ព័ត៌មាន

នាយ​ឧត្តម​សេនីយ៍​ សៅ សុខា អញ្ជើញ​ជា​អធិបតី​ភាព​ក្នុង​ពិធី​បើក​សិក្ខា​សាលា​ ស្តី​ពី​ប្រតិបត្តិការ​បច្ចេក​វិទ្យា​​កង​​រាជ​អាវុធ​ហត្ថ​
នាយកដ្ឋានព័ត៌មាន(៣)
25
1338 នាយ​ឧត្តម​សេនីយ៍​ សៅ សុខា អញ្ជើញ​ជា​អធិបតី​ភាព​ក្នុង​ពិធី​បើក​សិក្ខា​សាលា​ ស្តី​ពី​ប្រតិបត្តិការ​បច្ចេក​វិទ្យា​​កង​​រាជ​អាវុធ​ហត្ថ​

    ឯកឧត្តម ​នាយ​ឧត្តមសេនីយ៍​ សៅ សុខា​ អគ្គមេ​បញ្ជាការ​រង​ នៃ​កងយោធ​ពល​ខេមរ​ភូមិន្ទ​ មេ​បញ្ជាការ​កង​រាជ​អាវុធ​ហត្ថ​លើផ្ទៃ​ប្រទេស​ បាន​អញ្ជើញជា​អធិបតីភាព​ ក្នុង​ពិធីបើកសិក្ខាសាលាស្តី​ពី​ប្រតិបត្តិការ​បច្ចេក​វិទ្យា​កង​រាជ​អាវុធ​ហត្ថ​។ កម្មវិធីនេះប្រព្រឹត្ត​ទៅនា​ព្រឹក​ថ្ងៃ​ព្រហស្បតិ៍​ ទី២៨​ ខែវិច្ឆិកា​ ឆ្នាំ២០១៩ នៅសាល​ប្រជុំ​អគារ​សេនា​ធិការ​ដ្ឋាន​ នៃ​បញ្ជាការដ្ឋាន​កង​រាជអាវុធហត្ថ​លើ​ផ្ទៃ​ប្រទេស​ ដោយមានការអញ្ចើញ​ចូល​រួម​ពី​សំណាក់​ ឧត្តម​​សេនីយ៍​ឯក​ ជា​ ពៅ ប្រធាន​នាយក​ដ្ឋាន​ប្រឆាំង​បទ​ល្មើស​​បច្ចេក​វិទ្យា​អគ្គ​ស្នង​ការ​ដ្ឋាន​នគរ​បាល​ជាតិ​, ​ឧត្តម​សេនីយ៍​ទោ​ អៀ លី​សក្កិ​ នាយក​មជ្ឈមណ្ឌល​ហ្វឹក​ហ្វឺន​ ជួស​ជុល​បញ្ជូន​សារ​ ក្រសួង​ការ​ពារ​ជាតិ​, នាយ-នាយ​រង​សេនាធិការ​, ស្នងការ-ស្នងការរង, មេបញ្ជាការកងរាជអាវុធហត្ថតាមបណ្តារាជធានី-ខេត្ត និងនាយក​វិទ្យា​ស្ថាន​កំបូល​, នាយកមជ្ឈមណ្ឌលភ្នំជំរាយ, នាយ-​នាយរង​ការិយាល័យ​ ព្រម​ទាំង​នាយ​អាវុធ​ហត្ថ​ដែល​មាន​ការ​ពាក់​ពន្ធ​ជាច្រើន​រូប​ទៀត​។​

 ឯកឧត្តម ​នាយ​ឧត្តមសេនីយ៍​ សៅ សុខា​ អគ្គមេ​បញ្ជាការ​រង​ នៃ​កងយោធ​ពល​ខេមរ​ភូមិន្ទ​ មេ​បញ្ជាការ​កង​រាជ​អាវុធ​ហត្ថ​លើផ្ទៃ​ប្រទេស


    នាយ​ឧត្តម​សេនីយ៏​ សៅ​ សុខា បាន​មាន​ប្រសាសន៍​ថា​៖​ ការ​បើក​សិក្ខា​សាលា​ស្តី​ពី​ប្រតិបត្តិ​ការ​បច្ចេក​វិទ្យា​ថ្ងៃ​នេះ​ គឺ​ដើម្បី​បង្កើន​សមត្តភាព​ឱ្យ​បានកាន់​តែ​ស៊ី​ជម្រៅ​ ពាក់​ពន្ធ័​ទៅ​នឹង​ការ​ប្រើ​ប្រាស់​បណ្ដាញ​សង្គម ​ឱ្យ​បាន​ទូលំ​ទូលាយ​ និង​ត្រឹមត្រូវទៅតាមបរិបទ នៃការវិវឌ្ឈន៏ជឿនលឿនយ៉ាងឆាប់រហ័ស​ នៃ​បច្ចេក​វិទ្យានាពេលបច្ចុប្បន្ន​ និង​យល់​ជ្រួត​ជ្រាប​ពី​ច្បាប់​ទាក់​ទង​ទៅ​នឹង​បទ​ល្មើស​បច្ចេក​វិទ្យា​ និង​បទ​ល្មើសថ្មីៗ​នាពេ​លស​ព្វ​ថ្ងៃ​នេះ។​ បន្ទាប់​​ម​ក​ទៀត​​ នាយ​ឧត្តមសេនីយ៍​ក៏​បាន​ផ្តាំ​ផ្ញើ​ និង​ផ្តល់​អនុសាសន៍​មួយ​ចំនួន​ដល់​សិក្ខា​កាម​ទាំង​អស់​ ដែល​បាន​មក​សិក្សា​អង្គ​សិក្ខា​សាលា​ថ្ងៃ​នេះ​គឺ​ ១/.​យក​ចិត្ត​ទុក​ដាក់​ស្តាប់​ និង​បទ​បង្ហាញ​លោក​គ្រូ​ឧទ្ទេនាម​ផ្នែក​បច្ចេក​ទេស​។ ២/.​ចែក​ជា​ក្រុម​ដើម្បី​ធ្វើ​ការ​ពិភាក្សា​​ផ្លាស់​ប្តូរ​នូវ​បទ​ពិសោធន៍​ការ​ងារ​កន្លង​មក​, ការ​ងារ​ប្រើ​ប្រាស់​ឧបករណ៍​បច្ចេក​វិទ្យា​ផង​ និង​បទ​ពិសោធន៍​ការ​ងារ​ស្រាវ​ជ្រាវ​ និង​ព័ត៌​មាន​សន្តិសុខ​ផង​ ហើយ​ចែក​ជា​ក្រុម​ពិភាក្សា​​នោះ​ ត្រូវ​តែ​មាន​អ្នក​កត់​ត្រា​។ ៣/.​អ្វី​ដែល​ទាក់​ទង​ទៅ​នឹង​សម្ភារៈ​បច្ចេក​វិទ្យា​ ដើម្បី​បំរើ​ឱ្យ​ក្នុង​អង្គសិក្ខា​សាលា​បាន​រលូន​ គឺ​សុំ​ឱ្យ​ជំនាញ​ដែល​មាន​ការ​ពាក់​ពន្ធ​ទាំង​អស់​ បន្ត​យក​ចិត្ត​ទុក​ដាក់ធ្វើយ៉ាងណាបង្កលក្ខណៈ​ឱ្យ​ការ​បើក​សិក្ខា​សាលា​ស្តី​ពី​ប្រតិបត្តិការ​បច្ចេក​វិទ្យា​ថ្ងៃ​នេះ​ ទទួល​បាន​ជោគ​ជ័យ​។ ៤/.​សិក្ខា​សាលា​ត្រូវ​មាន​សេចក្កី​ប្រកាស​អំពី​បទ​បញ្ជា​ផ្ទៃ​ក្នុង​, ក្នុង​នោះពេ​ល​វេលា​ចេញ​ ចូល, ស្តាប់​ និង​តាម​ដាន។ ហើយ​នៅ​ពេល​បញ្ចប់​អង្គ​សិក្ខា​សាលា​នេះ​ទៅ​ អស់​លោក​ទាំង​នោះ​កាន់​តែ​មាន​ចំណេះដឹ​ង​ពិត​ប្រាកដ​, មាន​សមត្ថភាព​ និង​អនុវត្ត​បាន​នូវ​តួនាទី​ ភារ​កិច្ច​រប​ស់​ខ្លួន​ ក៏​ដូច​ជាលើក​កម្ពស់​កិត្យា​នុភាព​ដល់​កង​រាជអាវុធហត្ថ​ទាំង​មូល​ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ