ព័ត៌មាន

ប្រតិភូ​ទី​ក្រុង​កឹន​ថឺ​ វៀត​ណាម ​ជូន​ពរ​ឆ្នាំ​ថ្មី​ប្រពៃ​ណី​ជាតិ​កម្ពុជា​ ជូន​ដល់​កង​ទ័ព​ជើង​គោក​ នៃ​កង​យោធ​ពល​ខេមរ​ភូមិន្ទ​
នាយកដ្ឋានព័ត៌មាន(៣)
100
919 ប្រតិភូ​ទី​ក្រុង​កឹន​ថឺ​ វៀត​ណាម ​ជូន​ពរ​ឆ្នាំ​ថ្មី​ប្រពៃ​ណី​ជាតិ​កម្ពុជា​ ជូន​ដល់​កង​ទ័ព​ជើង​គោក​ នៃ​កង​យោធ​ពល​ខេមរ​ភូមិន្ទ​

     ចូល​រួម​អបអរ​សាទរ​ឆ្នាំ​ថ្មី​ប្រពៃ​ណី​ជាតិ​ខ្មែរ​ ឆ្នាំ​កុរ​ឯក​ស័ក​ ព.ស​២៥៦៣ ​ដែល​នឹង​ឈាន​ចូល​មក​ដល់​នា​ពេល​ខាង​មុខ​នេះ ​គណៈ​ប្រតិភូ​ទី​ក្រុង​កឹន​ថឺ ​ប្រជា​ជន​វៀត​ណាម​ ដឹក​នាំ​​ដោយ​ ឯកឧត្តម ​ឧត្តម​សេនីយ៏​ទោ ​ហ្វាម​ វ៉ាន់​ហៀវ ​លេខា​ធិការ​រង​អចិន្ត្រៃយ៏​ទី​ក្រុង​កឹន​ថឺ​វៀត​ណាម​ ព្រឹក​ថ្ងៃ​ទី​០៥ ខែ​មេសា ​ឆ្នាំ​២០១៩ ​កន្លង​ទៅ​បាន​អញ្ជើញ​ចូល​ជួប​សម្តែង​ការ​គួរ​សម​ និង​ជូន​ពរ​សព្វ​សារ​ធុការ​ឆ្នាំ​ថ្មី​ប្រពៃ​ណី​ជាតិ​កម្ពុជា​ ជូន​ចំពោះ​ ឯកឧត្តម​ប្រាក់​ សុវណ្ណា​ មេ​បញ្ជាការ​រង​កង​ទ័ព​ជើង​គោក ​នាយ​ ពល​ទាហាន​ទូ​ទាំង​កង​ទ័ព​ជើង​គោក ​នៃ​កង​យោធ​ពល​ខេមរ​ភូមិន្ទ​ នៅ​ទី​បញ្ជាការ​កង​ទ័ព​ជើង​គោក​ កន្ទោក​ ខណ្ឌ​ពោធិ​សែន​ជ័យ​ រាជ​ធានី​ភ្នំពេញ​។

     នៅ​ក្នុង​ឱ​កាស​នោះ​ ឯកឧត្តម ​ហ្វាម​ វ៉ាន់​ហៀវ ​បាន​ថ្លែង​អំណរ​គុណ​ចំពោះ​ ឯកឧត្តម ​ប្រាក់​ សុវណ្ណា​ ព្រម​ទាំង​នាយ​ទាហាន​ជាន់​ខ្ពស់​ កង​ទ័ព​ជើង​គោក ​បាន​ឆ្លៀត​ពេល​ទទួល​ជួប​រូប​លោក ​និង​ប្រតិភូ​នា​ពេល​នេះ​។​ លោក​វរសនីយ៏​ឯក​ក៏​បាន​សម្តែង​ការ​អបអរ​សាទរ​ក្នុង​ឱកាស​ នៃ​ទិវា​ចូល​ឆ្នាំ​ថ្មី​ប្រពៃ​ណី​ជាតិ​កម្ពុជា ​និង​ជូន​ចំពោះ​ ឯកឧត្តម​ ប្រាក់​ សុវណ្ណា ​ព្រម​ទាំង​ក្រុម​គ្រួសារ​នាយ​ទាហាន​ នាយ​ទាហាន​រង​ និង​ពល​ទាហាន​កង​ទ័ព​ជើង​គោក ​នៃ​កង​យោធ​ពល​ខេមរ​ភូមិន្ទ ​សូម​ទទួល​បាន​សុខ​ភាព​ល្អ​ក្នុង​ឱកាស​ឆ្នាំ​ថ្មី​នេះ​។​ កឧត្តម ​ហ្វាម​ វ៉ាន់​ហៀវ ​សង្ឃឹម​យ៉ាង​មុត​មាំថា​​៖ ចំណង​សាមគ្គី​ភាព​ មិត្ត​ភាព​ ប្រទេស​បង​ប្អូន​យើង​ទាំង​ពីរ​ គឺ​នៅ​តែ​រក្សា​ចំណង​មិត្ត​ភាព​រឹង​មាំ​គ្មាន​កម្លាំង​ប្រតិ​កិរិយា​ណា​បំបែក​បាន​ឡើ​យ​។

    ​អញ្ជើញ​មាន​ប្រសាសន៏​នៅ​ក្នុង​ឱកាស​នោះ ​ឯកឧត្តម ​ប្រាក់​ សុវណ្ណា​ ក្នង​នាម​ ឯកឧត្តម ឧត្តមសេនីយ៏​ឯក​ ហ៊ុន ​ម៉ា​ណែត ​អគ្គ​មេ​បញ្ចាការ​រ​ង នៃ​កង​យោធ​ពល​ខេមរ​ភូមិន្ទ ​មេ​បញ្ជាការ​កង​ទ័ព​ជើង​គោក ​បាន​សម្តែង​នូវ​បដិ​សណ្ឋារ​កិច្ច​​ស្វារគមន៏​យ៉ាង​កក់​ក្តៅ ​និង​បាន​អបអរ​សាទរ​ចំពោះ​ដំណើរ​ទស្សនកិច្ច​ គណៈ​ប្រតិ​ភូ​អង្គ​ទ័ព​ទី​៤ ​ នៃ​កង​ទ័ព​ប្រជា​ជន​វៀត​ណាម​ លើ​ទឹក​ដី​ នៃ​ព្រះ​រាជាណាចក្រ​កម្ពុជា​លើក​នេះ​ថា​៖ ពិត​ជា​បាន​នាំ​មក​នូវ​ទំនាក់​ទំនង ​កិច្ច​សហប្រតិ​បត្តិការ​ល្អ​ រវាងរដ្ឋា​ភិបាល ​កង​ទ័ព​ ប្រជា​ជន​ប្រទេស​ទាំង​ពីរ​កម្ពុជា-វៀត​ណាម ​ពី​មួយ​ថ្ងៃ​ទៅ​មួយ​ថ្ងៃ​កាន់​តែ​ល្អ​ប្រសើរ​ទ្វេរ​ឡើង​ថែម​ទៀត​។ ឯកឧត្តម ​ប្រាក់ ​សុវណ្ណា ​មាន​ប្រសាសន៏​បន្ត​ទៀត​ថា​៖ ប្រទេស​យើង​ទាំង​ពីរ​ជា​បង​ប្អូន ​មាន​ភូមិ​ផង​របង​ជាប់​គ្នា ​ធ្លាប់​មាន​ប្រវត្តិ​ប្រកៀក​ស្មារ​គ្នា​តស៊ូ​វាយ​កំចាត់​ពួក​បរទេស​ឈ្លាន​ពាន​ទឹក​ដី​។ ​មិន​តែ​ប៉ុណ្ណោះ​គុណ​បំណាច់់​ដែល​ មិន​អាច​បំភ្លេច​បាន​ គឺ​ភាគី​មិត្ត​បាន​ជួយ​រំដោះ​ជីវិត​ ប្រជា​ជន​កម្ពុជា​អោយ​រួច​ផុត​ពីរបប​ប្រល័យ​ពូជ​សាសន៏ ​ប៉ុល​ពត​ ហើយ​បច្ចុប្បន្ន​ភាគី​មិត្ត​នៅ​តែ​​បន្ត​ជួយ​ដល់​ភាគី​កង​យោធ​ពល​ខេមរ​ភូមិន្ទ​ក្នុង​ការ​ពង្រឹង​សមត្ថ​ភាព​ជា​បន្ត​បន្ទាប់​ផង​ដែរ​។ ឯកឧត្តម​ ប្រាក់​ សុវណ្ណា ​ក៏​បាន​ជូន​ពរ​បវរ​មហា​ប្រសើរ​ ជូន​គណៈ​ប្រតិភូ​កង​ទ័ព​ប្រជាជន​វៀត​ណាម ​ក្នុង​ឆ្នាំ​ថ្មី​ឆ្នាំ​កុរ ​ឯក​ស័ក ​ព.ស​២៥៦៣​ ដែល​នឹង​ឈន​ចូល​មក​ដល់​នា​ពេល​ខាង​មុខ​ សូម​ជួប​តែ​សេចក្តី​សុខ​គ្រប់​ប្រការ​ និង​សម្រេច​ជោគ​ជ័យ​រាល់​ភារ​កិច្ច​ ​៕​

អត្ថបទថ្មីៗ

សេចក្តីប្រកាស

សារជូនពរ

វីដេអូ