រតិបត្តិ​ការ​ និង​ការ​អភិវឌ្ឍ​។​ 

នាយ​ឧត្តម​សេនីយ៍​ នាង ​ផាត ​រដ្ឋ​លេខា​ធិការ​ ប្រចាំ​ការ ​ក្រសួង​ការ​ពារ​ជា​តិ និងលោក​វរសេនីយ៍​ឯក ​អនិរុទ្ទ​ រដ្ឋៈផន ​ដែល​ទើប​បាន​តែង​តាំង​ថ្មី​ ជា​សេនានុព័ន្ធ​កង​ទ័ព​ជើង​អាកាស​ និង​ជា​នាយ​រង​ការិយា​ល័យ​សេនា​នុ​ព័ន្ធ​កង​ទ័ព​ភូមិន្ទ​ថៃ​ ប្រចាំ​កម្ពុជា


       ក្នុង​ឱកាស​នោះ​ លោក​វរសេនីយ៍​ឯ​ក ភិស្នុ ​សា​រ៉ាត់​ធី ​បាន​ថ្លែង​អំណរ​គុណ​ចំពោះ​ថ្នាក់​ដឹ​ក​នាំ​ក្រសួង​ការ​ពារ​ជាតិ​ និង​បណ្ដា​អង្គភាព​ ក្នុង​ក​ងយោធ​ពល​ខេមរ​ភូមិន្ទ​ ដែល​បាន​ផ្តល់​កិច្ច​សហការ ​និង​ជួយ​សម្រួល​កិច្ចការ​នានា​ បាន​ល្អ​ក្នុង​ពេល​កន្លង​មក​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ