ព័ត៌មាន

ឯកឧត្តម​ នាង​ ផាត​ ជួប​ប្រតិភូ​សាលា​បណ្ឌិត​សភា​ការ​ពារ​ជាតិ​ជប៉ុន​
នាយកដ្ឋានព័ត៌មាន(៣)
96
1314 ឯកឧត្តម​ នាង​ ផាត​ ជួប​ប្រតិភូ​សាលា​បណ្ឌិត​សភា​ការ​ពារ​ជាតិ​ជប៉ុន​

     ក្នុង​ជំនួប​សំដែងការគួរសមជាមួយ ឯ.ឧ នាយឧត្តមសេនីយ៏ នាង ផាត រដ្ឋលេខាធិការប្រចាំការ ក្រសួងការ​​ពារ​ជាតិ ​នាព្រឹកថ្ងៃទី២៥ ខែវិច្ឆិកា​ ឆ្នាំ​២០១៩​ ឯ.ឧ គូកូប៊ុន រីយ៉ូស៊ីអិ នាយក​សាលា​បណ្ឌិតសភា​ ការ​ពារ ​ជាតិ​ជប៉ុ​ន ​បានថ្លែងជំនួសមុខឲ្យរដ្ឋាភិបាល និងកង​ទ័ព​ជប៉ុន ពិសេសប្រតិភូនៃសាលាបណ្ឌិតសភា ការពារជាតិ​ជប៉ុន ​បានសំ​ដែង​នូវការ​អរគុណ​យ៉ាងជ្រាលជ្រៅ​ ចំពោះក្រសួងការពារជាតិ ដែលបាន​អនុញាតិឲ្យលោក និង​ប្រតិភូ​បាន​ចូលជួបសំ​ដែង​ការ​គួរ​សម​ ដើម្បីបានពង្រឹងពង្រីក ចំណងទាក់ទង កិច្ចសហប្រតិបត្តិការ នៃការ​រឹត​ចំណង​សាមគ្គីភាព មិត្តភាព រវាងកងទ័ពទាំងពីរ ជប៉ុន និងកម្ពុជា ពិសេសសាលកវិទ្យាល័យការពារជាតិ ប្រទេសទាំងពីរ ឲ្យកាន់តែមានភាពជិតស្និទ្ធ។ ឯកឧត្តម​​បាន​បន្ត​ទៀត​ថា៖​ ចំពោះសិក្ខាកាមរបស់ខ.ភ.ម ទាំង​អស់​ ដែល​បានទៅ​បណ្ដុះបណ្ដាលនៅប្រទេសជប៉ុន គឺសុទ្ធតែទទួលបានលទ្ធផលល្អ និងប្រកបដោយផ្លែផ្កា  ហើយ​ឯកឧត្តម​សង្ឃឹម​ថា​ ពួកគេនឹងក្លាយ​ជានាយទាហានដ៏មានវិជ្ជាជីវៈពេញលេញ​ សម្រាប់បម្រើឲ្យខ.ភ.មទៅថ្ងៃ​អនាគត​។​ ឯកឧត្តម​បានប​ន្ត​ទៀត​ថា​៖ សាលាបណ្ឌិត​សភា​ការពារ​ជាតិ​ជប៉ុន​ នឹងត្រៀមទទួលសិក្ខាកាម កម្ពុជា​ ដើម្បីទៅបណ្ដុះបណ្ដាលនូវ​ជំនាញដ៏ល្អៗ ដើម្បីឲ្យពួកគេមានលទ្ធភាពមកបម្រើជំនាញផ្សេងៗ​។ ឯកឧត្ដម​បាន​បញ្ជាក់​ថា​៖​ គោលបំណងរបស់គណៈប្រតិភូរបស់ឯកឧត្តម​ មាន​វត្ត​មាន​នៅពេ​ល​នេះ​ គឺ​បន្តពង្រឹង​ និង​ពង្រីក​កិច្ចសហប្រតិបត្តិការឲ្យកាន់តែរឹងមាំបន្ថែមទៀត រវាងសាលាបណ្ឌិតសភាការពារជាតិ ជប៉ុននិង​សាលក​វិទ្យាល័យ​ការ​ពារ​ជាតិកម្ពុជា ហើ​យម៉្យាងទៀតប្រតិភូចង់មកពិនិត្យមើលសមត្ថភាពរបស់នាយទាហាន​កម្ពុជា​ ដែលត្រូវទៅ​បំពេញ​ការ​សិក្សា​នៅ​ប្រទេស​ជប៉ុន​​ នា​ពេល​ខាង​មុខ។

 ឯ.ឧ នាយឧត្តមសេនីយ៏ នាង ផាត រដ្ឋលេខាធិការប្រចាំការ ក្រសួងការ​​ពារ​ជាតិ និងឯ.ឧ គូកូប៊ុន រីយ៉ូស៊ីអិ នាយក​សាលា​បណ្ឌិតសភា​ ការ​ពារ ​ជាតិ​ជប៉ុ​ន


    មាន​ប្រសាសន៏​តប​ក្នុង​ឱកាសនោះ ​ឯ.ឧ នាយឧត្តមសេនីយ៏ នាង ផាត បានបញ្ជាក់ថា៖ រវាងកងទ័ព​យើង​ទាំង​២​ ជប៉ុន និងខ ភ ម ធ្លាប់មានប្រវត្តិទំនាក់ទំនងកិច្ចសហប្រតិបត្តិការល្អជាមួយគ្នា តាំងពីយូរណាស់មកហើយ ហើយយើងនឹងបន្តពង្រឹងពង្រីកកិច្ចសហប្រតិបត្តិការនេះ ឲ្យកាន់តែប្រសើរឡើងថែមទៀត។ ឯ.ឧ បានបន្តទៀតថា៖ ចាប់តាំងពីដើមរៀងមក រាជរដ្ឋាភិបាលជប៉ុនតែងតែផ្តល់ជំនួយទាំងការងារនយោបាយ និង សេដ្ឋកិច្ច​ដល់​កម្ពុជា​​ជារៀងរហូត ហើយនៅតែបន្តជួយកម្ពុជាជារៀងរហូត។ ពេលនេះកងទ័ពជប៉ុន តែង​តែ​ជួយ​ឧបត្ថម្ភទាំងស្មារតី, ការបណ្តុះបណ្តាលធនធានមនុស្ស និង​ជា​សំភារៈ ពិសេសនាយទាហាន ជាន់ខ្ពស់របស់ កង​យោធពល​ខេមរភូមិន្ទមួយចំនួន ទើបតែបានបញ្ចប់ការសិក្សានៅប្រទេសជប៉ុន ហើយបានមកបំពេញការ​ងារ​យ៉ាង​ល្អ​។​ ឯ.ឧ ​ក៏​បានបញ្ជាក់ថា៖ បច្ចុប្បន្ននាយទាហាន​ដែល​​កំពុងសិក្សានៅប្រទេសជប៉ុន មានចំនួន ៣០ នាក់​ ហើយបានខិតខំរៀនសូត្របានយ៉ាងល្អទៀតផង ទាំងការស្នាក់នៅ និងការហូបចុក។ ចុងក្រោយ ឯ.ឧ រដ្ឋលេខាធិការ​បានសំណូមពរដល់សាលាបណ្ឌិត​សភា​ ការពារជាតិជប៉ុន ជួយបង្កើនបរិមាណអាហារូបករណ៏ឲ្យដល់នាយ​ទាហាន​កម្ពុជា បានទៅសិក្សានៅប្រទេសជប៉ុនឲ្យបានកាន់តែច្រើនថែមទៀតផង ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ