ព័ត៌មាន

ឯកឧត្តម​​ គង់ ​សា​លី ​បិទ​សន្និសីទ​មេ​បញ្ជាការ​សុខា​ភិបាល​យោធា​អាស៊ាន​ លើក​ទី​៩​
នាយកដ្ឋានព័ត៌មាន(៣)
320
1101 ឯកឧត្តម​​ គង់ ​សា​លី ​បិទ​សន្និសីទ​មេ​បញ្ជាការ​សុខា​ភិបាល​យោធា​អាស៊ាន​ លើក​ទី​៩​

    បន្ទាប់​ពី​បាន​ដំណើការ​អស់​រយៈ​ពេល​ពេញ​១​ថ្ងៃ​ អង្គ​សន្និសីទ​​មេ​បញ្ជាការ​​សុខា​ភិបាល​​យោធា​​អាស៊ាន​ លើក​ទី​៩​ ស្តី​​​ពី​ផល​ប៉ះ​ពាល់ ​និង​​ប្រសិទ្ធ​ភាព​ក្នុង​ការ​ឆ្លើយ​តប​គ្រោះ​​មហន្ត​​រាយ​ ក្នុង​​វិស័​យ​​សុខាភិបាល​​យោធា​អាស៊ាន ​ ដែល​រៀប​ចំ​ធ្វើ​ជា​ម្ចាស់​ផ្ទះ​ដោយ​នាយក​ដ្ឋាន​សុខា​ភិបាល ​ក្រសួង​​ការ​ពារ​ជាតិ ​បាន​បញ្ចប់​ប្រកប​ដោយ​ជោគ​ជ័យ ​នា​រសៀល​ថ្ងៃ​ទី​២៦ ​ខែ​មិថុនា​ ឆ្នាំ​២០១៩។

    ក្នុង​នាម​កង​យោធពល​ខេមរ​ភូមិន្ទ ​នៃ​ព្រះ​រាជាណា​ចក្​រកម្ពុជា​, ឯ.ឧ ​ឧត្តម​សេនីយ៍​ឯក​ វេជ្ជ​បណ្ឌិត​ គង់ ​សាលី ​អគ្គនាយក​រង​ អគ្គ​នាយក​ដ្ឋាន​ភស្តុភារ​ និង​​ហិរញ្ញវត្ថុ ​និង​​​ជានាយក​ នាយក​ដ្ឋាន​សុខា​ភិបាល​ ក្រសួង​ការពារ​ជាតិ ​បាន​ថ្លែង​​នូវ​​ក្តី​រីក​រាយ​ ​និង​​​អំណរ​គុណ​​យ៉ាង​​ជ្រាល​​ជ្រៅ ​ចំពោះ​វត្ត​មាន​របស់​មេ​បញ្ជាការ​​សុខាភិបាល​​យោ​ធា​​​​​អាស៊ាន ​និង​នាយ​ទាហាន​វ័យ​ក្មេង​ ​នៃ​បណ្តា​ប្រទេស​អាស៊ាន ​ដែល​បាន​​ចូល​រួម​​ចំ​ណែក​ កិច្ច​ខិត​ខំ​​ប្រឹង​ប្រែង​ដ៏​ល្អ​បំផុត ​ដើម្បី​ធ្វើឱ្យ​​សន្និ​សិទ​នេះ​ ទទួល​បាន​ជោគ​ជ័យ​ជា​មួយ​ផ្លែផ្កា​​លទ្ធផល​​​។ អង្គ​សន្និសីទ​សុខា​ភិបាល​​យោធា​​អាស៊ាន​យើង​ ជឿ​ជាក់​យ៉ាង​មុត​មាំ​ថា ​សហគមន៍​​របស់​យើង​ នឹង​ទទួល​បាន​ច្រើន​ នូវ​ការ​​យល់​​ដឹង​ពង្រឹង​កម្រិត​មេរៀន​ ​ដែល​បាន​រៀន​​​ពី​គ្នា​​ទៅ​វិញ​​ទៅម​ក ជា​​ពិសេស​សម្រាប់​មន្ត្រី​យោធា​​សុខាភិបាល​អាស៊ាន​វ័យ​ក្មេង​។​  ក្នុង​ពេល​​អនាគត​​យើង​នឹង​​ទទួល​បាន​អត្ថ​ប្រយោជន៍​​កាន់​តែ​​ច្រើន​ ​​តាម​​រយៈ​ការ​ផ្លាស់​ប្តូរ​បទ​ពិសោធន៍ ​វិធី​សាស្រ្ត​ និង​​ទ្រឹស្តី​​​អំពី​ការ​ឆ្លើយ​តប​​ទៅ​នឹង​​គ្រោះ​​មហន្តរាយ,​ លំហាត់​ហ្វឹក​ហ្វឺន​ការ​ហ្វឹក​ហាត់​​នៅ​លើ​ទីលាន​​ អ្នក​ឯកទេស ​ការ​ផ្លាស់​ប្តូរ​ការ​​ធ្វើ​​សន្និសីទ​ និង​ការ​បង្កើត​ធន​ធាន​មនុស្ស​ផង​ដែរ។​ ​គួរ​រំលឹក​ដែរ​ថា៖ សន្និសីទ​​មេ​បញ្ជាការ​សុខា​ភិបាល​យោធា​អាស៊ាន​នេះ ​បាន​ធ្វើ​​ឡើង​ចាប់តាំ​ង​ពី​​ឆ្នាំ​២០១១​ នៅ​​សា​ធា​រណ​រដ្ឋ​​សង្គម​និយម​វៀត​ណាម​ ជា​លើក​ទី១​ និង​ត្រូវ​បាន​រៀប​ចំ​ផ្លាស់​ប្តូរ​​វិល​ជុំ​​រៀប​ចំ​​ធ្វើ​​​ជា​​ម្ចាស់​ផ្ទះ​​តាម​បណ្តា​ប្រទេស​ ក្នុង​តំបន់​អាស៊ាន​ជា​បន្ត​បន្ទាប់ ​​រហូត​មក​ដល់​​ឆ្នាំ​​២០១៩​នេះ ​ជា​កត្តិយស​​របស់​​នាយក​ដ្ឋាន​​សុខាភិបាល ​ក្រសួង​​ការ​ពារ​​ជាតិ​កម្ពុជា ​បាន​រៀប​ចំ​​ធ្វើ​​​​ជា​ម្ចាស់​រៀប​ចំ​អង្គ​សន្នសីទ ​ដែល​បាន​ធ្វើ​​ឡើង​ចាប់​ពី​ថ្ងៃ​ទី​២៤ ​ដល់​ថ្ងៃ​ទី​២៧ ​ខែ​មិថុនា ​ឆ្នាំ​២០១៩ នៅ​រាជ​ធានី​ភ្នំពេញ ​ក្រោម​​​ប្រធាន​បទ​ស្តី​ពី​ផល​ប៉ះពាល់​ និង​​ប្រសិទ្ធ​ភាព​ក្នុង​ការ​ឆ្លើយ​តប​គ្រោះ​​មហន្ត​រាយក្នុង​​វិស័យ​​សុខា​ភិបាល​​យោធា​អាស៊ាន។​ ដោយ​មាន​ការ​ចូល​រួមពី​មេ​បញ្ជា​ការ​​សុខា​​ភិ​បាល​​យោធា​អាស៊ាន ​ទាំង​​១០​ប្រទេស​ ក្នុង​គោល​បំណង​ផ្លាស់​ប្តូរ​បទ​ពិសោធន៍​គ្នា ​ទាក់​ទង​​ និង​​វេជ្ជសាស្ត្រ​យោធា ​និង​​ការ​​ជួយ​សង្គ្រោះ​ដល់​​ជន​រង​គ្រោះ ​ដែល​កើត​​ចេញ​​ពី​​គ្រោះ​​មហន្ត​រាយ​។​ ក្នុង​ឱកាស​បិទ​អង្គ​សន្និសីទ​នោះ ​ក៏​បាន​ប្រគល់​វិញ្ញា​បន​បត្រ​ដល់​នាយ​ទាហាន​វ័យ​ក្មេង​ ​​នៃ​​បណ្តា​​​ប្រទេស​អាស៊ាន​​ទាំង​១០​ ដែល​មាន​ស្នាដៃ​ល្អ​ក្នុង​ការ​ធ្វើ​បទ​បង្ហាញ​ និ​ង​ស្លាយ ​និង​​ប្រគល់​ជូន​ដល់​ផង​ដែរ​​មន្ត្រី​​សុខា​ភិបាល​​យោធា​​អាស៊ាន ​លើក​​ទី៩​ ដែល​រួម​មាន ​ប្រទេស​ថៃ ​កម្ពុជា​ សឹង្ហ​បុរី ​ប៊្រុយណេ ​ឥណ្ឌូណេស៊ី ឡា​វ ​ម៉ាឡេស៊ី ​មីយ៉ាម៉ា ​ហ្វីលីពីន ​និង​វៀត​ណាម​។​ ជា​មួយ​គ្នា​នេះដែរ​ ក៏​បាន​ធ្វើ​ពិធី​ផ្ទេរប្រគល់​អង្គ​សន្និសីទ​ ​មេ​បញ្ជាការ​​សុខា​ភិបាល​​យោធា​​អាស៊ាន ​ទៅ​ដល់​កង​ទ័ព​ភូមិន្ទ​ថៃ ​ដើម្បី​រៀបចំ​ធ្វើ​ជា​ម្ចាស់​​អង្គ​សន្និសីទ​​មេ​បញ្ជាការ​​សុខា​ភិបាល​​យោធា​​អាស៊ាន ​លើក​ទី​១០​ជា​បន្ត នា​ឆ្នាំ​២០២០ ​៕​

អត្ថបទថ្មីៗ

សេចក្តីប្រកាស

សារជូនពរ

វីដេអូ