ព័ត៌មាន

អតីត​យុទ្ធជន​ពិការ​នៅ​ស្រុក​ស្ទោង​ បាន​ទទួល​អំណោយ​ថ្លៃថ្លា​របស់​សម្ដេច​តេជោ ​ហ៊ុន ​ សែន​ ជា​ខ្នង​ផ្ទះ​​លើក​ទី​១២០​
នាយកដ្ឋានព័ត៌មាន(៣)
311
999 អតីត​យុទ្ធជន​ពិការ​នៅ​ស្រុក​ស្ទោង​ បាន​ទទួល​អំណោយ​ថ្លៃថ្លា​របស់​សម្ដេច​តេជោ ​ហ៊ុន ​ សែន​ ជា​ខ្នង​ផ្ទះ​​លើក​ទី​១២០​

    អតីត​យុទ្ធ​ជន​ពិការ ​លោក ​ឯក លន់​  បាន​ទទួល​ខ្នង​ផ្ទះ​លើក​ទី​១២០​ ដែល​ជា​អំណោយដ៏​ថ្លៃ​ថ្លា​របស់ ​សម្ដេច​អគ្គ​មហា​សេនា​បតី​តេជោ​ ហ៊ុន ​សែន ​នាយក​រដ្ឋមន្ត្រី​ នៃ​ព្រះ​រាជាណាចក្រ​កម្ពុជា​ និង​ជា​ប្រធាន​សមាគម ​អតីត​យុទ្ធ​ជន​កម្ពុជា​ ​បាន​ផ្តល់​ជូន​អតីត​យុទ្ធជន​ពិការ​ ដែល​មាន​ជីវភាព​ខ្វះ​ខាតតាម​រយៈ ឯកឧត្តម​ អគ្គ​លេខា​ធិការ​សមាគម​អតីត​យុទ្ធជ​នកម្ពុជា ​ដែល​បាន​សាង​សង់​រួច ​និង​មាន​ទំហំ​ ៤ម៉ែត្រ​x​៦ម៉ែត្រ​ សាង​សង់​ពី​ឈើ​ខ្ពស់​ផុត​ពី​ដី ​ក្រាល​រនាប ​និង​ជញ្ជាំង​ក្តារ ​ប្រក់​ស័ង្កសី​ ដែល​បាន​ចំណាយ​ថវិកា​ក្នុង​ការ​សាង​សង់​អស់​ទឹក​ប្រាក់​ចំនួន​៧,២៥០,០០០​រៀល​។​ ការ​ប្រគល់​ផ្ទះ​ជូន​អតីត​យុទ្ធ​ជន​ពិការ​ ស្ថិត​ក្រោម​អធិបតី​ភាព​ ឯកឧត្តម ​ឧត្តម​សេនីយ៍​ទោ ​សោម​ ស៊ុន ​ប្រធាន​សមាគម​អតីត​យុទ្ធ​ជន​កម្ពូជា​ខេត្ត​កំពង់​ធំ ​នៅ​រសៀល​ថ្ងៃ​ទី​១៥ ខែ​ឧសភា ​ឆ្នាំ​២០១៩​ ដែល​ជា​អំណោយ​ខ្នង​ផ្ទះ​លើក​ទី​១២០​របស់​ សម្ដេច​តេជោ​ ហ៊ុន ​សែន ​សម្រាប់​អតីត​យុទ្ធជន​កម្ពុជា ​ខេត្ត​កំពង់​ធំ ​បានផ្តល់ដល់ជូន លោក ឯក លន់ ​ជា​អតីត​យុទ្ធ​ជន​ពិការ​ មាន​ភរិយា​ឈ្មោះ ​ផៃ ​វ៉េត​ អាយុ​៣៧​ឆ្នំា​ មាន​កូន​តូច​ៗ​នៅ​ក្នុង​បន្ទុក​ចំនួន​២​នាក់ ​បច្ចុប្បន្ន​រ​ស់​នៅ​ភូមិកោះ​ឃុំទ្រា​ ស្រុក​ស្ទោង ​ខេត្ត​កំពង់​ធំ​។ លោក ​ឯក​  លន់​ មាន​អាយុ​៤៣​ឆ្នំា ​ធ្លាប់​បម្រើ​ក្នុង​ជួរ​កង​ទ័ព​ នៅ​ឆ្នាំ​១៩៨៩ ​នៅ​អង្គភាព​កង​ពល​តូច​លេខ​១២ ​ឈរ​ជើង​នៅ​តំបន់​អាន​សេះ​ស្រុក​ជាំ​ក្សាន្ត ​ខេត្ត​ព្រះ​វិហារ​ ហើយ​បាន​ត្រូវ​របួស​ពិការ​នៅ​ឆ្នាំ១៩៩៧ ​បច្ចុប្បន្ន​លោក​ និង​ភរិយា​រស់​នៅ​ជ្រក​កោន​ផ្ទះ​តូច​ចង្អៀត ​ជា​មួយ​បង​ប្អូន​ហើយ​ប្រកប​មុខ​របរ​នេ​សាទ​ត្រី ​សម្រាប់​ចិញ្ចឹម​គ្រួសារ ​រស់​នៅ​ក្នុង​ជីវ​ភាព​លំបាក​ខ្វះ​ខាត​។​ ឯកឧត្តម ​ឧត្តម​សេនីយ៍​ទោ ​សោម ​ស៊ុន ​មេ​បញ្ជាការ​តំបន់ ​ប្រតិបត្តិការ​សឹក​រង​​កំពង់​ធំ ​និងក្រុមការ​ងារ​សមាគម​អតីត​យុទ្ធ​ជន​កម្ពុជា ​ខេត្ត​កំពង់​ធំ

   នៅ​ក្នុង​ពិធី​ប្រគល់​ផ្ទះ​ជូន​ លោក ឯក លន់, ឯកឧត្តម ​ឧត្តម​សេនីយ៍​ទោ ​សោម ​ស៊ុន ​មេ​បញ្ជាការ​តំបន់ ​ប្រតិបត្តិការ​សឹក​រង​​កំពង់​ធំ ​និងក្រុមការ​ងារ​សមាគម​អតីត​យុទ្ធ​ជន​កម្ពុជា ​ខេត្ត​កំពង់​ធំ​ បាន​ឧបត្ថម្ភ​ជូន​បន្ថែម ​មាន​អង្ករ​៥០​គ.ក ​មី​យើង​២​កេស​ ទឹក​ត្រី​ទឹក​ស៊ីអ៊ីវ​២​យួរ ​មុង​ជ្រលក់​ថ្នាំ​ចំនួន​២ និង​ថវិកា​ចំនួន​ ២១០,០០០​រៀល​ផង​ដែរ​។ អាជ្ញាធរ​ដែន​ដី​ និង​ប្រជាពល​រដ្ឋ ​បាន​ចូល​រួម​អបអរសាទរ​ ចំពោះ​ក្រុម​គ្រួសារ​របស់​លោក ​ឯក​ លន់​ អតីត​យុទ្ធជន​ពិការ​ ដែល​បាន​ទទួលផ្ទះ​ថ្មី​ពី​ សម្តេច​តេជោ​ហ៊ុន ​សែន ​ដែល​សម្តេច​បាន​យក​ចិត្ត​ទុក​ដាក់​មក​លើ ​អតីត​យុទ្ធជន​ គ្រប់​រូប​ដែល​កំពុង​តែ​ជួប​ និង​ការ​លំបាក ​និង​មាន​ជីវភាព​ខ្វះខាត​ ដែល​ត្រូវ​បាន​មើល​ថែ​ទាំពី​សមាគម ​អតីត​យុទ្ធជន​ខេត្ត​កំពង់​ធំ​ជា​ប្រចាំ ​ដែល​បាន​ដឹក​នាំ​ដោយ ​ឯកឧត្តម​ មេ​បញ្ជាការ​តំបន់​ប្រតិបត្តិការ​សឹក​រ​ងកំពង់​ធំ​ ចុះ​ជួយ​ដោះ​ស្រាយ​គ្រប់​ទិស​ទី ​ធ្វើ​ឲ្យ​អតីត​យុទ្ធ​ជន​ក្នុង​ខេត្ត​កំពង់​ធំ ​មិន​អស់​សង្ឃឹម​ចំពោះ​ការ​លះប​ង់​ និង​ការ​ធ្វើ​ពលីកម្ម​របស់​បង​ប្អូន​នា​ពេល​កន្លង​មក ​៕

អត្ថបទថ្មីៗ

សេចក្តីប្រកាស

សារជូនពរ

វីដេអូ