ព័ត៌មាន

ឯកឧត្តម នាង​​ ផាត​ ​ជួប​​ឯកអគ្គ​​រដ្ឋ​​ទូត​​អ៊ុយ​​ក្រែន​​ ប្រចាំ​​ព្រះ​​រាជាណាចក្រ​​កម្ពុជា​​
នាយកដ្ឋានព័ត៌មាន(៣)
37
1126 ឯកឧត្តម នាង​ ផាត ​ជួប​ឯកអគ្គ​រដ្ឋ​ទូត​អ៊ុយ​ក្រែន​ ប្រចាំ​ព្រះ​រាជាណាចក្រ​កម្ពុជា​

      ក្នុង​ជំនួប​សំ​ដែង​ការ​គួរ​សម​ជា​មួយ ​ឯកឧត្តម ​នាយ​ឧត្តម​សេនីយ៏ ​នាង​ ផាត​ រដ្ឋ​លេខា​ធិការ​ ក្រសួង​ការ​ពារ​ជាតិ ​នា​ព្រឹក​ថ្ងៃទី០៩​ ខែ​កក្កដា​ ឆ្នាំ​២០១៩​ ឯកឧត្តម ​អូឡិច​ស៊ី ​សូ​កូ​ភ្លី​ ឯក​អគ្គ​រដ្ឋ​ទូត​អ៊ុយ​ក្រែន ​ប្រចាំ​ព្រះ​រាជាណា​ចក្រ​កម្ពុជា ​ដែល​មាន​និវាស​ដ្ឋាន​នៅ​ទីក្រុង​ហា​ណូយ ​ប្រទេស​វៀត​​ណាម ​បាន​ថ្លែង​ជំនួស ​មុខ​ឲ្យ​រដ្ឋាភិ​បាល​ និង កង​ទ័ព​អ៊ុយ​ក្រែន​ ពិសេស​ក្រសួង​ការ​ពារ​ជាតិ​អ៊ុយ​ក្រែន​ បាន​សំដែង​នូវ​អំណរ​គុណ​យ៉ាង​ជ្រាល​ជ្រៅ​ ចំពោះ​ក្រសួង​ការ​ពារ​ជាតិ​កម្ពុជា​ ដែល​បាន​អនុញាតិ​ឲ្យ​​ឯកឧត្តម​ បាន​ចូល​ជួប​សំដែង​ការ​គួរ​សម ដើម្បី​បាន​ពង្រឹង​ពង្រីក​ ចំណង​ទាក់​ទង​​កិច្ច​សហប្រតិបត្តិ​ការ​ នៃកា​រ​រឹត​ចំណង​សាមគ្គី​ភាព មិត្តភាព​ រវាង​កង​ទ័ព​ទាំង​ពីរ​ អ៊ុយ​ក្រែន​ និង​កម្ពុជា​ ឲ្យ​កាន់​តែ​មាន​ភាព​ជិតស្និទ្ធ។ ឯកឧត្តម​ ​បាន​បញ្ជាក់​ថា៖ ​ប្រទេសជាតិ​មួយ​មាន​សន្តិភាព​, សន្តិ​សុខ ​, ​សុវត្ថិ​ភាព ​គឺ​ដោយ​សារ​មាន​កង​ទ័ព​មួយ​ក្លាហាន ​មាន​សំភារៈ​បច្ចេក​ទេស​យោធា​ទំនើបៗ​ អាច​ទប់​ទល់​បាន​ជា​មួយ​សត្រូវ​ ដែល​មាន​គោល​បំណង​មក​ឈ្លាន​ពាន​បូរណភាព​ទឹក​ដី​របស់​ខ្លួន​។ ឯកឧត្តម អូឡិច​ស៊ី សូ​កូ​ភ្លី​ ក៏​បាន​ជំរាប​ ឯកឧត្តម ​រដ្ឋ​លេខា​ធិការ​ឲ្យ​បាន​ដឹង​ទៀត​ថា​៖​ ដូច​ជា​ប្រទេស​របស់​លោក​បច្ចុប្បន្ន​ កំពុង​ទទួល​រង​នូវ​ការ​ឈ្លាន​ពាន​ពី​សំណាក់​ប្រទេស​ជិត​ខាង​ផង​ដែរ​ ក៏​ព្រោះ​តែ​កង​ទ័ព​អ៊ុយ​ក្រែន​មាន​សមត្ថភាព​នៅ​មាន​កំរឹត​នៅ​ឡើយ។ ឯកឧត្តម​ បាន​បន្ត​ថា៖​ នា​ពេល​ខាង​មុខ​ក្រសួង​ការ​ពារ​ជាតិ​ទាំង​២​ កម្ពុជា​ និង​អ៊ុយ​ក្រែន​ នឹង​ធ្វើ​ការ​ចុះ​អនុស្សារណៈ​ធ្វើ​កិច្ច​សហប្រតិបត្តិ​ការ​ ដើម្បី​រឹ​តចំណង​សាមគ្គី​ភាព, មិត្ត​ភាព​, លើ​ការ​ជួយ​បណ្តុះ​បណ្តាល ​និង​ផ្គត់​ផ្គង់​សំភារៈ​បច្ចេក​ទេស​យោធា។ឯកឧត្តម ​នាយ​ឧត្តម​សេនីយ៏ ​នាង​ ផាត​ រដ្ឋ​លេខា​ធិការ​ ក្រសួង​ការ​ពារ​ជាតិ និងឯកឧត្តម ​អូឡិច​ស៊ី ​សូ​កូ​ភ្លី​ ឯក​អគ្គ​រដ្ឋ​ទូត​អ៊ុយ​ក្រែន ​ប្រចាំ​ព្រះ​រាជាណា​ចក្រ​កម្ពុជា ​ដែល​មាន​និវាស​ដ្ឋាន​នៅ​ទីក្រុង​ហា​ណូយ ​ប្រទេស​វៀត​​ណាម

     មាន​ប្រសាសន៏​តប​ក្នុង​ឱ​កាស​នោះ ​ឯកឧត្តម ​នាយ​ឧត្តម​សេ​នីយ៏ ​នាង​ ផាត​ បាន​បញ្ជាក់​ថា​៖​ រវាង​កង​ទ័ព​យើង​ទាំង​២ ​អ៊ុយ​ក្រែន ​និងខ.ភ.ម ​ធ្លាប់​មាន​ប្រវត្តិ​ទំនាក់​ទំនង​កិច្ច​សហប្រតិបត្តិការ​ល្អ​ជា​មួយ​គ្នា ​តាំង​ពី​យូ​រ​ណាស់​មក​ហើយ ​ហើយ​យើង​នឹង​បន្ត​ពង្រឹង​ពង្រីក​កិច្ច​សហប្រតិបត្តិការ​នេះ​ឲ្យ​កាន់​តែ​ប្រសើរ​ឡើង​ថែម​ទៀត។  ឯកឧត្តម​​បាន​បន្ត​ទៀត​ថា​៖ ពេល​នេះក​ង​ទ័ព​អ៊ុយ​ក្រែន​ កំពុង​ធ្វើ​ការ​ពង្រឹង​​សមត្ថភាព​របស់​ខ្លួន​ ដើម្បី​ការ​ពារ​ទឹក​ដី​។ ​ដើម្បី​ធ្វើ​ជា​ហត្ថ​លេខី ​នៃ​ការ​ចុះ​អនុស្សារណៈ​ រវាង​ក្រសួងកា​រពា​រ​ជាតិ ​នៃ​ប្រទេស​ទាំង​២ ​កម្ពុជា-អ៊ុយ​ក្រែន​ នា​ពេល​ខាង​មុខ​នេះ​ ឯកឧត្តម​ រដ្ឋ​លេខាធិការស​ង្ឃឹ​ម​ថា​៖ ​បណ្តា​ប្រភេទ​ជំនាញ​ដែល​មាន​ការ​ពាក់​ព័ន្ធ​ចំពោះ​ខ្លឹម​សារ​អនុស្សារណៈ​ នឹង​ខិត​ខំ​ពិនិត្យ​រួម​គ្នា​ ដើម្បី​ឈាន​ទៅ​ដល់​ការ​ព្រម​ព្រៀង​ និង​ចុះ​ហត្ថលេខា​ក្នុង​ពេល​ឆាប់ៗ​នេះ​ ​៕

អត្ថបទថ្មីៗ

សេចក្តីប្រកាស

សារជូនពរ

វីដេអូ