ព័ត៌មាន

នាយ​ឧត្តម​សេនីយ៍​ សៅ ​សុខា ​អញ្ជើញ​បើក​វគ្គ​បំប៉ន​នាយ​ទាហាន​គ្រប់​គ្រង​កង​អន្តរាគមន៍​កង​រាជ​អាវុធ​ហត្ថ​
នាយកដ្ឋានព័ត៌មាន(៣)
230
1312 នាយ​ឧត្តម​សេនីយ៍​ សៅ ​សុខា ​អញ្ជើញ​បើក​វគ្គ​បំប៉ន​នាយ​ទាហាន​គ្រប់​គ្រង​កង​អន្តរាគមន៍​កង​រាជ​អាវុធ​ហត្ថ​

     នៅ​មជ្ឈមណ្ឌលហ្វឹកហ្វឺន កងរាជអាវុធហត្ថភ្នំជំរាយ ខេត្តកំពង់ឆ្នាំង ថ្ងៃទី១៩ ខែវិច្ឆិកា ឆ្នាំ២០១៩ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង​ នៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងពិធី បើកវគ្គបំប៉ននាយទាហានគ្រប់គ្រងកងអន្ត​រាគមន៍​កង​រាជ​អាវុធហត្ថ​។

ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង​ នៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស


     ថ្លែងក្នុងពិធីបើកវគ្គ ឯកឧត្តម នាយឧត្តមសេនីយ៍ សៅ សុខា បានថ្លែងនូវការកោតសរសើរ នូវគ្រប់ផ្នែកទាំង​អស់​ ដែលបានរៀបចំត្រៀមបើកវគ្គនាថ្ងៃនេះ និងរយៈពេលកន្លងមកបានខិតខំប្រឹងប្រែង យកអស់ស្មារតីទទួលខុសត្រូវខ្ពស់ ក្នុងការរួមចំណែកអនុវត្តនូវបទបញ្ជារបស់រាជរដ្ឋាភិបាល ក៏ដូចជាកងយោធពលខេមរភូមិន្ទ ក៏ដូចជាការទប់ស្កាត់ការប៉ុនប៉ងធ្វើរដ្ឋប្រហារ​ របស់ក្រុមទណ្ឌិត សម រង្សី ដែលបានធ្វើឱ្យផែន​ការ​ផ្តូល​រំលំ​រាជរដ្ឋាភិបាលត្រូវបរាជ័យ។ ឯកឧត្តម បានបញ្ជាក់ថា៖ កន្លងមក​កងរាជអាវុធហត្ថ បានអនុវត្តភារកិច្ចស្នូលសំខាន់ៗ ជាច្រើន ក្នុងនោះមានការងារកសាងធនធានមនុស្ស ការងារកសាងអង្គភាព កន្លែងស្នាក់នៅធ្វើ​ការ​ ទីលានហ្វឹកហាត់ ការងារអប់រំចិត្តសាស្ត្រ ការងារអប់រំហ្វឹកហ្វឺនលើកកម្ពស់សមត្ថភាព ការងារធានាមធ្យោ​បាយ​គ្រឿង​បំពាក់ ​ជាពិសេសការងារចិញ្ចឹមថែទាំសុខភាពកងទ័ព និងការអនុវត្តគោលនយោបាយលើកទឹក​ចិត្ត ការដោះស្រាយទុក្ខលំបាកក្នុងកងរាជអាវុធហត្ថ។ ឯកឧត្តម សៅ​ សុខា បានបន្តថា៖ តាមរយៈការខិត​ខំ​ប្រឹង​ប្រែងទាំងអស់នេះ​ បានធ្វើឱ្យកងរាជអាវុធហត្ថមានភាពរឹងមាំ ហើយរ៉ាប់រ៉ងយ៉ាងមានប្រសិទ្ធិភាពនូវតួនាទីភារកិច្ច គឺការថែរក្សាសន្តិសុខសណ្តាប់ធ្នាប់ ពង្រឹងការអនុវត្តច្បាប់ បង្ក្រាបបទល្មើស រួមចំណែកក្នុងការរក្សា​បាននូវសន្តិភាព ស្ថេរភាពនយោបាយ ដែលជាលក្ខណៈមិនអាចខ្វះបាន ក្នុងការកសាង ការអភិវឌ្ឍន ភាព​រីក​ចម្រើន​ នៃប្រទេសជាតិរបស់យើង។

     តាមរយៈពិធីបើកបំប៉ននាយទាហានគ្រប់គ្រងកងអន្តរាគមន៍កងរាជអាវុធហត្ថ ឯកឧត្តម បានសំណូមពរដល់យោធាចារ្យ គ្រូឧទ្ទេសនាម ត្រូវយកមេរៀនល្អៗ ងាយយល់ ងាយចាំ និងមានប្រសិទ្ធិភាពខ្ពស់។ អ្នកដែលមាន​ការពាក់ព័ន្ធទាំងអស់ ត្រូវយកស្មារតីទទួលខុសត្រូវខ្ពស់ ទាំងការងារបុគ្គលិក ការងារភស្តុភារ ការងារសម្ភារៈ​បច្ចេកទេស និងការងារហិរញ្ញវត្ថុ ត្រូវយកចិត្តទុកដាក់តាមតួនាទីរៀងៗខ្លួន ដើម្បីឱ្យវគ្គនេះដំណើរការប្រកប​ដោយ​ជោគជ័យ។ ចំពោះសាលាត្រូវយកចិត្តទុកដាក់រៀបចំនូវបទបញ្ជាផ្ទៃក្នុង និងពង្រឹងសណ្តាប់ធ្នាប់ឱ្យបានល្អ សិក្ខាកាមត្រូវអគារនុរក្សដើម្បីតាមដានការសិក្សា យកចិត្តទុកដាក់រៀបចំការស្នាក់នៅ ហូបចុក ឱ្យបាន​សមស្រប សិក្ខាកាមត្រូវឧស្សាព្យាយាមខិតខំរៀនសូត្រ ស្តាប់យោធាចារ្យ គ្រូឧទ្ទេសនាមពន្យល់ ចេះស្រាវ​ជ្រាវ​ក្រោយ​រៀន​ចប់​ ត្រូវយកដំណេះដឹងទៅអនុវត្តឱ្យមានប្រសិទ្ធិភាពខ្ពស់ ៕


អត្ថបទថ្មីៗ

សេចក្តីប្រកាស

សារជូនពរ

វីដេអូ