ព័ត៌មាន

មិទ្ទីញ​ប្រារព្ធ​ខួប​៤​១​ឆ្នាំ​ ទិវា​ជ័យ​ជម្នះ ​៧​មករា​ ១៩៧៩​-​២០២០ ​!
នាយកដ្ឋានព័ត៌មាន(៣)
51
1392 មិទ្ទីញ​ប្រារព្ធ​ខួប​៤​១​ឆ្នាំ​ ទិវា​ជ័យ​ជម្នះ ​៧​មករា​ ១៩៧៩​-​២០២០ ​!

    អស់រយៈពេល៤១ឆ្នាំ! ផ្តើមចេញពីថ្ងៃជ័យជម្នះ៧ មករា ឆ្នាំ១៩៧៩ កម្ពុជា​មានការវិវត្តន៍ ១៨០អង្សា ចាកចេញ​ពី​គំនរ​ផេះផង់​ នៃរបបប្រល័យពូជសាសន៍ ប៉ុល ពត ឆ្ពោះទៅរកការអភិវឌ្ឍលើគ្រប់វិស័យ ក្រោមម្លប់សន្តិភាព នៃនយោបាយឈ្នះ ឈ្នះ របស់ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។ ក្នុង​រយៈ​ពេល​៤១​ឆ្នាំ ​ផ្តើមចេញជ័យជម្នះ ៧​ មករា ១៩៧៩ កម្ពុជាសម្រេចបាននូវការកែប្រែមុខមាត់ ដែលគ្មាន​អ្ន​ក​ណានឹ​ក​ស្មាន​ដល់​។ កម្ពុជាពីមុន ដែលត្រូវបានទទួលការញ៉ាំញី និងបំផ្លិចបំផ្លាញដោយសង្គ្រាមរ៉ាំរ៉ៃ ការបែកបាក់​ជាតិ​ និង​បែងចែកទឹកដី អសន្តិសុខគ្រប់ទីកន្លែង ឥឡូវបានក្លាយជាប្រទេសដែលមានសន្តិភាពពេញ​លេញ ​មាន​ការបង្រួបបង្រួមជាតិ​ និងឯកភាពទឹកដីទាំងស្រុង មានសន្តិសុខរឹងមាំ និង​និយាយ​ដោយ​ឡែក​ខេត្ត​សៀម​រា​ប បាន​ក្លាយ​ជា​តំបន់​ទេស​ចរណ៍​ប្រកបដោយភាពទាក់ទាញ​មួយ​ នៅក្នុងតំបន់ និងពិភពលោក ហើយ​មាន​ប្រជាជន​រស់​នៅ ​ក្នុងសុខសន្តិភាពយ៉ាងសុខដុមរមនា ទាំងក្នុងគ្រួសារ ទាំងក្នុងសហគមន៍ និង ក្នុងសង្គម​ជាតិ​ទាំង​មូល អ​រគុណ! សន្តិភាព។ មិទ្ទីញអបអរសាទរខួប អនុស្សាវរីយ៍លើកទី៤១ នៃទិវាជ័យជម្នះ ៧ មករា ១៩៧៩-២០២០​នេះ​ បានប្រព្រឹត្តទៅក្រោម​អធិបតី​ភាព​ សម្តេចពិជ័យសេនា ទៀ បាញ់ ឧបនាយក​រដ្ឋមន្ត្រី ​រដ្ឋមន្ត្រីក្រសួងការពារជាតិ និង​ជា​ប្រធាន​ក្រុម​ការ​ងារថ្នាក់​ជាតិ ​ចុះ​មូលដ្ឋានខេត្តសៀមរាប នាព្រឹកថ្ងៃទី០៧ ខែមករា ឆ្នាំ២០២០ នៅបរិវេណសួនច្បារព្រះរាជដំណាក់ ខេត្តសៀមរាប។

សម្តេចពិជ័យសេនា ទៀ បាញ់ ឧបនាយក​រដ្ឋមន្ត្រី ​រដ្ឋមន្ត្រីក្រសួងការពារជាតិ និង​ជា​ប្រធាន​ក្រុម​ការ​ងារថ្នាក់​ជាតិ ​ចុះ​មូលដ្ឋានខេត្តសៀមរាប


     បន្ទាប់ពីបានស្តាប់នូវសេចក្តីថ្លែងសន្ទរកថា របស់សម្តេចតេជោ ហ៊ុន សែន នាយករដ្ឋមន្រ្តី នៃព្រះ​រាជាណា​ចក្រ​កម្ពុជា ជាប្រធានគណបក្សប្រជាជនកម្ពុជា ក្នុងឱកាសមិទ្ទីញរំព្ញកខួបលើកទី៤១ នៃទិវាជ័យជម្នះ ៧ មករា ​ដែល​ផ្សាយ​បន្ត​ផ្ទាល់​តាម​ប្រព័ន្ធ​ផ្សព្វ​ផ្សាយ​ទូរទស្សន៍​ជាតិ​រួចម​ក​ មា​ន​ប្រសាសន៍​សំណេះ​សំណាល​នាឱកាសនោះ​ដែរ​ សម្តេចពិជ័យសេនា ទៀ បាញ់ បានធ្វើការបញ្ជាក់នូវខ្លឹមសារ នៃសេចក្តីថ្លែងសន្ទរកថានោះ​បន្ត​ថា​៖  កម្ពុជា​ គឺ​ជាទឹកដី​នៃសេរីភាព ដែលមានការគោរពយ៉ាងខ្ជាប់ខ្ជួន នូវគោលការណ៍ នៃលទ្ធិប្រជាធិបតេយ្យ សេរី​ពហុបក្ស​ តាម​រយៈ​នៃ​ការ​រៀប​ចំ​ការ​បោះឆ្នោត​យ៉ាង​ទៀង​ទាត់​ដោយ​សេរី​ ត្រឹមត្រូវ និង យុត្តិធម៌ និងជារដ្ឋដែល​គោរ​​ព​គោល​ការ​ណ៍ច្បាប់ដោយឥតងាករ៉េ ប្រជាពលរដ្ឋគ្រប់​រូប​មាន​សិទ្ធិសេរីភាព​ស្នើភាព​​គ្នា នៅចំពោះមុខច្បាប់​។ កម្ពុជា​ដែល​ពី​មុនត្រូវបាន​គេ​ប្រមាថ​មើល​ងាយ​ត្រូវ​បាន​គេ​ហ៊ុម​ព័ទ្ធ​ និង​ឯកោ​ខាង​នយោបាយ ​និង​សេដ្ឋកិច្ច ​ឥឡូវ​គឺជារដ្ឋឯករាជ្យមួយ​ ដែលមានអធិបតេយ្យ បូរណភាពទឹកដីពេញលេញ ហើយកំពុងពង្រីក​សមា​ហរណ​កម្ម​ខ្លួន​យ៉ាង​សកម្ម​ទៅ​ក្នុង​រចនា​សម្ព័ន្ធ និងនិម្មាបនកម្មនៃតំបន់ និងពិភពលោក ព្រមទាំងកំពុងបំពេ​ញ​តួនាទី​យ៉ាងសកម្មដោយស្មើភាព និងស្មើសិទ្ធិនូវ​រាល់​កិច្ចការក្នុងតំបន់ និងអន្តរជាតិ។ កម្ពុជាពីមុនជាប្រទេស ​ធ្លាប់​ទទួល​កង​កម្លាំងរក្សាសន្តិភាព​របស់អង្គការសហប្រជាជាតិ ឥឡូវបានក្លាយជាប្រទេសបញ្ជូនកងកម្លាំង​របស់​ខ្លួន​ ទៅចូលរួមក្នុងបេសកកម្មថែរក្សាសន្តិភាពរបស់អង្គការសហប្រជាជាតិ នៅបណ្តាប្រទេសជាច្រើន​លើ​ពិភព​លោក​។ កម្ពុជាដែលពីមុនជាប្រទេសអន់ថយបំផុត​ ខាងផ្នែកសេដ្ឋកិច្ច គ្របដណ្តប់ដោយភាពក្រី​ក្រ​ខ្វះ​ខាត​ស្បៀង​យ៉ាង​ធ្ងន់ធ្ងរ តែឥឡូវនេះកម្ពុជា បានក្លាយជាប្រទេសដែលនាំស្រូវ-អង្ករចេញទៅលក់នៅក្រៅ​ប្រទេស ​ជាមួយ​នឹង​ធានា​បាន​យ៉ាង​គត់​មត់​នូវសន្តិសុខ​ស្បៀង ​ហើយ​បាន​ស្ថិត​នៅ​ក្នុ​ងចំណោមប្រទេសដែល​មាន​កំណើនសេដ្ឋកិច្ចខ្ពស់ និងលឿនជាងគេនៅលើពិភពលោក សម្រេចបានវឌ្ឍនភាពដ៏ល្អប្រសើរ ក្នុងការ​កាត់​បន្ថយ​ភាព​ក្រីក្រ​ និង​កែ​លម្អ​សូច​នាករផ្នែកសង្គមិច្ច និងលើស​ពី​នេះ​ទៀត​ កម្ពុជា​បាន​ឆ្លង​កាត់​ដោយ​ជោគ​ជ័យ​ ពី​ប្រទេស​មាន​ចំណូល​ទាប​ ក្លាយជាប្រទេ​ស​មាន​ចំណូល​មធ្យមកម្រឹតទាប ព្រមទាំងកំពុងប្រឹងប្រែង ដើម្បី​បាន​ក្លា​យ​ជា​ប្រទេស​មាន​ចំណូល​មធ្យម​កម្រឹត​ខ្ពស់​ ក្នុងឆ្នាំ២០៣០ និងជាប្រទេសមានចំណូលខ្ពស់នៅក្នុងឆ្នាំ​២០៥០។

     ពិធី​ប្រារព្ធខួបអនុស្សាវរីយ៍៤១ឆ្នាំ នៃថ្ងៃជ័យជម្នះ៧មករា ( ១៩៧៩-២០២០ )នៅខេត្តសៀមរាប មានព្រះសង្ឃ ប្រជាជន មហាជន មន្រ្តីរាជការមកពីគ្រប់បណ្តាមន្ទីរ-អង្គភាពជុំវិញខេត្ត កងកម្លាំងប្រដាប់អាវុធ សិស្ស និស្សិត វិស័យឯកជន សរុបប្រមាណជាង១ពាន់នាក់ ជាមួយភាពអធឹកអធមនោះ ក្រោមការរៀបចំដោយអាជ្ញា​ធរ​ខេត្តសៀមរាប ព្រមទាំងបានធ្វើការដាក់តាំងពិព័រណ៌ នៃកម្រងរូបភាពជាប្រវត្តិសាស្ត្រនៃកម្ពុជាពីឆ្នាំ១៩៥៣ និង សមទ្ធិផលនានាដែលកើតឡើងក្រោមដំបូល សន្តិភាព ដែលរៀបចំឡើងដោយយុវជនគណបក្សប្រជាជនកម្ពុជាខេត្ត ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ