ព័ត៌មាន

កង​ពល​ធំ​អន្តរាគមន៏​លេខ​២ ​កងទ័ព​ជើង​គោក​ ប្រារព្ធ​ពិធី​បីទ​វគ្គ​ហ្វឹក​ហ្វឹន​បំប៉ន​ជំនាញ​យុទ្ធ​វិធី ខ-គ​ ថ្មើរ​ជើង ​៣​វរសេនា​តូច ​និង​បណ្តា​ទ័ព​ជំនាញ​ប្រចាំ​ឆ្នាំ​២០១៩​
នាយកដ្ឋានព័ត៌មាន(៣)
322
1095 កង​ពល​ធំ​អន្តរាគមន៏​លេខ​២ ​កងទ័ព​ជើង​គោក​ ប្រារព្ធ​ពិធី​បីទ​វគ្គ​ហ្វឹក​ហ្វឹន​បំប៉ន​ជំនាញ​យុទ្ធ​វិធី ខ-គ​ ថ្មើរ​ជើង ​៣​វរសេនា​តូច ​និង​បណ្តា​ទ័ព​ជំនាញ​ប្រចាំ​ឆ្នាំ​២០១៩​

     ឯកឧត្តម ​ឧត្តម​សេនីយ៏​ឯក​ ហ៊ុន​ ម៉ា​ណែត ​អគ្គ​មេ​បញ្ចាការ​រង​ នៃ​កង​យោធ​ពល​ខេមរ​ភូមិន្ទ​ និង​ជា​មេបញ្ជាការ​កង​ទ័ព​ជើង​គោក ​អម​ដំណើរ​ដោយ ឯកឧត្តម ​នាយ​ឧត្តម​សេនីយ៏ ​គឹម​ ប៊ុន​ថាន​ អគ្គ​មេ​បញ្ចាការ​រង​ នៃ​កងយោធពល​ខេមរ​ភូមិន្ទ ឯកឧត្តម ​ឧត្តមសេនីយ៏ឯ​ក ​ជា​ សា​រ៉ន ​នាយ​សេនា​ធិការ ​និង​ជា​មេ​បញ្ចាកា​រង កង​ទ័ព​ជើង​គោក ​បានអញ្ជើញ​ជា​អធិបតី​ភាព​ ​ក្នុង​ពិធី​បិទ​វគ្គ​ហ្វឹក​ហ្វឺន​បំប៉ន​ជំនាញ​យុទ្ធវិធី​ ខ-គ ថ្មើរ​ជើង ៣វរសេនា​តូច ​និង​បណ្តារ​ទ័ព​ជំនាញប្រ​ចាំ​ឆ្នាំ២០១៩ របស់កងពល​ធំ​អន្តរាគមន៏​លេខ​២ ​កង​ទ័ពជើង​គោក ​នៃកង​​យោធពលខេមរ​ភូមិន្ទ កាល​ពី​ថ្ងៃទី២៥ ខែមិថុនា ឆ្នាំ២០១៩​ នៅ​ទី​បញ្ជាការ​ វរសេនា​តូច​២៥២ របស់កងពល​តូចអន្តរាគមន៏​លេខ​៥​ នៃកង​ពល​ធំ​អន្តរាគមន៏​លេខ​២​ កង​ទ័ព​ជើង​គោក ស្ថិតនៅ​ភូមិសាស្ត្រ ឃុំរបង ស្រុកបន្ទាយអំពិល ខេត្តឧត្តរ​មាន​ជ័យ​។ ពិធី​នេះក៏​មា​ន​ការចូល​រួម​ផង​ដែរ​ពី​សំណាក់​ ឯកឧត្តម អស់​លោក​ជា​មេ​បញ្ជាការ មេបញ្ចាការ​រ​ង នាយ​សេនាធិការ នាយ​សេធិការ​រង​ យោធ​ភូមិ​ភាគ កង​ពល​ធំ-​តូច​    តំបន់​ប្រតិបត្តិការណ៏​សឹក​ខេត្ត​ ឧត្តរមានជ័យ កង​កម្លាំងទាំង​បី ​ឯកឧត្តម ​តំណាង​ក្រសួង​ការពារ​ជាតិ ​ព្រម ទាំង​ការ​អញ្ជើញ​ចូល​រួមផង​ដែរ​ ពី​សំណាក់​អជ្ញាធរ​ដែន​ដី​ខេត្ត​ ឧត្តរមានជ័យ អជ្ញាធរ​ដែន​ដី​ជុំ​វិញ​ ស្រុក​បន្ទាយអំពិល នាយ​ទាហាន នាយ​ទាហាន​រង ពល​ទាហាន​យោធា​ចារ្យ​ និង​សិក្ខាកាម​សរុប​ចំនួន​ ១៧៩៥ នាក់។ឯកឧត្តម ​ឧត្តម​សេនីយ៏​ឯក​ កែវ ​ធី មេ​បញ្ជាការរ​ង​ និងជា​មេ​បញ្ចាការ​កង​ពល​ធំ​អន្តរាគមន៏​លេខ​២​ កងទ័ព​ជើង​គោក

    នៅក្នុង​មតិ​ស្វារគមន៏​ និង​របាយការណ៏​បិ​ទវគ្គ​ដែល​អាន​ដោយ ​ឯកឧត្តម ​ឧត្តម​សេនីយ៏​ឯក​ កែវ ​ធី មេ​បញ្ជាការរ​ង​ និងជា​មេ​បញ្ចាការ​កង​ពល​ធំ​អន្តរាគមន៏​លេខ​២​ កងទ័ព​ជើង​គោក ​បានឲ្យ​ដឹងថា៖ ​អនុវត្តន៏​តាមផែនការ​ហ្វឹកហ្វឺ​នឆ្នាំ​២០១៩​ របស់មេបញ្ជាការ​កង​ទ័ព​ជើង​គោក ​នៃ​កង​យោធពល​ខេមរ​ភូមិន្ទ​ ស្តី​ពី​កា​រងារហ្វឹក​ហ្វឺន​ដល់់​ នាយ​ទាហាន​ នាយ​ទាហាន​រង​ និង​ពល​ទាហាន​​ កងពល​ធំ​អន្តរាគមន៏​លេខ​២​ កងទ័ព​ជើង​គោក បាន​ទទួល​ផែន​ការ​ហ្វឹក​ហ្វឺន​ ប្រចាំ​ឆ្នាំ​២០១៩​ ចំនួន​១០​វគ្គ​ ដោយ​មាន​សិក្ខា​កាម​សរុប​ចំនួន ​១៣៥០នាក់ ​និង​គ្រូយោធា​ចារ្យចំនួន ១៣៥នាក់ និង​បានដំណើរការ​បើក​វគ្គ​ដោយ​ចែក​ចេញជា​ពីរលើក​, លើក​ទី១ មាន ​ចំនួន ០២វគ្គ មានសិក្ខា​កាមចំនួន ១៥០នាក់ និង​គ្រូយោធា​ចារ្យ​ចំនួន​​ ​១៥​នាក់​, លើកទី២ មានចំនួន ០៨ វគ្គ ហើយត្រូវប្រារព្ធ​ធ្វើ​ពិធី​បិទ​នា​ថ្ងៃនេះ ​មានសិក្ខា​កាម​សរុប​ចំនួន​ ១២០០នាក់ និង​គ្រូយោធា​ចា​រ្យ​ចំនួន ១២០​នាក់​។  របាយ​ការណ៏​បាន​បន្ថែម​ទៀត​ថា៖ តាម​រយៈសកម្មភាព​ហ្វឹកហ្វឺន រៀន​សូត្រ​តាម​ទ្រឹស្តី ​និង​ការនុវត្តន៏​ជាក់​ស្តែង ក្នុងសាលា ក៏ដូច​ជា​នៅលើ​​ទីលាន គណៈកម្មការ​គ្រប់គ្រង​វគ្គ​បាន​ធ្វើ​ការ​វាយ​តម្លៃ​លទ្ធផល​របស់​សិក្ខាកាម​ពេលបញ្ចប់់​ទទួល​បាន​លទ្ធផល​មធ្យម​ជាទូទៅ។ឯកឧត្តម ​ឧត្តម​សេនីយ៏​ឯក​ ហ៊ុន​ ម៉ា​ណែត ​អគ្គ​មេ​បញ្ចាការ​រង​ នៃ​កង​យោធ​ពល​ខេមរ​ភូមិន្ទ​ និង​ជា​មេបញ្ជាការ​កង​ទ័ព​ជើង​គោក ​

     អញ្ចើញមាន​មតិ​សំណេះសំណាលនា​ឱកាសនោះ ឯកឧត្តម ហ៊ុន ម៉ាណែត បានពាំនាំ​បណ្តាំផ្ញើរសាក​សួរសុខទុក្ខពីសំណាក់​សម្តេច​តេជោ នាយករដ្ឋមន្ត្រី និងសម្តេច​កិត្តិព្រឹទ្ធបណ្ឌិត ថ្នាក់ដឹក​នាំក្រសួការពារ​ជាតិ អគ្គបញ្ជាការដ្ឋាន នៃកងយោធពល​ខេមរភូមិន្ទ ជូនដល់នាយ​ទាហាន ​ នាយ​តាហាន​រង ​ពលទាហាន និង សិក្ខាកាមទាំង​អស់។ ឯកឧត្តម ហ៊ុន ម៉ាណែត ក៏បាន​កោតសរសើរ និង​វាយតំលៃខ្ពស់​ចំពោះការ​ខិតខំ​យកអស់កម្លាំង​កាយចិត្ត របស់ ឯកឧត្តម មេបញ្ជាការ មេបញ្ជាការរង គ្រប់បណ្តា​អង្គភាពចំណុះ​កងពលធំអន្តរាគមន៏​លេខ​២ ​អង្គភាព​ចំណុះបញ្ចាការដ្ឋាន​កងទ័ពជើង​គោក រួមទាំងស្ថាប័ន​ពាក់ព័ន្ធ គ្រូ​យោធា​ចារ្យ និងសិក្ខាកាមទាំង​អស់​បាន​រួម​សហការ​គ្នា​ជា​ធ្លុង​មួយ ​ធ្វើឲ្យវគ្គបំប៉ន​ហ្វឹកហ្វឺន​បានដំណើរការ​រហូតដល់​បញ្ចប់​វគ្គ​ ទៅ​តាម​ការគ្រោងទុក និងទទួល​លទ្ធផល​ជា​វិជ្ជមាន។ ឯកឧត្តម ហ៊ុន ម៉ាណែត ក៏បាន​ថ្លែងអំណរគុណ​ចំពោះការ​យក​ចិត្តទុកដាក់​ខ្ពស់​ពី​សំណាក់ សម្តេចតេជោ ដែលបាន​ផ្តល់​កញ្ចប់ថវិការ​ពិសេស​សំរាប់​ការបំប៉ន​ការ​ហ្វឹកហ្វឺន នាយទាហាន នាយទាហានរង និងពលទាហាន និងវាយតម្កៃខ្ពស់ ចំពោះលទ្ធផល​ នៃ​ការហ្វឹក​ហ្វឺន សំរាប់​ការ​ពង្រឹងប្រៀប​ការពារជាតិ និងការខិត​ខំ​របស់​ថ្នាក់ដឹក​នាំក​ងពល គណៈគ្រប់​គ្រង​វគ្គ គ្រូយោធាចារ្យ និង​សិក្ខា​កាមទាំង​អស់​ក្នុងការ​អនុវត្តន៏ យ៉ាងសកម្ម​ការ​ងារ​ហ្វឹកហ្វឺន និងការងារ​ស្នួល​ដែល​ត្រូវ​ធ្វើជាប់​ជា​ប្រចាំ ដូចភ្លៀងរលឹម ​ដើម្បី​ឆ្លើយ​តប​ភារកិច្ច​ចំពោះមុ​ខ ​ក៏ដូច​ជា​តម្រូវ​ការ​នៃ ​ការអភិវឌ្ឍន៏​សមត្ថភាព​របស់​យោធិន ដែលជាផ្នែក​ដ៏​សំខាន់ ក្នុងការ​កំណែរ​ទម្រង់កង​យោធពល​ខេមរ​ភូមិន្ទ ស្របតាម​ផែន​ការ​បាន​ដាក់​ចេញ និង ចូលរួមចំណែក​យុទ្ធសាស្ត្រ​ការពារ​ជាតិ ​និងគោល​នយោបាយ​​របស់​រាជរដ្ឋាភិបាល ក្នុងភារ​កិច្ច​ការ​ពា​របូរណភាពទឹ​កដី និង​ប្រកប​ដោយ​វិជ្ជាជីវ: ធានាបាន​នូវ​ប្រសិទ្ធភាព នៃកិច្ចការពារ​ជាតិ។ ឯកឧត្តម ក៏​បានផ្តាំផ្ញើរ​ដល់​នាយទាហាន នាយទាហានរង ពលទាហាន គ្រូយោធាចារ្យ និង​សិក្ខាកាម​ទាំងអ​ស់​ត្រូវ​ស្មោះ​ត្រង់ដាច់ខាត ជាតិ សាសនា ព្រះមហាក្សត្រ ឈរ​លើ​មនសិការ​ស្នេហាជាតិ​ គោរពឲ្យបាន​ម៉ឺងម៉ាត់​រាល់​តួនាទី និង​ភារកិច្ច​របស់កងទ័ព និងបទបញ្ជា​របស់​រាជរដ្ឋាភិបាល ​ក្រសួងកា​រពារ​ជាតិ ​អគ្គបញ្ជាការដ្ឋាន នៃ ខ ភ ម បញ្ជាការ​ដ្ឋានកង​ទ័ព​ជើង​គោក​ ក្នុងប្រៀប​ការពារ​ជាតិ​ ការពារ​ឯករាជ្យ ​អធិប​តេយ្យបូរណភាព​ទឹក​ដី​ រក្សាបាន​សុខសន្តិភាពនិង​ការ​អភិវឌ្ឍន៏ បន្តយក​ចិត្តទុក្ខដាក់​សិក្សារៀន​សូត្រ​ការងារ​អប់រំ​ចិត្តសាស្ត្រ បទ​វិន័យ​កង​ទ័ព បទដ្ឋាន​គតិ​យុត្តិ​ផ្សេងៗ​ ដែល​ជា​ច្បាប់រដ្ឋ​ ខិតខំ​បន្ត​ស្រាវជ្រាវ ឯកសារថ្មីៗ​មន្ថែម​ទៀត បន្តរក្សា​សាមគ្គីភាព​ឯកភាព​ផ្ទៃក្នុង​ល្អជានិច្ច ត្រូវយកចិត្ត​ទុក្ខដាក់​ថែរក្សា​ការពារគ្រប់​គ្រង​  និង​រក្សាទុក្ខដាក់​អាវុធ​យុទ្ធភណ្ឌឲ្យបាន​ត្រឹមត្រូវ និងសុវត្ថភាព​ បន្តអនុវត្តន៏ និង​ចូល​រួម​សហការ​ល្អ​ជា​មួយ​អជ្ញាធរដែនដី​គ្រប់​លំដាប់​ថ្នាក់​ បន្តសហការ​ជា​មួយ​អង្គភាព​សម្ព័ន្ធ​មេត្រីភាព ​ និងចូលរួម​ទប់​ស្កាត់​ឲ្យបាន​ទាន់​ពេល​វេលា​រាល់​បទ​ល្មើស​ផ្សេងៗ​ដើម្បី ចូលរួមចំណែក​គោល​នយោបាយ ​ភូមិ ឃុំ មាន​សុវត្ថភាព ៕

អត្ថបទថ្មីៗ

សេចក្តីប្រកាស

សារជូនពរ

វីដេអូ