ព័ត៌មាន

ឯកឧត្តម​ ជៀង​ អំ​ ផ្សព្វផ្សាយ​អប់រំ​ចិត្ត​សាស្ត្រ​​នៅ​សាលា​កង​រាជ​អាវុធ​ហត្ថ​
នាយកដ្ឋានព័ត៌មាន(៣)
129
1091 ឯកឧត្តម​ ជៀង​ អំ​ ផ្សព្វផ្សាយ​អប់រំ​ចិត្ត​សាស្ត្រ​​នៅ​សាលា​កង​រាជ​អាវុធ​ហត្ថ​

     នៅ​សាលា​ហ្វឹក​ហ្វឺន​កង​រាជ​អាវុធ​ហត្ថ​ភ្នំជំរាយ​ នៅ​ថ្ងៃទី២៥ ខែ​មិថុនា ឆ្នាំ២០១៩​ ឯ.ឧ នាយឧត្តមសេនីយ៏​ ជៀង​ អំ រដ្ឋលេខា​ធិការ ​ក្រសួង​ការពារ​ជាតិ ​បាន​អញ្ជើញធ្វើ​ការ​ផ្សព្វផ្សាយ ស្តីអំពី ទិវាចង​ចាំ​ដំណើរ​ឆ្ពោះទៅ​ការផ្តួល​រំលំ​របប​ប្រល័យ​ពូជ​សាសន៏ ប៉ុល ពត និងផ្សព្វផ្សាយ​ការងារ​អប់រំ ចិត្តសាស្ត្រ ព្រមទាំង​តួនាទី​ និងភារ​កិច្ច​ខ.ភ.ម ជូន​ដល់​នាយ.ពល និង​សិក្ខាកាម​របស់​កង​រាជ​អាវុធហត្ថ។  ឯកឧត្តម នាយឧត្តមសេនីយ៏​ ជៀង​ អំ រដ្ឋលេខា​ធិការ ​ក្រសួង​ការពារ​ជាតិ

       មាន​ប្រសាសន៏​ទៅ​កាន់​នាយ.ពលទាហាន​ក្នុង​ឱកាស​នោះ ឯ.ឧ ​នាយ​ឧត្តម​សេនីយ៏​ ជៀង អំ ​បាន​តាងនាម​រាជ​រដ្ឋាភិបាល​​ និង​ថ្នាក់​ដឹក​នាំ​ក្រសួង​ការ​ពារ​ជាតិ​, អគ្គមេបញ្ជាការ​ នៃ​ខ.ភ.ម​បាន​ធ្វើ​ការ​កោត ​សរសើ​រ​​ ​និង​វាយ​តំលៃ​ខ្ពស់​ចំពោះការ​ខិត​ខំ​ប្រឹង​ប្រែង​​បំពេញ​ការ​ងារ​ជា​ប្រវត្តិសាស្រ្ត​ ក្នុង​ភារ​កិច្ច​​បំរើជាតិ,​​កសាង​អង្គភាព,ហ្វឹកហ្វឺន​កំលាំង​ព្រម​ទាំង​បាន​ចូល​រួម​​​ជា​មួយ​រាជរដ្ឋាភិបាល​ ក្នុង​ការ​កសាង​ ​និង​អភិវឌ្ឍ​​ប្រទេស​​ឱ្យ​មានការ​រីក​ចំរើន​របស់​នាយ.ពល,​ សិក្ខាកាម ក្នុង​របស់កង​រាជ​អាវុធហត្ថ ​យើង​នៅ​ ទីនេះ​កន្លង​មក​។ ក្នុង​ឱកាសនោះ​ផង​ដែរ​ ឯ.ឧ​រដ្ឋលេខាធិការ​បាន​បញ្ជាក់​ជូន​ដល់​អាវុធ​ហត្ថ​ទាំង​អស់​ នូវ​ការ​រំលឹក​អំពី​ទិវា​ចង​ចាំដំណើរ​ឆ្ពោះទៅការ​ផ្ដួល​រំលំ​របប​ប្រល័យ​ពូជ​សាសន៍​ប៉ុល​ពត​ និងឆ្នាំ​នេះ​ជា​ខួប​លើកទី​៤២ ​ឆ្នាំថ្ងៃទី ២០ មិថុនា ១៩៧៧, ២០ មិថុនា ២០១៩។ ឯកឧត្តម បាន​បញ្ជាក់​ឲ្យ​ ដឹង​ថា៖​ នេះជា​ទិវា​ចង​ចាំនូវ​ព្រឹត្តិការណ៍ដ៏​មាន​អត្ថន័យនេះ ហើយក៏ជាចំណុច​ចាប់​ផ្ដើម​ នៃ​ការដឹកនាំ របស់វីរៈ​កុល ​បុត្រ​ខ្មែរ​មួយ​រូប​ គឺ​សមមិត្ត ហ៊ុន សែន ដែលបាន​យកជីវិត​ធ្វើជាដើម​ទុន ​ដើម្បី​រំដោះ​ និង សង្គ្រោះ ប្រទេស ជាតិអោយរួច​ផុត​ពីរបប​ប៉ុលពត ដ៏​យង់ឃ្នង​រហូត​ឈាន​ទៅសម្រេច​បាន​ នូវសមិទ្ធិ ផលធំៗនិង ​អ្វីគ្រ​ប់យ៉ាង​ដែល​ប្រទេស​ជាតិ​ និង​ប្រជាជន​ទទួលបាន​ដូច​បច្ចុប្បន្ន​នេះ​។  សមិទ្ធផល​ដ៏​ធំធេង​ ជា​ប្រវត្តិសាស្រ្ត ខាងលើ​នេះ​បាន​តភ្ជាប់​ទៅ​រក​សមិទ្ធផល​ជា​ប្រវត្តិ​សាស្ត្រ នៃទិវា​ជ័យ​ជម្នះ ៧ មករា ១៩៧៩ ដោយ​មានការ​ជួយ​ឧបត្ថម្ភគាំទ្រ​ពី​មិត្ត​បរទេស​ជិត​ខាង​ គឺកង​ទ័ពស្ម័គ្រ​ចិត្ត​វៀតណាម និង ​ដំណាក់​កាល​ នៃ​ការតស៊ូ​រ៉ាប់រងភារ​កិច្ច​ ដោយ​កម្ពុជា​ខ្លួន​ឯង​ក្នុង​ដំណាក់​កាល​ការ​ដក​កង​ទ័ព​ស្ម័គ្រ​ចិត្ត វៀតណាម និង មានការ ការវិវត្តន៍​ នៃសភាពការណ៍​ជា​បន្តបន្ទាប់ និង​ដំណាក់កាល​ នៃការ​អនុវត្ត កិច្ច ព្រមព្រៀងប៉ារីស ពីឆ្នាំ ១៩៩១ ដំណាក់កាល នៃការ​បង្រួបបង្រួម​ជាតិ​ក្រោយ​ការ​បោះឆ្នោត នីតិកាលទី ១ នៃរដ្ឋសភា ឆ្នាំ១៩៩៣ និងការ វិវត្តន៍នៃ​សភាពការណ៍ជា​បន្ត​បន្ទាប់រហូត​ដល់ព្រឹត្តិការណ៍​ក្រោយ ការ បោះឆ្នោតឆ្នាំ ២០១៣។​ ជា​ពិសេស ការបើកឡើងនូវទំព័រ​ប្រវត្តិសាស្ត្រ​ថ្មី​ក្រោយពីការ​ទប់​ស្កាត់ បាន និង​វាយឱ្យបរាជ័យ នៅចលនា​បដិវត្ត ពណ៌នៅកម្ពុជា។ ឯ.ឧ នាយ​ឧត្តមសេនីយ៏ ជៀង អំ បានបញ្ជាក់​បន្តទៀត​ថា​៖ តួនាទី​ស្នូលរបស់ខ.ភ.ម គឺមានភារ​កិច្ច ការពារជាតិ,សាសនា,ព្រះមហាក្សត្រ និង​​ការពារ​បូរណភាព​ទឹកដី​, ពង្រឹងខឿនការពារជាតិ, សហការជា​មួយ​ស្ថាប័ន​នានា​ ដើម្បីចូល​រួមអភិវឌ្ឍន៏​ប្រទេស​កាត់​បន្ថយ​ភាព​ក្រីក្រ​ របស់​ប្រជាពលរដ្ឋ, បង្កើន​កិច្ចសហប្រតិបត្តិការ​អន្តរជាតិ។​ ខ.ភ. ម ចាំបាច់ត្រូវធ្វើការ​កែ​ទម្រង់ឲ្យ​ទៅ​ជា​​កំលាំង​ការពារជាតិដ៏​រឹង មាំ,មាន វិន័យម៉ឺង​ម៉ាត់​​ និងមាន​សមត្ថភាព​គ្រប់គ្រាន់ តាមរយៈការ ហ្វឹកហ្វឺនបណ្ដុះ បណ្តាលធនធាន​មនុស្សជា ប្រចាំដើម្បី​ពង្រឹង​​សមត្ថភាព​ការពារ​ព្រំដែន, ទប់ស្កាត់ ​និងបង្ក្រាបឧក្រឹដ្ឋ​ឆ្លង​ដែន​​ និង​ប្រឆាំង​អំពើភេរ​វកម្មនានា។​ ជាចុងក្រោយ​ឯ.ឧ​បាន​ជំរុញ និង​លើកទឹក ចិត្តដល់នាយ​ ​និង​​ព​លកង​​រាជអាវុធហត្ថ ទាំងអស់ឲ្យ បន្តចូលរួម​ថែរក្សាពង្រឹង​​សន្តិសុខ​សុវត្ថិភាព​​របៀប​រៀប​រយ​ ​សណ្តាប់ធ្នាប់​​សាធារណៈ​​​ រួម​ចំណែកកសាង​ភូមិ​ឃុំមាន​សុវត្ថិភាព។​ បន្ត ជម្រុញលើក​កម្ពស់​ការងារ​ហ្វឹកហ្វឺន​បណ្តុះបណ្តាល​បំប៉ន​ជំនាញ​ផ្សេងៗ​ និងបង្កើន​ការយកចិត្ត​ទុក​ដាក់​បំផុត​ លើ​ការងារ​សតិ​អារម្មណ៍​ និង​អប់រំ​ចិត្ត​សាស្ត្រ​ផ្សព្វ​ផ្សាយ​ច្បាប់​ និងបទដ្ឋាន​គតិ​យុត្ត​នានា។​ ជម្រុញការងារ​បង្ក​បង្កើន​ផល​របស់​បណ្តា​កង​ឯកភាព​ ដើម្បី​បំពេញ​ការ​ហូប​ចុកលើក​កម្ពស់ជីវភាព​រស់នៅ​ របស់​កង​ទ័ព​ និង​គិតគូ​ពី​សុខ​មាល​ភាព​របស់​កង​ទ័ព​ ឲ្យ​បាន​ល្អ​។ ការ​ចូលរួម អនុវត្តនូវប្រពៃណីល្អ​ និង​គោរព​លក្ខន្ដិកៈ​របស់​ខ្លួនជា​ខ.ភ.ម​ ឲ្យ​បាន​ខ្ជាប់ខ្ជួន បន្ថែម​ទៀត ​និង​ត្រូ​វចេះ ថែរក្សា សម្ភារៈ យោធបិក្ខា​គ្រឿង​បំពាក់ ៕

អត្ថបទថ្មីៗ

សេចក្តីប្រកាស

សារជូនពរ

វីដេអូ